السﻻم عليكم
أنا من شهر تقريبا ركبت Linux Ubuntu 6.10 مع وجود نظام تشغيل Windows XP على نفس الجهاز.
عند تركيب ubuntu طلب ان الـ root يكون على دريف من نوع Ext3 و رفض FAT32 , فعملت دريفين Ext3 و تمت عملية تركيب النظام.
بعدها ﻻحظت ان لمة بدخل على Win XP مبتكونش دريفات Ext3 ظاهرة فى my computer , بس انا مكنش عندى مشكلة بسبب الموضوع دة و كملت عادى شغل على نظامين التشغيل بدون مشاكل لمدة شهر تقريبا.
امبارح كنت سايب الكمبيوتر ﻷخواتى الصغيرين يلعبوا طول النهار و فى احتمال انهم يكونوا سبب المشكلة *-) , المشكلة هى ان لمة بحاول دلوقتى انى اشغل Win XP , بيشتغل ببطء شديد جدا جدا و بعد فترة بيقف تماما , و اكتشفت ان النظام دلوقتى شايف الدريفين الـ Ext3 و مش عارف يتصرف معاهم.
انا مش عارف ايه الى حصل و خلى الدريفين دول يظهروا لـ Win XP , لمة بحاول افتح my computer الجهاز بيهنج لفترة.
من كام يوم كنت قريت هنا عن ان فى برنامج فى الموقع http://www.fs-driver.org/ بيخلى الويندوز يشوف دريفات الـ Ext2/Ext3 و يستخدمها عادى, دة كان قبل متحصل المشكلة فمهتمتش اوى انى اجربه.
انهاردة بعد محصلت المشكلة دى نزلت البرنامج دة على الويندوز لكن مكنش ليه تأثير فى حل المشكلة لﻷسف.
أنا دلوقتى استنفذت كل اﻷفكار الى عندى فمش عارف هل اعادة تركيب الويندوز من تانى حيكون حل للمشكلة دى وﻻ ﻻ, رغم انى شايف الويندوز عندى نفسه شغال من غير مشكلة, لكن الحاجة الوحيدة الى عاملة مشكلة هى انه شاف الدريفين السابق ذكرهم.
حكون شاكر جدا ﻷى حد يكون عنده فكرة او مصدر ممكن اتطلع عليه لحل المشكلة دى
