ما هي أهم الفروقات التالية

أولاً : الـ HuB كان موجود زمان .. ولا يستخدم الآن بكثرة .. لأن السويتش حل مكانه .. هو بيعمل نفس وظيفة السيوتش بس محدود أوي عنه ، يعني وظيفته توزيع .. أو تجميع عدد معين من الأجهزة في نقطة واحدة علشان تعمل بينهم شبكة مع ملاحظة إن الـ Hub كل اللى بيعمله إنه بيوزع الإشارة الكهربائية اللى جايله من حتة معينة على كل الأجهزة اللى عنده من غير ما يقوي الإشارة ولا أي حاجة .. جست بس بياخد من حتة ويوزع على الباقي

ثانياً : أما الـ Switch فهو بديل الـ Hub يعني من الآخر وظيفته نفس وظيفة ال Hub بس هو أحدث منه وأذكى .. يعتبر smart than Hub بيقدر يعمل تقوية للإشارة الكهربائية قبل ما يوزعها عشان يضمن وصولها صحيحة .. بتقدر عن طريقه تستخدم شوية حاجات مش موجودة في الـ hub لكن هما الإتنين نفس الوظيقة الرئيسية .

ثالثاً : الراوتر Router من اسمه يعني موجه .. بيوجه الإشارة .. بيستخدم علشان تربط بين شبكة وشبكة تانية مختلفة ، الشبكتين المختلفتين مش هيقدروا يفهموا بعض إلا عن طريق راوتر .. يعني هو اللى بيزبط الحوارات اللى بينهم وبيخلي الإتنين يفهموا بعض ، طبعاً هو أبطأ من السويتش لأنه بيقوم بعمليات أكتر تعيد بكتير ..

رابعاً بالنسبة لسؤالك بقى

مش هتحتاج Hub لأنه زي ما قلنا بقى حاجة قديمة

لكن إذا عايز تبني شبكة هتحتاج سويتش شان توزع الشبكة وتربط الأجهزة

وبتستخدم الراوتر لربط شبكتين مختلفتين .. شبكتك بشبكة الإنترنت اللى جاية من عند ISP

أتمنى أكون وصلتلك المطلوب ..

تحياتي ..

kaream200@hotmail.com

ممكن نضيف أيضا أن السويتش يعمل على عنوان الماك و الروتر يعمل على الأى بى

و أيضا بشكل أوسع الروتر يربط مثلا بين lan و wan