بسم الله الرحمن الرحيم
بعد السلام والتحية احب اولا اعتذر عن غيابي فترة طويلة لانشغالي الشديد
انا مش حطول عليكم وححاول اختصر كلامي قدر المستطاع وارجو يا رب انكم تستفادوا من الي حقولو ليكم في الموضوع دة انا يا جماعة كاتب الموضوع دة لان في ناس كتير جدا كويسين جدا ونفسهم يتعلمو ودة انا الي لاحظتة في الردود لمقال المهندس احمد جودة الي عاوز يشرح الكورس كامل وربنا يوفقه يا رب .
يا جماعة انا ملاحظ ان كورس MCSE مسبب حيرة كبيرة لناس وشباب كتير جدا وفي معظمهم عندو طاقة كبيرة واستعداد انه يتعلم وكل يوم يسمع جديد وكلام جديد فبيتشتت وميعرفش يركز في حاجة فانا في المقال ده حقولوكو شوية حقائق عن خبرتي المتواضعة وحقلكم انا ابتديت اذاي ووصلت لايه علشان تستفادو من خبرتي يا رب
ببساطة كدة تعالو نحاول نفهم الموضوع كويس طبعا اكيد كل واحد مننا ليه غرض من انه ياخد اي كورس او اي علم في الدنيا ولكن يمكن الغرض المشترك بينا كولنا هو ان ناخد الكورسات علشان نشتغل ونحسن من نفسنا وكدة ودي سنة الحياة الوضع الاقتصادي في مصر والتعليم المتدهور بيجبر الطلاب انه مقدمهوش طريق الا طريق واحد لو عايز يشتغل بمجهودة طبعا بعيد عن موضوع الواسطة وكدة :) الا وهو طريق الكورسات (كمبيوتر وانجليزي) يفضل الطالب المجتهد دة يسال يمين وشمال ويجدتهد لغاية لما واحد ابن حلال ينصحة بالشهادات العالمية واهميتها في سوق العمل وكل حاجة واكتر كورسين هما طبعا MCSE CCNA ومن ساعتها بقى الطالب المجتهد ده
ميعرفش راسة من رجليه يبتدي ازاي يبتدي منين وعاوز كورس كامل يعرف يشتغل بيه وفي الانترفيو يعرف يجاوب وازاي يكتب السي في والسوق عاوز خبرة ولا لا طب والتطبيق العملي
والمراكز الكويسة والرخيصة والامتحانات والدراسة الذاتية وحاجات كتير
واسئله كتير كتير تخلي مخ الطالب محبوس جوه افكارة واسئلته وتلاقيه يضيع وقت كبير في اخد افكار عن الكورسات وتلاقيه في الاخر امتحن واخد الشهادة pass4sure وهو مش عارف الا قشور المعلومة وتلاقيه بيعود لنقطة البداية وعاوز يعرف الكورس من الاول Con:
بصو يا جماعة الموضوع ابسط ابسط مما تتصور كورس MCSE :-
بصو يا جماعة الكورس مقسم لسبع اقسام علشان تاخد الكورس محتاج حاجتين
(تدريب على الكورس + امتحانه)
انا مش حتكلم عن الكورس بالتفصيل (ممكن حضرتك تلاقي الشرح في هذا المنتدى الجميل )
انا حقلك تجربتي في هذا المجال :-
((((((((( عاوز فعلا تستمتع بالعلم وتبقى محترف شبكات وكمان تشتغل انا اقلك الحل باذن الله)
اولا انا اسمي احمد في سنة رابعة هندسة اتصالات حاليا وانا من مصر بدايتي في المجال من سنه اولى انا دخلت الكليه وكنت عندي شغف بالكمبيوتر وكان يقولك محدش بيشتغل في المجال الا بتوع الهندسة فللاسف دخلت كليه خاصة مطلعة عيني :Unhappy: على الفاضي والله بصو بقى انا في سنة اولى جبت جديد جدا عرفت مجال ال IT بقيت كل سنة اجيب مقبول وربنا يسهل واجيب مقبول تاني السنادي يا رب ادعولي :) المهم انا عرفت المجال ده من صحبي ربنا يباركله
ففي سنة اولى اخدت فكرة عن المجال ودة الي لازم تعمله ازاي يعني عرفت ايه هوا مجال ال IT والشركات بتستفاد منة ازاي ايه هيا مجالات العمل في (شبكات- قواعدبيانات - برمجة) طبعا قواعد البيانات اقوى ناس فكونت معلومات رهيبة عن المجال وعلاقتة باظروف الاقتصادية في البلد ووصلت لمعلومة هامة ان هذا المجال لا يدرس في اي كليه او جامعة سواء خاصة او حكومية وان المجال ده قايم على الكورسات والكفاءات الفردية مش سياسة دولة علشان كدة اخنا متخلفين ما علينا المهم موضوع الامتحانات دة من غير ما تفهم حاجة انا بصراحة جربتة يقولك اهم حاجة الشهادة
فعملت كدة امتحنت من غير ما افهم المهم ظروفي علشان انا في كليه خاصة طبعا مقدرش اطلب مصاريف ذيادة علشان الكورسات فمكنش ادامي الا الدراسة الذاتية بصو انا عملت ايه
من الاخر :-
1- قريت كتاب NETWORK PLUS بالعربي هوه ده سر نجاحي تخيلو
network + هوا كورس اساسيات الشبكات بيديلك فكرة رهيبة رهيبة عن مجال الشبكات
واقلوكو سر معظم اسئلة الانترفيو علشان الشغل منه تصدقو :eek:
2- كورس ccna عن طريق الكتاب واسطوانة TESTOUT روعة
وطبعا بمتابعة الاعضاء والزملاء في المنتدى ربنا يبارك فيهم ويذدهم علم وهم كتير
3- كورس الصداع ووجع الدماغ MCSE بصو يا جماعة فلنكن متفقين ان مفيش حاجة في الدنيا
بتيجي سهلة لازم تتعب تمام الكورس ده مش صعب لا مش صعب خالص خالص وخصوصاحاليا
انا حقلكم انا عملت ايه بصو التدريب العملي Virtual PC او VMware والاسطوانة Testout
قوية جدا جدا .
4- بعد كدة زهقت من مايكروسوفت دي كبيرة على الفاضي وعرفت معلومة يا جماعة شبكة
مايكروسوفت دي شبكة ليست قوية ومشاكلها رهيبة ومش مستقرة وغبية لكن طبعا دي مايكروسوفت محتكرة السوق العالمي ما بالك العرب المحترفين فبصيت شوية في linux و NOVELL
واكتشفت اكتشاف اقوى شبكة في العالم LINUX بجد ما علينا نرجع لموضوعنا
انا عملت ايه بعد كدة اخدت تدريب تبع الكلية تدريب صيفي وكان في منهم مرة في المصرية للاتصالات المهندس الي كان بشيرحلنا الشبكات استغرب من حجم معلوماتي عنه فعرفت اني كويس مش بطال واجتهدت اكتر في الاربع خطوات الي فاتو وعارفين انا امتحنت ايه
CCNA و MCSA بس ومكملتش MCSE حتى انا حطتهم في السي في وخلاص لاحظت ان فغي ناس في المجال مش في كلية هندة وبيشتغلو وانا بحترم هذة الفئة جدا جدا جدا انا شخصيا
لانهم بجد مجتهدين وربنا مبيضيعش مجهود حد هدر المهم قدمت في شركة KIT انستركتور واترفضت مش عارف ليه مع ان الراجل مسالنيش في الشبكات سالني في الاوفيس :P
المهم انا في اجازة سنة 3 ربنا اكرمني واشتغلت في شركة اكبر منها عالمية اسمها synergy
انتو اكيد سمعتو عنها وربنا اكرمني بمحبة الناس الي اديتهم في الكورس وطبعا انا حاليا في الكليه
مخنوق بحشو المناهج لكن نصيب الحمد لله انا بكتب ده مش علشان افتخر بنفسي في ناس كتير اجدر مني واكفا انا بكتب ده لكل شاب علشان يجتهد اكتر ويتحمس وميجلهوش ابدا احباط
وربنا يوفق الجميع يا جماعة نصحتي لمن اراد دخول مجال الشبكات قبل ما تاخد كورس MCSE CCNA او اي حاجة تانية شبكات لاسلكية خد كورس network+ هوا فعلا الي حيديلك الاساس الكويس الي حيخليك تفهم mcse و ccna كويس
بالنسبة لموضوع الاستاذ احمد جودة دة رائع انا ممكن اساعدة واعملكم شرح ل server2003
و infra 1 2 لو حبيتو المهم عاوز اوضح معلومة للي شايل هم ان كورس mcse كبير عارف هوا كبير ليه لانك من كتر ما تشوف كتب اسطوانات فيديوهات صور مقالات تحس ان الموضوع كبير لكن
الحقيقة ان testout رائعة جدا جدا لان السيميوليشن فيها مغطي اهم نقاط الكورس وكفايه ان الشرح على ايد ناس فعلا خبرة
-------------------------------------------------------------------------------------------
انا طولت عليكم معلش لكن انا حقسم الناس الي عاوزين ياخدو الكورس قسمين :-
الي عاوز ياخدها self study وبراحتة في بيتة انصحة ب 3 حاجات
1- NETWORK +
2- TESTOUT MCSE
3- التطبيق العملي Virtual pc
-----------------------------------------------------------------------------------------
الي يا جماعة مش عارف راسة من رجلية او مش عارف self study انا بعرض عليكم عرض
انا زي ما قلتلكم instructor انا حاليا متوقف عن الشغل لظروف الدراسة علشان معظم شغل
synergy بيكون مع شركات فترة الصبح لكن انا باليل فاضي فانا بعرض عرض ان بعد امتحانات
نص السنة ان شاء الله بفكر اني ااجر LAB وادي في كورس N+ و MCSE و ccna بس المشكلة ان
الكورس هناك مش غالي اوي ب 10000 جنية بس mcse :eek: فانا بالعافية ممكن ااجر اللاب بس
بصو يا جماعة الكورس حيبتدي في شهر 2 الجي ان احيانا الله حدي كورس N+ و CCNA و MCSE
كلوهم في 3 شهور انا عن نفسي نفسي اديكم ببلاش لان كدة او كدة الشرح دة ذيادة خبرة ليا
لكن علشان تاجير المكان فدي اقل حاجة ان الكورس ب 400 جنية في الشهر انا معايا دلوقتي 3 عاوز على الاقل نجمع 10 ونبتدي ان شاء الله دة ارخص حاجة يا جماعة ودي خدمة انا بقدمها
ليكم وان شاء الله تنجح بس ليا شرط واحد واحد بس وهو اهم حاجة ان الي عاوز يا خد الكورس
يكون جاد كويس في الكمبيوتر عندة فكرة ولو صغيرة عن المجال ويكون مش بطال في الانجليزي بتاعة واهم حاجة يكون بيحب الموضوع الي عاوز يستفسر عن اي حاجة يبعتلي على ايميلي
ahmedhalo @ hotmail .com
او يبعت رساله على الخاص
------------------------------------------------------------------------------------------------------
وان شاء الله في اقرب فرصة حعمل فيديوهات دي المهندس احمد جودة المشكلة بس في صوتي
مش عارف حيبقى كويس ولا لا ربنا يسهل اسف على الاطاله وربنا يوفقكم جميعا يا رب
احمد حالو Wink: