كيف اجعل برنامجى لا يستغل كل مساحة ال Processor ولكن مساحة محددة مثلآ 15% من مساحة البروسسور ؟

لا يوجد ضمان يؤكد لك اللى أنت عايزة الموضوع يعتمد على الكود لكن ممكن تـ :

• تقلل الـ Priority بتاعة البرنامج(راجع AllAPI).
  
• راجع كودك لأزالة اى شئ يستهلك موارد النظام و أستبدله بكود أخف أن أمكن ( كدوال API ).
  
• أستعمل دالة Sleep مع DoEvents
  

وهكذا.

الف شكر يا استاذ msayed2004 على ردك ولكن ما هى فائدة الدالة sleep وكيف استطيع استخدامها مع doevents؟

اعتقد ان doevents لا تستخدم معها دوال اخرى !

نتكلم كلام عام ( بالبلدى يعنى ) لو عندك Loop بياخذ وقت طويل و مجهود من الجهاز (بـ Loop و Do While مثلا ) و لم تستعمل DoEvents هتلاقى البرنامج دخل فى الغالب فى حالة Not Responding إلى أن ينتهى الـ Loop و يستفيق البرنامج ( أن فاق أساسا ! ).

بأستعمال DoEvents هتقدر تعمل الـ Loop بدون دخول البرنامج فى حالة عدم الأستجابة (تاركا الحرية لباقى الـ Events لتعمل) لكن هيوصل الـ CPU Usage لـ 100% فى الغالب (لاحظ أنه كلام عام).

أما لو أستعملت دالة Sleep مع DoEvents فأنت زى اللى بتكبس فوق نفسها علشان تتوقف عن أستهلاك الـ CPU Usage , هتلاقى فيه ناس بيستعملوا Sleep قبل DoEvents (لا أحبها) و ناس بيحطوها بعدها (مثلى) و ناس قبلها و بعدها (علشان يكبروا دماغهم) طبعا مع زمن ضئيل جدا ;) كـ 10 الى 50 ميللى ثانية :

'Inside your loop & the Sleep API should be declared !
Sleep 10
DoEvents
Sleep 10

لكن طبعا لكل شئ عيب , فالـ Loop اللى هيتم و يدخل البرنامج فى حالة عدم أستجابة ممكن (مش دائما يعنى) يتم فى دقيقة أما أن تم مع DoEvents و Sleep تاركا باقى أحداث البرنامج تعمل دون رفع أستهلاك الموارد فممكن يستغرق 3 دقائق أو أكثر.

الف شكر ليك يا فنان على اجابتك المفيدى جدا دى