السلام عليكم و رحمة الله و بركاته
من فترة و انا عاوز اشتري طابعة ,, و بحمد الله امبارح بعد صلاة العشاء اشتريت طابعة .
اشتريت الطابعة HP LaserJet P1005 .
ـ
== شكل و مواصفات الطابعة من موقع HP ==
طبعا من اول الحاجات اللي سألت عنها هل هى متوافقة مع الـ جنو / لينوكس ولا ﻷ ,, الراجل اللي في المحل ميعرفش اذا كانت متوافقة ولا ﻷ ,, بصيت على الكرتونة من بره ,, لقيت مكتوب انها متوافقة مع وندوز اكس بي و فيستا و الماكنتوش و بس !! ,, و مفيش اي سيرة عن اللـ جنو / لينوكس او غيره !! .
قولت مش مشكلة اكيد هلاقي تعريف غير رسمي ليها على النت .
و الحمد لله لقيت التعريف و عرفتها و كله تمام
التعريف اسمه " foo2zjs " ,, و هو مش للطابعة دي بس ,, ده بيشتغل مع اكتر من طابعة ,, اضغط هـــنـــا لمعرفة الطابعات اللي بيدعمها التعريف .
و حبيت اشاركم بطريقة تعريف الطابعة :)
انا جربت التعريف على توزيعة الاوبنتو 7.10 و اشتغل تمام ,, و اعتقد انه هيشتغل مع اي توزيعة تانية من غير اي مشاكل .
المهم ,, نيجي بقى للتطبيق العملي :)
ملحوظة : تطبيق الموضوع ممكن مياخدش اكتر من خمس دقايق ,, بس انا شارح بالتفصيل عشان المستخدمين الجدد لنظام جنو / لينوكس ,, فمش عاوز حد يتخض من طول الموضوع 
***********************
== قبل توصيل الطابعة ==
*****
افتح طرفية " Terminal " و قم بتحميل حزمة " build-essential " .
ـ
sudo apt-get install build-essential
*****
بعد ذلك قم بتحميل ملفات التعريف في شكل مضغوط .
wget -O foo2zjs.tar.gz http://foo2zjs.rkkda.com/foo2zjs.tar.gz
*****
ثم قم بفك ضغط الملف ,, يا عن طريق الواجهة الرسومية او عن طريق كتابة الامر التالي
tar zxf foo2zjs.tar.gz
*****
ثم
cd foo2zjs
*****
اكتب الامر التالي لازالة الاصدار القديم من التعريف .
sudo make uninstall
*****
اكتب هذا الامر لعمل تحويل " compile " للتعريف .
make
*****
ثم اكتب getweb متبوعاً برقم الطابعة .
./getweb P1005
*****
ثم اكتب ,,
sudo make install install-hotplug cups
**********
اذا كنت ترى ان هذه الخطواط طويلة ,, فما عليك الا ان تقوم بتحميل هذا السكربت ,, هــنــا ,, و هو سيقوم بالمطلوب - في اسهل من كدا يعني ؟؟ - ,, لا تنس اعطاء السكربت صلاحية التشغيل ,, و يجب عليك تشغله و انت في وضع الرووت .
*****
تم اضافة التعريف للنظام ,, و سنقوم باضافة الطابعة ,,, و الان قم بتوصيل الطابعة بالجهاز
افتح برنامج اعداد الطابعات ,,
Seytem > Administration > Printing
ستظهر اداة اعداد الطابعات ,,
نضغط " New Printer " ,,
ـ
*****
تم ظهور التعريف ,, و هو باسم " HP LaserJet P1005 .... " ,, اضغط " Forward " لاستكمال التعريف .
*****
اضغط " Forward " مرة اخرى :)
*****
قم باختيار اول تعريف من النافذة اليمنى ,, كما في الصورة ,, ثم " Forward " .
ـ
*****
قم بكتابة اسم الطابعة في الخانة الاولى و لكن يجب الا يحتوي الاسم على مسافات او الرمز # ,, او الرمز \ ,, غالبا ستجد الاسم مكتوب .
في الخانة الثانية اكتب وصف للطابعة ليفيدك عندما ترجع لهذه المنطقة مرة اخرى ,, هذه الخانة اختيارية ,, اي لا يوجد مشاكل اذا تركتها فارغة :)
في الخانة الثالثة اكتب مكان الطابعة ,, هل هذه الطابعة على جهازك ام على جهاز اخر في الشبكة مثلا ؟ ,, و ايضاً هذه الخانة اختيارية :)
ثم اختار " Apply " لإتمام اضافة الطابعة .
**********
تمت عملية اضافة الطابعة بنجاح ,, و يمكنك تعديل بعض الاختيارات الخاصة بالطباعة ,,, كما يظهر في الصورة .
**********
في النهاية ,, قم بعمل بتسجيل خروج " Log Out " و ادخل مرة اخرى ليتم التعرف على الطابعة :)
#############
اتمنى ان الموضوع يكون واضح و مفيد ,, و معلش اذا كان طويل شوية ,, بس حبيت اوضح الطريقة جزء جزء عشان لو في واحد جديد على النظام ميتكعبلش في حته كدا و ميعرفش يكمل ,,
اشوفكم بعد الامتحانات بقى ان شاء الله - شكلها كدا مفهاش نجاح السنه دي -
و بالتوفيق ان شاء الله 
