المهندس / على ماهر اسماعيل
حاصل على بكالوريوس تجارة نظم معلومات إدارية
حاصل على شهادات فى فيجوال بيسيك 6 وقواعد البيانات ميكروسوفت و فيجوال بيسيك دوت نت
الاقامة : المنصورة - القاهرة
مبرمج لغات
Access
HTML
VisualBasic 6
Visual Basic .NET
PhotoShop
قمت بأعمال كثيرة
الموبيل : 20122843195
الهاتف : 20502232358
تم تعديل هذه المشاركة بواسطة المنصراوي في 22 أغسطس 2006 في 01:50
السلام عليكم
إذاي مهندس و معاك بكالوريوس تجارة ؟!!!!
ما دقش ياسيدى كل الناس أصبحوا مهندسين الآن
أصبح لقب مثل لقب باشا كدة يستخدمه الناس عامة الناس بينهم وبين بعضهم، حتى رخصت الهندسة، وأصبح يدعيها كل من ليس من أهلها
عادى يا جماعه اللقب مش هيقدم او هيأخر
انا دكتور /أحمد :lol:
حد عنده اعتراض :D
Business Card
Ahmad Fathy Ahmad
Computer and Systems Department
Faculty of Engineering, Alexandria University
Cellular: +2 010 1461154
E-mail: midoalx@hotmail.com
ICQ: 148481391
ههههههههههههههههههههه
ياجماعة .. ما دقوش على دى
.. انا ح اقولكم على مصيبة اكبر
مرة كان شغال عندى مبرمج ASP.NET
فمرة وهو شغال امامى ... كان بيكتب كود ..
وكان بيكتب Keyword معينة فى الفيجوال بيسيك دوت نت على ما اتذكر تقريبا ByVal
فسالته من باب التاكد من نظام الشغل ....
انت عارف الكلمة دى معناها ايه ؟؟؟
فرد ... لا مش عارف ؟
ففلت له ... طيب انت بتكتبها ليه ؟؟؟
قالى الفيجوال بيسك عايزها
قلت له يعنى انت بتكتب الكود ... وانت مش فاهم اللى بتكتبه
يعنى انت بتبصم على الكمبيوتر ...
وكانت هذه اول مرة فى حياتى منذ بدات العمل على الكمبيوتر ... ان اشاهد واحد بصمجى .. يبصم على الكمبيوتر وهو مش عارف هو بيكتب ايه
المصيبة انه كان بيكتب الكلمة .. حرف حرف بيديه ... مش مثلا ناسخ الكود وبيحطه .. يعنى هو فعلا كان حافظ الكلمة اللى بيكتبها
المهم .. هذا المبرمج العبقرى ... كان لابد وان يكتب حرف الميم قبل اسمه ...
وبالخط التخين كمان ...
فيا جماعة ... الألقاب والشهادات ... كله اصبح كلام فارغ
العربجى فى الشارع .... لو قلت له ياسطى ... ح يسمك فى خناقك
لازم انك تقوله يا باشمهندس ... مع ان كلمة اسطى مش وحشة ... ( دى كلمة إيطالية معناها - لطيف زى جلتنمان كدا )
فاى شخص من حقه ان يقول على نفسه مهندس ... مادام العربجى يتمسك فى حقه بان ينادى بلقب مهندس
فالموضوع اصبح بوظة ... ههههههههههههههههههههههههههه
وعمار يامصر
وصدق قول الشاعر
(( ويل لأمة إذا تحكم جاهلوها ... وانحرف مثقوفوها ))
مش عارف يا جماعة احنا بقينا وحشين كده ليه؟ :D
عادي يعني الراجل مكفرش هههههه :lol:
انا عن نفسي بكالريوس تجارة و اعمل بكثير من لغات البرمجة باحتراف مثل VB6, VB.NET, C#.NET, ASP.NET, HTML, VBS, CLIPPER
كما اعمل باحتراف علي كل من نظم ال DBMS التالية ACCESS و SQLSERVER و مازلت اتعلم ORACLE و MYSQL كما انني MCAD و احضر لل MCSD يا ريت الحق اخدها قبل ما مايكروسوفت تغير الشهادات :)
و رغم ذلك لم اهتم ابدا بالالقاب التافهة لانني و الحمد لله مبرمج و اتحدي اي مهندس :P
الموضوع يتلخص في خوارزمية بسيطة الا و هي انت = عملك
انت مهندس و معك بكالريوس هندسة ............ عظيم
كم برنامجا صنعت، ماذا تعرف عن ال OOP؟
ماذا تعرف عن ال system analysis?
حسنا لو حتي تعرف جيدا كل ذلك دعني اخبرك بشيء ما
انظر الي هذه الخوارزمية
بيل جيتس =! بكالريوس هندسة
كيفين ميتينك =! بكالريوس هندسة
بروس ماكينلي =! بكالريوس هندسة
العبد لله =! بكالريوس هندسة
و بالرغم من ذلك يمكن ان تري النتائج التالية تظهر علي الشاشة
بيل جيتس > مهندس
كيفين ميتينك > مهندس
بروس ماكينلي > مهندس
العبد لله = مبرمج :lol:
علي فكرة عملي الاساسي هوا تعليم المهندسين الحاصلين علي بكالريوس هندسة و غيرهم كيف يبرمجون و كيف يفكرون بشركة كبري في هذا المجال في مصر و كلهم ينادوني بلقب بشمهندس ;) رغم اني لم اطلب منهم ذلك الا ان عملي هوا ما جعلهم يطلقون علي ذلك!!!!!!!!!!!
علي فكرة الباب مفتوح الان امامي للالتحاق بكلية الحاسبات و المعلومات الا انه لا وقت لدي، ربما اجد فرصة افضل في جامعة اجنبية (نضيفة)
علي فكرة ايضا اعرف كل هذه اللغات و عمري 23 سنة و قمت بعمل برامج بها كلها ما عدا ال #C لانني تعلمتها حديثا
ارفع قبعتي للعقلية العربية المتقدمة و أأسف علي كل هذا الوقت الذي ضيعته في كتابة هذه السطور
Oracle 10G Certified Professional Developer.
عودة بعد 3 سنوات غياب، ان شاء الله سوف اتكلم معكم قريبا احبائي
انتا نتضايقين علشان بتوع كلية التجاره تفوقو عليكو في المجال اللي المفروض
يكون مجالكم.
بس للاسف احنا تفوقنا عليكم فيه.
علي فكره انا بكالوريوس تجاره بتقدير مقبول كمان .
وصديقي الان معيد في كلية هندسة حاسبات ومعلومات وبنزله نسخة ويندوز الخاصه بجهازه وغيره الكثير !!!!
انتو عايزون الكمبيوتر يكون ليكم بس !!! ولا ايه مش فاهم !!!!
خلاص ياجماعه كل واحد عنده كمبيوتر وليس خريج حاسبات ومعلومات يولع فيه . او يبيعه لواحد خريج حاسبات
علشان مايتضيقوش
اعترفو باننا خريجي كلية التجاره تفوقنا عليكم في مجالكم لاداعي للنقاش الكثير
وعلي مااعتقد ان معظمكم (بتوع الحاسبات) عارف كده ومتأكد .
وااسف للاطاله
اه لو في اخطاء في الكتابه ماتعلقوش عليها لاني كنت بكتب بسرعه.
وسلام يابتوع كلية التجاره
هذا الموضوع مغلق.