السلام عليكــم ورحمـة الله وبركاتــه
هذه أول مشاركة لي بالمنتدى وبما أنني عضو جديد أبي مساعدتك يا أخوان
الموضوع باختصار اني قاعد أسوي قاعدة بيانات لمادة دراسية بالمرحلة الثانوية بس مو عارف اشلون أرتب أفكاري من حيث الجداول مع العلم اني ملم بأمور كثيرة عن قواعد البيانات بس هالمرة وقفتني مشكلة الترتيب
أول شي أنا ابي أسوي بيانات عن الطالب وتشتمل على رقم الطالب واسم الطالب واسم الشعبة
يعني عندي أعداد من الطلاب وكل مجموعة في شعبة
ثانيا ابي أسوي لهم نظام حضور وغياب
ثالثا ابي أسوي نظام الدرجات بحيث اني لما أروح على الشعبة الفلانية تضهر لي درجات جميع الطلاب بالتفصيل حسب التقسيم اللي راح أسويه لهم
معذرة على الاطالة بس حاب أستفيد صح
نفس الموضوع بالنسبة للحضور والغياب ابي لما أختار الشعبة يطلع لي خانات الحضور والغياب لكل طلاب الشعبة
اللي أطلبه هو بس تخطيط للجداول يعني اشلون أوضع هذي المعطيات وأقسمها على الجداول وأعمل العلاقات بينهم بس أما الأمور الثانية راح أعملها وأجرب فيها لوحدي
وهذي البداية وبعد ما أحصل على الرد راح أشوف شنو الصعوبات اللي راح تواجهني واذا ما كان في صعوبات راح أرفع لكم البرنامج بعد ما أخلص منه عشان الكل يستفيد ولو اني أعتقد انكم هني أهل الخبرة بس ممكن أفيد بشي ولو صغير
تحياتي للجميع وأتمنى الردود بأسرع وقت