الفريق العربي للبرمجةأرشيف المنتديات · 2000 – 2023
نسخة أرشيفية للقراءة فقط — التسجيل والمشاركة مغلقان، والمحتوى محفوظ كما كان.

كورسات معهد Iti الخاصة

بدأه sharif_pc في 7 يوليو 2009 · 6 رد · 11,641 مشاهدة · في JavaSE
مشاركة: واتساب X فيسبوك تيليجرام
#1 صاحب الموضوع

السلام عليكم

بالنسبة لمنحة معهد ال

ITI

المجانية فهى غنية عن التعريف ومعروفة بقوتها وجودتها ، وللأسف لم يتح لى فرصة الحصول عليها ، ولكن الذى عرفته قريبا هو ان المعهد يقدم ايضا دورات جافا خاصة

بمصاريف

http://iti.gov.eg/TrainingPrograms/Stateof...ourses/java.htm

فالذى اريد ان اعرف رأى اعضاء المنتدى فيه هو مدى صحة الاعتقادات التالية :-

- أولا هل الكورسات الخاصة ستكون بنفس قوة وجودة المنحة المجانية ؟(المفروض كده طبعا)

- اعتقد ايضا ان معهد

ITI

هو من المراكز القليلة (ان لم يكن الوحيد )الذى تتمتع دوراته بشهرة واسعة وسمعة عالية وموثوقية (بالذات فى الجافا ) بحيث ان وجود دوراته فى السيرة الذاتية الخاصة بالمتدرب كفيل بأن يعطيه تميز يساعده على شغل وظيفة بشكل سريع.

لكن بالمقارنة فهناك العديد من مراكز التدريب الخاصة فى القاهرة والمنصورة التى تعطى دورات جافا ، وقد تكون جيدة ولكن الفكرة هو ان هذه المراكز غير مشهورة ولا تتصف بالموثوقية وبالتالى وجود كورساتها فى السيرة الذاتية لا يعطى اى درجة من التميز .

============================================================

- اخوكم فى الله واخد منحة

- وزارة الاتصالات 9 شهورMCIT

تراك دوت نت العام السابق مباشرة ، وللأسف من ساعة ما خلصت المنحة من 6 شهور لم انجح حتى الآن فى الحصول على وظيفة (أساسا عدد الانترفيوهات اللى اتطلبت فيها لا يزيد عن اصابع اليد الواحدة)، واكيد ده له العديد من الاسباب بس من اهمها ان المنحة دى سمعتها سيئة لأن القائمين عليها لا يهمهم مستوى الخريج عامل ازاى (وده اللى حصل فعلا) ، ومن ادلة ذلك ان كل امتحاناتها الصورية كانت سهلة لدرجة السخافة لان مطلوب ان كل اللى داخلين المنحة ينجحوا ، و شهادة المنحة مجرد انها بتقول ان فلان الفلانى "حضر" عدد ساعات كذا كذا ، مفيهاش اى نوع من التقدير او تحديد فلان الفلانى ده كان اداؤه ايه فى خلال المنحة.

* أحد الزملاء نصحنى بأخذ دورات جافا لأن الجافا عليها طلب جامد الأيام دى ، وان اللى خدته فى الدوت نت حيساعدنى فى فهم الجافا اسرع

تم تعديل هذه المشاركة بواسطة sharif_pc في 7 يوليو 2009 في 14:43

#2

ـ بالنسبة لو حد من اعضاء المنتدى الكرام ناوى ياخد دورة جافا هناك ، (الكلام طبعا على الفرع الرئيسى بالقاهرة فقط ، لأن فرع المنصورة خاص بالمنحة المجانية فقط ومفيهوش دورات خاصة )

ـ فالأسعار حسب ما سألت هناك النهاردة

Programming using C++

Object Oriented Paradigm

Java Programming

Advanced Java Programming

الأربع كورسات دول (مجموعهم 90 ساعة تقريبا ) ب 2250 جنيه

*بصراحة السعر غالى لكن اعتقد ان ده سعر شائع فى المراكز عالية المستوى ان الساعة ب 20 جنيه تقريبا

*فيعنى ممكن نجمع مجموعة من 6 أفراد ونبتدى الكورس

#3

ايه يا جماعة بس ؟ مفيش حد عنده اى تعليق خالص ؟ هو الموضوع مكانه مش مناسب ولا ايه ؟

- هو انا عن نفسى قررت انى ما خدش اى دورات خاصة فى الجافا خالص ، لأن الحمد لله المصادر التعليمية المتاحة لل

self-study

من كتب وفيديوهات ومواقع كتيرة جدا ، وعدد منها رائع جدا ويتفوق على أى دورة خاصة من الدورات اللى بآلافات كتيرة دى

، على العموم ارجو ان اللى قرأ الموضوع يكون استفاد منه

#4

اخي

شكرا جزيلا على المعلومات .. وفعلا انا شايفة انك تتعلم المبادىء من النت وممكن بعدها تاخذ كورس واحد للمتقدم

انا عملت كده

بالتوفيق

#5
sharif_pc كتب:

ـ بالنسبة لو حد من اعضاء المنتدى الكرام ناوى ياخد دورة جافا هناك ، (الكلام طبعا على الفرع الرئيسى بالقاهرة فقط ، لأن فرع المنصورة خاص بالمنحة المجانية فقط ومفيهوش دورات خاصة )

ـ فالأسعار حسب ما سألت هناك النهاردة

Programming using C++

Object Oriented Paradigm

Java Programming

Advanced Java Programming

الأربع كورسات دول (مجموعهم 90 ساعة تقريبا ) ب 2250 جنيه

*بصراحة السعر غالى لكن اعتقد ان ده سعر شائع فى المراكز عالية المستوى ان الساعة ب 20 جنيه تقريبا

*فيعنى ممكن نجمع مجموعة من 6 أفراد ونبتدى الكورس

ألسلام عليكم

انا من مصر / كفر الشيخ

وكنت عايز اخذ دورة c++ لاننى عايز ابرمج برامج

فممكن توقلى اخدها فين وامتى وبكام

او ابعتلى رابط اى مركز تدريب او رقمهم

لاننى بقالى كام شهر بدور على اى مركز يدينى دورات c++

ارجوا الرد فى اقرب وقت

#6

طيب ليه مش تاخدها فى الفرع فى القريه الذكيه

كان عدد ساعات الكورس 180 كورس جافا

هو نفسه اى تى اى وعدد ساعات زياده

ربنا يوفقك وتاخد الكورس ويكون حظك أحسن من حظى

أنا كنت حاجزه نفس الكورس بس لاسف مش كمل لان مش كمل العدد الا بعدها بشهرين

ودايما الى بيكمل بيكون فتره مسائيه لان معظم الى بياخدوا ناس بتشتغل

بس انته بشرتنا جامد انا نفس التراك منحه mcit

تم تعديل هذه المشاركة بواسطة farida omer في 22 يناير 2011 في 17:44

#7

الكورس في فرع السمارت اكيد هيكون اقوى

والمدربين فيه احسن

انا اعرف ناس خدوا كورس جافا في الاي تي اي ايام اما كان في الهرم خاص بردو ما قالوش عنه اي مشاكل

بالتوفيق ان شاء الله

uPM75861.gif

مواضيع مشابهة