يا شباب انا توني مشتري نظام لينكس ماندريك 8
لكن خايف احمله مع الاكس بي و يمسح علي الاكس بي ولا يسوي لي مشاكل
فياليت تدلوني على اسلم طريقه لتحميله على بارتشن لوحده بدون ان اتعرض لاي مشاكل مع ويندوز
نظام لينكس مع ويندوز اكس بي
مغلق
ارحب بكم جميعا
المهم موضوعك دة موضوع حلو قوي
و نفس اللى عندي مع الاختلاف
انا منزل دة عندي على الجهاز
Windows xp windows me linux mandrake8.1
مش حيختلف كتير ريد هات عن الماندريك فى حكاية البارتيشن
المهم دلوقتى انتا حتتعامل الزاي
يلا نبتدي
اولا انتا اكيد مقسم الهارد ديسك بتاعك عدد معين من البارتيشينات
مش مهم العدد لكن دلوقتى علشان نبتدي
لازم تفضي بارتيشن من اللى عندك تماما و دة جيكون لنزول نسخة اللينوكس علية
الكلام دة من برة
يعني عندك بارتيشن فاضي تماما و ليكن اسمة d
البارتيشن الفاضى دة
و احنا بنزل اللينكس حنخلية يتقسم ثلاث اجزاء
اللى هما
Root home swap
حنمسك اول حاجة الswap حنخليها ضعف الذاكرة الرامات
و الرووت حنخلية مساحة كويسة محترمة علشان ملفات اللينكس تنزل فية
و الهوم حيكون بتاعك انتا عايز تخلية كبير خلية كبير او صغير
طبعا مساحة الثلاث اجزاء دول فى حدود مساحة البارتيشن بتاعك
دة هو الكلام جة وقت التنفيذ
اولا احنا مش حنحتاج لبرنامج البارتيشن ماجيك لانة حيكلكع العملية
لكن لو انتا عندك بارتيشن واحد في الجهاز كلة يبقىلازم نستعملة بدل ما تعمل fdisk
ندخل على نقطة تانية و هي مهمة جدا
بعد ماتنزل اللينوكس ازاي حتعمل بووت
المفروض ان نظام اللينوكس موجود حاجة فية اسمها حزمة الليلو
الليلو دة هو نظام التبويت في اللينكس
المفروض بعد ما تنزل اللينكس الليلو بيشتغل على طول مع فتح الجهاز
و حيقولك عايز تشغل انهى؟
ويندوز و لا لينوكس
لكن المشكلة ان سيادتك منزل xp and me
و منزل اللينوكس معاهم كمان
كتيير قوي؟
يبقى الجهاز عندك مش حيردة يدخل على اللينكس اساسا
و حتفاجا انك بتلاقي شاشة الاختيار المعهودة بتاعت
عايز تدخل على المى و لا الاكس بي
و مفيش معاهم بتاعت اللينكس علشان الليلو هو اللى بيقراها
و لما تدخل على الويندوز مش ختلاقى البارتيشن اللى انتا نزلت علية اللينوكس
يعني دخلت في دايرة مغلقة
انتا مش عارف تدخل على اللينكس
ومش قادر تشوف بارتيشن اللينكس من الويندوز
و حكاية انك مش قادر تشوف بارتيشن اللينوكس من الويندوز دة شىء طبيعى و يحدث في جميع الاجهزة بلا استثناء
لكن انا عندي الحل حنبقى نشوفة بعدين لما انتا تنزل اللينكس
شغال يا ريس؟
شغال!!!!
احنا الزاي حنبوت دلوقتي
عندى الحل اللى انا منزلة في جهازي شوف البرنامج دة
البرنامج دة ممكن يبوتلك اكثر من سبعة انظمة تشغيل على نفس الجهاز
البرنامج دة كارثة في عالم الكمبيوتر لانة لية واجهة جرافيك بتشتغل لما الجهاز بيشتغل
متسالنيس الزاي جرافيكس من الدوس لكن جرب و انتا تشوف
برنامج لمن لديه أكثر من نظام تشغيل..
System Commander 7.03
لتزيله:
http://member.netease.com/~ljh11/dl/fo-sc7.zip
حجمه: 4 م.ب
صورة: البرنامج من الدوس
و السيريال اهوة
SC7-000001-0000002-MEGP
البرنامج دة سهل جدا
شرحة باختصار شديد
فك ضغط البرنامج حينفك في ال سي باسم SC
ادخل في الفولدر بتاعة و اعملة SETUP
دخل السيريال الموجود فوق و كمل تستيب
و اعمل ريستارت للجهاز حتلاقلى الجهاز بيبوت من البرنامج دة
اول محاولة لتشغيل البرنامج حيدور على انظمة التشغيل الموجودة في الجهاز
علشان المرة الثانية تكون جاهزة على الدخول مباشرة
و ساعتها حتلاقي نظام الليينكس و بجوارة الاكس بي و المي
خلصنا من حكاية التبويت بعد تركيب اللينكس
حنرجع و رة شوية عن موضوع التقسيم و اللى هوة مشكلتك
بصراحة انا حاكلمك عن الماندريك و اللى يتشابة كثيرا مع الريدهات في تنصيبة مع و جود بعض الفروق
انا حاحاول التطرق اللى نظام اللينكس بصفة عامة و طريقة التركيب الموحدة
انتا ذكرت في رسالتك انك خايف من حكاية التقسيم و كدة
بص يا سيدي
خلاص دخلت السي دي و دخلت على الينكس
و بدا يظهر لك عملية التركيب
اختار الللغة و اكيد الانجليزية لان الKDE الموجود في الريد هات لا يدعم العربية بعد كدة جابقى اقولك الزاي تركب اللغة العربية على الريدهات
المهم اختارت اللغة و اختارت اعدادات الماوس و الكيبورد و كلة تمام
حندخل بعد كدة على اخطر و اهم اههم اهم اهم نقطة و اللي بيها ممكن توصل او ممكن تضيع
هي نقطة التقسيم
حيظهر لك لوحة بيها اقسام التشغيل بتاعتك لكن بشكل مختلف عن الويندوز
هكذا
C HDA1
D HDA2
E HDA3
وهكذا هي دي التسمية
و بعدين؟؟؟؟
حنختار الجزء اللى انتا فضيتة من الويندوز االى كنت عايز تعمل علية اللينكس
و بعدين حنفرمتة من اختيار الفورمات
لكن اقرا كويس التعليمات بدل ما تفرمت الهارد كلة!!!!!!!!!!!!
المهم حتفرمت و بعد كدة حتعمل اية؟
تضغط علية ا و تعلم علية بالماوس
حيظهر لك اختيار اسمة CREATE
اضغط علية و اختار SWAP وحدد مساحتة و اديها اوكية
و بعد كدة علم علية مرة تانية و اختار CREATE و منها اختار العلامة سلاش / و اللى بترمز للرووت
و اختار النوع اللى انتا عايزة و انصحك باختيار Journaled FS
و كرر الخطوات مرة اخرى و اختار من CREATE هوم و حدد نفس النوع او , أو يمكنك اختيار EXT3 فالنوعيتين تعملان بكفاءة عالية جدا.
كدة اوكية؟
اختار الحزم اللى عايز تتعامل فيها
و اعمل سيتب
و خلاص علشان انا طلع عيني في الكتابة
على العموم انا شرحتلم اهم النقاط في عملية التثبيت و التبويت و غيرها
و لو انتا عايز الشرح بالتفصيل
انا جاهز لكن في الماندريك و بس
و لما ربنا يسهل و تنزلة
انا حاشرجلك ازاي تعرف الموديم و ازاي تكتب بالعربي
و الزاي توصل لملفات اللينكس من الويندوز و العكس
خليك فاكر الواجب دة
احنا ولاد بلد بردة
و اتمنى ان اكون و صلتك للى انتا عايزة
جرب و لو في اي مشكلة هنا انا إن شاء الله اساعدك
اخوك ابوعادل
نسيت
الوصلات دى لمواضيع في المنتدى ممكن تساعدك
http://www.shammel.net/vb/showthrea...&threadid=14887
و دة موضوع برنامج التبويت اللى كلمتك علية
ابو عادل
انت ابداع و روعة
مش عارف اشكرك ازاي
لكن إن شاء الله اردها ليك في المستقبل;)
انا اتبع كلامك خطوه خطوه واي مشكله حرد ليك خبر
يالغالي ابو عادل
ربنا يديمك لنا ويخليك انت فصلت تفصيل رائع
لكن المشكله انا مش عارف اشكرك ازاي لاني متاكد كلمة شكرا وتسواش حاجه ليك وبرضو للاسف اني ما اقدر اقدملك الا شكرا وكم تمنيت اني اشكرك بطريقه اخرى تليق بمجهودك الرائع.
انا عارف حتقول الواد دا بكاش بيبكش علي بس ميهمش هههههههههههه
نبدا في الجد يا استاذ ابو عادل
فعلا انا عندي ثلاثه بارتشين c d e وعاوز انزل اللينكس على d والنسخه اللي عندي الماندريك وحجم القرص d 4.4 GB
اللي انا عاوز اسالك فيه
انت قلت في خطوات التثبيت حدد مساحة swap ومساحة root
ما دام القرص عندي 4.4 GB اقسمهم ازاي يعني كم المساحه المناسبه ليهم.
يا ليت توضحي النقطه دي لاني صرت جاهز للتثبيت
وعلى فكره اخويا ابو عادل
الماندريك اللي عندي ليه ثلاثة سيديات
السيدي الاول : core system cd x86
السيدي التاني: second installation cd x86
السي التالت : commercial application cd x86
بالنسبه للشرح والامور التانيه الخاصه بما بعد التثبيت يا ليت لو تنزلها على حلقات وطبعا حنكون معاك اول باول للماندريك طبعا لانه النظام اللي انا حشتغل عليه
تحياتي لك ابو عادل
ندخل فى الجد يا باشا
مساحة السواب افضل ان تكو نضعف مساحة الذاكرة عندك
اى لو راماتك 64 خلي السواب 128 وهكذا...
اما الرووت حنديلة مساحة جيجا ونصف او اثنين و نصف
لانة حيشيل ملفات اللينوكس
الهوم دة مساحتة ترجعلك انتا
ممكن تخلية جيجا مثلا لانى مش حتحتاج لمساحات لتسجيل عليها شغلك فى الاول
لانك فى مرحلة التعلم
السيديهات
كل ما مرحلة تصطيب تنتهى حتلاقى السيدى روم بيفتح لوحدة و يقولك دخلى السي دى الثانى و هكذا
الثالث
اعتقد انك لن تحتاجة فى هذا الوقت لانة خاص باعدادات الكونفيج
فقط
اما موضوع الشروح بعد التثبيت فاطلبوا
اللى انتم عايزين و ان مش حتاخر ابدا
اشكرك استاذنا ابو عادل
لكن عندي استفسار بسيط عن الرام
الرام اللي عندي 192 MB
فيه واحد قال لازم اشيل 64 MB
واخليها 128 افضل
مش عارف ايه رايك
انتظر ردك
ابدا
لو خليت جهازك مليون رام
الجهاز يقدر يتحمل اد اية؟؟؟
خليهم زي مهما
وضاعق مساحتهم فى السواب
وعلى ضمانتى
lمشكورين على المعلومات القيمة .
وعلى فكرة , هذي اول مرة اكتب فيها بالعربي من اللينكس ماندراك 9
هذا الموضوع مغلق.