تجميع الدارة بصورة احترافية وطباعتها على Pcb.

من أين أنت أولا

من البحرين اخي العزيز

يا ريت توضح لنا فكرتك وايه هيه الدايره حتى لو هتسوقها مش لازم تقول لنا عملتها ازاى

قولنا هيه بتعمل أيه بس او وظيفتها

ثم يا بشمهندش نور هوه فيه فعلا عندنا صناعه ألكترونيات وممكن الواحد يعمل حاجه ويسوقها بجد ؟؟؟

هل فيه امكانيه للكلام ده

لانى كل ما بشوف الحاجات الخايبه ألى بيعملوها الصينين فى العتبه والمحلات انا باتخنق من نفسى

لانها فى معظمها حاجات عبيطه وتنفيذها سهل والاقبال عليها كبير

اى حد عنده فكره و لو سطحيه بالألكترونيات يقدر ينفذها

يا ريت تقولى لانى فكرت فى الموضوع ده كتير وللأسف ملقتش ليه حل

لانى دورت وسالت وكل ألى لاقيته فى صناعه الألكترونيات عندنا هنا أحمد بهجت عنده فى مصانعه بيجمعوا تلفزيونات وزه باقى المصانع والشركات

ولما سالت فى النخيلى لانه عنه مول بيسوق الحاجات ديه قالى المهندس ألى واقف هناك ابقى هات لنا الدايره وسبها لنا كام يوم ونشوف أذا كان ينفع نسوقها لك ؟؟

يا سلام يعنى انا عبيط وهسيبله الدايه علشان يفصصها ويعرف كل حاجه فيها وبعد كده يقولى مع السلامه مش عاوزينها :angry:

ايه الحل يا نور ؟؟؟؟ نورنا الله ينور عليك

اخ عمر انا تدريبى الصيفى من سنتين كان فى شركة بنها للصناعات الالكترونية بصراحة تجهيزات المصنع كانت جميلة جدا

المهم انا سالت المهندس الى واقف على مكن الانتاج هناك ( كان ساعتها خط الانتاج ماشى رسيفرات ) ان فى امكانية تصنيع موبايلات

المهندس قالى ان ده فى الخطة وتحت الدراسة

احد الدكاترة فى جامعة بنها قال ل واحد ( الكلام وصلى بطريقة غير مباشرة ) ان الشركة فعلا انتجد موبايل شبيه بامكانيات 6600 وفى ذلك الوقت كان ال 6600 الصينى يباع ب حوالى 1200 اما فى المصنع فسمعت ان التكلفة الانتاج فقط كانت معدية ال 3000 جنيه مصرى

هو ده الى مخلى البضاعة الصينى داخلة العالم كله التكلفة

بالمناسبة الشركة دى تبع وزارة الانتاج الحربى يعنى حتى مش قطاع خاص

ده لان عندهم صناعه ال IC اما احنا بشتريها وبندفع عليها جمارك وشحن

وحاجه زى الموبايل ديه عاليه والمكونات بتعتها عاليه فى السعر

لكن فيه حاجات تانيه بسطيه

يعنى زى مثلا المثال الى حاضر فى ذهنى الأن انذار الباب موجود فى العتبه وفى محلات كتير عباره عن قطعتين بيتحطوا على الباب أول لما الباب بيفتح بينفصلوا عن بعض فيضرب أنذار حاجه تافه جدا

وبيبعوها ب 10 جنيه

تنفيذها هتكلف اقل من كده بكتير حولبى4 جنيه أعلى تقدير

فانا عاوز أفهم هلى فيه أمكانيه للتصنيع ؟؟؟ ولا مفيش ؟؟؟

وبالنسبه لمصانع بنها أتمنى تمدنا بمعلومات أكتر عنها وهل عندهم قدره على تصنيع حاجات جديده مش موجوده فى السوق

وهل بيقدموا تمويل ماده للمشاريع ؟؟

وارجو من نور أن يخبرنا بما يعرف عن عالم التصنيع ؟

هناك نقطة غاية فى الأهمية لابد من التحدث عنها أولا قبل كل شئ

أى مصنع فى الدنيا يفكر أولا فى العميل أو السوق قبل ما يصنع

يعنى مثلا مصانع بنها لن تقدم على تصنيع مقاومة و لن أقول ترانزيستور أو حتى ic إلا بعد التأكد التام أنها قادرة على التخلص من ذلك المنتج فى الأسواق و إلا فلا حاجة لها فى تصنيع شئ و تخزينه فى المخازن :D

مشكوررررررر لك كل التقدم

يا راجل هو فى اى دائرة بتشتغل من غير الدوائر المتكاملة دلوقتى المفروض بقى نحاول نصنعها

اقتباس

لكن فيه حاجات تانيه بسطيه

يعنى زى مثلا المثال الى حاضر فى ذهنى الأن انذار الباب موجود فى العتبه وفى محلات كتير عباره عن قطعتين بيتحطوا على الباب أول لما الباب بيفتح بينفصلوا عن بعض فيضرب أنذار حاجه تافه جدا

يعنى مش معقول مصنع زى ده ينتج حاجات بسيطة جدا زى دى

اقتباس

وبالنسبه لمصانع بنها أتمنى تمدنا بمعلومات أكتر عنها وهل عندهم قدره على تصنيع حاجات جديده مش موجوده فى السوق

نعم لكن المشكلة فى ال component زى ما انت قلت كله بييجى من عند الخواجة

اقتباس

وهل بيقدموا تمويل ماده للمشاريع ؟؟

تكنولوجيا التصنيع عندهم التجميع السطحى زى بورد الكمبيوتر لو بصيت على المكونات هتلاقيها صغيرة جدا

طبعا بجانب التجميع العادى

اما تمويل المشاريع فلا اعرف فلم اسال فى هذا

اقتباس

هناك نقطة غاية فى الأهمية لابد من التحدث عنها أولا قبل كل شئ

أى مصنع فى الدنيا يفكر أولا فى العميل أو السوق قبل ما يصنع

يعنى مثلا مصانع بنها لن تقدم على تصنيع مقاومة و لن أقول ترانزيستور أو حتى ic إلا بعد التأكد التام أنها قادرة على التخلص من ذلك المنتج فى الأسواق و إلا فلا حاجة لها فى تصنيع شئ و تخزينه فى المخازن

طبعا لكن بالنسبة للبداية ممكن البداية بوشة صغيرة وانتاج اشياء صغيرة ( راديو - توكى ووكى - دارات حماية - الخ )

وتنزل تشوف السوق عاوز ايه وتدى المحلات الصغيرة

اقتباس

( كان ساعتها خط الانتاج ماشى رسيفرات ) ان فى امكانية تصنيع موبايلات

المهندس قالى ان ده فى الخطة وتحت الدراسة

يا أخي العزيز لا يوجد تصنيع فعلي للألكترونيات للإسف في أي دولة عربية , ولكن ما يوجد

هو تجميع للمكونات المستوردة من الخارج فقط .