هل يمكن ربط الاكسيس بقاعدة ماى سيكوال على سيرفير يونيكس؟

اخي الفاضل

السلام عليكم ورحمة الله وبركاته

راجع هذا الرابط فستجد به الفائده فيما يخص ربط الأكسيس بقاعدة MySQL والشرح مقدم من استاذنا ابو يوسف ( جزاه الله كل خير )

ربط الاكسس بقاعدة بيانات MYSQL

/index.php?showtopic=231115

بالتوفيق

السلام عليكم ورحمة الله وبركاته

والله ان سعادتى بتشريفى بردكم الكريم يا أم عهود فوق كل شىء ويكفينى من هذا الموضوع تشريف حضرتك بالزيارة والرد ومش مهم اى شىء اخر وبارك الله فيك وجزاك الله كل خير فالحقيقة تعلمنا منك الكثير والكثير منذ دخولنا المنتدى وكثيرا ما اتحدث عن حضرتك هنا فى بلدى عن مناقبك الجليلة ومكانتك العلمية والخدمات التى تقدميها وانجازاتك البارزة يادكتورة(رغم معرفتنا بقليل من كثير) فبارك الله فيكى حقيقتا وبارك لك فى كل شىء واشكر حضرتك على تعبك وبحثك لجلب هذا الرابط بس معلش انا اسف الحقيقة الموضوع ده عارفه ومفدنيش حتى فى التطبيق على انظمة الويندوز لأن دائما تقابلنى مشكلة فى الاتصال بالجهاز الرئيسى وستجدى ان اخر مشاركة فى هذا الموضوع هى لى وطرحت فيها المشكلة ولم تحل الى الان ياريت والله يا استاذة تشوفى المشاركة وتحولى حضرتك تسعدينى فى حل المشكلة دى لأن ليها اكتر من سنة ومتحلتش لحد الناهردة وتعبت من كتر المحاولات والتجارب الحقيقة والبحث على الانترنت لأنى الموضوع اعرفه من قبل حتى ان يطرحه اخونا الفاضل الاستاذ ابو يوسف من موضوع سابق للأخ الكريم الاستاذ Hisham_wz ووضعت حتى رابطه فى نفس المشاركة الى شاركت بيها فى موضوع اخونا الفاضل الاستاذ ابو يوسف وشاركت فى الموضوع ده برده وحطيت صورة لرسالة الخطاء فيه والحقيقة الاستاذ Hisham_wz تعب معايا لكن انقطع بعد ذلك الاتصال بينى وبينه ولم نكمل لحل المشكلة عموما لو تكرمت وزرتى الرابط اللى حضرتك وضعتيه وشوفتى اخر مشاركة فى الموضوع وزرتى ايضا الرابط ده

/index.php?showtopic=193535&st=20

يبقى بارك الله فيكى وجزاك الله كل خير لأن الحقيقة الموضوع طول صحيح انا ميئستش وسأظل احاول ان شاء الله لكنى تعبت الحقيقة وخصوصا ان الامر بسيط وانا عندى شبكة فى البيت وفى الشغل جربت عليهم جميع المحاولات الممكنة لكن لم يحالفنى التوفيق وغالبا ان شاء الله ستكون المشكلة بسيطة لكنى للأسف اجهلها فبارك الله فيك وجزاك الله كل خير ونسأل الله التوفيق والسداد وبالله عليكى سامحينى على الاطالة واذا كنت اثقلت عليك لكن حضرتك مثلما يقولوا عندينا (جيتى على الجرح ) وما يزيد الامر انى هنا احاول فعل نفس الامر لكن مع يونيكس كسيرفير فقط (مع انى معملتهاش مع الويندوز ) لكن الحقيقة طلبت هذا لأن لو كان الجهاز الرئيسى يجب ان يكون عليه نظام سيرفير مش اى نظام عادى فلن اتعامل مع ويندوز سيرفير سأختار احد الانظمة المجانية كالسابق ذكرها لذلك طلبت هذا الامر وعرضته بهذا الشكل يمكن حد يفيدنا ونلاقيلوا حل بعد المدة دى كلها انا عاواز اطور نفسى واكبر شغلى ومش قادر بسبب الموضوع ده عموما ربنا يقدم اللى فيه الخير واسف مرة تانية وحمدالله على سلامة حضرتك ويارب تفضلى منورانا على طول

ووفقكم الله والجميع لما يحبه ويرضاه

والسلام عليكم ورحمة الله وبركاته

اخي الفاضل : محمد

السلام عليكم ورحمة الله وبركاته

في اعتقادي ان الحل بين يديك ومن اسهل مما تتوقع ولن يأخذ منك سوى ثواني بإذن الله تعالى

فقط اريد منك التواصل معي هنا حتى ارشدك الى الطريقة بأبسط صوره حتى تستطيع ان ترتبط بالسيرفر من اي مكان تريد سواء من الشبكه او من الانترنت

هناك بعض الأسئلة سوف اطرحها عليك اثناء تواجدك حتى اعرف الى اي حد وصلت لحل المشكله .

بالتوفيق

غمرتني السعادة برؤية اسم الاخت العزيزة زهرة العرب ... بيننا من جديد في ربيع المنتدى<br>اهلا وسهلا ... كل التحية والاحترام<br>

السلام عليكم ورحمة الله وبركاته

بارك الله فى حضرتك يا دكتورة وجزاك الله كل خير وانا فعلا مع حضرتك ان ان شاء الله حيكون الامر بسيط ويمكن اكون عملته فعلا من ضمن المحاولات بس لم يحالفنى التوفيق من الله عز وجل وبالنسبة للأسئلة انا تحت امر حضرتك وهتلاقى فى الرابط السابق صورة الرسالة اللى بتطلعلى وبعض المحاولات اللى عملناها لكى تختصر عليكى قليلا بس ليا استفسار هيا تفرق بين ويندوز اكس بى home edition وبين ويندوز اكس بى بروفيشنال وقت التطبيق وهل الامر سيكون بنفس الطريقة لو حبيت اربط بين الجهاز الطرفى (اللى عليه ويندوز طبعا علشان الاكسيس) وبين جهاز سيرفير عليه CentOS ولا سيكون مختلف الامر مع انظمة الويندوز وايه راى حضرتك فى نظام CentOS وياريت حضرتك تقوليلى الاوقات اللى حضرتك بتكونى غالبا فيها هنا ايه علشان اخلى بالى مع حضرتك فى المتابعة ان شاء الله ومعلش اسفين ان احنا تقلنا على حضرتك لكن ربنا يجازيكى عنا كل خير وبارك الله فيكى

وشرفتنا يا استاذ همام وصدقت الحقيقة فالسعادة غمرتنا فعلا بعودتها ولها منا كل الاحترام والتقدير وجزاها الله عنا خيرا ورزقها الاخلاص والصدق فى القول والعمل وبارك الله لها فى كل شىء

ووفقكم الله والجميع لما يحبه ويرضاه

والسلام عليكم ورحمة الله وبركاته

همام ابوعرقوب كتب:

غمرتني السعادة برؤية اسم الاخت العزيزة زهرة العرب ... بيننا من جديد في ربيع المنتدى<br>اهلا وسهلا ... كل التحية والاحترام<br>

ذات الشعور غامرني ,, وأسأل الله أن يديمها عنفواناً للعطاء ,, ونهر العلم النابض في منتدى الفريق العربي ,

كل التحية لك استاذتنا الغالية أم عهود.

اخواني الكرام جميعا

بارك الله بكم وكم انا سعيدة بتواجدكم ومحبتكم

وانه لشرف كبير ان اجد مثل هذه الروح الطيبة لديكم

اخي محمد

اذا كنت متواجد الآن سوف اطرح عليك بعض الأسئلة البسيطة لأني قد قرأت كل مشاركاتك فيما يخص هذا الموضوع فعلى بركة الله نبدأ

لذا اريد منك اجابة محدده وقاطعة حتى لا يتشعب الموضوع

1. ما نوع نسخة الويندوز لديك هل هي xp او 7

2. ما نوع النظام لديك هل هو 32بت او 64 بت

3. هل تستخدم الجدار الناري الخاص بالويندوز اثناء الإتصال من MYSQL ام قمت بإيقافه

4. كم رقم البورت الذي تستخدمه اثناء الإتصال من MYSQL وهل انت متأكد منه ام لا ( اقصد بهذا السؤال هل تعرف الطريقة التي تتأكد من ان هذا البورت يعمل ام لا من خلال موجه الـ DOS )

NETSTAT حالة الشبكة يظهر جميع المنافذ المتصلة

NETSTAT

NETSTAT مسافة-A يظهر ارقام الايبي المتصلة وحالتها

NETSTAT -A

NETSTAT مسافة-E يظهر حالة الشبكة بشكل عام

NETSTAT -E

NETSTAT مسافة-N يظهر ارقام البورتات والايبيات المتصلة

NETSTAT -N

NETSTAT مسافة-P يظهر البروتوكولات المتصلة بجهازك

NETSTAT -P

NETSTAT مسافة-R يظهر اجهزة الروترز في شبكتك

NETSTAT -R

NETSTAT مسافة-S يظهر حالة الشبكة والاجهزة المتصلة

NETSTAT -S

انا في انتظارك الآن للتواصل

السلام عليكم ورحمة الله وبركاته

الشرف لنا استاذتنا الفاضلة وان مقصرين فى حقك فحضرتك تستحق فوق ذلك

وتفضلى الاجابة حتى لا اطيل عليك

1- جربت على ويندوز اكس بى و7 بجميع الاشكال بمعنى ان جهاز اكس بى واخر سفن ومرة ده رئيسى والاخر فرعى والعكس ومرة اخرى الاثنين ويندوز 7 ولكن معظم المحاولات كانت على اكس بى سواء فرعى او رئيسى

2- كله 32بت بالنسبة لإكس بى لكن فى سفن كان فيه جهاز من اللى بجرب بيه 64بت

3- اغلقت الجدار النارى نهائيا للأثنين وحتى الاتنتى فيرس قفلته

4- غالبا مكنتش بغير البورت الافتراضى للبرنامج لكن طبعا حاولت وغير الرقم بارقام عشواية واحيانا ازيد على الرقم الافتراضى او انقص منه مثال 3306 اخليها 3307 ووما شابه ذلك من محاولات

5- بالنسبة للامر NETSTAT فانا اعرف فقط NETSTAT -a او بدون حروف يعنى NETSTAT - فقط بس الحقيقة مش متذكر هل حاولت اشوف البورت مفتوح ولا لأ وان كنت اظن انى لم اجرب( معلش سامحينى الاجابة غير قاطعة فالموضوع ليه اكتر من سنة مليئة بالتجارب )

واسف على التاخير

بارك الله بك اخي الكريم

على هذه الإجابات والتي اختصرت علينا المشوار

اعتقد اننا الآن وصلنا الى 90% من الحل وبقى 10 % ستقوم انت بها في عدة خطوات قادمه

1. كما تعلم انه عندما يخاطب جهاز جهاز آخر فيجب ان يكونوا على نفس المنفذ حتى يتم التواصل ومنفذنا هنا وهو اهم ما في الأمر ان يكون لديك في الجهاز والسيرفر نفس البورت 3306 فلا تحاول تغييره وتأكد منه تماما

2. كما تعلم ان الـ MYSQL لا يسمح لك بالإتصال الإفتراضي مع السيرفر وحتى لو قمت بجميع المحاولات فلن يجدي ذلك نفعا وسوف تحصل على نفس رسالة الخطأ السابقة بعدم امكانية الإتصال

إلا بطريقة واحده وهي تعديل ملف MySQL config file بهذه الطريقة

1. اذهب الى ملف my.ini

2. قم بفتحه بالمفكره او بأي برنامج تحرير

3. ابحث عن هذه الجملة 'skip-networking' وقم بتعديلها الى هذه 'skip-networking#" اي ايقاف عملها

4. اضف هذا السطر bind_address = 192.168.x.x

ملاحظة : هذا السطر هو رقم IP الخاص بالسيرفر قم بتعديل الأرقام الأخيره لما هو موجود لديك على الأجهزه ليتم التواصل مع السيرفر .

قم بهذه الخطوات وابلغني بالنتيجة

في انتظارك

اضافة 1 : تأكد من رقم البورت انه على 3306 في ملف my.ini

اضافه 2 : بعد ان تقوم بعمل التغييرات في الملف قم بإعادة التشغيل لـ restart the MySQL server حتى تتم تفعيل التغييرات .

السلام عليكم ورحمة الله وبركاته

اختنا فى الله واستاذتنا الجليلة دكتورة زهرة

الكلمات تعجز عن الاعتذار لحضرتك لخروجى المفاجىء بالامس فقد حدث امر طارىء كما اخبرت حضرتك فأرجو ان تسامحينى بالله عليكى وبارك الله فيكى وجزاكى الله كل خير

واشكر حضرتك على تعبك معايا وقمت بتنفيذ ما تفضلتى حضرتك بإرشادى لفعله وقد عكفت معظم اليوم على المحاولة وكان الاتى:

بعد التعديل على الملف اخبرنى الجهاز الطرفى ب(“Can’t get hostname for your address”)حاولت كثيرا التعديل فى الملف لكى ينجح الامر ولكن لم يفلح الامر ومن ضمن المحاولات علشان حضرتك تبقى عارفة انى حاولت اكتب الhostname وال user فيها وكمان بحثت على النت ووجدت اجابة بأن اكتب skip-name-resolve فى الملف ولم يفلح الامر ايضا وكنت بتابع بردوا بNETSTAT وكنت بشوفه بيفتح البورت وكانت هناك رسالة اخرى تظهر فى المحاولات التى قمت بها على الجهاز الرئيسى وهى(access denied for user 'odbc@pcname ) ده فى حالة لو مكتبتش يوزر نيم اما لو كتبت فبيتكتب بدل odbc الاسم اللى كتبته مع انى كتبت اسم الجهاز نفسه والحساب بتاعى وعملت حساب تانى وبردوا لم يقبل الحقيقة انا من اول اليوم وانا بحاول فى الشغل ولما رجعت فمش عاوز ادخل فى تفاصيل تزعجكك فما راى حضرتك وعلى فكرة وجدت ان 'skip-networking' مكتوبة 'skip-networking#' فحاولت بالحالتين وجربت كمان وكتبت بدل الايبى بتاع الجهاز 0.0.0.0 اصفار ودى كانت معلومة كنت قريتها قبل كدة فحبيت اجربها وانا ان شاء الله حكون فى انتظار حضرتك وربنا يسهل ان شاء الله ويقدم اللى فيه الخير وربنا يبارك في حضرتك ومعلش متقلين على حضرتك ولكن ربنا يجازيكى عنا خيرا ان شاء الله

ووفقكم الله والجميع لما يحبه ويرضاه

والسلام عليكم ورحمة الله وبركاته

اخي الفاضل : محمد

السلام عليكم ورحمة الله وبركاته

واسفه على التأخير عليك بالرد حتى هذه اللحظة

لا اعلم اين المشكله لديك ولكن السؤال هل اضفت هذا السطر

bind_address = 192.168.x.x

علامة الـ x استبدلها بأرقام ولا تتركها كما هي حسب ما هو موجود لديك

ايضا هل بعد ان عملت التعديل على ملف my.ini هل قمت بعمل اعادة تشغيل ام لا ؟؟

لأنه اذا قمت بعمل التحديث ولم تعيد التشغيل فلن يتم التحديث لهذه البيانات المعدله في الملف .

خطوه اخيره وهي اتباع الخطوات التالية :

Enable remote access to MySQL :

In MySQL config file, such as my.ini 
- comment out skip-networking 
- add bind-address = YOUR_HOST_IP 
- restart mysqld 
- log in to mysql from server machine 
- do GRANT ALL ON DATABASE.TABLE TO USERNAME@'HOST_IP/NAME' IDENTIFIED BY 'PASSWORD'; (Quote is required.) 
- on client machine log in with > mysql -u USERNAME -r PASSWORD -h YOUR_HOST_IP

راجع هذا الرابط الذي به برنامج فحص الإتصال وابلاغك بجميع الأخطاء لديك وكيف تستطيع حلها ( قم بتنزيل البرنامج من الموقع وقراءة هذه الصفحه الهامه )

http://www.razorsql.com/docs/mysql_connection_troubleshooting.html

وعليكم السلام ورحمة الله وبركاته

احنا اللى يا دكتورة اسفين على الازعاج وانا كنت خايف والله تكون حضرتك زعلتى بسبب رحيلى المفاجىء فى المرة السابقة لكن الحمد لله حضرتك مزعلتيش وده اهم عندى من اى شىء والله

وبدايتا احب ان ابشرك انه الحمد لله قبل ان ترسلى المشاركة بقليل نجحت فى الاتصال والحمد لله ولكن بعد ان قمت بإزالة xampp server وقمت بتنصيب mysql-gui-tools وقمت عليه بإضافة السطر اللى حضرت ذكرتيه(على فكرة انا فاهم ان مكان الx هيكون الارقام اللى عندى وكنت بعيد التشغيل بعد اى تعديل) وملقيتش خالص 'skip-networking' فى الملف واخير نجح الامر والحمد لله والله اول مشفت عبارة نجاح الاتصال فى الجهاز الفرعى سجدت سجدة شكر لله وعلى فكرة حضرتك بردوا خدمتينى لما حدتيلى الملف اللى اعدل عليه اللى هو my.ini لأنى كنت لسة بدور عليه من قبل طرح الموضوع بكام يوم ومكنتش عارف اى ملف بالظبط لأنى قبل كدة كنت بتعامل بالوامب سيرفير وكان فيه رابط للملف مباشرتا بس كان ليه اسم تانى على ما اعتقد حتى استخدمت الملف قبل كدة وعدلت عليه لجعل phpmydmin وال mysql يقبل استيراد جدول حجمه يصل ل500 ميجا بدل الحد الصغير اللى كتبينه ونجح الامر الحمد لله وحولت جدول ضخم من الاكسيس للماى سيكوال والحمد لله الذى منا علينا من فضله وشكر حضرتك على الرابط المفيد وبارك الله فيك

وبالنسبة حضرتك للخطوات اللى مكتوبة هى نفس الخطوات مع اختلاف ان هنا طالب فى الخطوة اللى قبل الاخير ان اعطى جميع الصلاحيات لأحد المستخدمين اما الخطوة الاخير فهو يذكر ان ادخل من خلالmysql -u USERNAME -r PASSWORD -h YOUR_HOST_IP المقصود هنا اى طريقة عموما يعنى الخطوات ولا مقصود شىء اخر

ودلوقتى حضرتك يادكتورة الطريقة بعد نجاح الامر بفضل الله تنفع مع اى نظام اونظام سيرفير(ويندوز او لينكس) او برنامج سيرفير لأخر(xamppاوwamp) ولا ممكن يختلف الامر ؟؟ وتنصحينى حضرتك بإيه اراعيه لما احب اعمل قاعدة بيانات بالماى سيكوال والنماذج والاستعلامات والتقارير بالاكسيس وخاصتا انى اعمل على عمل نظام لمنشاءة حاليا .... وهل هذا الامر ذوجدية او ليه مميزات ام لا لأنى قرأت اليوم راى يقول ان هذا الامر غير مجدى او ليس له داعى فما راى حضرتك فى هذا الامر ؟ ومعلش اسفين اثقلنا عليك بس احنا عاوزين نستفيد من علم حضرتك قدر المستطاع وبارك الله فيكى وجزاكى الله كل خير

ووفقكم الله والجميع لما يحبه ويرضاه

والسلام عليكم ورحمة الله وبركاته

ولا تنسونا من صالح دعائكم

بارك الله بك اخي الفاضل : محمد

احب ان اقول لك انني لا ازعل ابدا من شخص مثل حضرتك لأن كل انسان ولديه ظروف فيجب علينا مراعاة ظروف الآخرين

وايضا افرح عندما اجد شخصا يأخذ ويعطي ويناقش ليستفيد لأنه ما طرح السؤال إلا ويريد الإجابه الشافيه التي تقطع الشك باليقين

كما انني ايضا استفيد من مثل حضرتك عن معلومات قد تكون غائبة عني ولهذا عندما يكون النقاش بناء فالكل يستفيد .

لقد اسعدني واثلج صدري ما وصلت اليه من حلول واحيي فيك روح المثابره للوصول الى حلول كنت تبحث عنها منذ فتره .

اما بالنسبه لمن يقول لك مثل هذه العبارات " ليس له داعي " او " الأمر غير مجدي " فأتمنى ان لا تستمع لمثل هذه الآراء

لأن القصد منها هو تثبيط العزيمه لديك ولكن لو كنت مكانك لسألت اصحاب هذه العبارات بأن اقول لهم " ما هي الحلول الأفضل في نظركم اذا كان هذا الأمر غير مجدي او ليس له داعي ؟؟؟

بكل تأكيد ان مثل هؤلاء الأشخاص سوف يلتزمون الصمت ولن يجيبوا عليك حتى تعلم ان الكلام كثير والفعل قليل .

عموما استمر على بركة الله وواصل طريقك واكتشف بنفسك حتى تستفيد من جميع الأخطاء وحتى لا تقع فيها مرة اخرى .

بالنسبة لو كنت مكانك لأخترت الشيء المتوفر بعيدا عن تعقيدات واوامر اللينكس وقلة برامجه مع ان جميع مصاره مفتوحه ولكن المشكله انك لو استخدمته ستجد القليل جدا الذي يفيدك في بعض الأخطاء

لذا ارشح لك منتجات الويندوز لأنها متوفره بها جميع البرامج ولو وقعت في اي اخطاء او واجهت اي مشاكل فستجد جميع الحلول متوفره وايضا الأشخاص الخبراء في هذا المجال .

بالنسبة للحصول على القوة والأمان في mysql والمرونه في access فهذا شيء جيد عندما تقوم بدمج القاعدتين ليعملا احدهما في الخلفية والأخرى في الواجهه .

اذا واجهت اي صعوبات فلا تتردد في السؤال فلن نبخل لا عليك ولا على اي شخص بما نعرفه في هذا المجال .

بالتوفيق

السلام عليكم ورحمة الله وبركاته

بارك الله فيك استاذتنا الجليلة وجزاكى الله عنا خيرا وكم انت متواضعة (بقة حضرتك هتستفيدى من واحد على قده زى) زادك الله رفعا بتواضعك له فمن تواضع لله رفعه وشكرا على تشجيعك ودعمك وسأعمل بنصيحة حضرتك بالاستمرار والاستكشاف والتجربة بنفسى ان شاء الله والله الموفق والمستعان ولو فيه اى حاجة اقدر اقدمها لحضرتك فأنا فى الخدمة ان شاء الله

ووفقكم الله والجميع لما يحبه ويرضاه

والسلام عليكم ورحمة الله وبركاته