السلام عليكم ورحمة الله
اخواني الكرام اعضاء المنتدي الجميل
السؤال واضح وهو كيفية ربط قاعدة بيانات عن طريق الانترنت بين فرعين متباعدين المكان ؟؟
انا حوضح الفكرة بس ليه استفسار بسيط الاول :
انا جربت كتير وبحثت كتير وحاولت كتير جدا مع نفسي في حل الموضوع ده لكني عجزت
طبعا معظم الوطن العربي لا والعالم كمان متجه الي اكسيس لسهولة في التصميم والتعديل وكمان اعطاءه النتائج المرضيه باسرع الاوقات واقل التكلفه
كمان انتشاره محقق الموضوع ده بنجاح كبير جدا
بس السؤال ؟؟؟ هل يعجز الاكسيس عن صنع ذلك ؟؟؟
الاجابة وبكل ثقه لا اعتقد فانه يوجد حل
بس للاسف الحل مش موجود في اي منتدي عربي خاص بالبرمجة
مع العلم انه معظم اتجاهات المبرمجين متجه في الفترة الاخيرة الي الويب ؛ وده طبعا للميزات كتير
طيب حنبسط الامور بحيث اللي يبتدي بعد مني يبتدي من حيث نهيتي
انا فكرت في الامر جدا وحاولت ولقيت ان احسن حل هو ربط الجداول فقط مع وضع الشاشات والتقارير والوحدات النمطية في قاعدة مستقلة
والجدول بس هي اللي تبقي مشتركة بين الفروع ( ده بالتطبيق علي السؤال )
لقيت ان في كذا حل ( مع العلم انهم كلهم فشلوه معايا مع اني مقتنع بيهم جدا وحاسس انه ممكن يفلحوا )
الحل الاول : هو الربط عن طريق ftp ولكن للاسف لم يقدم الحل المطلوب
الحل الثاني : وهو الربط عن طريق الاي بي ( بحيث ممكن ناخد ستاتك اي بي ___ رقم اي بي ثابت لكل فرع ) بس برضه عجزت عن التطبيق السليم
الحل الثالث: جربت عن طريق النقل العادي ما بين الويب والبرنامج وفشلت فشل رررررررهيب
ده اللي انا حاولت اعمله وفشلت مع اني مقتنع جدا بالحل الاول والثاني ورغم كده فشلت
واكيد لو حد فكر معايا ممكن نوصل لحل جديد ويمكن يبقي هو الاخير
اعتقد اني كده قدمت المشكلة ووضحت الحلول اللي قمت بيها وفشلت
للعلم فقط : ده مش طلبي انا بس ؛؛ انا قبلت ناس كتير واقعين في نفس المشكلة وبيحلموا بالحل اللي يقدمه الاكسيس
شكرا ليكم
فانتظار التشجيع