برنامج ال 9 شهور من معهد ITI

wala22 كتب:

السلام عليكم

انا حاولت اتصل بيهم مابيرودوش

بس فعلا النتيجه ظهرت لبعض الناس والحمد لله اتحددلى الا نترفيوا يوم الاحد القادم

بالتوفيق للجميع ان شاء الله

يعني انت عرفت منين انك نجحت من الابلكيشن بتاعك ولا بعتوا ليك ايميل ؟

ارجو الرد منك

ميعاد الانترفيو اتحدد على الابليكشن فقط ومفيش اميل جالى ولا حاجه

اقتباس

ميعاد الانترفيو اتحدد على الابليكشن فقط ومفيش اميل جالى ولا حاجه

ألف مبروك طبعا

وانا كمان الحمد لله :) اتحدد لى

السلام عليكم

ياجماعه بالنسبه الى ماتحددلهوش الانترفيو مايقلقش لانى سمعت ان النتيجه هاتظر لغايه يوم 21/8

وديه مشاركه من احد الاعضاء على منتدى اخر بتاكد الكلام ده

http://www.dvd4arab.com/showthread.php?t=1277063&page=36

وربنا يوفق الجميع للى فيه الخير

انا كمان بعون الله وفضله عليا اتحددي معاد انترفيو يو 25-8 الساعة واحدة الضهر و ياريت يا جماعة اللي هيدخل قبل كدا يبقي يحكلينا النظام جوا شكله ايه وانا ان شاء الله اول مارجع من الانترفيو بتاعي هحكي علي كل حاجة.والله المستعان

يا جماعة في حد امتحن في المنصورة طلعت نتيجته

ياريت حد يطمني

اقتباس

يا جماعة في حد امتحن في المنصورة طلعت نتيجته

ياريت حد يطمني

آه .. بس اطمن خاااالص ،، لسه لنهاية الاسبوع ان شاء الله النتايج بتظهر :)

بالتوفيق

على فكره ياجماعه بتهيقلى احنا بنعرف النتيجه من الابليكشن بتاعنا سواء اتحدد انترفيو او لسا ماظهرتش

لان بيتكتب انت عملت ايه فى الامتحان فى الصفحه بتاعه applicant home

يعنى الى البروفيل بتاعه ماتحددلهوش انترفيوا والصفحه ديه لسا ماتغيرتش

يبقى لسا النتييجه ماظهرتلهوش والله اعلم

واللينك ده عليه تاكيد لكلامى

http://www.dvd4arab.com/showthread.php?t=1277063&page=39

بالتوفيق ان شاء الله

شكرا علي ردودكم عليا

وان شاء الله ربنا يسهل

الحمد لله انا اتحددلى ميعاد للانترفيو .... بس عايز اعرف النظام فيه ازاى الاسئله هتكون على اساس الاجابات اللى كانت فى الاسئله الخاصه بال personality فقط .. ياريت من الناس اللى دخلوا المنحه السنه اللى فاتت أو عنده معلومات تفيد .. يفيدنا ضرورى عشان ربنا يكملها معانا بالستر ان شاء الله

السلام عليكم

ده لينك فيه مشاركات للاعضاء عن الانترفيو فى منتدى عرب ديفيدى

http://rapidshare.com/files/13858910...rview.rar.html

وده اللينك بتاع الموضوع الاصلى على منتدى عرب ديفيدى

http://www.dvd4arab.com/showthread.php?t=1277063&page=45

بالتوفيق للجميع

شكرا على المتابعة :)

أولا : شكرا للاخت ولاء

محدش من المنصوره هنا امتحن انترفيو ؟؟؟؟

وياريت اللى عنده لينكات تانيه تفيد فى موضوع الانترفيو يحطها

ولكم جزيل الشكر

ياجماعة اللي عندو انترفيو يوم 25 في المنصورة ياريت يقول علشان نتقابل ونشوف بعض واللي يدخل قبل التاني يقول ايه حصل

الانترفيو بتاعى النهاردة ان شاء الله فى المنصورة

بس قدر الله أنه يكون فى يوم عندى فيه مشوار تانى أهم ...

بس هحاول اروح ان شاء الله :) ولو رحت هاجى اقولكم اللى حصل

بالتوفيق :)

لو ممكن حد يسال اذا كان اللي مطلعتلهوش نتيجة نجح ام لا

ياريت لو حد يسال ويقول

السلام عليكم

انا هاحكى عن الانترفيو بتاعى فى المنصوره يوم الاحد 24

وعلى فكره كل واحد بيتسال حسب كلامه

بالنسبه للخريججين الجداد حاسبات وهندسه ممكن يتسالوا فى

حاجات من الكليه وبيتسالوا فى مشروع التخرج

والناس الى خريجين كليات تانيه بيركزوا فى الاسئله

انت ليه عايز التراك ده وعايز تدخل المنحه ليه

ومعظم الخريجين القدامى بيتسالوا عملتوا ايه من ساعه ماتخرجتم

المهم اول سؤال ntroduce your self

وانا بعرف نفسى بالانجليزى قولتلهم انى متخرج من 2006

بس نسيت وقولت السنه بالعربى فعلقوا عليا قمت قيلهلهم بالانجليزى

وبعدين سئلونى عملت ايه من ساعه ماتخرجت قلتلهم

وسئلونى عن مشروع التخرج لانى هندسه حاسبات

وكان مشروعى قواعد بيانات بالvb6 and access

سئلونى على كده بقى انتى تعرف سكول قلتلهم انا اشتغلت على السكول سيرفر

اما قالى طب ايه الفرق بين السكول سيرفر والاكسس

قلتلهم ان الاكسس حجم قاعده البيانات ققل

وقلتلهم انى اشتغلت على السكول سيرفر علشان اتعلمه وعلى جهازى فى البيت يعنى ما قرنتش بين الاتنين

قالولى ايه لغات البرمجه الى تعرفها قلت فى vb.net,asp.net

وقلتلهم بس انا اشتغلت الاسبى مع الداتا بيز بس علشان مايزنقونيش فى حاجه ماعرفهاش

المهم سئلونى سكول

يعنى ايهwhere,having,group by

جوبت على الاولى والتانيه قلتلهم ماعرفهاش والتالته اكلمت فيها نص نص بس قلتلهم

انا ماستخدمتش الجمله ديه فى مشروعى

فقالولى اكلمى عن مشروعك

اصراح انا لما صدقت انى اتكلم عن المشروع بتاعى

وضمن المشروع انى بدي للبرنامج تاريخ البدايه والبرنامج يحددلى تاريخ النهايه

ام علق على الجزء ده وقالى افرض ان فى يوم اجازه

قلتله انى عملت حساب يوم الجمعه بس

لكن ماتعرضش لحكايه الاجازات ديه

بعد كده سؤال بالانجليزى وانا اجوبه بالانجليزى

if you have assignment and finish befor time thirteen minute

انا قلت

i relax

وبعد كده امت سالتها لو انا مش متاكد انى التاسك عملته صح

قالتلى you submitted

امت قايل may be relax

قالولى خلاص شكرااااااااااا

الى انا استنتجته انهم فى الغالب بيشوفك تعرف في ايه ويسالوك فيه

يعنى اما يسالوك تعرف ايه قول الحاجات الى متاكده منها وفهمها كويس

اللينك ده في بعض النصائح عن الانترفيو كويسه

http://www.dvd4arab.com/showthread.php?t=1277063&page=57

بالتوفيق للجميع ان شاء الله

وماذا بعد؟ كتب:

الانترفيو بتاعى النهاردة ان شاء الله فى المنصورة

بس قدر الله أنه يكون فى يوم عندى فيه مشوار تانى أهم ...

بس هحاول اروح ان شاء الله :) ولو رحت هاجى اقولكم اللى حصل

بالتوفيق :)

طمنا ... ايه اللى حصل النهارده على الله يكون خير ان شاء الله

مستنيك تقولى بس النهارده ضرورى عشان عندى بكره ان شاء الله

السلام عليكم ورحمة الله وبركاته

ــــــــــــــــــــــــــــــــــــــــــــــــــــــ

محدش عنده أخبار عن موعد اعلان النتيجة للانترفيو .....؟

وبالنسبة للناس اللى مطلعلهاش حاجه فى البروفايل بتاعها

انا سألتلهم ... قالولى ان فيه مجموعة هيطلعوها مع اعلان النتيجه بالتوفيق للجميع

محدش عنده أخبار عن ميعاد نتيجة الانترفيو

وعليكم السلام ورحمه الله وبركاته

ان شاء الله نتيجه الانترفيو هاتظهر من يوم 1/9 ل6/9

على السايت بتاعهم بتظهر اسماء الناس المقبولين فى كل تراك

وربنا يوفق الجميع

السلام عليكم ورحمه الله وبركاته

فى ناس كان عندها انترفيو لغايه انهارده فى المنصوره 4/9

واتصلت بيهم قالوا ان النتيجه ان شاء الله على يوم الاحد او الاتنين

وفى ناس بتقول ان ممكن النتيجه تظهر على يوم 6/9 والله اعلم

ان شاء الله خير

ويارب كلنا نتقبل

السلام عليكم

الحمد لله وبفضل الله وحده .. وماملكنا لأنفسنا من شئ .. :)

لقيت الوقتى فى الـ Account بتاعى فى الـ ITI مكتوب

Congratulation, you have been accepted

ههههههههههه بس مش عارف بقى دى يعنى اتقبلت فين بالظبط

ولا معناها اتقبلت فى المنحة ولا ايه .. ولا السيرفر بيخرف :(

طمنونا عليكم

عجيبة :D

راحت تانى

انا بقه مش عارف أدخل على البروفايل بتاعى