نفسى حد يجاوب على أسئلتى

السلام عليكم و رحمة الله و بركاته

خير أن شاء الله مفيش أحد رد على الموضوع و أسئلتى

هو منتدى عرب تيم 2000 ليس بها أحدا يعلم شىء فى الأوراكل سبحان الله !!!!!!!!!!!!!!!!!!

غريبة ده

السلام عليكم و رحمة الله و بركاته

أخوانى الأعزاء

أنا كنت عايز حد يجاوبنى عن أستفساراتى و أسئلتى لكن ما وجدت منك أجابة

السلام عليكــم ورحمـة الله وبركاتــه ،،

طبعا اخى الفاضل انا اسف انى الرد اتاخر جدا للدرجه دى واتمنى من الله انك تكون قدرت تلاقى اجابات لاسئلتك بدرى عن كده

وان لم يكن فاليك بعض الاجابات من مشاركة منقولة كنت مشارك فيها من فترة فيها بعض الاجابات لعل وعسى

ويارب اقدر افيدك فى اى سؤال من اسئلتك

بالنسبة لمجال الأوراكل فهو يعتبر اقوى برنامج تطوير وإدارة قواعد بيانات على مستوى العالم وهو مطلوب جداً سواء داخل او خارج مصر خاصة فى الدول العربية ...........

بالنسبة لجزئية الشهادات العالمية ... فهناك شهادتين هما الأشهر من Oracle الا وهما :

1- OCP Developer

وهى اختصار لـ Oracle Certified Professional - Developer

وهى تتكون من اربع اقسام فى الدراسة وثلاثة امتحانات

اقسام الدراسة وهى:

SQL - PL/SQL - Forms - Reports

اما الامتحانات فهى:

SQL - PL/SQL - Forms

لما تخلص الـ SQL والـ PL/SQL تحصل على شهادة الـ OCA او الـ Oracle Certified Associate

وبعد الإنتهاء من امتحان الـ Forms تحصل على شهادة الـ OCP - Developer

وهذه الشهادة يمكنك دراستها ذاتياً والتقدم للامتحان وسعر الإمتحان تقريباً 100 دولار امريكى

نأتى لجزئية سوق العمل ومتطلباته:

حتى تتمكن من العمل كـ Developer محتاج شوية Tools علشان تساعدك على العمل ... فطبعاً انت محتاج خبرة هاتقولى انا لسة متخرج جديد .. هاقولك انت ممكن تدى لنفسك الخبرة المقبولة كخريج جديد ... ازاى ... هاقولك عندك كتب Oracle University مليان بالأمثلة والحلول والحالات العملية الكثيرة جداً التى يمكن ان تضعك على اول الطريق ....... بعد كده محتاج تعرف شوية Java وديه ممكن تكون فى مرحلة متقدمة لما تبدأ تضع رجلك فى اول الطريق العملى .... كذلك محتاج تعرف Application Server ...... محتاج ايضاً قبل كل هذا انك يكون عندك فكرة كويسة بتحليل وتصميم النظم ..... ديه فكرة مبسطة عن جزئية الـ Developer .....

2- OCP - Administrator or DBA

وهى اختصار لـ Oracle Certified Professional - Administrator

وهى تتكون من قسمين :

1- Workshop 01

2- Workshop 02

وكل واحد منهم ليه امتحان ..... الأول بيديلك شهادة الـ OCA والثانى بيديلك شهادة الـ OCP

ودول انت مطالب انك تاخد الكورس فى احد المراكز المعتمدة علشان الشهادة بتتطلب شهادة حضور وانصراف من المركز اللى انت اخذت الكورس تبعه

بالنسبة لمجال العمل فى جزء الـ DBA او الـ Database Administrator فهو طبعاً فرص العمل فيه بتكون اصعب من الـ Developer وده لأن الشركة مثلاً اللى عندها نظام Oracle لو بتكون محتاجة مثلاً لـ 10 DEV فهى ممكن تحتاج لـ 1 DBA يكون مسؤل عن إدارة الـ DB اللى موجودة

وعلشان تقدر تشتغل كـ DBA هالحال كما فى الـ DEV فأنت محتاج لبعض الـ Tools اللى تساعدك عل الحصول على موقع مميز بشركة مميزة وكذلك راتب كويس ( مع العلم ان رواتب الـ DBAs بتكون اعلى من رواتب الـ DEVs) فأنت بحاجة لتعلم :

UNIX كـ Operating system إضافى .. حيث ان الشركات التى لديها Oracle DB غالباً لاتضعها تحت Windows علشان الـ Security طبعاً

Application Server

Data Guard

الكلام ده من وجهة نظرى الخاصة ....... اكيد ممكن يكون كل الكلام مش صائب بنسبة 100% حيث انها وجهة نظر من خلال إطلاعى وقرآتى وخبرتى المتواضعة جداً

بالنسبة لجزئية الـ Interview يمكنك مراجعة المنتديات التالية فهما متخصصان فى Oracle ولهما فضل كبير علىّ بعد الله سبحانه وتعالى وستجد فيهما مواضيع مختصة بأسئلة الـ IV الخاصة بالعمل سواء كـ Dev او DBA

شبكة مستخدمى أوراكل العربية

www.araboug.org

شبكة محترفى أوراكل العربية

www.arabopn.com

وفى النهاية لا يسعنى سوى الدعاء لك بالتوفيق واسأل الله ان اكون قد وفقت فى توصيل ولو جزء بسيط من المعلومات عن استفساراتك عن oracle

يارب اكون قدرت افيدك