ارجو الرد ضرورى ...انا هبدأ فى الاوراكل ..ابدأ ازاى ..

مفيش حاجه اسمها هل تبدأ بيه ولا بغيره

كبدايه مع الاوراكل لازم تحدد انت عاوز تدرس ايه

قدامك فى البدايه طريق من اتنين اما اوراكل ديفلوبر واما ادمنستريتور

وبعد كده بقه تدخل على ال e-business لو انت عاوز تكمل بعد الديفلوبر

مع العلم ان الديفلوبر وحدها تكفى لكى تكون مبرمج أوراكل

شكرا لك الاخ العزيز محمد على الرد

بس عاوز اعرف ايه معنى e-business

وشكرا..

e-business suite 11i

دا احد منتجات شركة اوراكل وهو عباره عن مجموعه من النماذج الجاهزه المتكامله فيما بينها

مثل الحسابات العامه والمخازن والمشتريات والمبيعات و .........

ويتعدى عدد الموديولز ال 50 موديول

دا معنى ال e-business ببساطه شديده

بسم الله الرحمن الرحيم

أخي الكريم / محمد الشحات

في كل علم من علوم المعرفة ... يوجد نوعين من المعلومات أو خلينا نقول نوعين من الكلام

1- كلام في الموضوع

2- وكلام عن الموضوع

وطبعا الكلام اللي فى الموضوع هو الأهم وهذا هو كورسك الجميل في المشاركة الثانية

ولكن مطلوب معرفة حد أدني من المعلومات عن الموضوع

نأمل أن يوفقك الله أن تكلمنا عن الأوراكل حتى يدرك الإنسان ما هية ما يتعامل معه

فإذا إختار الفرد أن يتعلم الكورس س سوف يصل إلى نتائج بالمواصفات التالية

وإذا إختار أن يتعلم الكورس ص سوف يصل إلى هكذا نتائج

وما هو تسلسل تعلم الأوراكل المناسب

...الخ

كل عام وأنتم بخير

اخى الكريم / سامح عبد الفتاح

انا معاك طبعا ان فيه كلام عن الموضوع وكلام فى الموضوع

اللى فى الموضوع دا زى ما قلت فى الكورس بتاعى

اما هنا مينفعش اقولك فى الموضوع

ولكن اكتفيت انى اقولك كلمات بسيطه بحيث تكون فاهم ايه هو المصطلخ ده ولما تسمعه تبقى عارف هو عباره عن ايه

لكن انى اكلمك فيه باستفاضه فدا عاوز كورس تانى لوحده

----------

اما بالنسبه للتسلسل فى تعلم اوراكل فامامك فى البدايه طريق من 2

اما ان تدخل مجال برمجه قواعد البيانات وتكون اوراكل ديفلوبر

او تدخل مجال ادارة قواعد البيانات وتكون اوراكل ادمنستريتور

-----------

بعد كده لو عاوز تطور من نفسك

بالنسبه للديفلوبر :

ممكن تاخد بقه ال e-business

اما بالنسبه للادمنستريتور:

تقوى نفسك فى الشبكات

وكذلك فى ال operating system

-------------------------------------------

دا باختصار وبساطه

وصدقنى انا مش مجرد بختصر الكلام وببسطه وخلاص

لو الموضوع ممكن يكون فيه معلومات مفيده اكتر من اللى قلتها وممكن تتقال من غير ما تشتت معلوماتك فتاكد انى مش هبخل بيها

بسم الله الرحمن الرحيم

شكرا مهندس محمد على التوضيح

ومنتظرين محاضرتك الثالث غدا إن شاء الله

وسوف أبدأ في مشاركه منفصله في تحليل مشروع نظام إدارة شركات تأجير السيارات

والذي نامل بتوفيق الله ثم مساعدتك في إعادة كتابة كوده بالأوراكل

كتطبيق عملي لما نتعلمه معك في هذا الكورس

نكرر الشكر والتحية