السلام عليكم انا في فكره براسي بس والله مش عارف من وين ابلش يعني
اول اشي انا ما بعرف اذا هاد هو القسم الصحيح عشان احط الموضوع فيو ولا لا
خليني اشرحلكم كلنا اكيد بنعمل داون لود من الانترنت وبنعمل داونلود لبرامج وافلام كبيره الحجم وطبعا هاد بتطلب وقت طويل حسب سرعة النت عندك واحيانا انا بضطر اني اقعد اسبوع او اسبوعين ما اطفي الكمبيوتر طبعا هاد الاشي بشكل ازعاج لانو بتعرفو ما شاء الله اصوات المراوح والهارد دسك
فخطرت فبالي فكره اني اعمل جهاز صغير مثل الراوتر او اشي هيك اقدر انزل عليه لينيكس مش شرط نسخه لينيكس كاملة الوظائف يعني نسخه اشغل عليها كم برنامج الي هم مختصين بالتحميل مثل الtorrent وبرامج ال sharing يعني وهاي البرامج المختصه بالتحميل وبدل ما نخلي الكمبيوتر شغال 24 ساعه بنشبك سلك النت بهاد الجهاز وبنشغلو وبنخليه يعمل داونلود على كيفو من هون ل 70 سنه ان شاء الله
يا ريت تساعدوني وتدلوني على الطريق الصحيح يعني مش شرط انا اعمل الجهاز والداره يعني اذا في امكانيه ممكن استند بشغلي لراوتر واعدل عليه يا ريت تساعدوني وشكرا الكم على حسن القرائه
