السلام عليكم
اخواني الكرام ,,
[ مشروع التخرج ] حقنا بعنوان : تصميم وتنفيذ نظام خبير لصيانة الحاسب ,, مصممينه بلغة ذكاء اصطناعي اسمها : Amzi Prolog ولغة برمجة عالية المستوى اسمها : Visual Basic 6
وللأسف انه الدكتور المشرف علينا مايعرف للبرمجة ,, تخصصه العتاد الصلب Hardware
وصار لنا تقريباً شهر متوقفين مو عارفين كيف نربط برنامج الفيجوال بيسك مع البرولوج
How to link between Visual Basic & Amzi Prolog
ماخلينا احد ماسالناه ، اللي رفض يعطينا معلومات واللي يقول مااعرف اللغه ، واللي …. واللي …. كل واحد عذر مختلف
الزبدة ,, طلعنا بصفر من كل التساؤلات و البحث اللي سويناه ,, فصفصنا النت ولا لقينا شي
اليوم كان موعدنا مع الدكتور وقالنا اذا خلال اسبوع ماضبطتوا الامور رح تضطروا تبرمجوا بلغه السي بدل الفيجوال بيسك !!!
بعد ماخلصنا كل شي وماباقي لنا الا سالفة الربط اللي معقدتنا ولا عارفين كيف نربط البرنامجين مع بعض
طلبي يازواري الكرام ,, اذا اي حد عنده خبره بهالبرنامجين او تعامل معهم او يعرف احد تعامل معهم وشاطر فيهم
ياليت ولاعليه امر ,, يقولنا الطريقة واحنا بنطبقها ,, هذا كل اللي نحتاجه ,,
ان شاءالله القى في مبرمجين وناس فاهمة في هاللغه تساعدنا وتحتسب الاجر ,, لانه من جد لا تتصوروا كيف نفسياتنا بعد الخبر اللي صعقنا فيه الدكتور ,,
تخيلوا انكم وصلتوا 3/4 المشروع (ونشتغل عليه من بداية السنة) وفجاة تعيدوا كل شي !!
الف الف شكر لكل من قرأ كلامي وابدى تعاونه وتعاطفه معنا ,,
ان شاءالله نردها لكم لما نتخرج و نخلص من ذا الهم اللي اسمه مشروع التخرج
اللي يلقى اي شي ممكن يفيدنا ، ياليت يرد على الموضوع