السلام عليكــم ورحمـة الله وبركاتــه
هذه اول مشاركة لى واتمنى الا تكون الاخيرة
اولا اعرفكم بنفسى
مهندس الكترونيات زى الاف المهندسين العرب
لكن
رافض ان اكون مجرد
مستخدم -او مقلد -او حتى مبتكر شى تافه واسميه اختراع
اعمل فى شركة لخدمات النفط حيث نستخدم اجهزة لقياس الضغوط فى الابار
بصراحة طول فترة عملى فى مصر لم افكر اطور اى شئ كل همى كان المرتب والبيت والزواج حتى سافرت الخارج بفضل الله للعمل فى شركة اخرى فى نفس المجال
المهم مش حطول عليكم نتيجة للفراغ معظم الوقت والحالة المادية اصبحت افضل استغليت وقتى للتعلم لغة برمجة بيسك دوت نت وبدات اعمل برنامج يساعدنى فى عمل التقارير وفى نفس الوقت بدات اتعلم ميكروكونترول ميكروشب ومن نفس البرنامج اتحكم فى الدايرة الخارجية واضفت فلاش ميمورى وسينسور ومحول خطى لرقمى وبدات اتطلع لعمل جهاز مشابه لما نستخدمه
وبعد ثلاث سنوات اصبح البرنامج افضل من البرامج الاصلية بمراحل وبشهادة اصحابها حتى عرضوا على شرائه والان اضع المسات النهائية
للجهاز وبدات تجربته مع شركتى القديمة فى مصر واللى فرحوا جدا بأدائه
عارفين ليه
لان كل اجهزة النفط اوربية وامريكية فقط حتى لا يوجد صينى
اعتقد انى اضع البداية وان لم اصل فسوف يصل احد غيرى
لان الموضوع طويل
الان اريد ان افيد احد غيرى من المسلمين لعل الله يرحمنى به
لذلك اعلن من يريد التحدى معى
من يريد التقدم
من يريد ان ينتج شئ حقيقى
من يرفض ان يكون مستخدم او مخترع تافه
المجالات عديدة للتحدى
كل واحد فى مجاله
يحاول ابتكار الاجهزة الاساسية التى يستخدمها
مثل الماكينات والالات
لان ده الاساس
ايه الفايدة من دايرة تحكم او تكبير
نريد الجهاز كامل
عارف المطلوب صعب
لكن بعد تجربتى مش مستحيل
المطلوب
العمل فى مجموعات
مجموعة ادارة وتوزيع مهام وتخطيط وايجاد افكار
مجموعة برمجة سوفت مع الالمام بالهارد
مجموعة تصميم الهارد بلغة الالة او السى
مجموعة رسم دوائر
مجموعة تصميم ميكانيكى
مجموعة تسويق
مجموعة صيانة وتجميع
مجموعة دعم فنى ومادى
رجاء كل من يهتم بهذه الفكرة يراسلنى
