فاكرين لعبة بوحة:هلاوس مفتوحة ؟ اللعبة نزلت و ممكن تشتريها من علي النت من الموقع التالي:
http://www.abo7adeed.com/buy.html
أو تستني شوية و تشتريها من المحلات
اللعبة اسمها اتغير لـ "أبو حديد" بدل من بوحة ، لو عايز تعرف ليه؟ ادخل علي الموقع الأتي
http://www.khayalie.com/boo7athegameblog
و لو مش عارفين الحكاية فالحكاية ببساطه ان أبو حديد لعبة كمبيوتر عربية مصرية ثلاثية الابعاد
عربية يعنى ابطال القصة بيتكلموا عربى .. يعنى الأماكن ليها طابع مصرى .. يعنى الميكانيكى بيجرى ورا أبوحديد وبيقوله "فين الربع جنيه اللى عليك يا
أبوحديد؟"
- يعنى شومة بدل الشوت جان وعربية ميكروباص بدل الـعربية البورش ويعنى فلاحين وصعايده بدل المارينز و الألينز
بالمناسبة اللعبة زي ما هي الي حد كبير و فيها نفس الأفكار الصايعة .. منها انه في مرحلة بيحاول يعدي الترعة عشان يوصل لبيت العمدة .. وعشان يعرف
يعدي الترعة لازم ياخد حبوب البلهارسيا من التمرجي المرتشي من الوحدة الصحية.. و في مرحلة تانية بيحاول يدمر المغارة بتاعة مطاريد الجبل.. و في
مرحلة بيسابق بميكروباص الترامكوا و بيركب حمار مدرع مسلح بميترليوز.
www.abo7adeed.com
