ضرورى بخصوص شهادة Mcad

اتمنى الاهتمام بالموضوع من فضلكم

ياريت حد يرد عليا لو سمحتم

والسلام عليكم ورحمه الله وبركاته

أخي الغالي mlabib

بالنسبة للسؤال الاول

اقتباس

هل يلزم الحصول على شهادة خبرة من مكان معين فى تخصص الشهاده أم يكفى اجتياز الامتحانات المعتمده من مكروسوفت

طبعا اذا كنت عايز يبقى معاك شهادة معتمدة من مايكروسوفت ده حقك طبعا ولا يلزم أي خبرة في الكمبيوتر حتى كل اللي عليك انك تذاكر التست كنج وتدخل تجاوب على الاسئلة في الامتحان ولما

ربنا يوفقك وتنجح بتاخد شهادة من مايكروسوفت Mcp ده في أول امتحان وبعد كدة بتدخل كمان امتحانين وتصبح معاك شهادة mcad

ده لو انت عايز شهادة بس

انما لو عايز شهادة علشان تعرف تشتغل يبقى لازم تكون عارف انت بتعمل ايه

يعني لازم يكون عندك خبرة في مجال البرمجة في التخصص اللي انت عايزة يعنى

windos app

أو

web app

يعني تكون بتعرف تعمل حاجة بالبرمجة والشهادة فائدتها انها بتسرع أو بتسهل عليك عملية انك تلاقي شغل

من الاخر يعني :

لو عايز تاخد أي شهادة من مايكروسوفت كل اللي عليك انك تعرف رقم الامتحان اللي انت عايز تدخله من موقع مايكروسوفت

وبعد كده تدور على التست كينج بتاعته على النت (يعني المذكرات) وتكون اصدار حديث علشان تدخل الامتحان وتلاقي نفس الاسئلة اللي انت ذاكرتها وتعرف تجاوب

وتلاقي مركز معتمد في الدولة اللي انت فيها بتقدم خدمة الامتحانات.....

اقتباس

- أنوى بإذن الله الدخول الى الامتحانات بواسطة الفيجوالبيسك دوت نت ولكن عند بحثى عن كتب مساعدة واسطوانات لم اجد الا كتب للغة السى شارب

فهل هى نادرة أم مجرد عدم توفيق فى البحث عنها

في كتب كتير جدا خاصة بالفيجوال بيسك....انت لو دورت هنا في النتدى هتلاقي أو استخدم جووجل للبحث

اقتباس

ماهى المهله التى يجب أن أضعها لنفسى للتقدم لاول امتحانات الشهاده علما بأنى متفرغ وتقريبا مبتدئ

هل سنه ونص لمده ساعتين يوميا تكفى ام أنننى متفائل

ذي ما قولتلك في الاول لو الموضوع بالنسبة ليك موضوع شهادة بس يبقى على قد حفظك للأسئلة بتاع التست كنج .... وأنا لا أرجح هذه الفكرة

أما اذا كان علشان شغل وعمل برامج و.....و...... يبقى على حسب فهمك لكتب مايكروسوفت الخاصة بالامتحانات اسمها moc وعلى حسب خبرتك في البرمجة

ودي مش مسألة أنا شغال من سنة و واحد تاني شغال من سنتين

ممكن يكون اللي شغال من سنة يعرف في البرمجة أكتر من واحد بقاله سنتين... يعني مش مهم الوقت المهم انت بتستوعب قد ايه في وقت قد ايه

وبالنسبة للكتب والاسئلة moc&testking اعمل بحث عليهم وهتلاقيهم ان شاء الله

وربنا يوفقك

السلام عليكم اخي الكريم

بما انك نويت الدخول فى عالم الشهادات والمذاكرة فده خطوة ممتازة

اما بخصوص ال VB.Net ده بحر كبير

اذا نويت تتدحل اختبار 70-306 winBased App

مرفق كتاب يحتوي علي الاسئلة واجباتها

Testking

بس هو مش كفاية

المفروض كمان تجيب برنامج Visual CertExam Suite

وتحمل الامتحانات اللي انت عايزها من الموقع ده

http://www.examcollection.com/70-306.html

لان البرنامج علي الشاشة بيعودك علي موود الامتحان وده مهم جدا جدا جدا

اعتقد ان فترة ال mcad كلها ممكن تكون سنة تقريبا

اما الكتب اللي عندي حجمها اكبر من 15 MB فصعب جدا ارفقها

Visual Studio MS Press - Microsoft ADO.Net Step By Step.pdf

Visual Basic.NET Mastering Visual Basic.pdf

Microsoft Press - Programming Microsoft SQL Server 2000 with Microsoft Visual Basic.NET.pdf

Professional Ado Net 2.0 Programming With Sql Server 2005, Oracle And Mysql.pdf

بس اوعي تعمل زي ناس...... يذاكرو الامتحانات من ال TestKing ويخلص الشهادة فى 3 او 4 شهور ويكون حاصل علي شهادة من مايكروسوفت لكن ابيض يا ورد

70_306_TK_v12_256Q.rar

أخي الكريم ,, أنصحك بتقديم امتحان MCTS بدلاً من MCAD ,,

عليك بتقديم امتحان 70-536 Foundation

+

70-526 Windows Application

بالتوفيق ,, :)

إخوانى الأعزاء

DR misho

ahamied

jordan

انا شاكر ليكم جدا الصرتحه انتوا نورتولى طريقى

الرساله بتاعتكم وصلت ( ان شاء الله اكون مبرمج بحق وحقيقى )

وبردو معايا الشهاده سواء كانت

mcad or mcts

وربنا يسهل ان شاء الله

وهحاول مستقبلا ارد جميلكم معايا مع مبرمجين ميتدئين

وربنا يوفقنى ويوفقكم ان شاء الله

والسلام عليكم ورحمه الله وبركاته

اقتباس

وبعد كده تدور على التست كينج بتاعته على النت (يعني المذكرات) وتكون اصدار حديث علشان تدخل الامتحان وتلاقي نفس الاسئلة اللي انت ذاكرتها وتعرف تجاوب

السلام عليكم ورحمة الله

بالنسبة للــTest King :

هل هي حلول امتحانات قديمة لميكروسوفت أم هو Forecasting للإمتحانات القادمة بناء على معايير معيـــنة؟؟

وماذا يُعنــى بــ "آخر إصدارة"؟ يعني على أي أساس تُصدَر الاصدارة؟ هل بانتظام يعني كل أسبوع مثلا أم ماذا؟

جزيــــتم خيـــــراً