انا عاوز اعرف ممكن عناوين المنافذ كيف او ما هى الية التاعمل مع المنافذ ادخال بيانات او اخراج بيانات
ياريت حد يدلنى على طريقة اتعامل بها مع المنافذ والبيوس CMOS RAM وما اهميتها بالظبط وما استخدماتها برمجيا
سؤال عن منافذ الحاسب
مغلق
عنوان الموضوع مخالف والسؤال غير واضح..
إذا كان قصدك منافذ الجهاز التسلسليه والمتوازيه الخ... فهى تختلف على حسب تحديدها من قبل البيوس...
على كل حال الموضوع مخالف الرجاء الإلتزام بقواعد المنتدى...
لا إله إلا الله محمد رسول الله
busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.
معلش يا عاصم سماح المرا دى عشان العضو دا بالزات جديد وااااااااااااااااول مره اشوفو هنا فى المنتدى..
لو كان عضو قديم كنا قلنا يستااااااااااااااااااهل بس دا عضو جديد وإنت سيد العارفين..
الا بالحق هو قصده إيه بالمنافذ عشان الكلمه دى مرت عليا قبل كدا بس مش عارف بالظبط إيه المقصود منها, وهل ليها علاقه بنظام التشغيل او الكمبايلرات ؟
على كل حال يا مستر نوكيا لو توضح السؤال يمكن نقدر نفيدك....
لا إله إلا الله محمد رسول الله
busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.
أكيد , انت عارف انا حنين ازاي مع الأعضاء , عشان كده باجيبلهم الروابط لغاية عندهم
وبم انه جديد في المنتدى فله نصيحة كويسة عندي, في خاصية البحث
للبحث عن موضوع معين في المنتدى , مثلا عن موضوع المنافذ
اكتب بهذه الطريقة في نص البحث
+المنافذ-hamada hassan ali
ثم اضغط بحث
وهذا لكي تتجنب المعلومات العجيبة المشوشة التي تصاحب هذا الاسم
لا تنسى اضافة المقطع -hamada hassan ali عند كل عملية بحث و الى ان نطلب من الادارة اضافتها تلقائيا لعملية البحث
لو لديك استفسارات عن صاحب الاسم (الله يمسيه بالخير لو كان لسه عايش) ممكن تسأل , اصله كان فلتة - بس فلتة بالعكس - (الفلتة بتسبق جيلها بـ 100 سنة للأمام , زميلكم حمادة متأخر عن جيله 100 سنة للخلف)
ما علينا
بعد حصولك على النتائج , يمكنك النقاش فيما توصلت اليه , واهم شيء ارفاق المصادر مع كل معلومة تكتبها , حتى لا تتعرض لانتقادات تؤدي بك في النهاية الى مصير حموكشة
ياااااااااااه فاتتنى إزاى دى!! حماده كان دايمن بيسئل عن المنافذ, دا انا طلعت غبى بشكل, دا اغلب اسئلته كانت عن المنافذ لو دورت فى إجاباته حتلاقى ردود كتيره اوى..
المفروض بقى تكتب +hamada hassan ali مش العكس...هى صحيح اسئلته كانت على قده بس فى إجابات مفححححححمه لكل واحد يسئل عن المنافذ...
لا إله إلا الله محمد رسول الله
busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.
لا انت كده عايز تلخبط الراجل من اولها ياابوغريب
-hamada hassan ali عشان يحجب المواضيع اللي جه فيها , بدل ما يخوت دماغه بكلمة من الشرق وكلمة من الغرب ومفيش دليل على معلومة بيقولها
لكن +hamada hassan ali تكتبها لما يكون عندك هبوط في الدورة الدموية وعايز علاج سريع المفعول ومضمون ومجرب 100% , لكن ما تكترش يعني يكفي دقيقتين لن بعدها ممكن يجيلك ارتفاع في ضغط الدم وده عواقبة وخيمة اجارك الله
لكن لو عايز المعلومات اللي بتكون في المواضيع بتاعته , يبقى من بعيد كده تفتح الموضوع واول ما تشوف رد فيه توقيع واحد محترف API , اسمبلي , fifa 2005 تسيبك منه وتخش على اللي بعده
اظن اننى تركت منتدى السى والسى ++ ومش عاوز اشوفكم تانى ممكن انا الان فى منتدى التحكم الصناعى
وياريت ما تردو على اجاباتى اللى يسمعكم وانتو بتتكلموا يقول انى كنت بطلب منكم البرامج جاهزة
على العموم انا مش عاوز رايكم يا عم غريب والاسمبلى عشان الكل ومتردوش على اسئلتى تانى انا اريد ان اتعامل مع اعضاء محترمين فى هذا المنتدى
Nokia_2006 كتب:اظن اننى تركت منتدى السى والسى ++ ومش عاوز اشوفكم تانى ممكن انا الان فى منتدى التحكم الصناعىوياريت ما تردو على اجاباتى اللى يسمعكم وانتو بتتكلموا يقول انى كنت بطلب منكم البرامج جاهزة
على العموم انا مش عاوز رايكم يا عم غريب والاسمبلى عشان الكل ومتردوش على اسئلتى تانى انا اريد ان اتعامل مع اعضاء محترمين فى هذا المنتدى
حمد الله على السلامة يا راجل بعد الغيبة الطويلة :D , انت خرجت من المستشفى امتة ؟
انا كنت عارف انك قلبك طيب وهتيجي عشان تكمل علينا , بقى مش مكفيك سموم في السي والأسمبلي ومنتدى نظم التشغيل , جاي هنا كمان تسوحلنا الأعضاء المساكين , يا عم احنا قسم غلبان فيه كام عضو ومش عايزين أسئلة من نوعية تحدث عن قصة حياة الكمبيوتر !!!
وبعدين قللي يعني ايه الجملة دي
هي عجبتك اسماً فقلت اشوف شكلها من جوه عاملة ازاي , علاقتها ايه بالمترجمات دي كمان ؟؟اقتباسياريت حد يدلنى على طريقة اتعامل بها مع المنافذ والبيوس CMOS RAM وما اهميتها بالظبط وما استخدماتها برمجيا
يا عم نوكيا السنة الجاية ولا حمكشة ولا حمقه ولا اسمك ايه السنه دي , اقرأ قواعد المشاركة في المنتدى واستخدم خاصية البحث , انا مش باطلب منك المستحيل , وبم انك بقى مش جديد في الجو يبقى وجب الانذار , عشان ما تتحرمش من حقك و مبروك على المشاركتين معهم انذار
يااااااااااه دا إنتا مصيبه يا عاصم!! عرفته إزاى إنه حموكشه معى إن الIP مختلف وشكل الاسم مختلف, والتوقيع مختلف..
نصيحه يا حماده اسئل اسئلتك فى قسم الاكسس, لان دا القسم الوحيد إلي لا انا ولا عاصم بندخلو.. والاكسس مش وحش دا عليه طلب جامد وممكن تلاقى شغل بسرعه..
لا إله إلا الله محمد رسول الله
busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.
معرفش بتعاملونى كده ليه
انا عارف ان IP بتاعى ثابت مش معنى انى اغير العضوية انكم لم تعرفوننى
لكن لم اتوقع منكم كل هذا الكره
اعتقد انكم دائما تذكرون الاعضاء بقواعد المنتدى
هل الاستهزاء بالاعضاء من قوانين المنتدى
انا عمرى ما غلط فى اى شخص بدون سبب ولا طلبت حل لاسئلة ولا وجبات
لا اعرف لماذا تعاملونى بهذا الاسلوب
يمكن عشان بسال اسئلة عن موضوعات كبيرة
انا طلباتى كانت ان انا بسال اسئلة ان محتاج اعرف اجابتها سواء كنت ساستخدمها فى مشروع معين ام لا
انا استعانت بكم لانى فقدت الامل فى داكترة الجامعة عندى ما يريدون ان يساعدوا اى حد فى اى شىء
شكرا اوى
تم تعديل هذه المشاركة بواسطة Nokia_2006 في 29 ديسمبر 2005 في 19:42
لا لا عيب كدا يا حماده إحنا بنحاول نساعدك بس إنتا إلي عايز تتعلم حاجات اكبر من مستواك.. اتعلم الاساسيات الاول وبعدين حتعرف المنافذ دى بتشتغل إزاى, هو فى حد بيوصل للدور الرابع من غير ما يعدى على الدور الاول والتانى والتالت؟؟
إلي إنتا بتحاول تعمله هو إنك عايز توصل للدور الاخير فى ناطحة سحاب من الاول ما تعدى على الادوار إلي قبله..
وبعدين تعالى هنا إحنا حنستقصدك ليه يعنى, هو إحنا صعاديه وفى بينا تار بايت؟؟ ما تفتح بقى يا حماده وخليك حلو..
إنتا صحيح ما غلطتش فى حد بس تعبتنا باسئلتك الغريبه, مش معقول يا حماده تسئل نفس السؤال لمدة سنه كامله, طيب غير شويه, اسئل عن اى حاجه تانيا عشان نعرف إنك بتحاول, اعمل برنامج وناقش النتايج..
بطريقتك دى لا إنتا حتستفيد ولا إحنا حنعرف نساعدك..
لا إله إلا الله محمد رسول الله
busbar : يجب ان تدرك انه هناك حد ادنى للمعرفة المطلوبة قبل البدء في عمل أي شئ.
لو سمحتم انا اسم عضويتى الجديد Nokia
انا صدقنى انا مش عاوز اصمم برامج لكى اكون مبرمج كمبيوتر محترف
انا بس مش عاوز ابداء الا لما اعرف اجابة لكل الاسئلة اللى بدور فى دماغى
على العموم انا مش عاوز حاجة فعلا كفاية كده استهزاء لان صعب اوى ان اى شحص انه يستحمل كل هذا ومع ذالك بدون سبب
ومش عاوز منكم اى حاجة تانى
شكرا
تم تعديل هذه المشاركة بواسطة Nokia_2006 في 29 ديسمبر 2005 في 19:55
يا ابو غريب بلاش تواضع , دانت عرفته وهو بيسجل لسه في المنتدى :D
تصدق بالله يا حمادة , انت صعبت علي بعد الرد بتاعك ده , لكن بعدها افتكرت - ده حمادة يعني مش هنخلص - فانا هاقولك على حاجه تريحك وتريحني انا وابو غريب وأي مشرف هيدخل موضوع انت موجود فيه
انت يا سيدي - باطلبها منك للمره الألف - تقرأ قواعد المشاركة - مش هتاخد منك دقيقتين - وتستخدم خاصية البحث في المنتدى , وعندك جووجل ملك البحث
ولما تكون عندك مشكلة , قبل ما تبعتها على المنتدى فضي نفسك 5 دقائق فقط , واكتبها في ورقة واقراها وشوف هل المشاركة كلها تتكلم في نقطة واحدة ولا تتحول من موضوع لآخر مع انتقال السطور
وتأكد من صيغة السؤال , يعني حدد طلب معين أو استشارة معينة - بلاش كلمة عايز أعرف كل شيء عن كذا وكذا - الكلمة دي تخلي لو في عضو عارف حاجة يكسل يكتبها لأن الباشا صاحب السؤال محتاج اجابة شاملة كاملة تتكلم عن الموضوع من الألف الى الياء
ويا ريت تقدم نتائج عشان نعرف انك بتشتغل , يعني طلبت مثلا طريقة للتعامل مع منفذ الطابعة وعرفتها , تضع مثال لك مثلا وتناقشه , بهذا يكون موضوعك مفيد وليس مضيعه للوقت
من الآن فصاعدا حافظ على القوانين , ولن ترى مني أو من ابو غريب اي تدخل الا للمساعدة , ولو مستغني عننا يا عم مش هتشوف كلمة لينا في موضوعك طالما تحافظ على القوانين - لآخر مره أطلب منك تطبيق القوانين أي مخالفة للقوانين يقابله انذار جديد , هذا ليس وعيد ولكن تنبيه فقط - وربنا يفقك في اللي بتعمله
لا ياعم متشكر اوى على كل اللى عملتوه معايا
شكر للمرة الاخيرة :angry: :(
تم تعديل هذه المشاركة بواسطة Nokia_2006 في 29 ديسمبر 2005 في 19:56
هذا الموضوع مغلق.