كيفية تنصيب برنامج مع قاعدة بيانات على أكثر من جهاز

الموضوع سهل كل ما فى الموضوع انك هتعمل الداتابيس تقرى بدل من localhost فى الـ connection string هتكتب اى بى السيرفر وبعدين تظبط اعدادات الداتا بيس على اساس انها تكون على سيرفر وبعدين تحط البرنامج على الشبكه عادى وهو هيقرى من الاى بى اللى انت كاتبه

ممكن تعمل شاشه لو انت مش عايز تثبت الاى بى جوه البرنامج : الشاشه دى تدخل من خلالها الاى بى بتاع السيرفر عشان تقدر تغيره براحتك

السلام عليكم

ممكن شرح اكتر

وشكرا

اول مشكله هى مشكله الداتا بيس : هتغير الـ connection string هتحط اى بى السيرفر مكان localhost و البرنامج هنزله عادى على الاجهزه اللى علىا الشبكه

ثانى مشكله البرنامج لازم تستخدم تقنيه client server لعمل برنامج جزء منه على السيرفر والاخر على الاجهزه الاخرى ومن ثم تستفيد البرامج على الشبكه من البرنامج اللى على السيرفر ووجه الاستفاده انت اللى هتحدده يعنى انت اللى هتحدد ايه اللى يتبعت من خلال السيرفر مثلا للبرنامج اللى على الشبكه

فى تقنيه الـ client server يوجد برنامجان احدهما على السيرفر والاخر على الكلينت ولكن لابد من تشغيل السيرفر اولا حتى يستطيع الكلينت ان يعمل connection ثم تحدد انت ما البيانات المراد ارسالها من السيرفر الى الكلينت او العكس

لو فى حاجه معينه مش فاهما وضح اللى انت مش فاهمه وانا اشرحه تانى عادى متتكسفش انك تسأل كلنا عملنا كده عشان نتعلم وربنا يكرمك ويرزقك طول ما انت حابب تتعلم وحابب العلم

عندي برنامج بحاول أربطه على السيرفر وإذا لم أستطع سوف اراجعكم وشكرا

* السؤال موجود فى علامه ال * والاجابه تكون فى اسفله إن شاء الله انا نشرت البوست دى عشان الناس كلها تستفيد إن شاء الله .

* بخصوص موضعي على هذا الرابط http://www.arabteam2...howtopic=263780 والذي رددت علي ، فجزاك الله خيراً

* أنا في المراحل الأخيرة من البرنامج ، وحينما قرأت ردك قلقت جداً ، فأخشى بعد كل هذا التعب أن يتطلب عمل البرنامج من البداية فإذا ممكن توضح لي أكثر حيث أواجه عدة مشاكل

لا تقلق وإن شاء الله خير واتعب عشان تلاقى بجد لو متعبتش مش هتلاقى اسأل مجرب

* الأولى : بخصوص connection string حيث أنني أضعه في كل فورم يتطلب الاتصال بقاعدة البيانات ، وكما هو معلوم أن الاتصال يختلف عندما تكون قاعدة البيانات على جهازي الخاص عنها عندما تكون على سيرفر ، فمثلاً الاتصال بقاعدة البيانات على جهازي بهذه الصيغة

* string connectionString = "Data Source=ASIRI-PC\\SQLEXPRESS;Initial Catalog=habterasiri;Integrated Security=True";

*فكيف يكون الاتصال عندما تكون قاعدة البيانات على سيرفر في المكتب لدي مثلا.

اولا : connection string to server

سهل على نفسك عناء كتابه السطر فى كل فورم واعمل class وفيها حقل static تناديه فى كل الفورم من خلال اسم الكلاس ثم الحقل حتى اذا احتجت التغيير فيه لا تلتزم بالمرور على كل الفورم التى بها هذا الحقل

ثانيا ال connection string على السيرفر سيكون كالاتى مع العلم ان الاى بى سيكون مختلف بالنسبه للاى بى الخاص بالسيرفر لديك

Data Source=190.190.200.100,1433;Network Library=DBMSSOCN;Initial Catalog=myDataBase;User ID=myUsername;Password=myPassword;

طبعا زى ما قولتلك التغيير هيبقى فى الاى بى والبورت اللى هيبقى عليهم الداتابيس بتاعتك بس فى خطوه انت لازم تعمل اعدادات الداتا بيس على السيرفر انها تستقبل الاتصال الخارجى وانا بصراحه معرفش بتتعمل زاى على السكول سيرفر لانى مش شغال بيه انا شغال ب ماى سكول

وبرضوا اسم الداتا بيس هيتغير

* الثانية : إذا حولت البرنامج إلى ملف تنفيذي exe عندها لا استطيع تعديل الاتصال بقاعدة البيانات على السيرفر ، فماذا أفعل؟

انت ممكن تعمل فوم خاصه بالاعدادات تكون بتقرى الاعدادات من ملف مرفق مع البرنامج وتكتب فيه الاى بى والبورت واسم الداتا بيس مثلا ثم تعدل البرنامج لان يقراهم من نفس الملف بذلك تستطيع تعديلهم فى اى وقت حسب حاجتك

هو الاتصال هتغيره من الاساس يكون افضل يعنى قبل ما تكون البرنامج وتنهيه تماما بعد التيست والكلام ده تقوم محول الاتصال بتاعك على السيرفر وتحفظ البرنامج على الاعدادات بتاعه السيرفر ومش هتحتاج تغيرها تانى

لو انت محتاج فعلا تغيرها تانى بعد كده ولازم على كل الاجهزه انت ممكن تحط الاعدادات فى ملف وتحطه على السيرفر فى فولدر وتشير الفولدر وتعدل البرنامج انه يقرى الاعدادات بتاعته من الملف ده اللى موجود على السيرفر وبكده انت تكون حليت مشكله كبيره جدا والموضوع سهل إن شاء الله متقلقش كل حاجه بالمجهود والله بتيجى حتى لو كانت ايه

* الثالثة : إذا قمت بتنصيب البرنامج على أكثر من جهاز ، فما الطريقة التي يمكن أن أعملها لتغيير الاتصال مرة واحدة دون الحاجة لتغيير الاتصال في كل جهاز متصل بالسيرفر.

هو انت عشان تكلم اى حاجه على الشبكه لازم تستخدم تقنيه من الاثنين اما

peer to peer

او

client server

دول التقنيات الموجوده على الشبكه

هى ميكروسوفت بس بتحب تعمل اسم خاص بيها لاى تقنيه هى بتسميه socket programming

* الرابعة :: تكلمت عن client server فما المقصود بذلك ، وهل يوجد شرح وخصوصاً فيديو يوضح ذلك ، أرجو أن ترشدني ، زادك الله علما ، وبارك لك.

الكلاينت سيرفر هتلاقيه موجود له شرح كتير على اليوتيوب

وهتلاقى كتير اوى على التقنيه دى

* أخيراً : أنا أعلم بأنني ثقلت عليك، فأرجوا أن تتحملني وتزودني بالإجابات ، أسأل الله لك التيسير في جميع أمورك

لو فى اى حاجه يا ريت تسالنى انا موجود على طول على المنتدى (اى حاجه)

اسألك الدعاء لا اكثر وربنا يوفقك فى حياتك إن شاء الله

لو استفدت من الكلام ده يا ريت تخش على اللينك وتعمل المشاركه مفيده

انا هضيف الكلام ده على اللينك حتى يستفيد الجميع

جزاك الله خير على ردودك ، ولكن لدي استفسارات ، ويعلم الله أني أخشى أن أكون ثقلت عليك

الأول : كيف أعمل class للاتصال استدعيها واستخدمها في البرنامج ، دون الحاجة للتكرار الاتصال في كل فورم

الثاني : ذكرت الآتي " أعمل ملف فورم خاصه بالاعدادات تقرى الاعدادات من ملف مرفق مع البرنامج وأكتب فيه الاى بى والبورت واسم الداتا بيس مثلا ثم تعدل البرنامج لان يقراهم من نفس الملف بذلك تستطيع تعديلهم فى اى وقت حسب حاجتك

هو الاتصال هتغيره من الاساس يكون افضل يعنى قبل ما تكون البرنامج وتنهيه تماما بعد التيست والكلام ده تقوم محول الاتصال بتاعك على السيرفر وتحفظ البرنامج على الاعدادات بتاعه السيرفر ومش هتحتاج تغيرها تانى

لو انت محتاج فعلا تغيرها تانى بعد كده ولازم على كل الاجهزه انت ممكن تحط الاعدادات فى ملف وتحطه على السيرفر فى فولدر وتشير الفولدر وتعدل البرنامج انه يقرى الاعدادات بتاعته من الملف ده اللى موجود على السيرفر وبكده انت تكون حليت مشكله كبيره جدا والموضوع سهل إن شاء الله متقلقش كل حاجه بالمجهود والله بتيجى حتى لو كانت ايه

فكيف أعمل هذا الملف على السيرفر ، وكيف أضع الإعدادات فيه وأجعل البرنامج يقرأ هذه الإعدادات

ثالثا : هل يوجد لديك كود جاهز يوضح هذه الطريقة فاستفيد منه ؟

رابعاً : ما هي الطريقة لعمل البرنامج نسخة على السيرفر ونسخة على الأجهزة الأخرى ؟

أخيراً ، أخي محمد أعذرني مرة أخرى ولم أجرؤ على كتابة هذا الرد إلا بعد أن سهلت أنت لي ذلك، وشجعتني ، ويعلم الله أني كلما قرأت موضوعي هذا ووجدت ردودك أني أدعو لك.

اسف على عدم الرد عليك الفتره السابقه فلم يكن لدى وقت كافى للرد عليك فاسف لك كثيرا على التقصير

ثانيا ليس لدى كود جاهز فانا لا اعمل على اكواد سى شارب من ما يقارب السنتين فانا مبرمج جافا الان وقد كتبت الكود بالجافا ولم اكتبه بالسى شارب

ثالثا بالنسبه لكيفيه عمل شير للاعدادات من خلال الشبكه فيمكنك ببساطه ان تعمل شير لملف على السيرفر ثم تكتب البرنامج لان يدخل الى السيرفر على الشبكه وتكتب له الباص الذى يوصله الى هذا الجهاز مباشره مثال مثلا

//10.0.2.3/shared folder/

ثم من خلال هذا المسار يمكنك عمل ملف عليه تكتب فيه الاعدادات لديك بالطريقه التى تناسبك فى كتابتها وقرائتها بسهوله

مثلا داخل الملف

setting1$setting2$setting3

وعند القرائه ستكون نفس الفكره حاول وربنا معاك

اما طريقه عمل البرنامج ك Client & Server فحاول قراءه اى كتاب يتحدث عن socket programming حتى تستطيع فهم كيفيه العمل

انت ممكن تدينى وقت افضى بس واشوفلك موضوع الـ socket وإن شاء الله اسهلك الموضوع

لا تتردد بالسؤال او الاستفسار فانا موجود فى وقت تريد ان تسأل او تستفسر عن اى شىء حتى ولو لم يكن فى البرمجه

ويا ريت متقولش تانى موضوع انك بتقل عليه او انى اتجاهل الرساله لانى مش هتجاهل اى رساله منك ويا ريت متقولش كده تانى انا بس كان عندى امتحان certification فى الشغل ده غير الشغل كان تقيل اليومين اللى فاتوا دول فمعرفتش ارد على الرساله بتاعتك وانا اسف على التأخير فى الرد