دوال التحقق من صحة نص البريد الإلكترونى و الدومين

السلام عليكم ورحمة الله وبركاتة

أعتزر يا جماعة عن تغيبى و عدم حضورى كثيراً معكم لأسباب العمل (لازم أعمل علشان ألاقى ثمن الإنترنت و أشارك معكم :D )

المهم أنا جاى النهردة و معايا أخر ما كتبتة فى برامجى للتحقق من صحة نص البريد الإلكترونى و الدومين و ليس التحقق من وجوده (خلى بالكم من حقوق الملكية الفكرية :D )

و أنا قاعد مع ظاظا و جرجير سمعت الحوار ده بينهم......

جرجير: تصور يا ظاظا أنا كنت محتاج طريقة للتأكد من صحة نص البريد الإلكترونى

ظاظا: و أنا كمان يا جرير بس المرة دى كنت عاوز أتأكد من صحة الدومين بس مشعارف أعمل إيه

جرجير: طيب نعمل إيه يا ظاظا

ظاظا: الحل الوحيد إننا نروح نسأل خالة خيرية و هى إللى هتقولنا على الحل

جرجير: خالة خيرية .... يا خالة خيرية

خالة خيرية: فى إيه يا ظاظا أنت و جرجير

ظاظا: كنا عاوزين نتأكد من صحة نص البريد الإلكترونى و أسم الدومين

خالة خيرية: أمممممم ... ممكن نشوف الحل على النت و ممكن نلاقى الحل على منتدى عرب تيم

جرجير: ما هو يا خالة خيرية أحنا دخلنا على عرب تيم لقينا الحل بس ناقص و مشعارفين نعمل إيه

خالة خيرية: طيب فى الحالة دى لازم نشوف فلفل عمل إيه و هتلاقوة قاعد مع نمنم و خوخة هناك تحت الشجرة دى .

و هنا تبعد و ترفتع الكاميرا إلى أعلى و تنتقل مع ظاظا و جرجير و تهبط إلى موقع فلفل و نمنم و خوخة تحت الشجرة

ظاظا: أحم أحم .... ممكن يا فلفل تقولنا عن حل المشكلة إل...............

فلفل: أنا كنت سامع حواركم مع خالة خيرية و طبعاً عندى الحل لأن مع فلفل هتلاقو كل إللى عاوزينة و الحل إللى موجود على عرب تيم ناقص فعلاً لأن ممكن أن يكون البريد على Subdomain و ليس على اسم الدومين الأصلى و ممكن كمان يبقى على Subdomain من Subdomain و هكذا و علشان تحلو المشكلة دى أستعملو Function دى فهى هتتأكد من صحة نص البريد الإلكترونى بطريقة جيدة (حتى الأن :D )

function is_email($email) {
$email = trim($email);

if(!ereg("(^[a-zA-Z]+)([\._a-zA-Z0-9-]*)(@)([a-zA-Z0-9]+)((-*[a-zA-Z0-9]+)*)(((\.[a-zA-Z0-9]+)((-*[a-zA-Z0-9]+)*))*)((\.[a-zA-Z0-9]+)+$)" , $email))
	return false;

return true;
}

أما للتأكد من صحة نص الدومين فأستعملو Function دى هى تتأكد من Subdomain أيضاً

function is_domain($domain) {
$domain = trim($domain);

if(!ereg("(^[a-zA-Z0-9]+)((-*[a-zA-Z0-9]+)*)(((\.[a-zA-Z0-9]+)((-*[a-zA-Z0-9]+)*))*)((\.[a-zA-Z0-9]+)+$)" , $domain))
	return false;

return true;
}

و كل Functions دى مكتوبة بلغة PHP

جرجير: شكراً شكراً يا فلفل

فلفل: ممكن تساعدونى فى حل مشكلة أنا كمان واقع فيها

ظاظا: إيه هى يا فلفل؟

فلفل: بدور على لغة برمجة اسمها بيبدأ بحرف P و مكون من ثلاث أحرف و بتستخدم فى الويب كشكل أساسى و ممكن نعمل بيها برامج Desktop أيضاً و مشعارف هى تطلع إيه

ظاظا: :blink:

جرجير: :S

نمنم: -_-

خوخة: :wacko:

خالة خيرية: :angry: