الفريق العربي للبرمجةأرشيف المنتديات · 2000 – 2023
نسخة أرشيفية للقراءة فقط — التسجيل والمشاركة مغلقان، والمحتوى محفوظ كما كان.

إنخفاض أسعار الإنترنت

بدأه asm-soft في 6 يونيو 2009 · 46 رد · 4,307 مشاهدة · في الأخبار والنقاشات التقنية
مشاركة: واتساب X فيسبوك تيليجرام
#1 صاحب الموضوع

السلام عليكم ورحمه الله وبركاتة

منذ لحظات و أنا أستمع للراديو سمعت خبر يقول أن المصريه للإتصالات قررت إنخفاض أسعار الإنترنت نظراً للشكاوى الكثيره التى تتكلم عن إرتفاع أسعارها و بمجرد سماعى لهذا الخبر دخلت موقع TEData لأرى الأسعار الجديده فقد أصبحت سرعه 512 بـ 95 جنيه بدل 140 جنيه و 1024 أصبح بـ 140 جنيه و بخصوص السرعات الأعلى فلا أعرف أسعارها القديمه نظراً لأنى لا أعمل عليها :D

أنا أتكلم عن السرعات الغير محدوده و يمكنكم معرفه الأسعار الجديده من هنا

http://www.tedata.net/new/tedata_egypt/ar/...r.aspx?secId=82

forum-signature-01.gif
#2

و بيقولك كمان ان شركة لينك كمان هتطبق الموضوع دة بس بعد لما ياخدو منحة وزارة الإتصالات !

عشان كدة شركة Link منزلين العرض بتاع Free Routers كانو عارفين ان Te Data هتسبقهم بإنخفاض الأسعار

يلا أهو كله لمصلحتنا :D

عموما انا شايف ان مستوى الأسعار دلوقتى بقى حاجة جامدة جدا 140 جنيه سعر الميجا كلام فاضى

النت فى اجهزة الجميع

#3

وعليكم السلام ورحمة الله وبركاته ...

لدينا ايضاً اصبح انخفاض اسعار الأنترنت ملحوظ في السنة الحالية ( لا ادري ما هي الأسباب ) ..

لكن الى درجة ان سعر اي سرعة معينة نزل الى النصف في بعض الشركات ( والطلب في ازدياد ) ..

على العموم اسأل الله ان يبارك لكم فيما عندكم وعندنا ، وان يكفينا شر الشركات وطمعهم ...

لا إله إلا الله محمد رسول الله عليه الصلاة والسلام

سبحانك اللهم وبحمدك اشهد ان لا إله إلا انت استغفرك واتوب اليك

سأتقن الـ ++C و PHP إن شاء الله تعالى ...

جاري العمل على Microsoft Sql Server و MySQL ...
 

#4

انترنت شركات الاتصالات كفودافون هيقضي عليهم كلهم قريبا جدا

#5

ان شاء الله

انا المشكلة تبع لينك الحزينة ولن استفيد من موضوع الروتر لانه عندى

هل تعرف هل سيطبق موضوع الروتر على الى عنده روتر ولا لا

موقع البرنامج

مبارك لشعب تونس photo-thumb-42837.png

#6

انا ربنا مبتليني بوكيل لشركة link نصّــــاب ومحتكر خطوط النت على المركز كلّه :mad: :mad: :mad:

بيطلّع خط الـ256 ابو 95 جنيه بـ115 جنيه :angry2:

والناس اللي في link ياما شكينالهم الوكيل ده بس شكلهم مطروشين على ودانهم ومبيسمعوش

حسبي الله ونعم الوكيل

mov eax, dword ptr ds:[0xffdf0308]

jmp dword ptr [eax+0xfc]

#7
GamingMasteR كتب:
انا ربنا مبتليني بوكيل لشركة link نصّــــاب ومحتكر خطوط النت على المركز كلّه :mad: :mad: :mad:

بيطلّع خط الـ256 ابو 95 جنيه بـ115 جنيه :angry2:

والناس اللي في link ياما شكينالهم الوكيل ده بس شكلهم مطروشين على ودانهم ومبيسمعوش

حسبي الله ونعم الوكيل

أتصل بالجهاز القومى لتنظيم الإتصالات على رقم 155 و أشتكى فيه بكل حاجه

أما بخصوص السرعه الأن فأعتقد أنهم خفضم السعر على حساب السرعه فأحس الأن أن السرعه مخنوقة :huh:

forum-signature-01.gif
#8

طب والاخت EgyNet مفيش اخبار امتى حتنزل الاسعار

#Ftp#...Fully Managed_Ftp_Client in C#
#9

عشان تعرفو النعمه التي انتم فيها

http://yemen.net.ye/index.php?q=leasedlinepric

الحمد لله الذي هدانا لهذا وماكنا لنهتدي لولا ان هدانا الله

#10

ياههههههههههههههههههههههههههههه

أخيرا

بجد خبر جااااااااامد موت

أنا كنت موقف الخط بتاعى و كان 512 أبو 140 الوقت هرجعه تانى إن شاء الله و هجيب برده أبو 140 :lol:

لا إله إلا الله محمد رسول الله

アッラー以外に神はなし。ムハンマドはアッラーの使徒である

#11

طلبت رفع سرعه النت إلى واحد ميجا و سيتم رفعها على يوم الثلاثاء إن شاء الله

forum-signature-01.gif
#13

سمعت ان السرعة هي اللي هترفع ، يعني اللي شغال على 256 هيتحول تلقائي لـ512 بنفس السعر لـ256 ، و خط الـ512 هيترفع لميجا وهكذا ...

لكن الظاهر عندي ان السرعة اصبحت زبالة جدا اسوأ من الأول :mad:

هل من جديد يا asm ؟

mov eax, dword ptr ds:[0xffdf0308]

jmp dword ptr [eax+0xfc]

#14
اقتباس
سمعت ان السرعة هي اللي هترفع ، يعني اللي شغال على 256 هيتحول تلقائي لـ512 بنفس السعر لـ256 ، و خط الـ512 هيترفع لميجا وهكذا ...

السرعه هى التى زادت أو السعر هو إللى إنخفض فكلها محصله بعضها و بخصوص 256 فقد تم إلغاءه من السرعه غير المحدوده الترافيك

اقتباس
هل من جديد يا asm ؟

فى عام 3600 ستقرر المصريه للإتصالات أن يتفقو على إجراء إجتماع لمناقشه هل من الممكن خفض سرعه 24 ميجا أم لا و فى عام 6200 سيتم عقد إجتماع طارء فى مجلس الشعب لمناقشه دخول سرعه 100 ميجا و المتأكد منه إن فى عام 14620 سيتم إدخال سرعه واحد جيجا و الله أعلم

forum-signature-01.gif
#15

بسم الله الرحمن الرحيم

أنا مشترك بشركة تى داتا عن طريق موزع بدفع 130 جنيه على سرعة 256 شوفوا الاستغلال و لما أشتكيت للشركة قالوا احنا بنعطى له السعر و هو من حقه يعطى لك السعر اللى يريده و تعبت من كتر الشكاوى بالرغم من أنى الموزع واخد تخفيض على اسعار الخطوط من الشركة حتى يتسنى له المكسب و بالرغم من هذا يأخذ منى 130 جنيها و تكلمت مع الموزع كثيرا و قال لى ما أقدر أخفض السعر أنا معايا شركاه

و ما فيش أى جهة أشتكى اليها تحمينا من الاستغلال .

حسبى الله و نعم الوكيل

تم تعديل هذه المشاركة بواسطة أحمد خميس راشد في 8 يونيو 2009 في 23:41

أحمد خميس راشد

جمهورية مصر العربية

Bibo_spider@hotmail.com

#16
اقتباس
أنا مشترك بشركة تى داتا عن طريق موزع بدفع 130 جنيه على سرعة 256 شوفوا الاستغلال و لما أشتكيت للشركة قالوا احنا بنعطى له السعر و هو من حقه يعطى لك السعر اللى يريده و تعبت من كتر الشكاوى بالرغم من أنى الموزع واخد تخفيض على اسعار الخطوط من الشركة حتى يتسنى له المكسب و بالرغم من هذا يأخذ منى 130 جنيها و تكلمت مع الموزع كثيرا و قال لى ما أقدر أخفض السعر أنا معايا شركاه

و ما فيش أى جهة أشتكى اليها تحمينا من الاستغلال .

قولنا أتصل بالجهاز القومى لتنظيم الإتصالات على رقم 155 و أشتكى فيه و لو معاك وصل منه يبقى ممكن تطلع عينه

تم تعديل هذه المشاركة بواسطة asm-soft في 8 يونيو 2009 في 23:57

forum-signature-01.gif
#17

انت متأكد من الحوار ده ولا هوجع دماغي وفي الاخر مفيش فايدة زي كل حاجة في البلد دي ؟؟

mov eax, dword ptr ds:[0xffdf0308]

jmp dword ptr [eax+0xfc]

#18
اقتباس
انت متأكد من الحوار ده ولا هوجع دماغي وفي الاخر مفيش فايدة زي كل حاجة في البلد دي ؟؟

فى أصدقاء لى عملوها و بيقولو جابت فايده و بالنسبة لى معملتهاش قبل كده لأنى واخد من شركه محترمة غير إنى عملتها مره واحده وذلك بتهديد واحد كنت واخد منه خط لعميل لى و قولتله إنى هشتكيك فى 155 و بعد ساعه واحده من تهديدى لقيته ظبط كل حاجه لأنى عرفت إن أقل حاجه بيعملوها هو سحب الترخيص و تغريمه مبلغ كبير.

جرب و مشهتخسر حاجه غير إنهم لو معملوش حاجه يبقى انت إللى هتشوف العذاب و الويل منه :lol:

تم تعديل هذه المشاركة بواسطة asm-soft في 9 يونيو 2009 في 02:13

forum-signature-01.gif
#19
اقتباس
جرب و مشهتخسر حاجه غير إنهم لو معملوش حاجه يبقى انت إللى هتشوف العذاب و الويل منه

آخرها ايه يعني ؟ حتخانق معاه وهرميه قدّام القطر :P

تم تعديل هذه المشاركة بواسطة GamingMasteR في 9 يونيو 2009 في 02:03

mov eax, dword ptr ds:[0xffdf0308]

jmp dword ptr [eax+0xfc]

#20

لغوا سرعة 256 وكمان ضعفو كل السرعات

والكلام ده فى كل الشركات عشان ده كلام الجهاز القومى لتنظيم الإتصالات وهو المتحكم

واحتمال على 2010 تكون بقيت الكبلات الجديدة بتاع المصرية وارسكوم تشتغل

هينزلوا الاسعار كمان

وgm اتصل وهيعملوا معه الواجب

انا مشترك تابع مجلس الشعب محدش يقدر يقلى 1/3 ال3 كام

تم تعديل هذه المشاركة بواسطة bo0oda في 9 يونيو 2009 في 03:06

With method and logic one can accomplish anything.

— Agatha Christie, Poirot Investigates, 1924

مدونتى

#21
اقتباس
والكلام ده فى كل الشركات عشان ده كلام الجهاز القومى لتنظيم الإتصالات وهو المتحكم

هل من اخبار مؤكده ان egynet وصلها هذا الموضوع ؟

وماذا عن احوال ال 256 حاليا هل الرفع automatic ولا لازم تدخل يدوى :D

#Ftp#...Fully Managed_Ftp_Client in C#
#22
اقتباس
هل من اخبار مؤكده ان egynet وصلها هذا الموضوع ؟

لا أعلم شئ عن هذه الشركه التعبانه ..... أنا مشعارف إزاى انت مستحملها :unsure:

اقتباس
وماذا عن احوال ال 256 حاليا هل الرفع automatic ولا لازم تدخل يدوى

يقال أنا سترفع أوتوماتيكى و لكن سيأخذ ثلاث أيام تقريباً و أنصحك لا تعتمد على هذا فأتصل بالموزع و هاتله صداع من كثرة الإتصالات و الزنننننننننننننننننننن :D

يا راجل ده إذا ربطو دومين من فئه .com.eg مثلاً بـ WWW فمبيعرفوش يربطوه من غيرها و بكده يبقى أمامك إختيار من إثنين يا إما يربط بها أو بدونها و بعد ده تيجى انت و تقول أوتوامتيكى :haha:

forum-signature-01.gif
#23
اقتباس
أشاد الدكتور طارق كامل وزير الاتصالات وتكنولوجيا المعلومات بمبادرات شركات الانترنت لاتاحة الانترنت فائق السرعة "إيه دى إس إل" بأسعار وسرعات تنافسية متميزة.

وأشار كامل الى أن الوزارة كانت أعلنت فى مايو الماضى عن عزمها اعادة هيكلة مبادرة الانترنت فائق السرعة التى كانت طرحتها عام 2007 حتى تتوافق مع السرعات المعترف بها دوليا والتى لا تقل عن واحد ميجا وبأسعار مخفضة لكى تكون فى متناول جميع فئات المجتمع.

وأوضح أن هذه الخطوة من جانب الشركات تأتى استجابة سريعة منها لاهداف مبادرة الوزارة التى كانت ستبدأ تفعيلها أول يوليو القادم ، وتهدف من خلالها تحويل السرعات المنخفضة الى الانترنت عريض النطاق "برودباند" بسرعات تبدأ بواحد ميجا لتشجيع المستخدمين على الاستفادة من التطبيقات الحديثة على الانترنت والتى تتطلب سرعات عالية.

www.masrawy.com/News/Egypt/Economy/2009/june/8/DSL.aspx

With method and logic one can accomplish anything.

— Agatha Christie, Poirot Investigates, 1924

مدونتى

#24

واحد ميجا ده كدة قشطة قوي :D

mov eax, dword ptr ds:[0xffdf0308]

jmp dword ptr [eax+0xfc]

#25

إترفعت السرعه عندى إلى واحد ميجا

forum-signature-01.gif

مواضيع مشابهة