ما هو افضل مكان فى القاهرة لدورة فى vs.net

الذي اعرفه ان مركز نيوهورزون هو افضل مراكز التدريب في مصر ثم يليه بعد ذلك يات ولكن نيوهورزون افضل بكثير ولكن دوراته سعرها غالي

ولا تظن اخي انه بمجرد أن أخذت دورة أو دورتين أنك أصبحت مبرمجا ستنهال عليك عروض التوظيف من كل مكان بأجور مرتفعة لا تظن ذلك مش بعقدك أبدا ولكن بنورك كما يقال

البرمجة طريقها طويل شوية عاوزة واحد حاببها وعنده استعداد يسهر ليالي طويلة يحل في مشكلة برمجية امامه وربما يهدم كل ما فعله في ليالي ثم يعيد التفكير من جديد وهو في ذلك في غاية السعادة والإنبساط وياسلام بقى لو وصل بجهده لحل هذه المشكلة العويصة بعد قراءة وتجربة وبناء وهدم ثم اعادة بناء يا لها من متعة حين يصل المبرمج لحل مثل هذه المشاكل بيحس ساعتها ان الدنيا مش سيعاه

الموضوع محتاج صبر شوية تأخذ دورة في مكان محترم مش شرط نيوهرزون ده لا مش شرط خالص ولكن في اي مكان هيشرحولك الاساسيات فقط وانت تبني بس المهم الاساس يكون متين علشان بنيان البرمجة أكبر من بنيان الهرم الأكبر عندنا في مصر بكتير محتاج أساس صح والأساس الصح ده بقى يا حبيبي مش هييجي من دورة ولا دورتين زي ما قولتلك لا محتاج بجانب الدورة شوية حاجات قراءة في كتب محترمة مثل كتب Wrox وكمان تطبيق مستمر لما تعلمته في الدورة واثناء قرائتك للكتب

وايضا تنزل مجموعة من البرامج المحترمة مفتوحة المصدر وتفضل تذاكرهم وتحاول تفهمهم

ده كله بقى ليه كل الكلام اللى فات لو عاوز تبقى مبرمج فعلا مبرمج يصلح انه يشتغل ب 4 و 5 و6 آلاف في الشهر

وعلى فكرة لو انت متخرج من جامعة او معهد عالي فعندك منحتين لو انت جايب تقدير جيد فما فوق في منحة iti كويسة جدا مدتها 9 شهور وآخر يوم للتقديم اليوم الحق قدم الآن من على موقعهم التالي

http://www.iti.gov.eg/TrainingPrograms/9Mo....asp?ms=1,1,1,0

ولو تقديرك التقدير الشعبي مقبول فعندك منحة وزارة الاتصالات ودي هيبدأ التقديم لها في شهر 9 القادم او شهر 10 من على موقع وزارة الاتصالات هيكون التقديم

عفوا لو اثقلت عليك ولكني زي ما بقولك عاوز انورك وأي سؤال انا في خدمتك

Alf shokr ya 3ama shraf allah ybarekfek