دورة الفيجوال المتقدمة

الحمد لله كده احنا قطعنا شوط كبير فى موضوعنا..وحنبداء مرحله صناعه بعض البرامج الاحترافيه,

ولكننا بحاجه لمعرفه بعض الدوال اللى سوف تفيدنا فى شغلنا وكمان ازاى نعمل الدوال بانفسنا.

الفرق بين البرنامج الفرعى Sub والداله Function :

البرنامج الفرعى:

عباره عند اجراء او عده اجراءات تستدعيه ويمكنك ان ترسل اليه بمعلومات لكنه لا يعود باى قيم

والبرامج الفرعيه وسيله من وسائل تسهيل صيانه البرامج وتطويرها فعندما يكون البرنامج متقسم لعده برامج فرعيه ,

فيسهل صياناته واكتشاف مكان الخطأ والتطوير بمنتهى السهوله...ولعلمك فان الاوامر التى تكتبها لتتنفذ عند الضغط على

الزر هيا عباره عن برامج فرعيه ولكنها تختلف فى كونها تنفذ عند احداث معينه .اما اللى بنصممها بناديها وقت ما نريد.

كيف تستدعى البرنامج الفرعى :

1- فى المكان الذى تريد استدعائه تكتب Call NameOfSub

2- او يمكنك الاكتفاء بكتبه اسمه فقط.

مثال :

حنعمل برنامج فرعى نبعتله اى اسم فهوه يطلع رساله ترحب بالاسم ده ..

الكود:

حنكلم فى موضوع الرساله بعد شويه , بس لاحظ فى الكود التالى:

1- Welcomeده اسم البرنامج الفرعى للى عن طريقه حنادى عليه فى اى مكان فى الفورم

2- الجمله اللى بين القوسين عرفنا متغير نوعه نصى بحيث لما ننادى على البرنامج ونبعتله اسم يرحب بيه

حيتخزن فى المتغير ده..

3-علامه ال & حنكلم عنها بعد شويه..

ولما نيجى ننادى عليه ونبعتله اسم يرحب بيه:

وانا عممت الموضوع وخلته يرحب باى اسم اكتبه فى التيكست بوكس واضرب على الزر ,

بس لو كنت عاوز تكتب اسم بدلا من التيكست واحد ماتنساش تضعه بين علامتى التنصيص " الاسم" بداخل الاقواس برضه .

ملاحظه :

1- لو عاوزين نبعت للبرنامج الفرعى اكتر من قيمه نفصل بينهم باستخدام ,

2- لو انتا بتعمل برنامج فرعى وفى كذا جزء فى البرنامج حيستخدمه , وبالتالى فان قيم المتغيرات فى البرنامج الفرعى ,

بعد اول استخدام حتتغير ولما تستدعيه مره تانيه فى نفس االبرنامج لن يعطى نتائج صحيحه.وممكن بعد كل استخدام ,

تصفر المتغيرات بس ملهاش لازمه ممكن وانتا تعرف المتغير تضيف كلمه بحيث بعد الاستخدام لا تتغير قيمته..وهى ByVal

فمثلا حيكون تعريف البرنامج كده.

ومش حيظهر الموضوع ده بشكل واضح فى البرنامج ده بس حتحس بيه لو اتعملت مع الارقام..

B)

الدوال :

عباره عند اجراء او عده اجراءات تستدعيه وهوه يستقبل منك المعطيات ويجرى عليها العمليات المطلوبه ويعود بناتج ,

لذا هودائما طرف فى علاقه تساوى لانه يعود بناتج..والفيجول بيزيك بيه العديد من الدوال مثل داله Sin() وغيرهاا..

كيف تستدعى الداله :

تكتب اسمها وتفتح قوسين وتكتب بداخلهم القيم المطلوب ارسالها ومساواه المعادله بمتغير او اى شى يمكن اظهار فيه النتيجه.

مثال :

حنعمل داله نرسل ليها رقمين فتعود بحاصل جمعهم.

الكود:

1- اظن مفيش حاجه غريبه زى الداله بالظبط , ببس حتفرق فى As واللى بعديها وده نوع الناتج من العمليه..

ونستدعيها كده :

:

وستكون القيم العائده حسب الاختيار كالتالى :

شكل كتابه الداله

Msgbox  "Messeage Text" , Options ,"Title"

choise=Msgbox  ("Messeage Text" , Options ,"Title")

وتختلف الصوره الاولى عن الثانيه (لاحظ القوسين فى الصوره الثانيه ) , فى ان الصوره الثانيه نستخدمها لتخزين قيمه الاختيار فيه لنقرر رد الفعل المناسب.

وال Messeage Text نكتب فيه محتوى الرساله

1-ولو كنت عاوز تطبع قيمة متغير متكتبوهش بين علمتين التنصيص , اكتبه عادى لوحده

Msgbox   k , Options ,"Title"

2- لو كنت عاوز تطبع مزيج من ده وده استخدم ال &

وال Title نكتب فيه عنوان الرساله

أما الOptions :

فهى قيمه رقميه تدل على خصائص الرساله الظاهره من نوع وعدد الازرار الظاهره , الايقونه الظاهره.

والزر المتعلم عليه واللى حيتنفذ بضغط Entre , واثناء ظهور الرساله يمكن التعامل مع التطبيقات الاخرى ,

قبل اختيار احد الاختيارات او تجميد التعامل مع اى تطبيق اخر حتى يختارالمستخدم احد الاختيارات.

والجداول الاتيه توضح ذالك :

1- نوع الأزرار المصاحبة :

2- نوع الأيقونة المصاحبة :

3- الزر الافتراضي:

يعنى الزر اللي تم اختياره افتراضيا بحيث لو ضغط المستخدم Enter بدون اختيار اى زر سيتم تنفيذه

4- تصرف الرسالة :

يعنى كيفية تصرف الرسالة مع انتقال المستخدم لتطبيق اخر

Msgbox  "iam good man" , 64 ,"who iam"

ونلتقى الاسبوع القادم بأذن الله

نحن في انتظار المزيد من علمك الوافر ادامه الله عليك وزادك من علمه

يجماعة لو الدروس معرفوة ياريت اعرف..علشان نعمل حاجة مفيدة للاعضاء بدل منعيد فى كلام معروف...منتظر رايكم,اقتراحتكم ..واسعد بسمع استفساركم

استاذي العزيز حتي لو كانت المواضيع مشروحه من قبل فاسلوبك وادائك مميز استاذي العزيز ويصل للعقول بسرعه لكل مبتدي بس ياريت يكون في امثله مع الشرح

وياريت تتكرم علينا ونكمل الدوره

السلام عليكم..اتكرم ايه بس , انا تحت امركم ..بس الموضوع انى حسيت انى ان بس اللى بشوف المواضيع

وبخصوص الامثلة اليوم باذن الله سنقوم بعمل مشروع مميز انتظرنى اخى العزيز....وشكرا على ردك

كما رأينا أن الرسائل تستخدم لطباعة نص أو قيمة للمستخدم , ويمكننا أن نعرف رد فعل المستخدم على الرسالة,

ولكن لو أرادنا أن نأخذ بيانات ما من المستخدم...

2- Input Box

فكما ترى يخرج الصندوق لكتابة بيانات لتستخدمها في البرنامج...وكما اتفقنا أن فائدته اخذ قيمة من المستخدم,

فيجب أن نضع له متغير يساويه بحيث يخزن فيه القيمة المدخلة من المستخدم , وإذا لم تفعل ذالك سيعطيك رسالة

خطا, والمتغير يمكن أن يكون نصي أو رقمي أو مختلط حسب البيانات الذي تتوقع أن يدخلها المستخدم.

الصورة العامة للكود:

الPrompt : هي نص الرسالة اللي تظهر وتخبر المستخدم على المطلوب منه إدخاله

ال Title : هو عنوان الرسالة اللي تظهر ...اللي بتكون مكتوبة في أعلى جزء من الرسالة

ال Default : القيمة الابتدائية اللي بتكون مكتوبة في المكان اللي حيكتب فيه المستخدم

ال X,Y : تحديد مكان حدود الرسالة على الشاشة , ولا تنسى إن المحاور مقلوبة و نقطة الأصل أقصى أعلى يسار الشاشة

ملاحظات :

1- لما تيجى تكتب عنوان ونص الرسالة والحاجات دى لازم تكتبها بين علمتين تنصيص " " ,

علشان زى اتفقنا أن الفيجول لو لم تكتبهم كده حيفتكرهم متغيرات ويطبع القيمة الابتدائية لهم وهى الصفر

2- مش لازم تدخل كل الحاجات ديه اكتب الحاجات اللى عاوزها تظهر واقفل القوس

3- أنا عن نفسي لا استخدم الInput Box لانى اشعر ان شكله مش ظريف وأفضل ان أنشى فورمه

واظبط شكلها واستخدمها كمكان إدخال بيانات..وحنكلم عن الموضوع ده بعد كده..

اكيد انك زهقت من كل الكلام ده ...تعالى بقه نعمل اول مشروع لينا ننشط فيه نفسنا ونطبق الحاجات اللى اخدناها

وبعد كده باذن الله نكمل شرح..

حتقول اه عارفها وعملتها قبل كده ....اقولك لا المرة ديه حنعمل الة مفيش زيها احترافية .. ومن اول خطوات البرمجة..من اول التفكير وتحليل النظام

وكمان قد تلاحظ اننا قد استخدمنا بعض الاشياء وفعلناها بالطريقة الصعبة وذالك لاننا نريد التعلم بالطريقة العملى وسنشرح فيها اشياء جديدة فلا تمر عليها مر الكرام

الهدف :

1-عمل الة حاسبة بها العمليات الاساسية ( جمع , طرح , ضرب , قسمة )

2-بعض الاضافات تخزين الناتج واستخدامه فى عملية اخرى , مسح كل الخانات بضغطة زر

3-حذف رقم رقم من المدخلات

الخواص:

عدم تمكين المستخدم من كتابة اى شى وكل التعاملات بالضغط على الازرار مع السماح له بالنسخ

فقط وعدم اللصق ..عمل خانتين اساستين قبل وبعد العملية الحسابية

فطبقا للاشياء اللى حددنا انها لازم تكون فى الالة بتاعتنا لازم يكون فيها :

1- ازرار بكل الارقام , العمليات الحسابية وزر حفظ واسترجاع ناتج

2- زررين لتمكن المستخدم من التنقل بين الارقام المدخلة قبل وبعد العمليه

3- زر يمكن المستخدم من حذف رقم رقم فى اى خانة من الخانتين

4- زر لافراغ كل الخانات وافراغ الذاكرة من الارقام المخزنة

5- اشارة توضح للمستخدم اين سيتم اضافة الارقام

6- ثلاث خانات لادخال الارقام واخراج الناتج

7- مكان ظهور نوع العمليه الحالية , علامة التساوى

فسيكون التصميم :

تسمية اداوات التحكم :

اسماء ادوات التحكم هيا الاسم اللى بيكون فى قيمة الخاصية Name

الخطو ديه مهمة , بنسمى اداوت التحكم على الفورم باسماء تدل على نوعها ووظيفتها فى البرنامج ,

لتسهيل عملية البرمجة والتطوير ومتقولش انا لسه مبتدى لان البرمجة تعود..ومع كبر البرنامج ممكن

توصل ل Text17 وCommand 20 وكل شوية تشوف ده كان بتاع ايه.., فالتسمية افضل شى..

كيف تسمى :

انا عن نفسى بابداء اول 3 حروف بتدل على نوع الاداة وباقى الاسم بيدل على وظيفتها فى البرنامج

مثال :

cmdClose .. معناها زر الاغلاق حيث cmd اختصار ل command

Txtname .. معناها مربع نص الللى بيتم ادخال الاسم فيه حيث txt اختصار ل Text

ومش لازم طبعا تكتبها كده , كل واحد بيكتب اللى يريحه..بس انا بكلمك على ده نتيجة لان فيه برامج عملتها من زمان ومش عارف اعدل فيها علشان بتوه لكبرها عاوز خريطة علشان اقدر افهم ده بتاع ايه

والعموم كله يرجع ليك....

خواص اداوت التحكم :

الفورم :

1-بعد مصممنا شكل البرنامج فشكله اصبح متناسق حسب ما رتبنا اداوات التحكم

وبعد كده خلينا مساحة الفورم متناسبة معاهم فلازم نخلى الخاصية Border Style = Fixed

علشان لو سيبناها SizeAble ممكن يضغط المستخدم على زر تكبير ويبقى شكل الفورم مش ظريف..

ملاحظة :

ممكن واحد يفكر ممكن اخلى الخاصية Max Button تساوى False وبكد مش حيعرف يكبرها ,

اقوله حلوة .بس لو وقف بالماوس عند اطار الفورم حيتحول الى سهم برأسين وممكن يغير مساحة الفورم

وحيبقى شكلها برضه مش ظريف...

2- الTextBox

انا عاوز اعمل الالة بحيث ميقدرش المستخدم ان يكتب ارقام باستخدام الكيبورد فممكن نقول نقفلهم بخاصية الEnabled وفى نفس الوقت اعطيه امكانية نسخ الارقام منها علشان كد مش حقدر حقفل الخاصية Enabled علشان لو عملنها Disabled مش حيقدر ينسخ منها ...

فممكن نستخدم الخاصية Locked ونخليها True وكده حنكون قفلنا الCut والDelete من الRight Click وكمان مش حيقدر يكتب المستخدم حاجة من الكيبورد فيهما ..بس فيه ثغرة ممكن يعمل copy لاسم مثلا ..ويعمله Paste فيهم والLock مش بتقفل الPaste :^)

فحنعمل حاجة ظريفة اووى , لو المستخدم ظغط Right Click فناخد الحاجات اللى متخزنة فى الحافظة

ونضعها فى متغير ونفضى الحافظة...ولما يروح لاى تطبيق تانى نرجعله الحاجات بتاعته ..علشان احنا مش حرمية... ;)

ماهى الحافظة ClipBoard :

اكيد كلنا استخدمنا امر copy وcut فالحاجة اللى بتنسخها بيتم وضعها فى الحافظة لحين تختار امر الصق Paste

كيف نتعامل معها :

لنحصل على بيانات نصية او رقمية منها :

Variable = Clipboard.GetText

ويتم تعريف المتغير حسب نوع البيانات اللى متوقعين نحصل عليها

لضيف لها بيانات نصية او رقمية :

Clipboard.SetText Variable

1-اين نضع كود اخذ نسخة من الحافظة وافراغها :

لما تيجى تكتب الكود تفكر حكتبه فين يعنى اكنك بتقول حيتنفذ امتى , الكود بتاعنا حنفذه لما المستخدم يضرب Right Click يعنى حنضعه فى حدث Mouse Down ..بس كده حينفذ عند اى Click سواء كانت يمين او شمال وانا عاوز يتنفذ لما يضرب الزرار اليمين بس فلازم يتحقق الشرط Button = 2 , فده معناه ان اليمين انضغط , ولو Button = 1 تبقى عند الشمال..

وحيكون الكود كده :

Private Sub txtresult_MouseDown(Button As Integer, Shift As Integer, X As Single, Y As Single)
If Button = 2 Then d = Clipboard.GetText: Clipboard.Clear
End Sub

ويكون المتغير d هو اللى حنخزن فيه قيمة اللى فى الحافظة

2-اين سنضع كود ارجاع القيمة مرة اخرى للحافظة :

......................................................................

لما المستخدم يبعد عن المربع النص بتاعنا نرجعله حاجاته تانى...يعنى فى حدث LostFocuse

يعنى لما المستخدم ميكونش معلم على الصندوق النصى

وحيكون الكود كده :

Private Sub txtresult_LostFocus()
Clipboard.SetText d
End Sub

1-ما وظيفة هذا الزر :

فى برامج كتير الواحد بيشوفها وبيكون فيها ازرار عليها ايقوانات ومش واضح فايدتها ايه اقف عليها علشان اشوف التعليق , ملقيش تعليق..فاضطر اجرب الزر علشان اعرف بيعمل ايه وممكن يطلع بيعمل حاجة مش عاوز اعملها وتبقى مشكلة...............

فالمستخدم لا يعلم كل التفاصيل كما تعرفها انت فيجب على الاقل ان تكتب تعليقات على اداوت التحكم حتى تساعده ويكون برنامجك لجميع ليس لك فقط... لذالك سنستخدم الخاصية اللى تم شرحها فى الخواص وهيا

ToolTipText ونكتب بكلمة او اتنين بيعمل ايه الاداة ديه..

اقتباس

كده الخواص والحاجات بتاعتنا خلصناها ولو فى حاجاة مش واضحة ياريت ترجع لشرح الخواص

البرمجة :

1-برمجة ازرار العمليات :

اننا لانحتاج من ازرار العمليات سوى ان تغير شكل العملية فى الLabel الخاص بذالك

واعلام البرانامج بنوع العملية حتى يتم التصرف..فاللى حيتصرف هنا هو الزر الخاص بالتساوى

فهو الزر الذى سيتم الضغط عليه لاظهار الناتج..

فعملت البرنامج الفرعى :

Sub operations(ty As Byte)
Select Case ty
 Case 1
  lbloperation.Caption = "+"
  oper = 1
 Case 2
  lbloperation.Caption = "-"
  oper = 2
 Case 3
  lbloperation.Caption = "*"
  oper = 3
 Case 4
  lbloperation.Caption = "/"
  oper = 4
 End Select
End Sub

اللى كل وظيفته نبعتله رقم كودى يفهمه ويدل على العمليه اللى ظغط عليها المستخدم

فيغير العلامة اللى على الفورمة ويغير فى قيمة متغير جوه البرنامج بتدل على نوع العملية

علشان بعد كده نقدر نتصرف طبقا ليها...

ونضع داخل كود كل زر :

operations (n)

حيث ال n رقم بيدل على نوع العلمية الحالية

2-برمجة زر مسح جميع القيم :

حنكتب كود لذيذ اووى نقدر من خلاله نمسح كل الText Boxes بضغطة زر

دون الحاجة لتغيرهم سطر سطر...

Dim cnt As Control

1-حنعرف متغير نوعه Control وده معناه ان ممكن يكون اى كنترول List,Command.Label

اى حاجة..

For Each cnt In frmmain

2-حنعمل لووب لاى كنترول موجود فى الفورم بتاعتنا اللى انا مسميها Frmmain

If TypeOf cnt Is TextBox Then cnt.Text = ""

3-زى ماتفقنا ان الcnt ممكنيكون اى كنترول فحنحدد الموضوع شوية لو نوع الكنترول

TextBox فى اللحظة ديه الكنترول خواصه هيا خواص التيكيست بوكس فنخلى الText

بتاعته ""

Next cnt

4-ويروح للكنترول التانى , فالمتغير ده حيكون كل ادوات التحكم على الفورمة بالتتاتبع ولما يكون نوعه

تيكيست بوكس فحيخلى الشرط بتاعنا لنص الى فيه = "" ويكمل الدورة لحد مايغير كل التيكست اللى فى الفورم .

3-برمجة اسهم الانتقال بين الخانات :

فانا عملت شكل دائرى فوق كل خانة وعندما تكون الكتابة فى الخانة التى باسفلها سيكون

لونها ازرق خلاف ذالك سيكون لونها احمر وكل زر يجعل دائرة حمراء والاخرى زرقاء

وفى نفس الوقت يجب ان اعلم البرنامج بمسار الكتابة فساجعل متغير يحمل قيمة من اثنين

سنجعله Boolen للدلالة على الخانة التى سنكتب فيها

فسيكون الكود

rsh.FillColor = &HFF&
lsh.FillColor = &HFF0000
rightxt = True

و

lsh.FillColor = &HFF&
rsh.FillColor = &HFF0000
rightxt = False

4-برمجة الارقام :

السؤال هنا ماذا نريد من الارقام , نريد ان عندما يضغط المستخدم على رقم

يرى البرنامج اين ستتم الطباعة وبعد كده يكتب الرقم مع الحاجات اللى فى الخانة

ممكن نعمل برنامج فرعى Sub علشان يشوف الطباعة فين ويكتب بس حنضطر نكرره

فى كل الارقام من 0 الى 9 طبعا لا....

فالحل اننا نضع كل الازرار بتاعت الارقام فى صورة مصفوفة تحكم Control Array :wacko: " هممممممممم"

يعنى ايه :

........... يعنى كل الادوات اللى فى المصفوفة ديه بيكونوا ليهم نفس الاسم " ازاى " بس كل واحد ليه رقم

بيميزه عن الباقيين والرقم ده بيتكون متخزن فى الخاصية Index , فالكود اللى بتضعه فى اى واحد فيهم

كانك وضعته لهم كلهم , فحعمل البرنامج الفرعى وحخليهم كلهم فى مصفوفة وحخلى قيم الIndex

تعبر عن رقم الزر ونكتب استدعاء البرنامج الفرعى بدلالة الIndex

ضعت منى ؟؟ *-)

................. تعالى معايا واحدة واحدة .. :D

الاول ده البرنامج الفرعى اللى مسئول عن طباعة الرقم فى المكان المناسب زى ماتفقنا ..

Sub numberss(ind As Byte)
If rightxt = True Then txtright.Text = txtright.Text & ind Else txtleft.Text = txtleft.Text & ind
End Sub

طب هوه كده مستنى الرقم اللى حنبعتهوله علشان يطبعه , فانا مش ممكن اكتبه فى كل زر واكتب رقم فى كل مرة زى :

numberss (1)
numberss (2)
numberss (3)
numberss (4)

فانا وضعت كل الازرار فى مصفوفة تحكم بحيث ان كلهم كالجيش عبارة عن عناصر متشابهة لا يميزها غير رقم كودى هو الIndex وعندما تخاطب اى فرد فيهم كانك تتحدث فى ميكرفون كل عناصر نفس الوحدة " قصدى المصفوفة " تسمعك.

فبعمل ضغطا مزدوجا على اى زر فيهم ستظهر لك نفس النافذة

فكلهم زى بعض ومختلفين فى الIndex فممكن نكتب كود طباعة الرقم

numberss (Index)

الجزء الرئيسى :

..................

Sub mainpart()
Select Case oper
 Case 1
  txtresult.Text = Val(txtright.Text) + Val(txtleft.Text)
 Case 2
  txtresult.Text = Val(txtright.Text) - Val(txtleft.Text)
  Case 3
  txtresult.Text = Val(txtright.Text) * Val(txtleft.Text)
   Case 4
  txtresult.Text = Val(txtright.Text) / Val(txtleft.Text)
 End Select
End Sub

وده واضح بس دالة

Val()

مقولناش عليها قبل كده و بتحول القيمة النصية ومن غيرها حيطبعه جمع بعض 4+3=34 وباقى العمليات حيحيصل فيها خطا..فمينفعش اضرب احمد * 3

فلازم احول كل النصوص لارقام

وحيتبقى زرارين الحفظ والاسترجاع :

فاسمحولى ممكن نخليه واجب وحقول فكرته بس علشان التأكيد ...حتعمل متغير مل ولما يضغط المستخدم على زر حفظ , تضاف قيمة الناتج في ذالك المتغير وعندكا يضغط استراجع نرى اين ستتم الطباعة من خلال المتغير :unsure:

Righttext اللى عملناه قبل كده وتخلى قيمة التيكست اللى على الدور يساوى المتغير

pR.rar

معقول كل الزيارات ديه ومحدش عنده استفسار...؟؟؟ سبحان الله

الله يعطيك العافية أخي FemTo

و مشكور على مجهودك الطيب و الرائع

و الله يعطيك العافية

و مزيد من التقدم و الافكار الجديدة إن شاء الله

معذرة يا اخوتى نظراا لظروف امتحانى سيتم استكمال الدورة باذن الله يوم 19 يناير 2007

وفقك الله اخي الكريم

السلام عليكم

اولا جزاك الله كل خير femto

و بالتوفيق فى الامتحانات

ثانيا ممكن طلب من الاخ Ayoub JAMAL EL IDRISSI

بشرخ الداله -IIF- مع مثال

و شكرا

ممكن بعد اذنكم واذا تكرمتم ولم يكن ذلك مزعجا لكم ان تكون الكتابة باللغة العربية الفصحى فقط في مواضيح شروحات البرامج واذا امكن وضع هذه الدورة المتقدمة المهمة في ملف واحد موحد وارفاقها

اخى همام ..بخصوص الكتاب باذن الله لما ننتهى من المستوى الاول سنجمعها فى كتاب وشكراا لمرورك

مشكور والله من زمان مستني هذه الدورة

موضوع مميز ودورة رائع

بارك الله فيك أخي الكريم

وجعلها الله في ميزان حسناتك

بارك الله فيك اخ احمد فمتو

السلام عليكم ورحمة الله وبركاته :)

مشروع اليوم باذن الله سيكون برنامج استعراض الملفات فى المجلدات المختلفة

امكانياته :

1- البحث عن ملف بدلالة الاسم او الامتداد

2- تغيير اسماء الملفات

3- حماية المجلدات بطريقة سترد فى وقتها

ذالك بالاضافة لاستعرض الملفات والمجلدات كما اتفقنا :D

التصميم :

فالشكل الناتج اكيد مريت به فى اى برنامج ..فعندما يتغير الدرايف تتغير المجلدات الظاهرة وبالتالى الملفات :unsure:

فهكذا الدرايف >>> المجلد >> الملف

Private Sub Drive1_Change()
Dir1.Path = Drive1.Drive
End Sub

فعند حدث تغير الدرايف المعروض فيجب ان يتغير path ال مجلدات المعروضة فى الDir حتى تكون متواكبة مع الدرايف الجديد

Private Sub Dir1_Change()
File1.Path = Dir1.Path
End Sub

وبالتالى عن حدث تغير المجلدات يجب ان يتغير مسار الملفات التى ستعرض فى الFile حتى تتواكب معه بدروها

1- كده اول هدف تحقق ويمكنك استعراض الملجدات والملفات الوجودة فى درايف معين :blink:

اخي العزيز مشكور على الشرح الأكثر من رائع بس انا عندي سؤالين

1- ممكن تعيد شرح المصفوفة بطريقة وافية علشان انا مش مستوعبها كويس؟

2- في المثال السابق شرحت كيفية استعراض ملفات فكيف استعرض نوع معين من الملفات و كيفية إستخدام زر بحث

شكراً اخي العزيز وياريت مكنش طولت عليك

رائع جدا جدا جدا

انا مش مصدق ان فيه مسلمين لسه كده انا كنت باحسب المسلمين نسيوا انفسهم وانغمروا فى طغيان الدنيا(المال) وجمع المال

انا شاكر جدا جدا يا اخى الكريم انا على فكره اسمى الحقيقى علاء وانا شبه مبتدىْ(شبه محترف) فى الفيجوال بيسيك6

مشكور اخي

واحنا متابعين للاخر قطرة :rolleyes:

اخى المبدع

femto

مسائك خير ورضا..من الله الواحد الوهاب

انار الله قلبك بنور الايمان وزادك الله علماً فوق علمك

وأثابك الله لهذا الطرح الرائع والمفيد

أدعو الله أن يجعله في موازين أعمالك يوم تلقاااه

وأن يبارك لك في أهلك وعملك ووقتك

::::

اخى الكريم

لدى بعض الاسئله وأمل ان اجد لها جواب

السؤال الاول:.

انا اريد عمل مشررروع بالفيجوال بيسك 2003 وبصراحه في اختلاف بين هذا الا صدار والاصدار الفيجوال اللى انت شرحته

لانى بصراحه انا طالبه في اخر سنه ولازم اقدم مشروع التخرج وكل ماقلت لهم عن فكرة للمشروع ما يقبلوووها

واخر شئ قلت ابي اسوى برنامج شرح لمادة الفوتوشوب بس لازم يكون فيها حركات

يعنى لازم يكون المشروع في برمجه واكواد فيها حركة يعنى مو مشروع عادى عشان يعجبهم

وبصراحه هالمشروع مو مقتنعه فيه بس هو اللى طلع معاى

وابي منك خدمه ياريت لو عندك فكره مشرروع حلوة تقولى هيا

السؤال الثانى :.

اذا كنت تبي تسوى برنامج بفيجوال بيسك 2003

و جيت تبي تشغله على جهاز مافيه هذا البرنامج مايشتغل معاك ؟؟؟ ايش السبب؟؟

اذا عندك طريقه تخليه يشتغل تلقائي على اي جهاز ياريت تقولى

**

ابي اطلب منك خدمه تانيه

اذا تعرف موقع فيه اكواد فيجوال بيسك 2003 اكواد فيها حركات مو الاكواد العاديه

لانى بصراحه كل المواقع اللى ادخلها اكوادها على الاصدار الاخير

وانا محتاجه لها الاكواد ضروري

تقبل منى فائق الاحترام والتقدير لشخصك الكريم

::

سننتظر دائما ما يجود به قلمك المتألق علينا

أطيب المنى

أختك

عاشقه الفيجول