برنامج .. أبي فكرة الحل فقط ..

وعليكم السلام ورحمة الله وبركاته

أنا بصفة عامة مبحبش أساعد حد على حل الواجب بتاعه لأن مقتنع ان الواحد المفروض هو اللي يتعب وتطلع عينه في التفكير في الحل والمحاولات الفاشلة حتى ينمو عنده الحس البرمجي، مش مهم انك توصل للحل بس الأهم هي انك تبذل قصارى جهدك في التفكير وتطلع محاولاتك.

فأنا كل اللي هعمله اني هقولك المطلوب بأسلوب مبسط وافتحلك سكك واديلك طرف الخيط اللي ممكن تحاول من عنده، وبعد كده تورينا محاولاتك وان شاء الله اساعدك على قدر المستطاع، بس أهم حاجة توريني أي محاولات من عندك.

المطلوب منك انك تعمل برنامج بياخد رقمين مفهومش علامات عشرية، بس المشكلة ان الأرقام ديه مينفعشي تتخزن في أي نوع من انواع الانتجر الموجودة في الجافا لأنها كبيرة جدا.

فالموضوع بسيط جدا انتا هتعمل انتا النوع داه باعتبارك شركة صن واكتشفت العيب الخطير داه ان مفيش أي نوع ممكن يستحمل الأعداد الكبيرة ديه فهتعمل النوع داه علشان تنزله في الإصدار الجديد بتاع الجافا.

فهتعمل كلاس جديدة وليكن اسمها LargInteger وممكن تاخد في الكونستراكتور بتاعها أرقام كبيرة جدا حتى لو بتتكون من 50 خانة، وجوه الكلاس ديه مجموعة من الميثودث بتخليك ممن تجمع أو تطرح أي رقمين من النوع الجديد داه وبرضه ممكن تقارن رقمين. يعني من الآخر عايزين حاجة زي كده:

LargInteger largInt1 = new LargInteger("13234567893256987");
LargInteger largInt2 = new LargInteger("27563667423626987");

String res1 = largInt1.add(largInt2);
String res2 = largInt1.substarct(largInt2);
boolean b = largInt1.comparison(largInt2);

وبكدة تبقى انتا فعلا عملت حاجة جديدة مش موجودة في الجافا.

نيجي بقا ازاي هتعمل الكلام داه ، فأنا مستني ردك الأول لأني خايف تكون دخلت المنتدى بس علشان تعرف إجابة السؤال ولما دخلت بعد ما حطيت السؤال بخمس دقائق وملقيتش حد عبرك قررت تنسى المنتدى.

أهلين فيك اخوي المبرمج عمر ..

أولاً يعطيك العافية على توضيح الفكرة :)

ثانياً انا باخذ بكلامك وبحاول افهم البرنامج اكثر وطريقة حلّه ..

بس على قولتك ازاي نعمله .. ودي انك تعلمني وياليت نبدأ مع بعض .. ولا تفكرني من الاعضاء اللي اذا اخذ طلبه او حاجته ترك المنتدى ..

لاني مسجل من زمان معكم وقبل ايام فعّلت عضويتي

دمتـ

طيب الأول أنا عايز أتأكد انك فهمت النقطة الأولى وهي ان كل أنواع الانتجر محدودة برقم معين فإحنا إذا كنا عايزين نعمل نوع جديد يقبل أرقام كبيرة جدا فنتعامل معاه كسترينج. بمعنى تاني :

int x = 2345678;

لنفترض ان داه أعلى رقم ممكن تحطه في الانتجر

BigInt x = 2837657648484848;

وداه أعلى رقم ممكن تحطه في ال BigInt وداه نوع معروف في الجافا.

طيب لو عايزين حاجة تاخد أرقام أكثر، هنا الجافا بتقف مبتعرفشي تعمل حاجة. فنتصرف ازاي هنتعامل معاه كسترينج

String x = "847389748927823732423423423422423423423423";

وبين علامات التنصيص ممكن تحط الأرقام اللي انتا عايزها

وعلشان كده أنا في الكونستركتور أخذت الرقم كسترينج

LargInteger largInt1 = new LargInteger("13234567893256987");

طيب إيه المشكلة، المشكلة ان داه solusion ناقص لأن احنا مش هنعرف نعمل التالي مثلا:

String x = "4";
String y = "3";

String res = x+y;

الناتج هيكون 43 مش هيكون 7 لأنهم الاسترينج لما بيتجمع بيتحط جنب بعض بس.

فانتا محتاج تكمل جميلك وتعمل ميثود بتجمع رقمين حتى لو كانوا على صورة استرينج وواحدة تانية بتطرحهم وواحدة تقارن ما بينهم وتعرف أنهي أكبر.

دلوقتي انتا المفروض تكون عملت الكلاس بتاعة LargInteger وفيها أربع حاجات

Constructor

4 Methods

الكونستراكتور هتعمله بياخد استرينج ويخزنه في Instance Variable

وبالمرة علشان نوفر في الوقت انتا المفروض درست Data Structure يعني تعرف تعمل singly-linked List كاملة بال implementation بتاعها كله

طيب أنا كده مستني منك 2 كلاس المرة الجاية واحدة اسمها LargInteger

وواحدة تانية للليسته وليكن اسمها (مش عارف أي اسم مناسب تختاره)

ياريت تبقى تحط الكود اللي تعمله هنا وتحطه ككود علشان يكون واضح ومتنسق ونعرف نتكلم عليه

بس تعقيب بسيط على كلام الأخ عمر

لو ما كنتيش أخدت مادة تراكيب بيانات ممكن تستخدم المصفوفات للبرنامج

يعني الأخ عمر هينتظر منك فئة واحدة على الأقل

بالتوفيق

شكرا يا alaadiaa على تعقيبك ويا ريت تكمل معانا المشوار للآخر أنا على فكرة أول ما فكرت فيها حاسس انها كفاية جدا مصفوفة ممكن تحل الموضوع، بس السطر داه في ال assignement هو اللي خلاني أقول Linked List

(d) A written statement explaining why you choose a particular storage structure (e.g. singly-linked, doubly-linked or circular structure) for the list

السلام عليكم و رحمة الله و بركاته

انا رأي من الافضل ان نستخدم الstack بدل الlinked list و ذلك لان هذا يسهل اجراء العمليات على هذه الارقام الطويلة فعلى سبيل المثال نفرض هذين الرقمين:

LargInteger i =123456789;
LargInteger p=123456789;

فمن الطبيعي عندما نضيف الى الstack فاننا نضيف العنصر الاول رقم 1 الذي هو ذو الindex 0 ثم 2 تم 3 و هكذا فيكون أخر رقم يدخل هو 9 و لكن عند اجراء العمليات على الارقام كالجمع على سبيل المثال فاننا نبدا باخر رقم الذي له اقل وزن و هو 9 فلذا نحن بحاجة الى مبدأ First in last out و هذا طبعا ما تقدمه الstack.

طبعا قبل هذه النقطه نحن بحاجة الى تحويل الرقم الذي قمنا بتحويله الى string أن نحوله الى char array لكي يسهل التعامل معه من خلال الstack و ذلك من خلال الميثود toCharArray

String s="123456789123456789123456789123456789";
		char[] d=s.toCharArray();