مؤتمر ميكروسوفت الخاص بفيستا ( بالملفات :D )

سلام عليكم

الموضوع كبير كبير كبير :D

بجد الموضوع كان كويس جدا أى نعم فى حاجات مضروبه من لينكس و ماك :D بس الموضوع لذيذ جدا عارفيين ليه

ميكروسوفت بتهتم بحاجة مهمه جدا و هى الـUSABILITY يعني أى نعم لينكس فى حاجات حلوة و كمان ماك فى حاجات كويسه بس لا يزال بالنسبة للمستخدم ويندوز هو الأفضل

أنا مش بدافع عن ميكروسوفت على الفاضي

بس هم فعلا ناس بتفهم :D مش مجرد ناس قاعدين فى معمل و بيعمل شغل و خلاص لأ دول بيعملوا حاجة تستعمل

مش مثلا :D حد بيعمل نظام تشغير و نييمه جانبه و يقعد يتنطط فى الدنيا كلها علشان عمل نظام تشغيل هو الوحيد الى بيستعمله :D و لو حب يعمل حاجات ثقيله شوية بيدخل على نظام بجد

يعني مثلا لينكس محتاج بكل معانى الكلمه واحد بيفهم فى لينكس يعني ما ينفع أن حد يدخل على لينكس كده و يطبش :D لان مش هيكون فى فرصه للتطبيش أساساً

و كمان الى حد ما معقد فى كل شئ حتى على المطورين , و كمان أدواته مش كفايه - طبعا أنا عارف أن لو حد من الناس محبي لينكس دخلوا هنا ممكن يحرقوني :D بس أنا لازم أخلص زمتي :D ( واحد من محبي لينكس بيقول -هو أنت عندك زمه أصلا :D - ) المهم أن لينكس معقد و لو حبيت لأي سبب تعمل أى حاجة بتتحول الى قصه كبيرة جدا ممكن تؤدي لأنتحار المستخدم الغلبان بدل ما يجي له ضغط و سكر و حاجات كتير من الى بنسمع عنها

بالنسبة لماك , مش عارف ليه بحس أن الناس دول بيضحكوا على طوب الأرض :D السوف وير بتاعهم مش حلو :D و بكل ثقه أقول كده لان بكر بساطه شوف الجهاز الماك شكله أيه :D ده بيكون أعلى تركيبه موجودة فى السوق يعني مثلا أخر حاجة نزلة فى ماك برو ممكن تشوفها أبسط حاجة ( 2 معالج مزدوج القدرة و Hyper threading ) أنت متخيلين و كمان على فكره المعالج تقريبا 3 جيجا هرتز و كمان المعالج زيون , يا شباب لو ويندوز أشتغل على جهاز زي ده صدقني هيكون أحسن من ماك مليون مرة

أساسا مفيش وجه للمقارنه

يعني أنت بتتكلم على نظام تشغيل بيعمل على أى نوع هارد وير, أنت مش مضطر أنك مربوط بحاجة معينه

فى ماك لو حاجة عايز تغيرها بتغير الموضوع كله :D هما بيقولوا بكده قضوا على مشكلة التعريفات :D دول لغوها من أساسها

بص لويندوز بنظره عادلة علشان تقدر تحكم عليه

ناس كل همهم أنهم يخلوك تقدر """تستعمل"""" جهازك و الناس مش نايمه ديما بيصلحوا فى النظام يعني مش رميينه, كمان فى تطوير وحاجات كويسه بتطلع

ناس متعونه جدا فى الـدعم الفني أبعت ميل و شوف الرد , الرد بيكون واضح و صريح و مفيش فيه لف و لا دورانات

بص على لينكس , أنا فى مره كنت بجرب كده أشوف حاجة مع شويه من محبي لينكس :D كان كل واحد فيهم بيستعمل توزيعه معينه المهم كان فى واحد تاني معانا جايب جهاز جديد, لما سألت أستعمل أى توزيعه طبعا و بدون أدنى تردد كل واحد رشح التوزيعه الى بيستعملها , المهم و بعد شوية مناقشات و كعادة مستخدمي و محبي لينكس تحول الى معركه , :D و كل واحد يقعد يقول الى حلو فى توزيعته :D طبعا الأخ الجديد فى الموضوع ده قال "أيه وجع الدماغ ده. خلينا فى ويندوز :D أهو شغال و مش بيقول لأ و لما بيضرب بنظبطه :D"

تقدر تستخلص من الموضوع ده كتير جدا :D أولها أن الموضوع المهم فيه هو المستخدم.

هجيب مثال أوضح

لو فرضنا أن نظم التشغيل ديه شخصيات كل واحد بيبني بيته

ويندوز بيته شكله حلو "مش أوي يعني - حاجة كده تمشي المطلوب" فى سور حديد "حاجة تمشي المطلوب برده" و جوه البيت فى مجهز بكل حاجة ممكن تريحك و كمان ويندوز بيته جنب السوق يعني ممكن ينزل يشتري حاجات يظبط بيها البيت, طبعا وجوده جنب السوق بيفرض عليه حاجات كتير جدا أولها يعلي السور شوية "و ده ال يسحصل فى كل تحديث" و كمان أنه لازم يكون عارف بيتعامل مع مين, بس

ماك بيته روعه جنينه ضخمة جدا "أستهلاك موارد" و كمان فيه حاجات حلوة كتير , طبعا تجنبنا للدوشة ماك ده فى مكان بعيد جدا "مكان سعره غالى جدا", و كمان متكلف السور عادي بس بما أنه قاعد لوحده فا مفيش خوف,بس يعني الى هيسكن فى بيت ماك ممكن يموت من الملل بسبب ان مافيش أمامك غير خيارات محدودة جدا و على رأي الأعلان بتاع مايكروسوفت

Photoshop is not a game

نيجي للجبار لينكس , بيت عباره عن مبنى مكون من 50 دور محاط بدروع أسمنت و مبطنه بطبقة من الرصاص ثم التايتنيم , المبني من بره شكله حلو جدا و ينم عن أنه مبنى مخصص للمتخصصين فى التكنولوجيا لا يوحي بأنه بيت خالص البيت فى أمكانيات رهيبه بس للأسف كلها لازم تتعامل معاها بطريق "دور على السرداب المناسب لتنهي عملك" فى حاجة كويسة جدا أن البيت بتاع لينكس ده مفيش فيه سوق فالى بيحصل أن كل حاجة هتعمله بأيدك و غصب عنك لان أساسا مافيش و كمان مفايش دعم و لا فى أى حاجة خالص , أنا من وجهة نظري أن البيت ده ينفع أكتر للأغراض العسكريه

ممممم فى النهايه أنا بدعو كل الناس أنهم يجربوا الثلاثة أو بلاش علشان محدش يقول لك أن الناس ثقافتهم تحولت الى ثقافة ميكروسوفتيه, فى حل أفضل

أحنا نجيب ثلاثة ( لا يعرفوا شئ فى أى من الثلاثة أنظمه ) و نعطي لكل واحد مانيول و و نشوف رد الفعل و نشوف رأى كل واحد بعد تجرب كل نظام

فى النهاية أود أن أعطيكم المادة التى عرضت علينا هى ليست كاملة و لكن سوف نحاول الأتصال بالمتحدثين لكي نأتي بها كامله

http://rapidshare.de/files/33884052/Micros..._Egypt.rar.html

نسيت أقول لكم :D

أدونى ماج عليه Windwos Vista

الماج كتوب عليه ويندوز مش نازل عليه لحسن تفهموني غلط :D أنا عارف فى ناس بتتلكك هنا :D

و كمان أنا مش عايز حد يتضايق من الكلام الى فوق ده :D ديه وجه نظر خطيه بتعبر عن رأيي أنا بس :D و الى موافق عليها يقوم برفع يده :D