هل ان الاوان للانتقال لنظام تشغيل اخر

أخ احمد غريب ...

محور الحديث مرة اخرى هو (لا تريدون الانتقال ل Vista على اساس كثرة ال Restrictions عليه) ... طب ما هي ال Restrictions عشان يكون عندنا علم بس ...

تحدثت عن مشكلة الهاردوير ... هل تريد ان تقارن دعم شركات الهاردوير لويندوز بمثيلاتها للينيكس ؟؟!!!

قلت لك ما هي إلا كم من شهر ازا ما كانش كم اسبوع و تلاقي دعم الهاردوير للفيستا متوفر و بشكل جنوني.

نأتي الى باقي النقاط ...

مثلا مسألة ال Geniun او ال Program Installation Validation .... الحال سيان مع Vista او XP فلا جديد بالموضوع.

أما عن دعم التطبيقات و البرامج فكلو في الطريق (فيستا يا جماعه ما كملش عمرو 5 شهور لسه)....

يعني مسألة التبشير للينيكس او لويندوز مرفوضه تماما دون الاتيان بما هو علمي يا رجاله.

شخصيا شغال على فيستا حاليا (نسخه شرعيه بفلوسي و حياتكم) ....

نظام جميل رسوميا ... لكن ليس هذا ما يهمني ... يهمني ك System Engineer ما هو خلف هذه الواجهه الرسوميه و الذي حتى اللحظه اقوم باكتشافه ... بصراحه و الحق يقال ... Vista طفره نوعيه في عالم ال Client Side ... لوهله ظننت انني اتعامل مع Server مش Client OS ....

مزايا فيستا لل IT PROS بالفعل كثيره و هنا عندما اقوم بمقارنه شخصيه مع XP ... بصراحه فيستا نقله نوعيه.

لكن نعود و نقول ما هي احتياجاتنا ... ك Desktop User ... لا ادري مدى فعالية لينيكس لتكون فعلا ديسكتوب مع وجود اصدارات مثل ubuntu مثلا و بكلا اصداريها ال Desktop و ال Server....

مسألة ال Migration لفيستا بنظري مسألة وقت ليس إلا للكثيرين .. و على عكسك اخ احمد ... ارى ان Vista بداية عصر جديد لمايكروسوفت من جهة ال OS ... اتذكر تماما هذه الحادثه و اشبهها بتدشين VS 2005 و SQL Server 2005 (اي بمفهوم الطفره النوعيه في اتجاه الافضل) ... و هكذا ارى مع فيستا.

ثم الجميع يتحدث عن لينيكس كنظام مجاني !!!

طيب جربتو تسألو عن الدعم للينيكس موجود فين ؟؟؟ و ازا موجود (ده لو) هل هو مجاني ام لا.

مثال: لدينا في العمل سيرفرين لينيكس RedHat Advance Server ... طبعا النسخه ليست مجانيه ... صحيح تكلفتها مش باهظه لكن مش مجانيه ... بس المصيبه فين ؟؟؟ الدعم .... نقوم بدفع ما يزيد عن 6000$ سنوي لتلقي الدعم بما يخص ال HD و ال SW ...

اقتباس

أنا مقلتش كده ابدا .. لكن المفروض تبقي عندك الـ Minimum Experience للعمل علي اللينكس (حسب مجالك) مش أكتر ,,,

يا حزووووم يا نن عنيا ... هوا ده الكلام ...

انتا بتتكلم عن لينيكس بصفتك مطور برامج ... و انا بتكلم عنو بصفتي System Engineer اضافه إلى (مخبص برامج) ... غيرنا هيتكلم على اساس انو مستخدم عاوز يشغل ملفات اغاني و العاب و شوية دوكيومينت و خلاص ...

هنا ال Mimimum Experience بتلزمني و بتلزمك بس ما تلزمش غيرنا ... سواء كان عملك الاساسي على لينيكس يبقى لازم يكون عندك خلفيه كويسه عن ويندوز و العكس صحيح.

بس اللي انا مش فاهمو لحد دلوقت ... الموضوع بيناقش الانتقال لفيستا على اساس مبرمجين و لا مستخدمين و لا مهندسين نظم و شبكات ؟؟!!! (رجعنا للتوهان في مواضيع انظمة التشغيل :rolleyes: )

السلام عليكم

يا اخوة سبحان الله العظيم يعني انا مش عارف إيه سبب سؤ الفهم إلي بيحصل دا, طيب خلينا نضع بعض النقاط عشان نفهم بعض.

1. ماهو سبب انتشار الوندوز ؟

نعمل مقارنة بين الوندوز الماك واليونكس..

تغلبت مايكروسفت على سان وابل بسبب عدم احتكار الهاردوير, فى الوقت الذي كانت سان وماك تبيع اجهزتها باسعار باهظة ونظام تشغيلها لا يعمل إلا على اجهزتها.

فى نهاية الثمانيات وبداية التسعينيات سيطرت مايكروسفت على سوق السوفت وير فى حين كان هناك منافسة كبيرة بين شركات الهارد وير, من ما تسبب فى خفض اسعار اجهزة الكمبيوتر, فى نفس الوقت كانت برامج مايكروسفت سهلة القرصنة, فاتبع المستهلك نظرية " ابو بلاش كتر منه".

لاحظ ايضاً ان كبرى شركات البرمجة كانت تعمل على نظام ماك, ولكن عندما لاحظو ان الوندوز سيطر على السوق انتقلو لنظام وندوز, منهم شركة ادوبي وماكروميديا و كوارك اكسبرس وغيرهم وغيرهم..

مقارنة بين اللينكس والوندوز..

لماذا سيطرت مايكروسفت على السوق رغم ان اللينكس من يوم ما عرفناه فهو إبن حلال وبلوشي ومش عايز فلوس..

السبب ببساطة نظام لينكس صنع خصيصاً للنخبة, يعنى عشان تشتغل عليه لازم تكون فاضي وقاعد تحفظ مليون سطر اوامر, مش كدا وبس لا دا إنتا عشان تشغل برنامج لازم تكتبله برنامج يشغله, دا غير ان الهاردوير لازم تعرفه حته حته, ولو عايز دسك رايف لازم تعمل mount وسطر اوامر طويل عريض عشان الجهاز يعرف إن فيه دسك درايف, وقس على ذلك اي قطعة هاردوير تركبها..

معى مرور الزمن تمكنت مايكروسفت على اجبار المستخدم الغلبان انه يشتري وندوز على الاقل, لحد كدا مافيش مشاكل, رغم ان اللينكس مازل إبن حلال ومجاني, إلا ان مايكرسفت عودت العالم على استخدام وندوز والناس مش قادرا تبطله..

طيب الان فى عام 2007 ومعي ظهور الفيستا "الله يخرب بيته" ما الذي جد؟

معي وندوز xp مازال هناك إمكانية قرصنة البرامج, رغم ان الامر اصبح اصعب من ذي قبل, والرقابة بقت على ودنه, والشركات كل شوية يجيلها مراقبين عشان يشوفو إنها بتستعمل برامج مرخصة, إلا ان المستهلك العادي إلي زي حالاتي وحالاتك كان برضو عنده فرصة يستخدم برامج غير مرخصة "طبعاً الاغلبية عندها وندوز مرخص بس انا هنا باتكلم على باقي البرامج زي اوفس و فوتوشوب و اوتوكاد الخ".

المشكلة إن فيستا عايزا تمنع قرصنة البرامج بجميع انواعها ودا حيخلي البرامج تمنها اغلي من تمن الجهاز, بغض النظر عن كونك بتستخدم البرامج دي لاغراض تعليمية او لاغراض تجارية..

غير كدا فيستا عايزا تمنع المبرمج إنه يكتب درايفر إلا بترخيص من حضرة السمو, قال إيه حماية المستخدم والتخلص من الفيروسات والتروجنات الخ.

فى نفس الوقت ظهرت توزيعة يوبونتو وهى سهلة الاستخدام وبدات تحصل على دعم كبير من انصار لينكس, خاصة ان انصار لينكس سخطو على سوزي وريد هات لان هاتين الشركتين اتجهو اتجاه تجاري..

النتيجة هى ان عدد مستخدمي البرامج دي حيقل وخاصة فى العالم الثالث, والسبب بسيط, الناس مش لاقيا تاكل فهل البرامج اولي من الاكل والشرب؟

الناس الغلابي إلي زيي وزيك حيدورو عن البديل, لانه اجلاً او عاجلاً نظام الxp حيصبح قديم زي ما ال95 وال2000 بقو قدام وماحدش طايق يشوفهم..

2 ماهو البديل؟

الماك؟؟

طبعاً لا لان ماكنتوش رغم انه نظام سهل الاستخدام وشكله شيك إلا ان مشكلة الاسعار الباهظة موجودة, ولا يلدغ المؤمن من جحر مرتين, يعني مش معقول نطلع من حفرة نقع فى دحديرة..

اللينكس؟

ربما واقول ربما لان صاحب القرار فى هذا الامر هو المستخدم العادي إلي ما يعرفش من الكمبيوتر غير الورد والاكسبلورير, المستخدم العادي دا لو اقتنع بنظام لينكس ممكن يقلب الموازين, ويساعد فى انتشار النظام من ما سيضطر المبرمجين للانتقال لهذا النظام, ليه؟ لان سوق العمل كله يتبع المستهلك وليس العكس..

ماهى العواقع التى تعيق الانتقال لنظام جديد؟

اولاً التسويق, رغم ان نظام اللينكس فيه مزيا كثيرة إلا ان مستخدمي اللينكس عدوانين جداً وينفرو الناس من هذا النظام باسلوبهم الغير لبق فى تسويق النظام.

ثانياً عدم اتفاق مستخدمي لينكس على توزيعة واحدة, يعني تسئل شخصين عن نظام اللينكس تجد اجابتين مختلفتين, الواحد يقول لك سوزي احسن والتاني ريدهات, تسئل على برنامج كتابة نفس المشكلة واحد يقول لك اوبن افس والتاني يقول لك كي اوفس, وقس على ذلك كل ما تسئل عن افضل برنامج تجد الاف الاجابات, يعني مافيش مراعاة ان السائل هو إنسان مبتدئ وهدفة هو استخدام الجهاز لاغراض سلمية "غير برمجية".

طيب ليه ما يبقاش نظامين جنباً إلى جنب, يعنى نص العالم يستخدم الوندوز والنص التاني يستخدم يوبونتو او ماك او حتى اميجا يعني فيفتي فيفتي؟

السوق لا يحتمل نظامين تشغيل, تدريجيا احد الانظمة يطرد النظام الاخر ويسيطر على السوق, ويبقى النظام الاخر محصور بين الهواة زي ماهو حاصل الان معى لينكس وماك واميجا وغيرهم...

ارجو اني اكون وضحت وجهة نظري.

والسلام عليكم

اقتباس

هل هوا هذا التطوير الجذري الذي يدعوك للإنتقال من نظام إلى اخر .. وبعدين مش مشكلة اتعمق في نظام windows سوف تكتشف انه ايضا يتح لك التعديل على ما قلت ..

نحن لسنا قادرين ابدا على تحليل الأنظمة حتى نقدر نحكم على صمود نظام عن اخر ... إذا كان الأخ احمد بيفكر يطور كيف يغير ايقونه الدخول فكيف بالبقية ....

الله يعطيك عافيه ...فهمنتي غلط

لم اقصد هاذا اول شي قلت مثلا

ثانيا فرض العميل عندما يقوم باستخدام برنامجك اول مايفتحه حيلاقي شعاره كيف سينعكس عليه

او ياسيدي الغاء الكثير من الزيادات من سورس كود وحصرها بما يلزم برنامج

ذكرة هاذا على سبيل المثال

لا حصر

تأكد تماما لو انك تدفع ثمن نظام تشغيل و برامج اكثر من ثمن العتاد اعتقد حيختلف موقفك 180 درجه

بس للاسف لايوجد تطبيق قولنين ونحن اول متضررين

...سلام

انا مش عارف ايه المشكلة ان الواحد يكون شغال على نظامين, فى مبرمجين كتير شغلهم على لينكس, لكن وقتهم الى مفيهوش شغل بيبقوا بيستخدموا windows. حازم عايز يزود كم معلوماته عن نظام لينوكس لأغراض تجارية و لزيادة اسهمه كمطور دوت نت و دة فكر كويس, محدش قال انه حيسيب الويندوز و يروح على لينوكس على طول , و اهو لما اسعار الهاردوير تنزل شوية حتلاقيه اشترى جهاز جديد و جاب فيزتا, اصل بدام العميل بتاعه بقى بيستخدم فيزتا, هو المفروض يكون هو بيستخدمه من قبله.

مشاكل التراخيص و كدة دى اخر حاجة بيفكر فيها المستخدم العادى ( هنا ) الى هو اصلا مرتبه 500 جنيه فى الشهر و سعات اقل من كدة, أحمد غريب فى البلد الى عايش فيها الوضع مشدود فدة راجل بيتكلم عن مشكلة فعلية بالنسباله.

و نسيبنا من حكاية المصدر المفتوح للينكس بالنسبة للمستخدم العادى, مش عايز اكرر الكلام الى اتقال فى رد سابق عن ان التعديل على النظام دة مش شئ يفيد كل الناس, مش حقول للمستخدم العادى الى مش بيستخدم نظام التشغيل غير فى انه يدخل على النت و يكتب مستندات او يشغل ملفات ميديا , تعالى سيب النظام الى معاك و اشتغل على لينكس اصله مفتوح المصدر.

كلمة مفتوح المصدر بيبقى ليها معنى لمة بقول انى عايز حاجة مجانية او حتى غير مجانية بس اقدر اعدل فيها عشان تتناسب مع مجموعة متطلبات تجارية عندى, يعنى بتبقى على مستوى شركات مش افراد.

الأخ العزيز الى اتكلم عن فكرة اللوجو كدة كمثال الا انى معتقدش ان حد حيطلب مبرمج عشان يغير لوجو و خلاص, انت يمكن خانك التعبير او تقصد انها حتة كماليات و ان العميل حيعجبه حاجة زى دى, مهو هو مين العميل اصلا, عميل بيطلب تعديل النظام مش ممكن يكون فرد كدة عادى, اكيد مؤسسة, و دلوقتى طالما ان انت قدرت تعدل النظام, يبقى انت مش مستخدم عادى, انت كدة بتتكلم من منطلق ان انت مبرمج و استخدامك للنظام دة فى الموقف دة, كان لغرض تجارى بحت, و مفيش مشكلة فى كدة, لكن المشكلة ان مظهرتش لسة قدامى الفايدة للمستخدم العادى من المصدر المفتوح.

يمكن لو قلت للمستخدم العادى الى هو كان بيشترى نسخة اصلية من ويندوز لمجرد انه بيتصفح الأنترنت و يشغل موسيقى, تعالى شوف النظام دة الى بيوفرلك المزات البسيطة الى انت عايزها و ببلاش و بنفس سهولة ويندوز, اعتقد دة حيكون عامل اغراء الى حد ما.

فى الأخر المستخدم العادى مش حيفرق معاه كل الى بيتقال دة, و فى الأخر حيشترى الى على مزاجه, او زى مقال احمد غريب, المستخدم حيشترى الى شايف الناس حوليه بتشتريه فى المقام الأول لأن دى جزء من الطبيعة البشرية عموما.

فى ردى الى فات قلت انى بخلى اخواتى الصغيرين يشتغلوا على لينوكس, لكن مش متوقع منهم انهم يستخدموا الـ command line , كل الفكرة انى بوريهم اختياراتهم بالنسبة لمتطالباتهم, و دة الى المفروض يتدرس فى المدارس بدل ما ان الطالب يطلع اخر السنة كل اللى فاهمه من مادة الكمبيوتر هو ان كلمة "نظام تشغيل" = windows و بس.