ماهو Codeتغير الغه للواجهات

السلام عليكم

أختي الطريقة كالتالي:

بعد ما تصممي الفورمة نفترض مثلا إنك صممتيها إنجليش

فيه خاصية بالنسبة للفورمة اسمها Language غيري الخاصية دي للغة اللي انتي عاوزاها حتى إنك ممكن تفصيلها أكثر يعني مثلا

Arabic (Egypt)

وممكن برضه تختاري Arabic بس

المهم بعد ما تختاري اللغة روحي لكل عنصر من العناصر وغيري الخصائص بتاعته يعني مثلا الـ Text بتاع الـ Label اكتبيه بالعربي بدل من الإنجليش

طبعا ما تنسيش أول حاجة بالنسبة للعربي تغيري الخاصيتين RightToLeft و RightToLeftLayout

وهكذا عايزة تضيفي لغة تالتة هتحولي الخاصية Language للغة وتحددي العناصر وتغيري الـ Text بتاعها

وبإمكانك أيضا إنك تغيري المكان يعني مثلا لو عاوزة عنصر معين يكون فوق في العربي وفي الإنجليش مثلا يكون تحت ممكن برضه

وأي خاصية ممكن تغيريها وتكون هي بس في اللغة دي

المهم بعد ما تظبطي الخصائص

الكود بتاع تغيير اللغة:

System.Threading.Thread.CurrentThread.CurrentUICulture =  new System.Globalization.CultureInfo("ar");

وده للغة Arabic

أو

System.Threading.Thread.CurrentThread.CurrentUICulture =  new System.Globalization.CultureInfo("ar-eg");

للغة Arabic (English)

أو

System.Threading.Thread.CurrentThread.CurrentUICulture =  new System.Globalization.CultureInfo("fr-fr");

للغة French (France)

طبعا اللغة الأساسية هي (Default) هتلاقيها في الخاصية Language

ودي بتكون اللغة الأساسية اللي بيتعامل بيها البرنامج يعني اللي هيفتح عليها لو ما كتبتيش أي سطر من السطور اللي فاتت

ملاحظة:

السطور دي لازم تكون قبل ما الفورمة ما تظهر

يعني مثلا ممكن نسجل في قاعدة بيانات أو في خيارات البرنامج اللغة اللي اليوزر عاوزها وأول ما يفتح البرنامج في كود Main قبل كود إظهار الفورمة نكتب سطر من السطور اللي فاتت

ده طبعا ملخص ملخص ملخص ملخص الموضوع بتاع اللغة

لو عاوزة تعرفي أكتر اعملي سيرش على النت على موضوع

Localization وموضوع Globalization

موضوع Localization يعني هو اللي احنا فيه يعني اختيار اللغة يعني بنحدد الخصائص للغة معينة

الموضوع التاني Globalization وهو عكس الأول وهو اننا نظهر بيانات لليوزر مش مرتبطة بلغة معينة يعني مثلا في America التاريخ بيكون الشهر الأول بعكس عندنا احنا ودي فايدة الموضوع ده إننا بنصمم برنامجنا علشان ما يكونش مرتبط مثلا باليوزرز بتوع America بس أو العرب مثلا بس وهكذا.

وأيضا ياريت تتابعيني على البلوج بتاعي:

http://m-elsheimy.spaces.live.com

كل فترة -مش محددة- بيكون فيه دروس وشوية Tips & Tricks للـ .NET.