السلام عليكم ورحمة الله
الاخوة الكرام :
هناك طريقة جميلة جدا لتغير ايكونة الاكسيس 
؛ لا وكمان تقدر تعمل امتداد خاص ببرنامجك انت
بعيدا عن البرامج ؛ لاني كنت من فترة قريت في المنتدي هنا موضوع عن برنامج اسمه IconChanger لتغير ايكونات اي حاجة في الويندوز
طبعا هي الطريقة مش سحر ولا شعوذة ولكن هي موجوده في الويندوز تعالوا نشوف مع بعض :
هناك في الويندوز ما يسمي File Types وهي انواع الملفات ؛ وطبعا لكل ملف امتداد خاص به غالبا ما يكون مكون من 3 احرف
مثلا قواعد بيانات اكسيس ليها عدة امتدادت مثل : MDB - MDE ودول الاكثر شيوعا واستخدام بين اليوزرات
طيب لو انت خلصت برنامجك وعايز تغير شكل الايكون جميل افتح folder options ودي موجوده في القائمة tools في المتصفح
وبعدين اختار التبويب file types حتلاقي قدامك جميع الامتددات اللموجوده علي جهازك
ولو عايز تضيف امتداد جديد حتلاقي الزر new اضغط عليه
بعد لما تضغط علي الزر new حيظهر ليك الشكل ده
هنا يسئلك الويندوز عن الامتداد اللي انت عايز تضيف علشان تقدر تحدد البرنامج اللي حيفتح بيه الامتداد ده وكمان تحدد شكل الايكون الافتراضي للامتداد ده
علي افتراض اننا حنكتب الامتداد xyz ثم نضغط موافق
بعد لما توافق حتلاقي فعلا الامتداد الخاص بك اضاف الي الامتدادت الخاصة بالويندوز زي الشكل ده
جميل جدا لحد كده ؛؛؛ طيب قم بتحديد الامتداد بالضغط عليه ثم الضغط بعد كده علي advanced اللي موجوده تحت كما في الشكل التالي
هنا بقا الشغل كله : من هنا حضرتك حتختار شكل الايكون اللي حضرتك عايزه للبرنامج الخاص بك وكمان حتختار البرنامج اللي يقوم بفتح اي ملف يحمل هذا الامتداد
من خلال الضغط علي زر new ثم بعد كده علي browse ثم تحديد مسار الاكسيس
طبعا اذا كنت حضرتك بتشتغل علي كسيس 2003 وده الاكثر شيوعا بيكون المسار التالي
C:\Program Files\Microsoft Office\OFFICE11\MSACCESS.EXE
ثم وافق علي كل اللي موجود قدامك واغلق الشاشات
اذهب الي البرنامج الخاص بك المصمم علي الاكسيس ثم قم بعمل اظهار للامتداد ثم قم بتغير امتداد الاكسيس الي الامتداد xyz بعد كتابة اسم الملف سوف تجد ان ايكون الاكسيس قد تغيرت
وعند الضغط عليها سوف يفتح ببرنامج مايكروسوفت اكسيس :D
نيجي بقا بعد كده للاستاتذه الكرام اللي انا شخصيا ليه استفسار هام عندهم :
لو انا بقا حبيت اسوق البرنامج الخاص بي طبعا من الصعب ان مكنش من المستحيل اني الف علي جهاز جهاز علشان اعمل الكلام ده
لزم يكون فيه طريقة لعمل اضافة لنوع معين مع تحديد البرنامج اللي يقوم بالفتح بالاضافة الي الايكون المحدد
انا دورت كتير بحيث يتم اضافة الامتداد عن طريقة برامج السيت اب مثل " Setup Factory " " install us " و " InstallShield "
انا شخصيا بحب اشتغل علي InstallShield وفعلا من خلال البرنامج ده قدرت اوصل للمكان فقط اللي ممكن اضيف منه امتداد ولكن عجزت عن كتابة ما يريده البرنامج مني :S
سؤالي : هل احد من الاعضاء يستطتيع المساعدة عن طريق ال InstallShield او اي برنامج اخر يمكن من خلاله اضاقه امتداد معين ؟
ويا سلام لو في حد عنده اقتراح او راي تاني ؛؛؛؛
مرفق لكم صورة من برنامج InstallShield والمكان اللي ممكن من خلاله تقوم بتعريف نوع جديد ولكن دون جدوي :S " من الاخر حجرت معايا لحد كده "
بالتوفيق للجميع
