سي دي أو اسطوانة (MSDN)للفيجوال بيسك 6

السلام عليكم يا اهل فلسطين الحبيبة ومرحب بك

انا عندي الــ MSDN بس على الجهاز

وهو في الحقيقة مش هايبقى على اسطواتة واحدة

انظري الصورة كم تبلغ مساحته

وسلامي لك ويارب تجدي موقع جاهز للتحميل

بس اصبري

رابط تحميل الفيجوال 6 من هنا

msdn

شكرا كثير ليك يا أستاذ محمد على تعاونك بس فعلا ضروري أحمّل الMSDNلأنه هذا الكورس الأخير إلي في الجامعة ومشروعي التخرج إن شاء الله ناوية أبرمجه بلغة الفيجوال بيسك وال Help ضرورية جدا لي

يا ريت تحاول تضغط ملفاتها ببرنامج winrarوتحاول ترسلها

فعلا ضرورية إلي

شكرا أستاذ هاني على اهتمامك

وإن شاء الله رح أحاول أحمّلها من هذا الرابط وبخبرك بالنتيجة

هل فكرتي في فكرة مشروع التخرج بتاعك يا اخت رشا

فلو عندك افكار حلوة ياريت تعريضيها هنا

لأني برضوا عندي مشروع تخرج السنة دي

وممكن نتعاوم مع بعضنا للحصول على فكرة جميلة تصلح لي في بلدي مصر وتصلح لكي في بلدك فلسطين

أستاذ محمد شكرا على اهتمامك

بالنسبة للأفكار اللي في بالي بخصوص مادة مشروع التخرج هي عبارة عن نظام محاسبة(جرد مبيعات ومشتريات)لمحل بيع أدوات كهربائية واتصالات والكترونيات وكمبيوترات وإن شاء الله أكون على قدر المسؤولية الكورس الجديد لي يبدأ بتاريخ 1/10/2007 أي الوقت الحقيقي للبدء بالعمل على المشروع وسوف أعتمد لغة الفيجوال بيسك 6 في برمجتي للمشروع

إذا كان لديك أفكار أخرى أفضل من ذلك فيا ريت ما تبخل علينا

الطالبة رشا

فلسطين

السلام عليكم يا اخت رشا

فكرة جرد مبيعات ومشترايات تكررت كثير فهي تتكلم عن استخراج ارباح وخسائر والمنتجات وعددها واسعارها و.... الخ

وهو ايضا متعلق بالمخازن ايضا

المهم

انا عندي فكرة حلوة برضوا ومش متكررة ولا حاجة

المشكلة :

يوجد احدى الشركات مثل شركات البترول والحديد والصلب ....الخ

عندها الآت كثيرة بطبيعة الحال الة لتقطيع الحديد , لتخريم الحديد , لتقطيع الخشب , لعمل المسامير ....الخ

طبعا هذه الشركات كبيرة عندها اكثر من 100 الة على الأقل وكل اله طبعا لها اسمها الخاص وكودها الخاص

المهم

لكل الة من هذه الآلات ميعاد صيانة في وقت معبن

صيانة ليس معناها تصليح

صيانة معناها كشف على الألة مش اكثر

والصيانة بتتعمل على هذه الألة كل شهر

بس هناك ثلاث انواع لعملية الصيانة

صيانة شهرية

صيانة ثلاث اشهر

صيانة ستة اشهر

صيانة سنوية

طبعا كل شهر زي ما اتفقنا بيتم عمل صيانة على الألة

اليكي تفصيل اكثر

الأرقام التالية هي ارقام الشهور بتاعة السنة العادية الي هي 12 شهر موضح كل شهر ونوع الصيانة المتعلق بعدد مرات الصيانة على الألة

1 شهرية

2 شهرية

3 ثلاث اشهر

4 شهرية

5 شهرية

6 ستة اشهر

7 شهرية

8 شهرية

9 شهرية

10 شهرية

11 شهرية

12 سنوية

وهاكذا في السنوات القادمة

الفرق بين الأنواع هو ان الصيانة الشهرية تعتبر صيانة عادية يعني ممكن العامل او المهندس المسؤل عن الصيانة

يبص عليها بس مش اكثر

اما الصيانة ثلاث اشهر ممكن يبص عليها من جوة

اما الصيانة الست شهور ممكن يفككها ويختبر حاجات معينة فيها

اما الصيانة السنوية فممكن فريق من المهندسين ياتون لفحصها فحص جامد

بصراحة انا غير متأكد بس بخمن على ما فهمت من احدى الشركات

المهم

زي ما اتفقنا ان الكلام ده هايتطبق على اكثر من 100 الة

وكل الة يختلف ميعادها عن الأخرى

طبعا كل الكلام ده بيتم بالورقة والقلم

ياتي المهندس وينظر الى الورقة اللي مملوءة بالتواريخ لهذه الألات وينظر من الألة التي عليها صيانة النهاردة

ونوع الصيانة ايه

ويبدأ يعد عمليات الصيانة اللي تمت من قبل على الألة علشان يعرف نوع الصيانة ايه

طب فيه ملاحظات ولا لأ

طب الألة دي تعطلت ولا لأ

طب استعملنا فيها قطع غيار ولا لأ

كام قطعة غيار

وبكام كل قطعة

واسمها ايه

ومنين هل من المخزن بتاع الشركة ولا اشتريناها من برة

ولما الألة توقفت عن العمل ماهي الخسائر الناجمة عن التوقف

والمصروفات اللي الألة دي بتاخدها علشان تتصلح وقطع الغيار اللي بتستعملها هل كل هذه الخسائر والمصروفات التي تاخذها هذه الألة اكبر من ثمن الألة

اقصد ان لو فيه الة تعطلت اكثر من مرة في السنة وكانت بتعمل خسائر كثيرة تفوق سعرها وتفوق الأرباح اللى الألة بتحققها في الحالة دي يتم توقف الألة عن العمل نهائيا ويتم شراء الة جديدة

هي دي المشاكل اللي بيقابلها المهندس اثنا نظره للورقة اللي فيها جميع الألات بتواريخ وارقام وفلوس وحاجات كثيرة بيعملها بإديه

ويعلم ويشخبط ويمسح ويصلح الخطاء اللي في الورقة

المطلوب مننا :

عمل برنامج اسمه ( متابعة ومراقبة عمليات الصيانة على الألات ) لهذا المهندس الغلبان

البرنامج سوف ينبه المهندس ان النهاردة في صيانة المفروض تتم علي هذه الألة او الألات دول ونوع الصيانة بتاعة النهاردة

وكمان البرنامج بيطلع تقرير عن جميع عمليات الصيانة اللي تمت على جميع الألات من قبل

وبيطلع تقرير عن عمليات الصيانة اللي جاية لجميع الألات

وموضح فيها عدد مرات الصيانة ونوع الصيانة التالية وحاجات كثير يمكن الإستعاتة بشركة لمناقشتها في ذلك

طبعا في تقارير كثيرة المفروض المهندس يعملها واحنا اللي هانطلعها بالكمبيوتر

وايضا تقرير شامل كل قطع الغيار المستخدمة

والألة تعطلت كام مرة

وتقارير كثيرة

المهم

البرنامج ده انا فعلا شغال فيه

ولو عزتي اي حاجة اطلبي مني ان شاء الله هاساعدك

بس خلي بالك ان البرنامج ده بيحتاج كريستال ريبورت علشان التقارير

وخلي بالك ايضا ان البرنامج فيه شغل

يعني لازم تخدي بالك هل هاتعمليه وهاتكلي فيه ولا مش هاتعرفي تعمليه

وانا معاكي في اي حاجة تقف امامك

ولو عايزة المطلوب في البرنامج بالتفصيل هاقولك

سلامي لك

أستاذ محمد فكرة مشروعك أكثر من رائعة ولكن يجب أولا أن أقوم باستشارة الدكتور اللذي سوف يشرف على مشروعي إذا أمكن اشتراك طالبان في جامعتين مختلفتين وفي قطرين مختلفين في نفس المشروع أما بالنسبة لفكرة مشروعي فلم يسبق لأحد الطلبة الخريجين من جامعة القدس المفتوحة تخصص(أنظمة معلومات حاسوبية) أن قام به من قبل فقد اقتصرت مشاريعهم على سي دي تعليمي لمساقات هذا التخصص وهذا اللذي دفع مشرفي على الموافقة بالإستمرار على هذا المشروع مع انه عرض عليا في البداية مشروع بعنوان أمن المعلومات(التشفير)ولكن إدارة الجامعة قامت برفضه بعد فترة بحجة عدم موافقة أي مؤسسة على إجراء اختبار وتجريب لذلك المشروع وبالتالي انتقلت إلى تعلم لغة الفيجوال بيسك 6 لتكون اللغة المعتمدة في مشروعي فإذا كانت لديك أفكار أخرى أرسلها لي مع الأخذ بعين الإعتبار الأوضاع المأساوية في فلسطين وصعوبة التنقل من مدينة إلى أخرى لذلك قمت أنا باختيار محل تجاري قريب من منطقتي بحيث يمكنني الوصول إليه دون حواجز أو مخاصيم على الطرق فأنا من مدينة نابلس وبالتأكيد تسمع في الأخبار عن الوضع المأساوي للطرق في هذه المدينة

أرجو ان تختار لي فكرة مناسبة لمادة المشروع في ظل هذه الظروف الراهنة وأن تستمر في إخباري بكل جديد تقوم به في مشروعك وبالنسبة لي لن أهمل فكرتك فسأقوم بطرحها على مشرفي وسوف أخبرك بالرد

ولك جزيل الشكر

الطالبة رشا

السلام عليكم

الأخت الكريمه رشا

إن ما وضعه الأخ العزيز هانى

هو رابط لمكتبه ال MSDN Online

اى لتصفحها من على الأنترنت وليس لتحميلها

السلام عليكم

اولا يا اخت رشا لي عندك عتاب بسيط وهو انا وانت تقريبا في نفس العمر فلا داعى بكلمة استاذ وابلة والحاجات دي

فمن الممكن ان تقول اخي او تقولي محمد على طول

ثانيا انا اشاطرك المأسويات التي تحدث عندكم في بلدكم الحبيبة فلسطين والمأساة التي تحدث في شوارع مدينة نابلس

ثالثا بالنسبة للمشوع بتاع امن المعلومات ده انا حاسس ان الدكتور بتاعي هايقولي اعمله وساعاتها هارفضه لأني مش بحب الحاجات دي وكمان انا عندي فكرة تانية حلوة برضو بس شوية كدة علشان ارتبهالك علشان اعرف افهمهالك

رابعا بالنسبة لــ MSDN انا دورت عليه كثير اوي في النت ومش لاقيه اللي لاقيته هو MSDN visual studio 2005

ومش لاقي اللي انت عاوزاه خالص

ولاقيت ناس اجانب بتتحدث عن الموضوع ده وعلى ما اعتقد كان في رابط للتحميل

هو عبارة عن منتدى اجنبي وكان في واحد عاوز الــ MSDN VS 6 اللي انت عاوزاه بس علشان تشوفي باقي الردود لازم تدفعي فلوس الفيزا كارت

اما بالنسبة لي فانا برفعه دلوقتي على النت ولما التحميل كله يخلص سوف اخبرك ان شاء الله

ومن هنا لغاية ما التحميل يخلص دوسي على F1 في اي وقت هاتلاقيني ان شاء الله

وسلامي لكي و لفلسطين الحبيبة

مساء الخير محمد

شكرا كثير على اهتمامك بكل أسئلتي اللي طرحتها في المنتدى ويا ريت تستعجل بالفكرة الحلوة الجديدة اللي عندك علشان ألحق أعرضها على مشرفي قبل فوات الأوان فتاريخ البدء الحقيقي في عملي على مشروعي هو بداية الكورس أي بتاريخ 1/10/2006وأما بالنسبة لبرمجية msdn المنزلة على جهازك فيا ريت تحاول ترفعها للمنتدى علشان الجميع يستفيد منها

وأنا مقدرة مجهودك والله يعطيك ألف عافية وإلى الأمام

رشا

فلسطين

مساء النور رشا ( مع اني دلوقتي الصبح بس علشان ارد التحية )

المهم

بالنسبة للــ MSDN VS 6 تم ضغطه والحمد لله على 15 ملف ( ده طبعا علشان اعرف رفعه على النت بسهولة وتنزليه بسهولة ) وتم رفع ثلاثة بنجاح والأن برفع الرابع فلا تقلقي

اما بالنسبة للفكرة فانا بعتقد كدة انها مش حلوة لانها في مصلحة الطالب اولا يعني بإختصار طلبة راقية من طبقة راقية

وهاشرحلك الفكرة وخلاص

المشروع هايكون لأكاديمية ( يعني التعليم اللي بالفلوس يعني )

دلوقتي هايكون في الأكاديمية ( في الساحة بتاعة الأكاديمية ) كمبيوتر وطباعة

هايبقى عليه اول نموذج من برنامجنا ومحدش هايقدر يقفله خالص من الطلبة ( غير مسموح لهم بذلك )

النموذج اللي هايبقى على شاشة الكمبيوتر الطالب هايجد فيه ثلاث مربعات هما

اسم المستخدم

كلمة المرور

الكود

حيث معظم الأكاديميات تعطي للطالب كود للتعرف عليه

المهم

الطالب هايسجل الحاجات دي ويدخل على البرنامج

ليشاهد اول صفحة خاصة به ( سيبك من اول صفحة دلوقتي )

بعد الدخول الطالب يمكنه ان يطبع الأتي

تقرير عن كل المصروفات اللي دفعها من اول لما دخل الأكاديمية

تقرير عن جميع المواد اللي المفروض هايدرسها في الأكاديمة دي

يطبع الجدول

يطبع جميع المواد بالتقديرات بتاعتها مع توضيخ التقدير العام حتى هذا الوقت

يطبع كل سنة حصله ايه بالنسبة لكل مادة بالدرجات بتاعتها

يطبع درجات الميد تيرم بتاعه في سنة معبنة او في كل السنوات

يعني هايقدر يعرف الكثير والكثير عن نفسه داخل الأكاديمية

المهم

تعالي بقى للصفحة الأولى

الصفحة الأولى اللي هايقبلها الطالب بعد دخوله هايبقى صفحة إعلاانات تخص الطالب مثل مثلا

احضر صورتين لإكمال عملية إنشاء الكارينه الجديد

توجه الن لإستلام الكارنيه الجديد

متوفر حاليا الكتاب كذا للدكتور كذا والسعر كذا

تم تأجيل المحاضرة كذا الي اليوم كذا

عليك غرامة 100 جنيه وذلك لكذا وكذا وكذا

تعلن اسرة الإحباء عن رحلة الى الأسكندرية ...........

الخ الخ الخ والكثير من الإعلاانات التي تخص الطالب

وفي حالة عدم الرد على اعلان معين وليكن خبر الغرامة

اذا لم يقول الطالب للبرنامج انه تم قرائته بالفعل وذلك في مدة معبنة يتم إبلاغه عبر الهاتف اللي كتبه عند تسجيله في

الأكاديمية

واذا تم ابلاغه عن طريق التليفون او علم الطالب ان عليه فلوس او عليه غرامة او اي مشكلة ولم يتقدم بشئ

في هذه الحالة يستلم الأمن اللي على البوابات اعلان على الجهاز الخاص بالأمن بصورة هذا الطالب ومنعه من الدخول او احضاره فورا الى الإدارة

طبعا المشروع ده هانستخدم فيه الشبكات اللي في الفيجوال بيزك برضو

علشان غرفة إتحاد الطلبة او الغرفة بتاعة الأسر اللى في الأكاديمية لما تنزل اعلان للرحلة المفروض هاتكتب الإعرن ده على الجهاز الخاص بتاعهم ويتم ارساله عبر الشبكة الى الجهاز الخاص بالطلبة

وايضا يوجد الجهاز الرئيسي للبرنامج بتاعنا في مكتب شؤن الطلبة لتغير وتضيف وتعدل وتضع اي اعلاانات متعلقة بالإدارة والطالب مثل الغرامة والكتب والمصاريف الخ الخ

وايضا يوجد جهاز لكل دكتور حتى يقدم اعتذاره للطلبة انه لم ياتي المحاضرة اللي جاية

وكدة يعني

وفي حاجة كمان

كيف يحصل الطالب على اسم مستخدم وكلمة مرور خاصة به ؟؟

هذه المعلومات سوف تكون مطبوعة على الكارنيه الخاص به ( كارنيه دخول الأكاديمية )

كيف؟

سوف يتم انشاء اسم المستخدم وكلمة المرور لكل طالب اثناء تسجيله في اول مرة بقاعدة البيانات من قبل الإدارة

يعني عندما يأتي الطالب ويتقدم للإلتحاق بهذه الأكاديمية سوف يكتب المهندس المسؤل عن تدوين الطلبة بقاعدة بيانات الأكاديمية اسم الطالب ومن ثم سوف يحصل قسم طباعة الكارنيهات على هذه البيانات الخاصة بالطالب ويطبعها على الكارنيه

ويمكن للطالب ان يغير كلمة المرور الخاصة به ولكن لن يحدث تغير في طباعة الكارنيه الحالي بل سيحدث التغير في الكارنيه القادم

طبعا المشروع ده مش اي اكاديمية هاتتعامل معاه طبعا يعتبر مشروع خيالي شوية ومش ممكن يتطبق غير في الأكاديميات الراقية

فهمتي حاجة مني ؟؟؟؟؟؟

بس على فكرة المشروع ده معقد شوية وصعب

علشان البرنامج بتاعنا هايكون على كذا جزء وبشرط ان مافيش حد يستخدم الجزء الخاص بالإخر

مثل مثلا

لا يمكن الطالب في تغير بيانات الجدول الدراسي

كل اللي يقدر يعمله هو طباعته بس

وكدة يعني

وهايكون البرنامج بتاعنا مجزء زي ما قلت على كذا جهاز ويكون كل جزء مرتبط بالأخر يعني البرنامج بتاعنا مش هايبقى مفكك

هايكون جزء منه عند الدكتور وجزء منه عند بتاع الأمن وجزء منه عند شئون الطلبة وجزء عند الإدارة وجزء عند المكتبة والخ الخ وهاتبقى الأكاديمية طلها مرتبطة ببعضها حتى تتحدث مع الطالب

وكمان في ميزة حلوة

الطالب لو عايز يعرف اي حاو في الأكاديمية يذهب على طول الي الجهاز مش يفضل بقى يتنطط

روح عند دكتور كذا

والدكتور ده يقوله

روح عند الإستاذ كذا اللي في الدور الرابع

يطلع فوق ولم يجده يقوم صاحب الإستاذ يقوله روح للإستاذة كذا هي اللي هاتساعدك

وهكذا وفي الخر الطالب يدووووخ علشان يعرف شئ صغير جدا جدا او مهم جدا جدا

وبس خلاص

هل من تعليق ؟؟

// تم رفع الملف الرابع بنجاح \\

مرحبا محمد

يا سلام على هالأفكار الحلوة بس بدي منك تتصفح هذا الموقع www.qou.eduهذا رابط الجامعة اللي أنا بدرس فيها

جامعة القدس المفتوحة فما بعرف يمكن إذا انت تصفحته تستنتج أنه بعض أفكارك تم تطبيقها بالفعل والبعض الاخر لم يتم بعد حيث أن الخدمات التي أنت قمت باقتراحها للطلبة يمكن الحصول عليها من خلال هذا الموقع

المهم أنا لغاية الان ما زالت فكرة جرد مبيعات ومشتريات هي القائمة في ذهني حتى الان ولكن هناك احتمال لتغييرها ما دام هناك مفكرين مبدعين أمثالك بيطرحوا أفكار جهنمية مثل هيك فيا ريت تفكر كمان وكمان وتعطيني أكثر من بديل علشان أقدر أختار اللي يناسبني وما تبخل عليا بأي فكرة جديدة تدور في ذهنك

وبالنسبة للmsdnاللي أنا فهمته منك أنه لا يمكنني رؤية أو تحميل أي من الملفات الجاهزة التي تم تحميلها حتى اكتمال رفع ال 15ملف كاملة أو هل بإمكانك إخباري أين قمت برفعها حتى أبدأ أنا بتحميلها أولا بأول

وشكرا كثييييييييييييييييييير على اهتمامك بالموضوع ويعطيك الف عافية

عندي طلب أخير منك ما بعرف إذا ممكن أو لأ يا ريت تعطيني ايميل ليك على الياهو مسنجر علشان نقدر نتناقش أسرع

مشكور كمان مرة على تعاونك

رشا

فلسطين

السلام عليكم يا اخت رشا

شكرا رشا على كل اللي قلتيه في حقي بس في الأول وفي الأخر كله من زوقك

حكاية الموقع ده موجودة في جميع الأكاديميات بالفعل وفي كل الجماعات بالفعل

وبالطبع يستطيع الطالب على حصول بعض المعلومات اللي محتاج لها

بس مش كل الطلبة عندهم كمبيوتر في البيت

ومش كل الطلبة عندهم خدمة الإنترنت في البيت

فالمشروع سوف يفر جهاز كمبيوتر لكل الطلبة

المهم برضو هافكرلك في موضوعات اخرى

بس مادام انت شايفة نفسك في المشروع ( جرد مبيعات ومشتريات )

علشان اول حاجة في المشروع واهم حاجة انك تكوني بتحبيه وراضية عنه

علشان المشروع يطلع حلو

بالنسبة لـــMSDN

يمكن تحميل الأربع ملفات من الروابط التالية

كل رابط يحتوي على ملف

لا تقومي بفكه حين الإنتهاء من تحميل الــ 15 ملف

انظري الي الصور المرفقة قبل ان تقومي بتحميل اي ملف

الصورة الأولى :

بتوضح انك لازم تنتظري عداد الثواني حين ان يصل الى الصفر ( 0 )

الصورة الثانية :

بعد وصول العداد الى الصفر سوف يظهر ما يوجد في الصورة الثانية

وهي بعض الحروف من المفروض ان تكتبيها في المربع الصغير اللي تحتها وبعدين تدوسي على زرار دونلود

الصورة الثالثة

خلى بالك لو فضلتي كتير ولم يتم الضغط على زر دونلود سوف تظهر لك ما يجود في الصورة الثالثة

والروابط هي :

MSDN VS 6

http://www.badongo.com/file/1428620

--------------------------------------------

MSDN

http://www.badongo.com/file/1429495

------------------------------------------------

MSDN10.rar

http://www.badongo.com/file/1429712

-----------------------------------------------

MSDN1.rar

http://www.badongo.com/file/1432940

ملحوظة هااااامة ؟

خلي بالك لما تدخلى الحروف اللي اتفقنا عليها في ثاني صورة

علشان لو ما دخلتيش الكود صح هايكتبلك ان الكود غلط

يعني العيب في الكود مش في الرابط كما يزعم البعض

وخلي بالك ايضا انه هايعذبك عقبال لما يجيبلك صورة حلوة علشان تكتبي الحروف اللي جواها

بمعنى انه مكن الممكن ان يأتي بصورة صعبة جدا ولا تسطيعين كتابة ما بها من حروف وكل ما تكتبي الحروف تطلع غلط

في الحالة دي بقى تعملي إعادة تحميل الصفحة من جديد علشان يغيرلك الصورة

هانضحك عليه يعني ههههههههههههه

اما بالنسبة لإيميلي فهو

hamada_cat3@yahoo.com

وانا بتشرف ان يكون اسمك عندي في قائمة الياهوو

واهلا بك في اي مساعدة

سوف نكون جاهزين انا والمنتدى

اه صح وجدت فكرة حلوة بس مش فاكر شفتها فين ولا جبتها ازاي , المهم

الفكرة هي عبارة عن إدارة معامل الجامعة ( سايبر بروجرام ) ----> (Sayber Programs )

احنا دلوقتي هانمسك معمل واحد بس علشان اوضحلك عليه الفكرة

مواعيد المعمل الدراسية :

8.30 حتى الساعة 10.30 لغة الفيجوال بيزك ( يعني يوجد محاضرة فيجوال بيزك في هذا الميعاد )

11 جتى الساعة 12.30 لغة كيو بيزك

1 حتى الساعة 2 محاضرة SQL

دلوقتي الجهاز هايفتح الصبح سواء عن طريق الدكتور او اي حد

المهم

اذا كانت الساعة فعلا 8.30 ولا تتعدى الساعة 10.30 الجهاز هايفتح على طول على برنامج الفيجوال بيزك ولا احد يمكنه غلقه من الطلبة

ويبدأ الطالب باللغة ( لغة الفيجوال بيزك ) بدون اي انشغال بأي شئ اخر ( من الطلبة بيدخلوا على النت وبيفتحوا اي حاجة على الجهاز مثل الباوربوينت وخلافه )

المهم

هاتيجي الساعة 10.30 الجهاز هايخرج من الويندوز ( تسجيل خروج فقط مش هايقفل خالص ) (Log off not Shutdown )

ويستنى الميعاد اللي جاي

يعني اول لما تيجي الساعة 11 تماما سوف يتم تسجيل الدخول اوتوماتيكيا على سطح المكتب ويفتح برنامج الكيو بيزك والذي لا يستطيع الطالب ايضا الخروج منه

ويتم تسجيل الخروج على الساعة 12.30

ثم يدخل على البرنامج التاني على الساعة 1 ويخرج الساعة 2 واذا كان خلاص دي اخر محاضرة ساعتها بقى هايعمل Shutdown مش Lof off

وبس كدة

ايه رأيك

سلامي وتحياتي لكي

وقبلاتي لفلسطين الحبيبة

مرحبا محمد

أنا رح أبدأ بتحميل الmsdnيا ريت تبقى معي خطوة بخطوة وتشبك على المسنجر

سلامات

رشا

MSDN2.rar

http://www.badongo.com/file/1437972

الملف الخامس

MSDN5.rar

http://www.badongo.com/file/1438172

الملف السادس

MSDN4.rar

http://www.badongo.com/file/1438438

الملف السابع

MSDN9.rar

http://www.badongo.com/file/1440378

الملف الثامن

احب اطمئن الإخوة الأعضاء بالمنتدى انه سوف يتم وضع هذه الروابط في موضوع منفصل بس بعد ما يتم تحميل ال15 ملف على النت

ويوجد ايضا ملف توضيحي لأماكن فك الملفات المضغوطة

MSDN3.rar

http://www.badongo.com/file/1441361

الملف التاسع

اخى محمد

بانتظار باقى الملفات ... تقبل خالص شكرنا و تقديرنا

جاري نقل الملفات ..... لا تقلقوا فالملفات الأخيرة مساحتها اكبر من الملفات التي تم رفعها بنجاح فاصبروا ولا تقلقوا

اما بالنسبة لك يا رشا فكم ملف قمتى بتنزيله ؟؟ هل يوجد نفس المشكلة في التحميل ؟؟

SAMPLES.rar

http://www.badongo.com/file/1448318

الملف العاشر