بسم الله الرحمن الرحيم
السلام عليكم ورحمة الله وبركاته
نكمل مع بعض باذن الله الطريق نحو التعرف على تقنية البرمجة بدون كود
PWCT = Programming Without Coding Technology
الدرس الى فات (الدرس الاول) اتعرفنا فيه على طريقة عمل اول برنامج لينا والى بيكون
عبارة عن برنامج بسيط بيعرض رسالة Hello World على الشاشة وناخذ بالنا ان الرسالة
كانت باللون الابيض (لون الكتابة) وكان الشاشة لونها اسود (لون الخلفية)
المرة دى نتقدم خطوة للامام ونقوم بعملية اختيار الون تناسبنا اكثر
وليكن مثلا اللون الابيض للكتابة واللون الازرق للخلفية (نوع من التغيير - بعيدا عن الشاشة السوداء شوية)
طبعا احنا لسه شغالين Console Application يعنى البرامج الى بتكون واجهة المستخدم User Interface فيها عبارة عن واجهة نصية Text وتماما زى معظم برامج نظام الدوس DOS القديم الى كان منتشر قبل نظام الويندوز Windows الى كلنا عارفينه وبنشتغل عليه دلوقتى.
فى الشاشة النصية بيكون عدد الالوان المتاح لينا 16 لون بس والالوان دى هى
Black
Blue
Green
Cyan
Red
Magenta
Brown
White
Gray
Bright Blue
Bright Green
Bright Cyan
Bright Red
Bright Magenta
Yellow
Bright White
واحنا عشان نحدد الالوان الى احنا عايزنها
بنقوم بعملية تفاعل Interaction باستخدام مكون Component بيولد لنا خطوة Step بتقوم بتحديد اللون الخاص بالكتابة واللون الخاص بالخلفية
المكون ده اسمه Set Color وبيكون موجود فى المجال Console Application
يبقى احنا هنشغل تقنية البرمجة بدون كود
ونعمل مشروع جديد من النوع Console Application Without Coding
وبعدين نفتح مصمم الاهداف Goal Designer
ونحدد الخطوة الاولى The First Step
وبعدين نختار عملية التفاعل Interact
تماما زى الدرس الى فات ولكن المرة دى هنختار المكون Set Color كما فى الشكل التالى
وطبعا بعد اختيار المكون المطلوب بيتم تشغيل هذا المكون.
وهنا بننتقل الى مرحلة اخرى وهى مرحلة التفاعل مع المكون ده.
والمكونات نوعين نوع اسمه (خادم) Server ونوع تانى اسمه (ناقل) Transporter
الى يهمنى دلوقتى ان كل المكونات الى هنتعامل معاها من النوع الناقل Transporter وسميت بالاسم ده لانها بتنقل رغبتنا (الى بنحددها من خلال ادخال بيانات بتوصف مانريده) من عالم البرمجة بدون كود الى عالم الكود.
وبنلاحظ فى الشكل السابق امكانية اختيار الالوان الخاصة بينا والى هى مقسمة الى 3 مجموعات
1- المجموعة الاولى Standard ودى فيها لون الكتابة ولون الخلفية المستخدمين لاى نص
عادى يتم طباعته على الشاشة.
2 - المجموعة الثانية Enhanced ودى بتحدد لون الكتابة ولون الخلفية المستخدمين لشريط القوائم
(لما نقوم بعمل قائمة من مجموعة من الاختيارات ويكون هناك شريط يميز الاختيار المحدد فان هذه المجموعة تحدد لون الكتابة ولون الخلفية لهذا الشريط الذى ينتقل بالاسهم بين عناصر القائمة)
مثلا - قائمة Start فى Windows فيها قائمة تستخدم الشريط المتحرك ولهذا الشريط طبعا لون خاص بيه حتى نراه ونميز الاختيار المحدد عن بقية الاختيارات الاخرى.
وايضا هذه الالوان تحدد لون الكتابة ولون الخلفية لمربعات الادخال التى يتم فيها استقبال بيانات من المستخدم عن طريق لوحة المفاتيح.
3 - المجموعة الثالثة Unselected بتحدد لون الكتابة ولون الخلفية لمربع الادخال الغير نشط
بمعنى لو عندى مثلا ثلاثة من مربعات الادخال وليكن احدها للاسم والاخر للعنوان والثالث للتليفون وكان البرنامج يقف عند مربع الادخال الخاص بالاسم فانه فى هذه الحالة تكون الالوان
الخاصة بكل من العنوان والتليفون هى الالوان المحددة من خلال هذه المجموعة.
والان بعد تحديد الالوان وانتهاء عملية التفاعل يتم توليد خطوة اختيار اللون بشكل تلقائى
والان نقوم بالتفاعل مرة اخرى لتوليد خطوة تقوم بمسح الشاشة
ومن ثم تكون خلفية الشاشة هى اللون الذى تم اختياره للخلفية (اللون الازرق)
وعملية مسح الشاشة تتم من خلال اختيار المكون BASIC Input/Output الموجود فى المجال Console Application
وشاشة التفاعل الخاصة بهذا المكون كماسبق مشاهدتها كالتالى
يتم تنشيط الاختيار الخاص بمسح الشاشة Clear Screen كما هو واضح فى الشكل السابق.
ثم بعد ذلك يتم عمل نفس خطوات الدرس الاول المتعلقة بعرض رسالة على الشاشة والانتظار لمدة معينة لتكون شجرة الخطوات النهائية Steps Tree كما فى الشكل التالى
والان نقوم بعملية تشغيل البرنامج حتى تظهر لنا النتيجة كما يلى
وبكده يكون انتهى الدرس الثانى
حيث انى بقدر الامكان احاول الالتزام بالبساطة مع الاستمرار
يعنى يكون هناك درس كل يوم ولكن يحمل مفهوم بسيط سهل الاستيعاب ولايستغرق وقتا طويلا للفهم والتطبيق ويارب يكون الاسلوب ده مناسب للجميع باذن الله
مستنى طبعا اعرف رايكم فى درس اليوم وماحدش ينسى الدعاء ياجماعة وربنا يكرمنا جميعا باذن الله
والله الموفق
مع تحياتى للجميع
م. محمود فايد