موضوع كنت عامله من عيد الاضحى اللي فات ,, للاسف بالعامية برده ,, بس قولت انزله للافادة :rolleyes:
ملاحظة : الاصدار الحالي من البرنامج 0.0.11.2 ,,, الاصدار الموجود في الشرح 0.0.10.1 - لا يوجد فرق كبير في الواجهة :rolleyes: -
################################
السلام عليكم و رحمة الله و بركاته
بمناسبة عيد الاضحى و بما ان الكمبيوتر طالع لمدة 3 ايام 
... قولت اعمل عرض بسيط للبرنامج مفيد على اللينوكس ..
برنامج بسيط و مش محتاج شرح ... هعمل ليه عرض خفيف كدا ...
برنامجنا انهاردة اسمه " PyTube "
الاصدار 0.0.10.1
ببساطة فايدة البرنامج ده انه بينزل الفيديوهات من موقع ... You Tube
و مواقع الفيديو التانية زي Google Video , Metacafe , MySpace TV
و كمان تقدر تحول الفيديو اللي بينزل من الامتداد .flv
لواحد من الامتدادت دي
" ogm , .mpg , .avi , .mp4 , .3gp. "
و كمان فيه كام اضافة تانية كدا ...
********************
نبدأ بسم الله ...
بعد ما تنزل البرنامج ... و تسطبه ... هتلاقي الوندو دي طلعتلك ....
دي متطلبات البرنامج عشان يشتغل ... لازم تكون عندك
اللي تلاقي جنبه Not Found
دور عليه و نزله ...
او افتح مدير الحزم " Synaptic "
و اعمل بحث على اسم الحزمة اللي مش موجودة ...
فاكرين شرح استعمال مدير الحزم " Synaptic " ؟
########################
لو كل حاجة تمام ... و نزلت الحزم المطلوبة
هتظهر الواجهة بتاعة البرنامج ...
دي واجهة البرنامج ...
المهم ... نيجي لكل خانة من الخانات
%1 : لو عاوز تعمل دلونلود للفيديو و تحوله لامتداد تاني ...
تعمل اضافة للفيديو اللي عاوز تنزله ... و بعد كدا في الخانة التانية تختار الامتداد اللي انت عاوز تحوله ليه ...
و في الخانة التالته مكان حفظ الفيديو ..
و بعدين تضغط Convert
########################
2% : لو عاوز تحول ملف .flv عندك على الجهاز ... - يعني مش هتحمله من على النت - ...
برده نفس النظام ...
اول خانة هتحددمكان الملف اللي عاوز تحوله ... تاني خانة تختار الامتداد اللي عاوز تحول ليه ... تالت خانة المكان اللي هتحفظ فيه الملف الجديد ..
ملحوظة صغيرة : لو اسم ملف الفيديو فيه مسافات البرنامج مش هيحوله....
يعني لو كان كدا مثلا ...
this is my first video.flv
عشان نحل الموضوع ده ... خلي اسم الملف كدا
this is my first video'.flv'
هنحط علامة الاقتباس المفردة في اول و اخر اسم الملف ... و بعد كدا نبقى نشيلها
########################
3% : لو عاوز تعمل بحث في الفيديوهات اللي على You Tube
########################
4% : دي بعض الاضافات المفيدة في البرنامج ..
1 : لاضافة مقطع صوتي لفيديو من غير صوت ..
2 : عشان تعمل مقطع صوتي كنغمة للموبيل ... بتكون حوالي 30 ثانية ... - مجربتش الاضافة دي -
3 : دمج اكتر من فيديو في بعض ... يعني لو عندك كذا فيديو و عاوز تعملهم في ملف واحد ..
4 : لعمل اعادة تحجيم للفيديو ... يعني مثلا لو عندك فيديو بريزيليوشن 768 * 1024 ... و عاوز تخليه 600 * 800
5 : لو عاوز تعكس الفيديو ... يعني بدل ما هو من اليمين للشمال ... تخليه من الشمال لليمين ...
########################
5% : عشان تعمل دوندوز على طول من غير ما تحول امتداد الفيديو اللي بينزل ...
و هتلاقي الفيديو في الـ Home
########################
الشرح بصيغة PDF
الشرح بصيغة Doc
########################
تم #
و طبعا التوقيع بعد التعديل
