السلام عليكم ورحمة الله وبركاته ..
في البداية يسعدني ويشرفني الإنظمام الى هذا المنتدى والتشرف بأعضاءه الكرام .
ولي بأخواني المبدعين أمل في أن أجد حلاً لهذه المشكلة . علماً بأنني ملم بأغلب برامج الكمبيوتر .. ولكنني صفر على الشمال في الفيجوال بيسك والذي عجزت بصراحة أتعلمه مع أنه أحد أحلامي .. المهم
قبل أكثر من ثلاثة أعوام فتحت مكتب تأجير سيارات واشتريت سيارات بنظام التأجير بالتمليك (كانت 50 سياره والحين عشرة) .. الله كريم ,, المهم أيضاً
سويت برنامج تأجير سيارات وكلفني يومها حوالي عشرين ألف ريال .. صوره للبرنامج الذي اكتشفت بعدين انه عند اكثر من واحد غيري .. وطلعت انا من جنبها ..
وكل ماخرب البرنامج جبنا المصري اللي سواه وياخذ على المشوار والتصليح 200 ريال .. وصار شغلي الشاغل هالبرنامج .. قسم بالله ماافقرني الا هو .. كنت غشيم والظاهر لا ازال غشيم. المهم أيضاً أيضاً .
البرنامج تدخله بإسم الفرع ,, يعني تختار الفرع ( مع انه اصلاً فرع واحد ) وبعدين تدخل اليوز والباس وورد. والحين مكتبنا إنتقل من الفرع اللي هو فيه واللي يظهر اسمه بالعقد وإذا جينا نغير الفرع .. تطلع لنا هالرساله .. .؟
( يوجد مخالفة لإتفاقية التشغيل .. إحذر تدمير البيانات ) ..
وأجلس أضغط عليها .... وبعدين يفتح البرنامج .. بس إذا جيت أدخل عقد .. تطلع رسالة ,,,
(يوجد مخالفة لإتفاقية التشغيل) وإذا ضغطت موافق .. سكر البرنامج ..
علماً بأنني استعنت بواحد من خوياي ,, وابن الحلال ماقصرت .. فتحنا الملف الرئيسي وجلسنا نحوس بالبيانات ولقينا ملفين أكسس .. وقدرنا نفتحهم .. علما بأن البرنامج معي على سيدي واقدر انزله على اي جهاز بس مااقدر اغير بالفرع .. مع اننا غيرنا من ملف الاكسس ايضاً اسم الفرع وبيانات المؤسسة .. بس البرنامج مازال يعطينا هالمشكلة ..
وهذي صورة من ملف البرنامج الموجود في programs files للي يحتاج اسماء الملفات .. علماً بأن هناك ملفات لم تظهر بالصورة ..
والبرنامج إذا حملته على الجهاز ينزل معه برنامج اسمه Microsoft® Data Access Components 2.0 طبعاً ماادري وش وظيفته ؟؟
مع اني نزلت الفيجوال بيسك 6 وماخليت تقريبا اي برنامج الا ونزلته بس المشكله هي المشكلة .. واللي يبي ملفاته ماعندي مانع واعطيته باس وورد الاكسس واللي يبيه
أخواني ,, اذا ممكن حل هالمشكله .. ارجوا الرد .. واذا احد يقدر يشرحها لي خطوه خطوه اكون شاكر وممنون.
والسلام عليكم .