السلام عليكم
قد يكون محتوى الموضوع ليس جديدا ومعروف لدى معظم الناس ، لكن اسمحولى اكتب الكلمتين دول بتعبيرى الخاص لعل حد من أخواننا اللى داخلين مجال البرمجة جديد يستفيدوا بيه . فأنا متدرب فى احدى منح وزارة الاتصالات المزعومة ، والمفروض اننا فى نهاية المنحة بنكون خلصنا خمس امتحانات دولية فى ال
dotNET 2.0 (C# 2005)
بنحصل بيها على شهادتين (المفروض انهم شهادتين كبار فى مجال البرمجة)وهما
MCPD (Windows applications)+MCPD (Web applications)
وخلصنا حتى الآن 3 امتحانات خدنا بيهم الشهادة الأولى ، لكن كيف اجتاز الشباب هذه الامتحانات ؟ ببساطة جدا الناس بتجيب احد مصادر ال
testking or actualtests or pass4sure
والمصدر يكون تاريخه قريب (قريب هنا معناه انه لا يزيد عن 6 شهور) ، والمصدر الجميل ده بيكون فى المتوسط 80 سؤال (بينما الامتحان نفسه 40 سؤال) ، وببساطة جدا برضه الناس "بتنقش" أى كلمة مميزة من السؤال مع أى كلمة مميزة من الأجابة الصحيحة (من غير ما تحتاج حتى مجرد قراءة السؤال بالكامل ولا حتى قراءة الأجابة بالكامل )، والناس بتدخل الامتحان على كده ومش بينجحوا بس دول بيجيبوا الألف من ألف ، لأن ببساطة جدا برضه الأسئلة فعلا ما بتخرجش عن ال 80 سؤال دول بالملى (ولا حتى مجرد ترتيب الاجابات فى السؤال الواحد بيتغير، بالملى يعنى بالملى) ،وبكده فيه ناس كتير ببساطة جدا بتاخد "أكبر" شهادات ميكروسوفت الدولية من غير ما تكون بتفقه الألف من كوز الدرة فى البرمجة .
===================================
* ييجى واحد يقوللى "طب ما دى حاجة كويسة ، ونستغلها وناخد أكبر كم ممكن من الشهادات الفشنك دى "، أقوله انت كده بتضيع وقتك وفلوسك وبتنصب على نفسك ، وياريت توفر وقتك وفلوسك ومجهودك لتعلم البرمجة الحقيقية من خلال مركز نضيف يكون بيدرس فيه انستركتورز كويسين خبراء(والمراكز اللى بالوصف ده قليلة ، لكن ممكن تعرفها من خلال سؤال الناس اللى خدت فيها دورات قبل كده ، وتحديدا اسأل على اسم الانستركتور نفسه وليس اسم المركز ، لأن المركز مجرد انه بيوفر القاعات والأجهزة ، لكن الانستركتور الخبرة هو اللى بيدى قيمة للكورس ، يعنى الصح تقول انا خدت كورس كذا مع الباشمهندس الفلانى اللى عنده خبرة كبيرة وشرح جيد ) ، أو البديل انك تتعلم
self-learning
من خلال الفيديوهات والكتب .واللى أعرفه ان معظم الشركات بقت نتيجة لكده بتعمل امتحانات عملية/تحريرية/شفوية لأى
متقدم ، عشان يضمنوا انه يكون حتى عارف مجرد أبسط الأساسيات فى البرمجة
