اين لغة بايثون بقدراتها من المبرمجين العرب ؟؟؟

السلام عليكم

ايه الحكاية

مفيش حد رد ولو رد واحد يمكن ﻻن بايثون ما تستهلش حد يرد على موضوع حولها

وﻻ ﻻن القراء خبراء بهذه اللغة وساخرين من الموضوع

وﻻﻻﻻ ﻻن اللغة ملهاش سوق فى شركات البرمجة وشركات اﻻستضافة

بس غالبا انى مش عارف اعرض الموضوع

بس الموضوع مش مكتوب فى منتدى لينكس يعنى اكيد اللغة ديه تهمكم

انا عرضت موضوع بايثون فى منتدى التقنيات الجديدة ومحدش رد وقلت انه اللى

هيشوفوه مستخدمسين ويندوز وطبعا هم متبتين بايدهم ورجلهم فى لغات ميكروسوفت لكن هنا

؟؟

السلام عليكم

هى لغة حلوة و سهلة و كان كتاب ليها عبارة عن مقدمة ز تعريف بمميزاتها لكن للاسف لم استطع ان ابرمج بها اى شئ فأنا لم افهم ماهيتها

أهلا أخوي هناك منتديات عربيه خصصه أقسام بلغة الباثيو

أبحث عن منتديات العاصفه

commando161 كتب:

السلام عليكم

هى لغة حلوة و سهلة و كان كتاب ليها عبارة عن مقدمة ز تعريف بمميزاتها لكن للاسف لم استطع ان ابرمج بها اى شئ فأنا لم افهم ماهيتها

السلام عليكم

بالنسبة للكتب فلم اقابل اﻻ كتابان عربيان لها وﻻ يغطيا كل اقسامها

وهما موجودان فى موقع الكتب

www.cb4a.com

منهم كتاب ل فهد السعيدى omlix

التى تغطى كل المجاﻻت بها فهناك عدة كتب

موجودة لدى هى

diveintopython

tutor

tkinter

(ebook%20-%20PDF%20-%20Python)%20Prentice%20Hall%20-%20Chun,%20Wesley%20J.%20-%20Co

pygtk

وهم كتبل لشرح اللغة بجميع نواحيها من البداية

حتى تطبيقات قواعد البيانات والشبكات والويب

وواجهة المستخدم تستطيع استخدام عدة مكتبات qt gtk

wx widget tkinter

ولو بتعرف تشتغل بمكتبة من دول او بمصممات هذه المكتبات فالعملية منتهيه

وبالنسبة لمكتبة جى تى كى

وبايثون

www.pygtk.org

حمل

• FAQ
  
• Wiki
  
• PyGTK Tutorials
  
• PyGTK Reference
  
• Articles & Tutorials
  

وخصوصا

Tutorials

وهتﻻقى العملية سهلة ويوجد موقع لتعليمها هو

learningpython.com

السلام عليكم الرابط التالى يحتوى على مجموعة كتب وملفات للغة بايثون

http://www.4shared.com/network/search.jsp?...on=&start=0

المشكلة مش فى بايثون نفسها

المشكلة إن فى لغات كتير

الواحد هيتعلم ايه ولا ايه

و اللى بتعمله اللغة دى زى اللى بتعملة اى لغة تانية

فمش منطقى انى اتعلم اكتر من لغة و فى الأخر كلهم شبه بعض

و اللى بيبرمج للينكس بيستخدم جافا أوC أو C شارب كمان.

و لو بيعمل مواقع عنده PHP و Java Script و XML

فى لغات كتييييير أوى و كلها بتقضى الغرض

انا جيت فى مرة و قلت اتعلمها .. بس لائيت ان تعليمها مش هيفيد فى حاجة

python كتب:

المشكلة مش فى بايثون نفسها

المشكلة إن فى لغات كتير

الواحد هيتعلم ايه ولا ايه

و اللى بتعمله اللغة دى زى اللى بتعملة اى لغة تانية

فمش منطقى انى اتعلم اكتر من لغة و فى الأخر كلهم شبه بعض

و اللى بيبرمج للينكس بيستخدم جافا أوC أو C شارب كمان.

و لو بيعمل مواقع عنده PHP و Java Script و XML

فى لغات كتييييير أوى و كلها بتقضى الغرض

انا جيت فى مرة و قلت اتعلمها .. بس لائيت ان تعليمها مش هيفيد فى حاجة

السلام عليكم

لا اوافقك لانه

لان بايثون لغة لها شعبيتها وقوتها والدليل ان ريدهات تستخدم بابثون فى واجهة اعداد النظام وفى ادواتها واعداد ملفات الظام كما انه لا تخلو تاوزيعة لينكس منها لماذا

حتى ماك او اس اكس بها مفسر بايثون لماذا

اما عن اللغات الكثيرة التى تقول عنها هنتعلم ايه ولالالا ايه

فبايثون تستطيع ان تحل محل جافا لقدرتها على العمل على عدة نظم

كما انها اسرع فى تطبيقات الرسومية بسبب الاعتماد على مكتبة gtk or qt or wx or tkinter

وكثرة مكتباتها لدرجة انه توجد مكتبه للغة جافا بواسطتها نستخدم مكتبات بايثون

لماذا

اما عن xml

فبايثون تدعمها كباقى اللغات

اما php

فبايثون تستطيع ان تحل محلها كما انه يتم بها برمجة برامج الشبكات على بروتوكول tcp/ip

الالعاب فبايثون ليست لغة لها مكتباتها فى هذا المجال

اما c#

فلماذا صممتها ميكروسوفت

لتسهيل قراءة الكود ولتسريع الانتاجية وغيرها من ميزات لا تخلو بايثون منها

الالالالالالالالالالالالالالالالالالالالالالالالا

بيئة التطوير المتكاملة

قواعد البيانات لديك دعم ل mysql sqlte

بشكل ؤئيسى ولعدة قواعد بيانات اخرى ms sql postgresql oracle

اذن ماذا نريد سوى لغة تمكننا من العمل على كل نظم التشغيل المعروفة وسريعة وقوية ويمكن ان تستخد م فى معظم المجالات

بدل من استخدام سى شارب لويندوز وجافا للينكس وبى اتش بى للويب

ولا تنسى دعمها لاجهزة المحمول كنوكيا

كللللللللللللللللللللللللللللللللللللللل هذا لا يكفى

ايوا يعنى المطلوب مننا بعد ما نقعد نتعلم بئالنا كام سنة فى شوية حاجات

إن احنا نرميها وراى ظهرنا و نبدأ نتعلم حاجة تانية

أيه الفايدة ؟

ممكن الناس اللى بتفكر لسه تدخل فى البرمجة إنها تبص عليها

و لو عجبتها يبئى ربنا معاهم

بينى و بينك انا بعد ما اتعلمت تقنيات مايكروسوفت

ندمت

قلت يا رتنى كنت اتعلمت جافا ولا بايثون و MYSQl و الحاجات الـ Free دى

لأنها بتتطور على طول .. بعكس مايكروسوفت اللى فين و فين على ما بتطور حاجة

و بعدين لو حبيت تفتح شغل خاص مش هتكلفك حاجة

انا لسه عامل حسبة لتكلفة البرامج اللى هحتاجها لو حبيت اعمل شغل خاص

طلعت حوالى 22 الف جنيه مصرى

دى البرامج الأساسية جداً

و لو حسبت تكلفة التقنيات التانية هتلائيها صفر جنيه

اقتباس

لان بايثون لغة لها شعبيتها وقوتها

يعنى ايه شعبية

انا مالى و مال الشعبية

و بخصوص قوة اللغة

هى باقية اللغات مش قوية ؟

اقتباس

كما انها اسرع فى تطبيقات الرسومية بسبب الاعتماد على مكتبة gtk or qt or wx or tkinter

أسرع بأد ايه

فرق السرعة اد ايه بينها و بين باقى اللغات

زى الفرق بين العربية الهايونداى و BMW مثلاً

ولا الفرق بين BMW و المرسيدس

أكيد فرق لا يستحق الذكر

اقتباس

اذن ماذا نريد سوى لغة تمكننا من العمل على كل نظم التشغيل المعروفة وسريعة وقوية ويمكن ان تستخد م فى معظم المجالات

بدل من استخدام سى شارب لويندوز وجافا للينكس وبى اتش بى للويب

ولا تنسى دعمها لاجهزة المحمول كنوكيا

ولا حاجة

كل المشكلة ان الست بايثون ماحدش عايزها

مافيش اى اعلان فى اى بلد لأى شركة

بتطلب مبرمجين بلغة بايثون

و تقريباً مش كل الناس تعرفها

انا شخصياً مش ضدها فى اى حاجة

انا بس مش شايف اى ضرورة تخلينى اقعد اتعلم فى كل اللغات اللى موجودة

لمجرد ان واحدة اسرع ولا شعبيتها اكتر حبتين

و لو عايز الحق بئى

البرمجة مش مجرد لغة بتتعلمها

لو عايز البرمجة الصح يبئى مش هتفرق معاك اللغة

انت تصمم البرنامج و تجهزة

و بعد كده يتكتب بأى لغة

و لو تلاحظ ان المبرمج اللى بيكتب الكود بيبئى أقل واحد فى الكارير بتاعة

و بيتقال عليه Coder

البرمجة مش لغة

البرمجة علم

و فن كمان :D

و أسفين على الإزعاج

اسمك Python وعمال تنقد فى اللغة ماشآء الله على قمة التناقض

واضح إنك مش تعرف اى شئ عن إمكانيات اللغة وبتقول كلام عشوائى ، افتح جوجل وشوف شغل ال Python فيه .. شوف Google Drive! اقلك ادخل هنا وشوف اراء NASA/GOOGLE/ .. etc

http://python.org/about/quotes

اللى مش تعرفه كمان حضرتك إنك تقدر تستخدم Python من خلال ال .NET وتقدر تستخدم فيها كمان ال Java Tech.

إضافة إن Python تحل محل ال php بكل كفاءة وإعتمادية .. يعنى من الآخر من افضل اللغات اللى الواحد المفروض يضيفها لنفسه!

ليه تعليق صغير بلاش نجرح في بعض عاوزين نتناقش علشان نطلع فكره موش لفرض وجهات نظرنا

اقتباس

اسمك Python وعمال تنقد فى اللغة ماشآء الله على قمة التناقض

اهلاً بيك أولاً

ثانياً اسمى مالهوش دعوة باللغة خالص ... تشابه اسماء مش أكتر :D

اقتباس

واضح إنك مش تعرف اى شئ عن إمكانيات اللغة وبتقول كلام عشوائى

انا فعلاً ماعرفش حاجة عن اللغة .. بس مش بقول كلام عشوائى

انا بس عايز افهم

هل C++ وحشة ؟

هل جافا مش ولابد ؟

هل C# مش تمام ؟

علشان كده لازم نتعلم Python

و لما نتعلم Python هنروح بيها فين

الكلام ده ممكن يوجه للهواه اللى بيحبوا يتعلموا و بس

إنما لو حد ناوى يشتغل

معلش انا اسف

Python مش هتنفعه ببصلة

اقتباس

اللى مش تعرفه كمان حضرتك إنك تقدر تستخدم Python من خلال ال .NET

لاء عارف -_-

اقتباس

يعنى من الآخر من افضل اللغات اللى الواحد المفروض يضيفها لنفسه!

ماشى يا باشا

ضيفها براحتك

بس عايز اقلك حاجة

مافيش وقت نضيعة فى حاجات مش هتفيد ...

ده رأيى

و تقريباَ من حقى انى اقول رأيى

ولا عايزينى ادخل اقول

"الله عليك يا بايثون .. دى لغة تجنن يا جدعان

يا ريت الناس كلها تتعلمها

و اللى مش هيتعلمها هيفوته نص عمره "

اقتباس

ليه تعليق صغير بلاش نجرح في بعض عاوزين نتناقش علشان نطلع فكره موش لفرض وجهات نظرنا

قشطة عليك يا باشا

هو ده الكلام

نتناقش علشان نطلع بفكرة

مش فرض وجهات نظرنا

و فى النهاية أحب اقول

الناس اللى عايزة تتعلم برمجة كتير

و بيدوروا على طريق البدياة بالنسبة لهم

و طبعاً بيسألوا كتير نتعلم انهى لغة

يدخلوا المنتديات المتخصصة

يلاقوا المنتدى مطحن فى بعضه

ده يقول جافا و ده لاء مافيش غير فيجول بيسك

وواحد يزعق السى و بس

المشكلة اللى ناس كتير مش واخدة بالها منها

إن أخر حاجة فى البرمجة هى اللغة

قبل كده فى تصميم البرنامج نفسه

و ماقصدش التصميم الشكلى

لاء انا اقصد الخوارزميات و الكلاسات و الحاجات دى

و الله يا جماعة انا لما بعمل Flow Chart " خريطة تدفق " لأى برنامج بقدر اكتبها بأى لغة

و مش هتفرق معايا اللغة دى ايه

انا ساعات بشتغل ببسكال و ساعات بC++ و ساعات ب C#

و مش مغرم بواحدة فيهم

عادى كلهم زى بعض فى الأخر بيطلعوا لى البرنامج اللى انا عايزه

ولا هى عادة فينا

كل واحد بيستخدم حاجة بيفتكر إن الحاجة دى هى الأحسن

ادخلوا شوفوا كده المنتديات بتاعة الموبيالات

بتوع نوكيا يقولك نوكيا و بس

و بتوع سونى اريكسون يقولك مافيش غير سونى اريكسون

مع ان الأتنين زى بعض

بس هنعمل ايه

عادة

رجاء التقيد بآداب الحوار.

انا شخصياً متأسف لو حد زعل من كلامى :rolleyes:

بس انا فعلاً كنت متضايق

لأن الناس لغاية دلوئتى همها فى اللغة اللى هتبرمج بيها

و مش عاملين اى حساب للبرمجة نفسها

كل الناس بتجرى تتعلم لغات و تقعد تلعب بيها شوية و خلاص

و يقولك انا اتعلمت البرمجة

هو اتعلم ازاى يستخدم اللغة .. إنما مش البرمجة

قليل لما الواحد بيشوف حد فعلاً بيتعلم برمجة

و الله يا جماعة لو الواحد اتعلم اساس البرمجة

أخر حاجة هيفكر فيها هى اللغة اللى هيستخدمها

sayedall

حقك عليا لو اسلوبى كان ناشف حبتين :)

StrikerX

مع انك داخل سخن على طول .. بس عادى ولا يهمك

اقتباس

إضافة إن Python تحل محل ال php بكل كفاءة وإعتمادي

ايه يا عم الكلام الكبير ده .. اعتمادية و كفاءة :D

و بعدين انتوا محسسنى ان Python دى تبئى بنتكم الصغيرة :lol:

السلام عليكم

قولك

ayedall

حقك عليا لو اسلوبى كان ناشف حبتين

...

هوه كان ناشف حبتين وكله تهكم

بس هنقول ايه .... حصل خير

قولك

بس انا فعلاً كنت متضايق

لأن الناس لغاية دلوئتى همها فى اللغة اللى هتبرمج بيها

و مش عاملين اى حساب للبرمجة نفسها

كل الناس بتجرى تتعلم لغات و تقعد تلعب بيها شوية و خلاص

و يقولك انا اتعلمت البرمجة

هو اتعلم ازاى يستخدم اللغة .. إنما مش البرمجة

قليل لما الواحد بيشوف حد فعلاً بيتعلم برمجة

و الله يا جماعة لو الواحد اتعلم اساس البرمجة

...

لغة البرمجة جزء ﻻ يتجزء من البرمجة نفسها يعنى دوله مش عوالم مختلفة

وبعدين كمان فى حاجات مش كل اللغات بتعملها

واستخدام اللغة ده شىء المبرمج من غيره وﻻ حاجة زيه زى الراجل اﻻكاديمى

قولك

و بعدين انتوا محسسنى ان Python دى تبئى بنتكم الصغيرة

...

هههههههههههههه

بص اﻻضية فى اﻻهتمام بلغة جديدة سواء بايثون او غيرها انها اداة بتلبى معظم احتياجات المبرمج وما بتخليهوش يتشتت

قولك

ايوا يعنى المطلوب مننا بعد ما نقعد نتعلم بئالنا كام سنة فى شوية حاجات

إن احنا نرميها وراى ظهرنا و نبدأ نتعلم حاجة تانية

أيه الفايدة ؟

...

مين قال انك ترمى اللى اتعلمته وراء ظهرك محدش قال كده

والفايدة ان كل لغة ليها جوانبها المتفوقة فيها وده بيكون ليه اثر على المبرمج

يعنى زى الكائنية فى جافا واسلوب جافا فى التعامل معها لكل شىء كائن لما المبرمج يعمل برنامج بلغة غير جافا اعتقد انه لو حبيتقيد بقواعد الكائنات هيكون اﻻمر مختلف ليه عن مبرمج c+++ pascal

مثﻻ يعنى

python كتب:

ممكن الناس اللى بتفكر لسه تدخل فى البرمجة إنها تبص عليها

هيه تنفع للجديد على البرمجة والمحترف والمشاريع الصغيرة والكبيرة

python كتب:

و لو عجبتها يبئى ربنا معاهم

ده طبعا ممكن نسميه سخرية اوووووووووووووووووووو مش عارف اسميه ايه

python كتب:

ايوا يعنى المطلوب مننا بعد ما نقعد نتعلم بئالنا كام سنة فى شوية حاجات

إن احنا نرميها وراى ظهرنا و نبدأ نتعلم حاجة تانية

أيه الفايدة ؟

ممكن الناس اللى بتفكر لسه تدخل فى البرمجة إنها تبص عليها

و لو عجبتها يبئى ربنا معاهم

بينى و بينك انا بعد ما اتعلمت تقنيات مايكروسوفت

ندمت

قلت يا رتنى كنت اتعلمت جافا ولا بايثون و MYSQl و الحاجات الـ Free دى

لأنها بتتطور على طول .. بعكس مايكروسوفت اللى فين و فين على ما بتطور حاجة

و بعدين لو حبيت تفتح شغل خاص مش هتكلفك حاجة

انا لسه عامل حسبة لتكلفة البرامج اللى هحتاجها لو حبيت اعمل شغل خاص

طلعت حوالى 22 الف جنيه مصرى

دى البرامج الأساسية جداً

و لو حسبت تكلفة التقنيات التانية هتلائيها صفر جنيه

اقتباس

لان بايثون لغة لها شعبيتها وقوتها

يعنى ايه شعبية

انا مالى و مال الشعبية

و بخصوص قوة اللغة

هى باقية اللغات مش قوية

طبعا مالك امال هتشتغل بيها فى الدنية لوحدك ؟

ومين اللى قال ان باقى اللغات مش قوية بس لكل لغة ميزات وعيوب

python كتب:

أسرع بأد ايه

فرق السرعة اد ايه بينها و بين باقى اللغات

هوه الفرق بين gtk الخفيفة والمبنى عليها سطح مكتب

وبين swig

اللى برامجها بتموت الجهاز اللى بتشتغل عليه

طبعا swt غيرت فى ثقل جافا بس اللغة بطيئة يمكن مع gcj

الوضع يمون اتحسن كمان مع ملفات التنفيزية ليها زى السى

python كتب:

زى الفرق بين العربية الهايونداى و BMW مثلاً

ولا الفرق بين BMW و المرسيدس

أكيد فرق لا يستحق الذكر

والله لو قلتلى سرعة العربيتين يبقى ليك الشكر وهوه حتى اعرف اقارن

وبتقول باقى اللغات محدش قال انها اسرع من c++

لكن طبعا اسرع من java,mono

python كتب:

اً

و لو تلاحظ ان المبرمج اللى بيكتب الكود بيبئى أقل واحد فى الكارير بتاعة

و بيتقال عليه Coder

اه بس بيكونوا من اﻻول محددين اللغة اللى هيتبنى بيها المشروع

python كتب:

اً

لبرمجة مش لغة

البرمجة علم

بخالفك بس مش خﻻف كبير اعتقد انها

لبرمجة لغة

+

علم

+

خبرة

python كتب:

اً

انا فعلاً ماعرفش حاجة عن اللغة .. بس مش بقول كلام عشوائى

محدش محدش قال انك بتقول كلام عشوائى بس طالما ما تعرفش حاجة عن اللغة يبقى ملوش لزوم تحكطم مسبقا

python كتب:

اً

انا بس عايز افهم

هل C++ وحشة ؟

هل جافا مش ولابد ؟

هل C# مش تمام ؟

مين قال ان سى وحشة بس علشان تعمل برنامج بيها يبقى هتاخد وقت طويل ومش هتخلص مشروعك اﻻ بعد ما تطلع عينك

بس هيه لغة بجد يعنى انا وجهة نظرى وديه وجهة نظر اللى ما اتعمش سى او حته على اﻻقل درسها وشاف التفاصيل البرمجية فيها عمله ازاى ما اتعلمش برمجة او ما يقولش انا مبرمج يقول مطور ويسكت وديه وجهة نظر

اما الجافا عيبها الثقل والبطء

لكنها لغة ليها فكر وانا ناوى اتعلمها مش اتقنها طبعا ﻻﻻ فكرة بس علشان ليها نكهة خاصة بيها نكهة قوية

وخصوصا مع eclipse

اللى وجوده مع الجافا والتقنيات اللى بيقدمها ليها رائعة جدا جدا جدا

اما c#

اللو زاخده من c++,java,.pascal

سهولة القراءة والهيكلية والنحو واﻻسلوب

لكن المونو مش فى سرعة نسخة ميكروسوفت

ده على حد علمى

بس برده معايا ان المبرمج بيكون فى لغة متفوق فيها عن غيرها

فلما تكون اللغة ديه بتسد معاه فى كل حاجة ده شىء رائع علشان كده بايثون

معاك فى كل حاجة والجوانب الضعيفة فيها تقدر تسد العجز ده بالسى ﻻن مترجم بايثون ممتد يعنى تقدر تعدل وتضيف على كيفك

python كتب:

اً

إنما لو حد ناوى يشتغل

معلش انا اسف

Python مش هتنفعه ببصلة

بالراحة وحده وحده

ما بقاش انها لوحدها هتشغلك فى شركة لكن لو الواحد اشتفل فى شركة وصاحب الشركة وزجد انك هتديله حل اضافى مش هيكلفه جنيه ما اعتقدش هيقول ﻻ

بس برده البرامج اللى انته ننكن تعمله وتبيعها فبايثون هى خيار اساسى على اﻻقل مش هتبقة فلبوس البرنامج اللى بعته حرام ﻻنك ما اشترتش نسخة من الست ميكروزفت

python كتب:

اً

python كتب:

اً

مافيش وقت نضيعة فى حاجات مش هتفيد

دهة ديه وجهة نظرك وانا وجهة نظرى انها هتفيد بدليل استخدام ناسا لها وجوجل وطبعا ﻻ تنسى لينكس

python كتب:

اً

ولا عايزينى ادخل اقول

"الله عليك يا بايثون .. دى لغة تجنن يا جدعان

يا ريت الناس كلها تتعلمها

و اللى مش هيتعلمها هيفوته نص عمره "

ماشى ..... رجعت للتهكم والسخريبة واﻻسلوب اللى مش حلة تانى

ولا عايزينى ادخل اقول

"الله عليك يا بايثون .. دى لغة تجنن يا جدعان

يا ريت الناس كلها تتعلمها

و اللى مش هيتعلمها هيفوته نص عمره "

python كتب:

اً

قشطة عليك يا باشا

هو ده الكلام

نتناقش علشان نطلع بفكرة

مش فرض وجهات نظرنا

بخصوص فرض وجهات النظر فانا ما فرضتش وجهة نظرى على حد انا شايف لغة ممكن تفيد بقول اللى اعرفه عنها اللى عايزها اهلن وسهلا بيه واللى مش عايزها هوه حر

بس برده ما قلتش زى حضرتك اللى مش هيتعلمها هيفوته نصف عمره وده غير السخرية اللى فيه فهوة بيوحى بانها لغة سيئة وده طبعا مش فكر

الكلام الغير مباشر اللى ليه معنى يستنبط منه عن وجهة نظر بموضوع معين مش فكر

وفى النهاية انا اسف لو كان كلامى فيه شىء يدايق حد واسف على تضيع وقتكم فى موضوع بايثون

لكنى ﻻزلت مثتنع كل اﻻقتناع بها

وشكرا

ماشى يا باشا

بس انا عايز اوضح بس أنى انا مش ضد اللغة نهائياً

و الله العظيم انا مش ضد بايثون

و بدليل انى كنت ناوى اتعلمها فعلاً فى يوم من الأيام

بس انا كل اعتراضى على التركيز على اللغة مش اكتر

هو يمكن الكلام ده مكانه مش هنا

بس هو اللى جه فى دماغى ساعتها

طب انت ايه رأيك فى الناس اللى لسه عايزة تتعلم و ماتعرفش حاجة

مش بيجوا يسألوا يتعلموا ايه و انهى لغة هتنفعهم

تلائى كل واحد طلع باللغة اللى بيحبها و يقول ان دى مافيش احسن منها

مع انى و الله مجرب لغات كتير

و اكتشفت انهم تقريباَ زى بعض

و موضوع السرعة ده فعلاَ مش ملحوظ

ده غير حكاية القوة !! ...... يعنى انا من وجهة نظرى القوة فى البرنامج اللى انت بتعمله

المهم سبنا بئى من الكلام ده

و كلمنا شوية عن Python

لو حبت اشتغل بيها على ويندوز انهى IDE اشتغل بيه

بس ابعد عن الدوت نت و حياة والدك :s

السلام عليكم

بوافقك فى ان كل اللى هيتعلم البرمجة وبيستفسر من حل بيقول له على اللغة اللى بيحبها حتى انى لقيت واحد بيقول ابتدى بلغة التجميع يعنى اول ما يدخل يلعب مع البروسيسور والرامات بدون مقدمات

وبعيد تانى تحدثت عنها للفت النظر اليها فقط ما بقلش لحد سيب لغاتك وتعالى ما انا معايه حجات برده ما سبتهاش

المهم لكتابة تطبيقات ببايثون طبعا فى idle

اللى موجودة مع اللغة والمعمولة بمكتبة tkinter

وهيه شكلها قبيحححححححححححححححححححح

جدااااااااااااااااااااااااا

بس ميزتها انها بتفتح لك كومبو زى بيسك كده وبتحط الصنف والدالة فى مكانها وما بتسيبلكش عملية المسافات والبيئة اللى جيه دلوقتى بتعمل نفس الكلام

انها eclipse

ويوجد لها توزيعات كثيرة وهى اصلا بيئة تطوير للجافا وبصراحة انا بفكرادخل جافا علشان الامكانيات اللى بتقدمها للغة

المهم بالنسبة للبايثون

اقترح عليك

easyeclipse

وموقعها

http://www.easyeclipse.org/site/home/

EasyEclipse for LAMP

For PHP, Python, Perl, and Ruby development with a web server and a database

ديه موجودة فى التوزيعة بتاعتنا

المهم

http://www.easyeclipse.org/site/distributions/lamp.html

اللينك ده هتلاقى جواه التوزيعة لثلاث انظمة

ويندوز لينكس ماك

وعلى فكرة اللى بيبرمج جافا وما يعرفش بيئة التطوير ديه فاته كتييييييييييييررر

انا مش مبرمج جافا بس الموضوع موجود على مدونة اسمها هالى

على فكرة بيئة التطوير ديه

اسف اطار عمل ده يستحق ان يكون ليه قسم داخل منتدى الجافا وده اغتقاد ووجهة نظر بس اقلك هاودنى ودور عن امكانياتها

اقتباس

انا فعلاً ماعرفش حاجة عن اللغة .. بس مش بقول كلام عشوائى

تقدر تراجع ردى اللى رديت بيه عليك وتقراه تانى

بخصوص الموضوع نفسه انا والحمد لله مش هقول Expert فى C#/Java/C/Python/.. etc ولكن مجرد إنسان عادى وعارف قدرات الحاجة اللى شغال بيها كويس

اللى بيتكلم على موضوع التطبيقات العملية للغة .. يبقة مش كلف خاطره وقرا اى شئ عن اللغة وللعلم Redhat -اكيد عارفينها- بتستخدم Python فى تطبيقات كتير زى اناكوندا ، emerge فى gentoo مكتوب ب python

جوجل نفسه معتمد python كلغة اساسية جواه

اقتباس

"Python has been an important part of Google since the beginning, and remains so as the system grows and evolves. Today dozens of Google engineers use Python, and we're looking for more people with skills in this language." said Peter Norvig, director of search quality at Google,

غير ال Integration مع Java/.NET

وبالنسبة لل IDEs

انا بفضل على ويندوز PyScripter مكتوب ب Python for delphi

وال IDLE

وفى Linux مش بشتغل غير على VIM بصراحة و IDLE

بخصوص لغات البرمجة والفروق بينها :

Python اولا افضل من لغات كتير من ناحية ال Syntax وابسط وStandard library كبيرة جدا وفيها كل شئ تقريبا هتحتاجه!

تقدر تتكامل مع ال C/C++ يعنى ممكن تكتب جزء من برنامج بال C والعكس صحيح !

و Portable !!

يعنى إسمها مناسبة للشغل .. نفسى اشوف واحد يكون فاضى طبعا ومش وراه حاجة ويكتب WebSite كامل بال C -على فكرة ممكنة طبعا- :D

وبخصوص موضوع ال php دا اولا قبل php5 كان فى حاجات فيها عجز كبير دا إذا لم يكن لسه يعنى

فى حين Python تقدر تستخدمها مكانها وبكل كفاءة زى ماقلت عن طريق mod_python مثلا فى الآباتشى

وبما إنها متكاملة مع ال .NET يبقة تقدر تستخدمها ASP.NET يعنى من الآخر افضل من ال php

ياريت اللى يبقة يرد تانى يكون كلامه على اساس علمى ومنطقى مش اكتر.

السلام عليكم

الاستاذ StrikerX

اولا اشكرك على مشاركتك السريعة وتوضيح جوانب كثيرة يمكن سقطت منى او انا ما عرفتش اعبرعنها

المهم

بقترح عليك نقوم بعمل مشروع بالبايثون

ويكون فيه استخدام لقاعدة بيانات mysql ,sqlite

مثلا وواجهة المستخدم gtk

علشان نبين بتطبيق عملى على سهولة اللغة وامكانياتها

ويا ريت التطبيق ده يكون نظام مخازن مثلا علشان يلفت نظر الاعضاء

ويا ريت تحدثنى عن

PyScripter

قدرتها وامكانياتها وهل تعمل على لينكس

السلام عليكم

انا ملاحظ ان معظم بيئات التطوير والمحررات وما الى ذلك يعتمد wxwidget

مع قلة ل gtk

لا ادرى لماذا لو حد يعرف يريت يفيدنى

وشكرا

وعليكم السلام

بالنسبة لبرنامج نظام المخازن .. اعتقد مشروع زى متعلق بال Database مش هيكون ليه علاقة قوية بالpython لأن كل الإهتمام هيكون على إزاى الواحد يتعامل مع MySQL DB مثلا يعنى المشروع بيكون مفيد لواحد عايز يتعلم SQL من خلال Python ونفس النظام لأى GUI

على كل فى برنامج عندى كنت كتبته من فترة PhoneBook بس من غير GUI فى المرفقات فيه حاجات زى Add/delete/Update وكدا يعنى كان تدريب على ال MySQL DB

بخصوص PyScripter فهو مكتوب ب P4D او Python for delphi Components ل Windows

وصراحة جميل جدا

http://mmm-experts.com/Products.aspx?ProductID=4

بالنسبة لتفضيل wx على gtk اعتقد لأن ال wx اسهل شوية وخصوصا إن المعظم هيستخدم BOA Constructor

فى كتاب شغال فيه مرفق للمهتم باللغة

PyPhoneBook.zip

p2.pdf

اقتباس

انها eclipse

ويوجد لها توزيعات كثيرة وهى اصلا بيئة تطوير للجافا وبصراحة انا بفكرادخل جافا علشان الامكانيات اللى بتقدمها للغة

بالنسبة للجافا

هو Eclipse جامد

بس انا جربت net beans

و هو اسهل من Eclipse

الصراحة انا مجربتش مين فيهم الأفضل

بس Netbeans واضح و مفهوم عن Eclipse

السلام عليكم كتاب ما شاء الله هل هو مكتمل لو لم يكتمل بعد ... بعد ان تكمله رجاء ارسل نسخة منه لموقع الكتب العربية حتى تعم الفائدةالسلام عليكم طيب ايه المشروع اللى تقترحة ؟؟؟

في كل مرة يتحدث أحد عن لغة برمجة يحدث هذا >< ينسى الجميع أين هم ....

على أية حال , بايثون لغة قوية ولا أحد ينكر هذا , في نفس الوقت , كلام الأخ Python منطقي جداً ...

لذا , لا أظن أن هناك داعي ليتعلمها أحد إذا كان يتقن العمل بلغات أخرى طالما أن ما لديه سيحقق ما سيفعله مع بايثون , لكن يبقى أمر تعلم قواعد لغة مشهورة في لينوكس مثل بايثون مهم (على الأقل بالنسبة لي ) فهناك الكثير من السكربتات المتناثرة هنا وهناك , فعلى الأقل , على الجميع تعلم كيف يقرأها حتى إن لم يخطط للعمل بهذه اللغة ..... وهذا شيء لن يأخذ منه أكثر من ثلاثة أيام إن كان يعرف البرمجة بحق مثل ما يقول بايثون(الأخ وليس اللغة ^^)

بالنسبة لموضوع هذا النقاش ... هممممم .... الكسل (؟!)..... قد يكون السبب أن بايثون علاقتها أكبر مع المجتمع مفتوح المصدر ,فهناك من لا يحب أن يرى الآخرين ما يفعل ... نعم يمكن توزيع برامج كتبت بها بصيغة ثنائية (لويندوز مثلاً) , لكن طريقة فعل ذلك بشعة بعض الشيء وتحتاج لبرامج خارجية ....ناهيك عن أنها أكثر اللغات التي تسبب لك وجع رأس في مسألة تنسيق الكود(فهي تحاسب على كل مسافة) ....(قد تكون أسباب بسيطة بالنسبة لك , لكنها أحد الأشياء التي جعلتني أفكر أكثر من مرة قبل تعلمها (((لا تقلق , هذا كان سابقاً , فهذه الأشياء تصبح ميزة إذا تحول الشخص لعالم غنو/لينوكس ^^ فهو يحب توزيع السورس كود + يحب أن يظهر الكود منسق ليفهمه الأخرين)))

يبدو أني أطلت أكثر من اللازم ........

باقي معاي شيء واحد , وهو من أكثر الأشياء الممتعة التي قد تجدها بهذه اللغة ......برنامج avsp ...قد لا يعني لك شيئاً إن لم تكن Video Encoder , لكن قراءته ممتعة وقد تفيدك في مشروعك الذي تحدثت عنه في آخر رد إذا أردت إستخدام wxPython

http://avisynth.org/qwerpoi/

عذراً على دخولي المفاجئ وكلامي الغير (.......)