السلام عليكم ورحمة الله وبركاته
اني علي من العراق في المرحلة الثالثة علوم الحاسبات
من مدة قريبة سويت اشتراك بالانترنت وجتي متأخرة للاوضاع بالعراق وظروف المعيشة
وقبل لا اشترك جنت ادور على كل شي بالجامعة ينمي معرفتي بالبرمجة خصوصا وانه اني احبهة
و الحمد لله بديت افهم و اطور معرفتي البرمجية و اسأل على كل شي بالبرمجة
اعرف (مو بأحتراف) الvisual basic و C++وعندي بعض المحاولات بتشفير الصور على البيسك
باستخدام صورة تكون هية الكي
و الحمد لله سويت اشتراك بالانترنت وبدت رحلة الشتاء والصيف من هذا الموقع الى ذاك
ادور عن كل شي يخص البرمجة ولكيت هواية شغلات فادتني
اشتركت بعدة منتديات (المحيط العربي-القدموس-فيجوال بيسك للعرب-بالاضافة الى الفريق العربي)
استفاديت منهن بس مو مثل ما كنت متوقع الا اذا اني اجرب بنفسي
....لفت انتباهي اسم زهرة وطريقة ردهة على استفسارات الاخوة الاعضاء حتى لو كانت مال مبتدئين
و جذب انتباهي النبذة المختصرة عن حياتج والانجازات و الدورات الماخذتهة
فاني (والعياذ بالله من كلمة اني) احب اقرا عن الانجازات البرمجية لغيري حتى اقوي العزيمة اذا بردت
و اكول لنفسي ليش ما اصير مثله
...المهم ...من فترة (قبل ما اشترك بالانترنت) جارنا راد برنامج مال ايجارات (جرد العقارات وايجارات)
منو ما دافع منو دافع فكلتله اني اسويهة
خصوصا واني اريد من فترة ان اتعلم قواعد البيانات و خاصة الاكسس لانه مثل البيسك بالنسبة للبرمجة
وبديت اتعلم الاكسس واجرب وحدي وسويت نظام ايجارات و وصلت لمرحلة زينة
وبديت اواجه المشاكل و احلهة وما اجزع اهم شي
الى ان وصلت لمشكلة تعبتني حيل هية انه اريد اعرض الذين لم يدفعو الايجار
بحيث اكو استعلام بيه البناية والمستاجر ومبلغ الايجار وحقل يعرض المبلغ المستلم من المستاجر في شهر معين
ويتم كتابة الشهر من قبل اليوزر في تكست بوكس في فورم مقابل هذا التكست بوكس اكو الكوماند بوتون الي يعرض هذا الاستعلام
دخت في هاي المشكلة و جربت هواية طرق منهة اسوي اكسبرشن للفيلد مال الاستعلام يدل على مكان التكست بوكس و هم مافاد يطلعلي عندك خطأ بالمعادلة
فأكون شاكر جدا فوق ما تتصورين اختي ام عهود اذا كلتيلي اشلون الحل
و اكو ملف مرفق مال قاعدة البيانات ياريت تتفضلين تشوفيه حتى توصل الفكرة زين اذا شرحي مايساعد
و اسف على الكلام الانكليزي الي كاتبه بالعربي لانه يسوي مشكلة بالمنتدى
واسف على الاطالة
والحمدلله رب العالمين وصل الهم على سيدنا محمد وعلى اله وصحبه وسلم
و السلام عليكم ورحمة الله وبركاته
