نوع الجهاز hp pavilion dv2000
سويت استعادة الكمبيوتر الشخصي وجيت احمل الكاسبر سكاي لان النورتن تقفل
عند تحميل الكاسبر طلعتلي رسالة قبل تثبيت الكاسبر لازم احذف البرامج اللي تتعارض مع الكاسبر وكان
symantec norton anti virus
norton internet security
وكان في خيارين للحذف اما اتوماتيك او يدوي
انا اخترت اوتوماتيك ..
طلعتلي رسالة مكتوب فيها
this MIS must launched through setup
والكاسبر جالس يحذف وتطلعلي هذي الرسالة وانا اضغط اوكي عشان تروح وكل شوية تطلع
المهم الين اكتمل الشريط حق الحذف
طلعتلي رسالة عشان اسوي ريستارت للجهاز لما عملت ريستارت تأخر الويندوز في الاقلاع
وطلعلي برنامج الكاسبر عشان اكمل التحميل وطلعلي برضو اني لازم احذف البرنامج اللي يتعارض مع الكاسبر
اللي هوا النورتن طبعا هذا الكلام كله والويندوز لسه مااقلع بس خلفية سطح المكتب وعليه معالج
تحميل الكاسبر وانو لازم احذف البرامج اللي تتعارض
قفلت المعالج حق التحميل وسويت مرة ثانية استعادة الكمبيوتر الشخصي لان خفت لما ماطلعلي الويندوز ..
وعدت نفس الطريقة اللي اول جربت احمل الكاسبر مرة ثانية وصار نفس اول بس هذي المرة انتظرت بعد ماقفلت معالج تحميل الكاسبر
طلعلي سطح المكتب وكذا رحت احذف النورتن من حذف وازالة البرامج
حذفتها قلت استخدم الطريقة اليدوية ..
المهم انحذف جيت احمل الكاسبر برضه يقول لي انو لازم احذف النورتن جربت برضو اخليه يحذف
اوتوماتيك قلت يمكن باقي اشياء ماانحذفت ..
المهم كل شي مثل اول طلعتلي الاشياء والرسايل نفسها
وسويت نفس الشي من جديد ..
بعدين لما سويت اعادة التشغيل دخلت على الـ program file
عشان احذف مجلدات النورتن لقيت 3 مجلدات حذفت 2 باقي واحد كان يطلعلي رسالة لما اجي احذف
انو لما احذف المجلد قد يؤدي نقل هذا المجلد او اعادة تسميته الى عدم بعض البرامج , هل تريد بالتأكيد القيام بهذا ؟؟
وكنت اضغط موافق .. وينحذف
اما المجلد الثالث اللي اسمه Norton internet security
مش راضي ينحذف يقول لي لا يمكن حذف ccEmlflt.dll:تم رفض الوصول
تأكد من اأن القرص غير ممتلىء او محمي ضد الكتابة وأن الملف ليس قيد الاستخدام ..
المهم طنشت موضوع النورتن
والكاسبر سكاي ورحت حملت برنامج ثاني اسمو bitDefender
وقال لي برضو لازم احذف البرامج اللي تتعارض معاه وكان النورتن وسويت ديليت عن طريق البرنامج نفسه
وعمل ديليت وطلعتلي برضو نفس الرسالة هذي وهو يحذف
this MIS must launched through setup
وسويت برضو اوكي وسويت ريستارت واشتغل البرنامج ..
بس الحين المشكلة في النورتن انو لما اعيد تشغيل الجهاز او اشغله من اول وجديد يتأخر الاقلاع للويندوز
وتطلعلي رسايل انو في فايلات مش متحملة من برنامج النورتن مش فاكرة الكلام اللي داخلها بس كل مااشغل الجهاز تطلع الرسايل هذي من النورتن ...
حتى برنامج الوورد صار يطلعلي رسالة تبع النورتن .. ابغى حل لمشكلة تأخر الاقلاع وابغى اعرف هل هي من النورتن او من شي ثاني وانا هالبرنامج ماابغاااه
والسلام عليكم ورحمة الله وبركاته ...
وهي norton antivirus 2006 does not support the repair feature,please uninstall and reinstall
اضغط اوكي كم مرة ويفتح البرنامج عادي بعدها ..
