السلام عليكــم ورحمـة الله وبركاتــه
الإخوة الأفاضل أعضاء الفريق العربي للبرمجة
الحقيقة انا محتاج اشتري جهاز لابتوب بس يكون مستعمل لأن الجديد سعره غالي عليا شوية
انا نزلت المول بتاع الخليفة المأمون في روكسي وكوين سنتر والسخاوي وسألت لقيت اجهزة كتير وبمواصفات كتير وماركات كتير وأسعار كتير من ضمن اللي لقيته من الاجهزة على ما اتذكر المواصفات دي :
- لابتوب DELL بروسيسيور 2.4 جيجا / الرامات 256 / الهارد 30 جيجا / وايرلس / DVD-COMBO
ده سعرة 1700 جنيه
- لابتوب HP بروسيسور 1.6 جيجا / رامات 512 / هارد 40 جيجا / للأسف مفيش وايرلس / DVD-COMBO
سعره 1800 جنيه
بصراحة انا مش بفهم في اللابتوب وخايف ينضحك عليا سواء في السعر ، او المواصفات تكون متبدله
الاستفسارات بقى :
1- هل الاسعار اللي فوق دي مبالغ فيها وللا دي اسعار مناسبه للمواصفات دي؟
2- أنا هشتغل على اللاب ده شغل برمجه وديفيلوبر وكده فممكن أنزل عليه برامج زي
Visual Basic 6 , Visual Basic.net , Crystal Report وممكن كمانSQL Server 2000
فهل الأجهزة اللي فاتت دي مواصفاتها مناسبة للشغل اللي بتكلم عنه ده؟
3- إيه هو الحد الأدنى للمواصفات المطلوبة في اللابتوب عشان تشغل البرامج دي ؟
وأخيراً لو حد يعرف شركة أو مكان أو مول فيه شركات بتبيع لابتوب مستعمل بأسعار كويسة (مش سفاحين يعني) وبحالة كويسة يا ريت يدلني عليهم
وبلاش فتاوى الله يكرمكم .. يعني اللي ميعرفش ميقولش حاجة ربنا يكرمكم.
وأتمنى الاهتمام يا ساده
شكراً جداً للجميع