Yomna File Association Example

و ممكن نضيف دعم للسحب و الأفلات علشان يبقى كله تمام , ده أحسن مثال : File Drag/Drop Loading

ايه يا عم يعنى محدش عبر موضوعك بكلمة لولاى كان زماله وصل لاخر صفحة فى المنتدى

لكن فعلا موضوع مهم وربنا يوفقك فيه لان المنتدى كان ناقصة

وبعدين انت فى القاهرة ومتقوليش ده يبقى عيب انت فين فى القاهرة؟؟؟؟؟؟؟؟؟؟؟؟؟؟؟؟؟؟؟؟

شكرا بس أنا رجعت خلاص طنطا , كنت بمدينة نصر عند يمنى ;) , و بعدين خير كنت هتغدينى عندكم و لا حاجة ;) :lol:

أتمنى أن المثال يكون كويس و يكون خالى من الأخطاء و شكرا على مرورك.

فعلا موضوع جميل ومطلوب مشكور اخي ونرجو المزيد من اهدائاتك ومفاجئاتك

صح كنت بتقول على السب الخاص بتغيير الايكونة خطر ليه

واسال انت ميكروسوفت وجاوب علينا :lol:

حريف برمجة كتب:

صح كنت بتقول على السب الخاص بتغيير الايكونة خطر ليه

يعنى بخلص زمتى من ربنا و علشان محدش يجى يقللى ألحقنى كودك عمل و سوى بالجهاز.

و أن جيت للحق المفروض كلنا نحط تحذيرات قبل أى كود للتعامل مع الريجيسترى.

حريف برمجة كتب:

واسال انت ميكروسوفت وجاوب علينا :lol:

الكود شغال بجهازى تمام و لكن جربته بجهاز والد يمنى وجدت أنه ينجح بتعيين الأمتداد و لكن لا ينجح بتحديث الأيقونة مباشرة و الفرق بين أجهزتنا من حيث الـ Software أن هو Win XP SP1 و أنا Win XP SP2 , يعنى تقريبا ملوش علاقة بكودى و بالتالى لا أعرف ما السبب بفشل الكود و لكن كالعادة بعيب على مايكروسوفت عدم وضعها دوال مباشرة لموضوع زى ده و أجبار المبرمجين على أستعمال طرق ودنك منين يا جحا :wacko:

بعدين المثال خالى من الاخطاء وخلالى النظام مخلى

النظام خرب خالص انت عملت ايه يا عم انت

اقتباس

شكرا بس أنا رجعت خلاص طنطا , كنت بمدينة نصر عند يمنى

سلمتلى عليها؟؟

يا ريت انا مش فاهم الس الخاص بتسجيل ايكونة جديدة فى الريجسترى

انت سجلت قيمة فى المفتاح windowmetrix صح لكن بيعمل ايه وازاى بتحط ايكونة جديدة فى النظام بتديله عنوان الايكونة وهو يسجلها عنده

ولا بتديله ملف الايكونة binaary وهو يسجلها عنده يعنى مثلا من الريسورسز

على فكرة انا امتحنت النهاردة تخيل رايح على اساس امتحان واحد افاجا ان فى امتحانين

يعنى الامتحان الاول عكيت فيه

والتانى مكنتش عارف فيه حاجة

تخيل مادة شفت ورقتها كانى شايف طلاسم

لوضع أيقونه تانية أنا ستعملت الـ Resources و بالتالى البرنامج بقى ليه ايقونتين , عنوان التانية هى مسار الملف مضاف اليه

,1

لتعين الأيقونة بنسجلها بمفتاح HKEY_CLASSES_ROOT\YTF\DefaultIcon

طبعا الويندوز الأول بيبحث عن مفتاح أسمه زى أمتداد الملف ( مضاف اليه النقطه بأوله ) , و بعدين يعرف أسم المفتاح اللى مسجل بالقيمة Default و يتوجه اليها , و بعدين المفتاح DefaultIcon و بعدين مسار الأيقونة بالقيمة Default

علشان تركز أكتر فى الهبل ده أفتح محرر الريجيسترى و شوف.

أما عن تحديث الأيقونات فى الحال ( دون أعادة تشغيل النظام ) فهو كان معضله لحد ما عرفت أن فى و احد تتبع عمل برنامج ما يقوم بتغيير الأيقونات فوجد أنه بيبعت رسالة WM_SETTINGCHANGE لكل النوافذ مرتين و قبلهم بيغير فى قيمة الـ Shell Icon Size و بعدين بيرجعها بينهم.

يبقى معنى كده أن لما الـ Explorer بيستقبل الرسالة دى لا يراجع مسارات الأيقونات الا لو وجد تغيير بالقيمة Shell Icon Size و طبعا بعد التغيير أحنا بنرجعها تانى علشان مش كل مره هنغيرها و نلخبط الدنيا.

أهلا بك بعالم Microsoft Windows :lol:

على العموم انا مش فاهم حاجة لان دماغى متدربكة بسبب الامتحانات

بس ليا قاعدة معاك

المهم تكون قاعد كوس على مستوى القاعدة

انا مش فاهم عشان مش قاعد على مستوى القاعدة

انا فتحت المفتاح HKEY_CLASSES_ROOT\YTF\DefaultIcon

ملقتش غير امتداد الملف بتاعك YTF فين بقى مسار الايكونة

ومسار البرنامج الى بيفتحها الى هو البرنامج بتاعك

وضح اصل انا مش ناقص

H:\MS\My work\VB Projects\Yomna File Association Example\Yomna File Association Example.exe,1

ده مسار الأيقونه داخل الـ EXE , لأن أنت ممكن تحدد ايقونه من ملف ICO أو EXE أو DLL ويمكن من غيرهم كمان.

تعديل : المسار اللى أنا كاتبه ده مسار البرنامج فى جهازى.

انا عندى متعدل جاهز لان شغلى مطلخبط وبرنامج على الديسك توب

على العموم ملف الايكونة بتاعة البرنامج بتاعك غير الايكونة الى ظهرت عندى على الملف

اقتباس

H:\MS\My work\VB Projects\Yomna File Association Example\Yomna File Association Example.exe,1

ورقم واحد الى فى الاخر بيعنى ان الايكونة فى ملف exe

ولو عاز احدد ايكونة موجودة فى الريسورس الخاص بالبرنامج بتاعى اعملها ازاى

يعنى عايز اديله بيانات الايكونة بينرى

دالة LockWindowUpdate

ودالة GetDesktopWindow الى اعتقد بتجيب مقبض نافذة الاكسبلورر

بس الولى بتعمل ايه

جهد مشكور عليه أخي محمد ، هو أنت لماذا لم تعرف مانيو الحفظ والفتح

معليش البرنامج شغال بس عندما عملت له تحديث الايقونات خربطلي أيقونات سطح المكتب كلها

ويمكن تجعله يفتح الملف الجديد بنفس الملف القديم

شكراً..

حريف برمجة كتب:

بس الولى بتعمل ايه

ايه الولى ده :blink: ؟

عبد العزيز اليوسفي كتب:

جهد مشكور عليه أخي محمد ، هو أنت لماذا لم تعرف مانيو الحفظ والفتح

معليش البرنامج شغال بس عندما عملت له تحديث الايقونات خربطلي أيقونات سطح المكتب كلها

ويمكن تجعله يفتح الملف الجديد بنفس الملف القديم

شكراً..

شكرا على مرورك أخى , بالنسبة لموضوع القائمة ده أنا بس كنت بعما مثال مش Editor كامل.

أنا آسف على اللى حصل لأيقونات سطح المكتب :^) بس ممكن توضحلى ايه اللى حصل بالضبط :unsure: ؟

بالنسبة لفتح الملف الجديد بالقديم أنت تقصد بنفس النافذة و تكون SDI مش MDI ؟ زى ما قلت أنا بس كنت حابب أعمل مثال مش حاجة معينه يعنى و ده اللى جه فى دماغى :unsure:

تعديل :

حريف برمجة كتب:

على العموم ملف الايكونة بتاعة البرنامج بتاعك غير الايكونة الى ظهرت عندى على الملف

ورقم واحد الى فى الاخر بيعنى ان الايكونة فى ملف exe

ولو عاز احدد ايكونة موجودة فى الريسورس الخاص بالبرنامج بتاعى اعملها ازاى

يعنى عايز اديله بيانات الايكونة بينرى

ايوه أيقونة الملفات غير بتاعة الـ EXE الأساسية , شوفها داخل الـ VB بمحرر الـ Resources

أما عن تحديد الأيقونات فعن طريق الـ Index الخاص بالأيقونة داخل الملف.

طب الاندكس عنك فى الريسورس -_- 101 وانت كتب فى الريجسترى الرقم واحد ليه بقى :rolleyes:

اقتباس

ايه الولى ده :blink: ؟

الدوال يا سيدى وانت عارف ان انا اقصد كدة بتعمل ايه :angry:

الـ Icon Index اللى جوه الـ EXE غير بتاع الـ Resources

و أنا فعلا لم أفهم المقصود بكلمة الولى , على العموم هنقتبس من الـ API Guide

اقتباس

The LockWindowUpdate function disables drawing in the given window. Only one window can be locked at a time.

اقتباس

The GetDesktopWindow function returns the handle of the Windows desktop window. The desktop window covers the entire screen. The desktop window is the area on top of which all icons and other windows are painted.

طب السؤال الى بعد كدة انت بتقفلها ليه

وايه الفرق بين الاندكس الايكون و رقم الايكونة فى الريسورس

ولو حطيط اكتر من ايكونة ايه الى هيختاره الاكسبلورر

فى حاجة لسة عاملها دلةقتى

دخلت ايكونة جديدة على الريسورس وغير ال id بتاعها ل 101 وعملت اسوشيات من تانى اتغيرت الايكونة ايه علاقة الاى دى بالاندكس

علشان ما ( ترعشش ) كتير أثناء التحديث.

و الـ Icon Index مشابه للـ Item Index بالقوائم و خلافها , من 0 لما فوق.

أما الـ Index الخاص بالـ Resources فالغرض الأساسى منه تحديده فى حالة ما أذا كنا هنحتاج نخرج الملف اللى بالـ Resources

حريف برمجة كتب:

فى حاجة لسة عاملها دلةقتى

دخلت ايكونة جديدة على الريسورس وغير ال id بتاعها ل 101 وعملت اسوشيات من تانى اتغيرت الايكونة ايه علاقة الاى دى بالاندكس

مش متأكد بس فى الغالب هتلاقى الـ Index بتاع الأيقونه اللى أنا كنت حاططها بقى 2

فين الاندكس ده يا محمد انا مش شايف اى اندكس فى الريسورس ولا انت بتقصد الترتيب بتاع اليكوانت يعنى 101 تبقى اول ايكونة و 102 تبقى التانية وهكذا

لو شايف ان اسالتى غبية معلش قولى ابقى اجرب انا فى البرنامج لما اخلص امتحانات لان اسالتى كدة طيارى

ياسيدى 101 ممكن تخليها أى حاجة براحتك , لكن ترتيب الأيقونات اللى بناديها من النظام ملهاش علاقة بالـ Index بالـ Resources و بعدين أسمه ID و ليس Index