انا اسمي محمد يا جماعة
خريج كلية تجارة السنة دي
لسه النتيجة مبقلهاش شهر طالعة 
انا للأسف مش هقدر استغل في اي حاجة متعلقة بالمحاسبة و المالية
لسبب بسيط
اني كنت داخلها كده
تحصيل حاصل يعني
زي ناس كتيررررر اوي
بسبب المجموع طبعا
لكن كان هدفي اني ادرس كمبيوتر
لكن بصراحة
مليش هدف محدد فيه
مش عارف انا اقرب لإيه
سواء هاردوير
او سوفت وير و برمجة
او حتى شبكات
لكن اللي عارفه كويس
اني لا افقه شيء في المحاسبة
انا خبرتي في الكمبيوتر كيوزر و مجمع اجهزة
يعني من كل لون يا باتيستا
ليا شويه في الهارد وير و الشبكات كتجميع و تركيب خفيف خفيف يعني
و ليا شويه في السوفت كإستخدام برده عادي زي الفوتوشوب و تصميمات نت
لكن البرمجة لا افقه فيها شيء لسه
معلش انا طولت عليكوا
لكن انا كل اللي عايز اعرفه
انا دلوقت في بداية الطريق
لسه مخلص الكلية
و انا اصلا مش عايز شهادتها انا خدتها كده كده و خلاص
انا دلوقتي
ناوي
اني اعلم نفسي بنفسي
اعلم نفسي بالحاجة اللي انا حاببها
بالحاجة اللي انا عايزها بجد من جوايا
نيجي للمهم ........
انا عايز اعرف شهادات مايكروسوف المعتمدة كلها
عايز منكوا تشرحوهالي حاجة حاجة
و ايه اهمها و ايه اللي ملهاش اهمية
و ايه اسهلها و ايه اصعبها
و ايه اللي مناسب لدولة زي مصر و ايه اللي مش مناسب
انا كل اللي اعرفه بس A+ و دي بيتهيالي عن الصيانة و بس
لكن بقية الشهادات معرفش عنها
عايز شرح وافي بعد اذنكوا عنها
و عايز اعرف هل الدراسة تفرق عن التقدم للإمتحان
و هل التقدم للإمتحان بس من غير دراسة بيبقى بفلوس برده ؟
يعني من الأخر كل حاجة عن الشهادات دي
و أخيراً .....................
عايز اعرف خبرات الناس اللي هنا و خدوا الشهادات دي
هل اشتغلوا بيها فعلا
و لا ركنوها على الرف زي شهادة الجامعة
هل فعلا لقوا شغل محترم بيها
و هل مرتبهم بيبقى كويس بسببها
و يا ترى لسه الشهادات دي عليها طلب و يا ترى متوسط المرتبات بتاعتها ايه
و هل مرتبطة بنوع الشهادة الجامعية اللي باخدها ؟
ارجو من كل واحد هنا انه يخش و يفيدني
وجزاه الله كل خير
