استفسار بخصوص برنامج لارسال رسائل للموبيل

السلام عليكم

والله يا شباب ليه استفسار من السادة المشرفين والاعضاء ؛ ولكن اسمحوا لي ان اشرح تجربتي بخصوص الاستفسار

انا عندي عملاء تقريبا 1800 واريد ارسال رسائل لكل العملاء مرة واحده رسائل من الموبيل

اشتريت من فودافون Data sim واشتريت كمان data card علشان اقدر ابعت منه

وفي فعلا برنامج مصمم من شركة فودافون لارسال الرسائل علي الرابط ده لللي عايز يراجعه

https://www.vodafone.com.eg/db/docs/Setup-9.2.4.7868.zip المساحة 77MB

جميل لحد كده

طيب : المشكلة اللي موجوده في السوفت وير اللي موجود مع فودافون انه لو انت بتبعت في موقفي 1800 مسج وكان مثلا الرقم اللي ترتيبه 125 مش مضبوط

او رقم غلط ؛ او صاحب الخط قفل الخط ؛ مش بيرضي يكمل ارسال الرسائل وكمان مش بيقولي فين الرقم الغلط او الرقم اللي يجب عليه مسحه

جميل كده

روحت دورت علي برنامج تاني لاسال الرسائل ؛؛؛ والحمد لله لقيت كتير قوي موجود وكلها برامج في غاية البساطه جدا ولكن للاسف مافيش اي واحد منهم مجاني كلهم بفلوس

وان كان افضل البرامج اللي لقيتها هو البرنامج ده :

http://www.smscaster.com/

من هنا سئلت نفسي ايه الصعوبة في تصميم برنامج من امثال البرامج دي بالاكسيس

لان انا وجه نظري في الموضوع انها سهله ؛ والموضوع مش صعب ؛

بس للاسف انا مش عارف منين ابدأ :D

ياتري التصور اللي انا فيه صح ولا غلط ؛؛ يعني مثلا ممكن يتعمل ده بالاكسيس ( علي فكرة انا من اكتر الناس اللي مقتنعين جدا ان مافيش حاجة متتعملش بالاكسيس )

خصوصا ان الموضوع يخص الداتا بيز !!!!!

والله حابب اسمع رايكم في الموضوع ده اذا تكرمتم

ملحوظة مهمه جدا : مش شرط انه يكون عندك data sim و data card لا حضرتك ممكن تجرب عن طريق توصيل الموبيل بالكمبيوتر من خلال الكابل عادي والخط العادي

وارسال رسائل

مشكورين مقدما