الفريق العربي للبرمجةأرشيف المنتديات · 2000 – 2023
نسخة أرشيفية للقراءة فقط — التسجيل والمشاركة مغلقان، والمحتوى محفوظ كما كان.

دمج الملف Cr10rdc.msi مع مشروع الفيجوال بيزيك والسيتاب فاكتورى

بدأه s_ayed في 12 سبتمبر 2007 · 3 رد · 4,083 مشاهدة · في قسم التقارير
مشاركة: واتساب X فيسبوك تيليجرام
#1 صاحب الموضوع

السلام عليكم ورحمة الله وبركاته

اساتذتى وزملائى الكرام رواد هذا المنتدى الرائع

كل عام وأنتم بخير بمناسبة حلول شهر رمضان المبارك أعاده الله علينا وعليكم بالخير واليمن والبركات

سؤالى لحضارتكم يتلخص فى الآتى

1- انا اعمل على الفيجوال بيزيك 6

2- الكريستال ريبورتس 10

3- قواعد بيانات أكسس 2000

4-اقفل برامجى لعمل ملفات السيتاب ببرنامج سيتاب فاكتورى 7

عندما استخدم ملف CR10RDC.msi مع البرنامج فى الجهاز الخاص بالعميل تعمل التقارير بكفاءة ولكن اضطر لتسطيبه على حدة بعيداً عن البرنامج

ولكن أنا اسأل عن طريقة لدمجه فى مشروع السيتاب فاكتورى بحيث يتم تسطيبه تلقائياً مع تسطيب البرنامج

الرجاء منكم مساعدتى فى حل هذه المشكلة

***** ماذا لو اردت عمل قواعد البيانات بالسيكوال سيرفر 2000 كيف يمكن لى أن انقل قاعدة البيانات مع البرنامج للعميل مع الأخز فىالاعتبار اننى لا يمكننى الانتقال الى بلده نظراً لطول المسافة

كيف لى ان احصل على ملفات قاعدة البيانات من على جهازى؟

ووضعها على جهازه وهل يلزن ذلك تسطيب السيكوال سيرفر 2000 على جهازه ثم نسخ القاعدة عنده ؟ أم ماذا ؟ أفبدونى أفادكم الله وجعله الله فى موازين حسناتكم

#2

وعليكم السلام ورحمة الله وبركاته

والله يبارك لنا ولكم هذا الشهر الكريم

بالنسبة لعملية إضافة الملف فإنه يمكنك ذلك باختيار زر add files الموضح بالصورة الموجودة بالمرفقات

ونفس الشيء بالنسبة لقاعدة البيانات قم بإضافتها مع المشروع

بالنسبة لسؤال التسطيب أعتقد بأنه يجب على العميل تنزيل SQL server على جهازه هذا والله أعلم

والله يوفقك يا أخي

1.bmp

#3

الحقيقة مش عارف مشاركتك دي قديمة ولا ايه بس عموما دي شوية نقاط عشان لو احد دخل الموضوع ده يلاقي حل ان شاء الله

بعد ما تصلي على محمد شوف ياسيدي :

بالنسبة لدمج اي برنامج في السيتب فاكتوري دي مفيهاش مشكله وتعمل زي ما الاخ قالك وتعمله ADD FILE

جوه السيت اب فاكتوري هتضيف شاشة جديده من بند SCREENS - AFTER INSTALL

هتسالني اشمعنى افتر انستول هاقولك اصبر انا جايلك في الكلام

ضيف شاشة BUTTONS عشان يبقى شكلها شيك

بعد ما تضيفها دوس عليها بالماوس واختار زرار EDIT

من الشاشة اللي هتظهرلك اختار تاب ACTIONS

من جوه ACTIONS اختار تاب ON CTRL MESSAGE

وقوم لازق الكود ده

___________________________

if (e_MsgID == MSGID_CLICKED) then

-- a control was clicked...

if (e_CtrlID == CTRL_BUTTON_01) then

-- Insert your button handling code here

Shell.Execute(SessionVar.Expand("%AppFolder%\\CR10RDC.msi"), "open", "", "", SW_SHOWNORMAL);

end

end

في شاشة FINISHED INSTALL برضه اختار EDIT وبعدين ACTIONS وبعدين ON NEXT

وتقوم لازق الكود ده

________________________

File.Delete(SessionVar.Expand("%AppFolder%\\CR10RDC.msi"), false, false, false, nil);

________________

ايه اللي حصل باه

انته اضفت الملف التشغيلي للبرنامج (الكريستال او غيره) في السيتاب وبالتالي لما السيت اب يخلص (AFTER INSTALL) الملف ده هيكون في المسار بتاع البرنامج بتاعك

اخترت شاشة BUTTON عشان المستخدم يبقى له حرية الاختيار في تشغيل البرنامج ده او لاه

اكيد باه انته عارف امر SELL وظيفته ايه ، وده للي ميعرفش زي متكون بتعمل دبل كليك على الملف تشغيل يعني

Shell.Execute(SessionVar.Expand("%AppFolder%\\CR10RDC.msi"), "open", "", "", SW_SHOWNORMAL

وكتبت سطر الكود

File.Delete(SessionVar.Expand("%AppFolder%\\CR10RDC.msi"), false, false, false, nil);

عشان بعد ما اخلص سيت اب احذف الملف التشغيلي من الجهاز ، وهيه طبعا خطوة مش ضرورية

ده بالنسبة للكريستال

اما بالنسبة لقاعدة البيانات ACCESS فبرضة زي ما الاخ قالك اعملها ادد فايل وخلاص وده كفاية

اما بالنسبة لقاعدة البيانات SQL SERVER فدي برضه مفيهاش مشكله عشان هنستخدم ال MSDE

بس شرحها هيطول شوية عشان كده هاشرحهالك بكره ان شاء الله وكان لينا عمر

معلش انا طريقتي في الشرح غبية شوية بس لو اي حد محتاج توضيح اكتر بالصور انا في الخدمة

اه نسيت حاجه مهمة لازم لو فهمت حاجه تصلي على النبي عليه الصلاه والسلام

تم تعديل هذه المشاركة بواسطة FALCO في 12 فبراير 2008 في 09:14

#4

معلش انى شفت المشاركة بعد مدة طويلة ولكن والله طريقتك روعة وبارك الله فيكوفى كل الأخوة فى المنتدى

انا شاكر جداً لتفاعلكم معايا ها اجرب ان شاء الله الطريقة واشوف انا ها اعرف انفذها ولا لا

ومشكور مقدماً أخى الكريم

مواضيع مشابهة

عدد الزوار حالياً

المتواجدون خلال آخر دقيقتين · يتحدّث كل ٣٠ ثانية

—الإجمالي—أعضاء مسجّلون—زوار بدون تسجيل

جارٍ التحقق من المتواجدين…