محمد النحراوي

يا شباب مصر محتاجين نقابة للمبرمجين

47 ردود في هذا الموضوع

و ما هي صفات المبرمج الذي سيدخل النقابة ؟

اي واحد يعرف سي ++ يبقي مبرمج ؟

0

شارك هذا الرد


رابط المشاركة
شارك الرد من خلال المواقع ادناه
المفروض الفريق العربى للبرمجة يكون فى صفحة مخصصة للموافقة والتصويت على النقابة

بالفعل طلبت هذا ولكن ... :rolleyes: لا زلت أنتظر رداً

و ما هي صفات المبرمج الذي سيدخل النقابة ؟

اي واحد يعرف سي ++ يبقي مبرمج ؟

بالتأكيد لابد أن تتوافر فيه مواصفات خاصة ، ولكن أيضاً نحن نريد إخراج الامر من دائر أن شهادتك تحدد نقابتك ، وكلنا يعلم أن أكثر المبرمجين لم يكونوا من خريجي الحاسبات أو الهندسة

وأظن اسئلة مشروعات التخرج التي تملاً المنتدى ، تدل على مدى ضعف تعليم الحاسب في بلداننا ، ومدى ركاكته ، بالطبع ليس كل الخريجين هكذا لكن الأغلب للأسف ، ومن كان متميزاً فهذا لا يدل على أن التعليم جيد ، بل يدل على أنه شخص أحب هذا المجال فتميز فيه وجد واجتهد (هذا رأيي الشخصي ولقد قتل نقاشاً لذا فمن كان رأيه مخالف فليبحث عن نقاشات سابقة موجودة هنا في المنتدى ، ولا داعي لتغيير فحوى هذا الموضوع)

0

شارك هذا الرد


رابط المشاركة
شارك الرد من خلال المواقع ادناه

متقلقش يا عم المنتدى مفهوش حلائين

0

شارك هذا الرد


رابط المشاركة
شارك الرد من خلال المواقع ادناه

المشكلة ياأحباب في رأيي أنه لا يوجد مقياس تقيس به المبرمج لأنه ليس تخصص في الجامعة فمثلاً

المبرمج خريج كلية الهندسة بيشترك في نقابة المهندسين

المبرمج خريج كلية العلوم بيشترك في نقابة العلميين

المبرمج خريج كلية التربية بيشترك في نقابة المعلمين

وهكذا ... أعرف مبرمج شاطر خالص وخريج لكلية الزراعة ... يعني مشترك في نقابة الزراعيين

هل يوجد مقياس تحدد به من له حق الاشتراك في النقابة ... سؤال ؟؟؟

0

شارك هذا الرد


رابط المشاركة
شارك الرد من خلال المواقع ادناه

بصراحة الموضع هايل وفعلا الفكرة دى قكرة جميلة اوى ولو اطبقت هنا احنا فعلا هنكون

اخدنا خطوة كبيرة اوى تجاه المبرمجين المصريين

الحاجة التانية هتكون المهنة مهنة مشهورة ولا(مدفوسة)زى ما هى (مدفوسه)الان

وبعدين دى حاجه جميل بمعنا ان احنا هنساعد اخواننا فى لبنان وفلسطين والعراق وذلك بأن

احنا ننظم مضاهرات زى نقابة المحاميين ونقابة الصحفيين هعهع

يارب الفكرة دى نقدر ننفذها

0

شارك هذا الرد


رابط المشاركة
شارك الرد من خلال المواقع ادناه

بسم الله الرحمن الرحيم

انا ياجماعه عندى حل جميل اوى علشان نقدر ننفذ الموضع دا بس ياجماعه احنا لازم نكون

جامديين شويه علشان نقدر نحقق ال احنا بنريده

فى الخطوات الاتيه سوف اعرض عليكم بعض النقاط واريدكم ان تبدو رأيكم فى ذلك

اولا : يتم التبرع من جانب كل مبرمج يريد ان تقوم هذه النقابة طبعا هيكون تبرع مادى

ثانيا : لابد وان يوجد مقر للنقابة ( احنا ممكن بالتبرعات دى نجيب مقر للنقابة مش لازم ان احنا

نقول هنبنى مثلا مبنى على قطعه ارض فاضيه لا ياجماعه احنا ممكن نقوم بتأجير شقة فى عمارة فى اى مكان فى القاهرة

ومع مرور الوقت ولما ربنا يرزق النقابة احنا وقتها نشترى قطعة ارض ونبنى عليها مبنى جميل ويكون المبنى له ملحقات زى الحديقة او المسجد وهتكون احسن

من نقابه المحاميين هعهعهع

وبجد ياجماعه هتلاقوا اكتر مبرمج يقوم بتسجيل نفسه فى النقابة وده طبعا هيكون بفلوس وهيكون زيها زى اى نقابه اشتراك ثانوى ونشاطات اخرى تقدمها

النقابة .

ثالثا : عن موضوع الذين سوف يشتركون بالنقابه احنا فعلا عارفيين كلنا ان معظم المبرمجين مش خريجين كليات الحاسبات والمعلومات . احنا ممكن نعمل شروط من

ضمنن الشروط دى مثلا

1 - ان يكون خريج كلية عليا

2- ان يكون حاصلا على شهادة تشهد انه قد اجتاز مثلا امتحانات فى البرمجة او ان يكون عاملا لدى اى شركة برمجة

دى شروط انا فكرة فيها واحنا ممكن مع الوقت نبتكر شروط اخرى تكون كافية ومتطابقة للمبرمج ال يقدر يشترك فى النقابه

دى ياجماعه شوية افكار انا فكرة فيها ولو فى اى افكار عند اى حد تانى من الاعضاء يتفضل

يطرحها وهتكون موضوع للجدال والنقاش

تم تعديل بواسطه kad0o0ora
0

شارك هذا الرد


رابط المشاركة
شارك الرد من خلال المواقع ادناه

سلام علكيم

فى جمعيه للمطورين فى مصر أسمها "رابط التكنولوجيين"

المشكلة ان الناس دول بقالهم سنيييين و مش عارفين يلموا عدد محترم من الناس خريجي المعاهد و الناس الى شغلين فى المجال ده

المهم الأقتراح المناسب جدا جدا ( فى وجهة نظري )

أعضاء الفريق العربي الكرام نقوم بعمل جمعيه "تحت رعاية و زارة الشؤن الأجتماعيه" مش هتتكلف حاجة غير صورة بطاقة و طبعا :D لازم تكونوا عرفيين أن كل واحد هيدخل هيتعمل عنه تحريات كتير عن طريق أمن الدولة :D:D

المهم بعد تكوين الجمعيه بشكل رسمي ممكن نأجر شقة كبيرة و تكون مقر مبدأي للجمعيه و بعد كده ربنا يسهل و يكرمنا و تكبر و بعد كده تقدر لما تكبر تعمل الى أنت عايزة

ليه؟؟؟

لان الحد الأدنى من المتطلبات موجود وهو "ناس بجد" مش مجرد منتدى و ناس و بتبعت لبعض بالميل و الـMSN

هيكون فى دخل مادى للجمعيه و ذلك عن طريق تبرع كل عضو بـ1% من راتبه يعني لو مرتبك 1000ج تدفع 10 ج و لو أنت راجل جامد و مرتيك 4000 أو 5000 يبقى تدفع 50 ج ( بيتهيأ لى مش كتير )

أتمنى أن الأقتراح يكون جيد و ياريت نقدر ننفذه ولو بشكل جزئي

فى ملاحظة أرجوا أن لا يتضايق منها أحد و هى بخصوص المهندسين فى مصر,

و الله بجد و مش مبالغه فى الكلام أنا بحس أن كل خريجي هندسه بيعملوا الناس على أنهم من عالم تانى و فعلا أكتر من مرة بشوف مهندسين بيسخروا من ناس كويسيين جدا جدا بسبب أنه مش مهندس, بيتهيأ لى أن ده من تأثير الدراسة أو أن فى مادة سرية بيتم تدرسها داخل الكليه و هى مادة "كيف تتنفخ على الناس و تزل الى جابوهم يا فاش مهندس " :D:D:D , و الله الكلام ده أنا أقوله لان الموضوع بقى واضح جدا , أصبح المهندسين طائقه منفصلة تماما عن الناس :D فى مجالنا على سبيل المثال تجد المهندس لا يدخل معك فى نقاش لان مستوى النقاش أقل بكثير من الحد الأدنى الي ممكن المهندس يدخل فيه , كمان فى حاجة غريبة و هى نظرات السخرية و الأستهزاء بالغير (بتكون واضحة جدا) , و لكن شوف الحال بعد 15 او 20 سنه نظرا لان المهندس عملى جدا جدا و بينجز كتير جدا جدا بيفضل فى مكانه لا يتعدى مرحلة مدير مشروعات , و لكن تتعالوا الى الأخرين خريجي تجارة و حقوق و المعاهد الناس ديه بيكون أكثر أستيعاب لمنطق الأعمال مما يأهلهم بعد ذلك للدخول فى مجالات كبيرة و كثير ما رأيت شباب أقل من 26سنه و دارس MBA بالأضافه الى أتجاه مجال عمله الـConsulting بره مصر , و الكلام ده كمان بيقوله داكترة هندسه أن طالب هندسه متعود بعمل بشكل معين ولا يستطيع تجاوزة , ممكن يكون ذكي جدا و يكون بيشتغل كتير جدا بس فى حاجات ممكن ما يقدر التعامل معه

و فى الأخر أنا أسف لو كان كلامى بايخ أو ثقيل حبتين بس يا ريت يا مهندسين مصر خفوا على الغلابه الى حوليكم :)

ربنا معانا كلنا :)

0

شارك هذا الرد


رابط المشاركة
شارك الرد من خلال المواقع ادناه

يا اخ أحمد عصام انا مهندس ومش بتنفخ ولا حاجة على أى حد أنا بحترم كل الناس ماعدا فئة واحدة فقط وأعتقد ان الكل بدأ يعرفها .

بالنسبة لفكرة أنشاء الجمعية فكرة جميلة جدا والله وأنا أؤيدك فيها .

وبلاش كل واحد يدفع 1% من مرتبه خلى كل واحد يدفع براحته بس يكون الحد الأدنى للأشتراك الشهرى 5 جنيه شهريا .

بس أحنا عايزين عدد محترم من الناس اللى هيبدأو الجمعية يكونوا غير معروفين امنيا علشان يتم الموافقة على الجمعية .

0

شارك هذا الرد


رابط المشاركة
شارك الرد من خلال المواقع ادناه

سلام عليكم

أولا أنا مقلتش كل المهندسين :D و كل الى أقصده من الكلام هو طلب رسمي :D بطول البال من المهندسين

ممكن أحدى المشرفين يتطوع و يستقبل بيانات الراغبين فى الأشتراك فى الجمعية

كل البيانات الموجودة فى البطاقة الشخصية + المؤهل + بيانات الوظيفية

و كمان ممكن لو فى طلاب شاطرين يدخلوا معانا :)

تم تعديل بواسطه neo
0

شارك هذا الرد


رابط المشاركة
شارك الرد من خلال المواقع ادناه

ياعم انت حاطط المهندسين في دماغك ليه و عمال تطلع في نظريات و استنتاجات لمستقبلهم ربنا يوفق الجميع بس...

0

شارك هذا الرد


رابط المشاركة
شارك الرد من خلال المواقع ادناه

اقتراح المقابة اقتراح جميل ويا ريت يتنفذ

على فكرة الكلام اللي قاله الاخ عصام عن المهندسين بيحصل فعلا ...... ساعات بحس انهم مش شايفين حاجة غير اللي درسوه في الكلية واي حاجة تاني ملهاش لزمة

0

شارك هذا الرد


رابط المشاركة
شارك الرد من خلال المواقع ادناه

أنا كمان بدرس الهندسة في جامعة حكومية و حبقى مهندس إن شاء الله و صحيح بعض المهندسين متكبرين لكن معظمهم مش كده أبدا :)

أما بعض الأخوة إللي بيقولوا إنهم ميعرفوش غير إللي درسوه في الكلية فنا مش عارف بصراحة يعني إنتوا مثلا دخلتوا في أمخاخهم علشان تعرفوا ؟!!!

مهندسي الكمبيوتر معظم إللي بيدرسوه حاجات ثابتة زي الرياضيات و الفيزياء و علوم الحاسب و إلكترونيات

و معظم الجامعات المحترمة مبتدرسش غير المباديء يعني الConcepts أما التقنيات زي الجافا و الدوت نيت إلخ ... فهي دراسة ذاتية علشان كده المهندس بيتخرج من الكلية و هو يقدر يتعلم أي حاجة بسرعة و يشتغل في حاجات كتير و يقرا

كلمة مهندس أصلا يعني مبدع يعني شخص يشتغل في حاجات كتير و يقدر بالموارد المتاحة يبني أي حاجة في مجال تخصصه يعني لولا المهندسين مكانش حد عرف يعمل لا كمبيوتر ولا تليفزيون ولا عمارة ولا حاجة خاص :)

و في العلماء إللي هم بيعملوا أبحاث و يطوروا في النظريات و في الحاجات إللي حوالينا و هم ميقلوش في حاجة عن المهندسين لإن من غير العلماء و نظرياتهم و إكتشفاتهم مكانش حد عرف يبني أو يعمل أي حاجة أصلا

و لولا المحاميين أمال مين يعني إللي يدافع عن الناس و لولا المحاسبين يبقى مين إللي حيعمل شغل الحسابات ولا تبقى ماشية مهلبية :D

كل واحد له دور مهما كان بيأديه في المجتمع و ميقدرش المجتمع يستغنى عن دوره

و في ناس كتير إسمهم سواء خريج هندسة أو خريج علوم لكن معندهوش غير الشهادة و مستواه مش قد كده فإللي درسه فمش كل واحد معاه شهادة يبقى مهندس بجد أو عالم بجد

أما خريجي تجارة فربنا يوفقهم في مجالهم هم و خريجي حقوق

و خريجي المعاهد دي كلمة مش معبرة يعني معهد إيه ؟

في معاهد بتعادل علوم حاسب و في معاهد بتعادل هندسة

و ربنا يوفقهم برضه و أنا رأيي إن مش معنى إن واحد مجموعه مجابش مجموعه المجال إللي هو عايزه في الثانوية العامة (الله يحفظنا :D ) و دخل كلية أو معهد بفلوس إنه وحش

و الدليل على كده إن معظم الجامعات إللي بالخارج بفلوس حتى أحسنها زي Harvard

و حتى لو حد دخل جامعة مستواها قليل فده مش معناه إنه وحش زي بالظبط لو واحد دخل جامعه حلوة فده مش معناه إنه لما يتخرج منها حيبقى ممتاز

ربنا يوفقنا جميعا

و السلام عليكم

تم تعديل بواسطه usama707
0

شارك هذا الرد


رابط المشاركة
شارك الرد من خلال المواقع ادناه

السلام عليكم و رحمة الله و بركاته

يا جماعة

أولا : بالنسبة لموضوع الدراسة و المهندسين المتعالين . أفتكر ان انتم في مجال IT أكبر مثال علي ان الدراسة في الجامعات أو المعاهد ميش كل حاجة و أنا من وجهة نظري أن دي كلها مسميات . المهم الواحد يشوف هو عاوز أيه و يبقي أيه . فسواء خريج هندسة أو معهد . اللي يهمنا تفكيره و عقليته . فكتير من الناس جدا يعتبروا مهندسين و ليسوا خريجي هندسة و يقدروا يبدعوا في مجالهم . و طبعا الدراسة في الهندسة . بتغير عقلية الدارس فيها بحيث انه يبقي قادر علي أبتكار حلول لمجاله . بس نأخد نظرة كده علي الدراسة بره . ليه هم متطورين عننا . لأنهم أمنوا بتطوير إمكانيات الأفراد في المجال اللي هم يحبوا .

و بعدين الناس كلها ميش زي بعض . فمنهم فئة متعاليه و منهم متواضع . وحاجة تانية مننسهاش . إن الإنسان مهما كان خريج ايه . بيفضل يتعلم لحد ما يموت .

ثانيا : بالنسبة لموضوع النقابة .

هو بصراحة موضوع أصبح ملح . لاء . أصبح ضروري . و لو احنا . أقصد الجيل بتاعنا داه . ماعملش حاجة زي كده و أخد خطوة إيجابية بجد في الموضوع . يبقي بنظلم نفسنا و بنظلم الجيل اللي بعدنا . ( لو فعلا عاوزين نطور و ننمو بأنفسنا )

و لا زم نأخد خطوات إيجابية . و نضع خطة للموضوع :

أولاً : يتم عمل توقعات من الناس اللي جادين فعلا

ثانيا : نسأل و نشوف إجراءات إنشاء النقابة . و ممكن ما تبقاش نقابة ممكن تبقي جمعية .( لو ما نفعش أو ما قدرناش تبقي نقابة حاليا) . المهم يبقي في عزيمة

ثالثا: أخذ مكان ( شقة مثلا ) لتكون المقر

رابعا : إعتماد أعضاء الجمعية و المشتركين بها . و هنا في ميش عاوزين تبقي تابعة للشهادة . عاوزنها حسب إمكانيات الأفراد و ممكن نعمل إمتحان أو ماشابه أو شهادة من الشركة التي يعمل بها .( مثلاً) أو أي اقتراح تاني

خامسا : و هنا موضوع الماديات - طبيعي هيكون في اشتراكات للأعضاء بس هل هي كافية . ما أفتكرش . يبقي في مجالات تانية زي مثلا في البدايه ممكن أعضاء النقابة يقوموا بمشروع جماعي مثلا و يبقي دخله خاص بالنقابة - ميش عارف - كده ممكن تبقي مؤسسه إقتصادية - و إحنا ميش هدفنا الربح المادي

و هو طبيعي هيكون بها نشاطات مثل تنظيم رحلات و خلافه .

و جزاكم الله خير

0

شارك هذا الرد


رابط المشاركة
شارك الرد من خلال المواقع ادناه

نقــابه المبرمجــين الـــعرب

تاريخها : 2000

المكـــان : Arabteam200.com

0

شارك هذا الرد


رابط المشاركة
شارك الرد من خلال المواقع ادناه

شباب تم انشاء اول جمعية في مصر تحت مسمي الجمعية المصرية لعلوم الحاسب

وهذا تم الانتهاء من الاجرات بتعيتها فقط اليوم ولكن محتاجة مجهود جبار علشان نخرجها لنور وتقوم بكل دورة

الحقيقي يلا شباب من يريد معلومات اخري يتصل بي الاميل التالي

[email protected]

ويتم الان انشاء الموقع الخاص بيها

post-98439-1168641104_thumb.jpg

0

شارك هذا الرد


رابط المشاركة
شارك الرد من خلال المواقع ادناه

ياجماعة .. فكرتو الأول في فايدة النقابة دي او الجمعية دي ؟

اي فايدتها و هتوفر ايه للمبرمجين او العاملين في مجال الاي تي بشكل عام ..

وبعدين ليه دايما متعودين نبني من اول وجديد ..و نعقدها و نصعب على نفسنا زي ما بني اسرائيل عملو ..

و صراحة فعلا موضوع الأمن ده حقيقي ولازم عشان اصلا يتم اي نشاط لاي نقابه بيبقى عليه موافقات من الأمن ما بالك بانشاء نقابة جديدة ..

والا هو الموضوع موضوع غيره من الحلاقين :D ... ( بيني وبينك هم بيكسبواكتر مننا بمراحل ..)

يا اخ احمد مفيش حاجة اسمها نقابة الحلاقين .. دول بينضمو لنقابة المهنين .. واي شخص مالوش نقابة محددة زي السواقين و البنايين و السباكين و حتى اللي فاتحين دكاكين و معاهمش مؤهل .. بيندرجو تحت نقبة المهنيين ..

والله الموضوع عمره ما كان موضوع كرنيه وورقة بتتشال في الجيب مكتوب عليها بالبنط العريض انك مبرمج ..

انا حاسس ان الموضوع مش على المستوى و حتى الردود معظم الاناس بتتكلم في وادي و الموضوع موضوع تاني خالص .. كل اللي اتقال مجرد فكرة حتى مش محددين ان كنا عاوزين نقابة والا جمعية ... وهينتهي كالعادة بانه يتقفل و يتنسي و نرجع بعد سنتين نفتح نفس الموضوع .. ودي عادتنا ..

بس عموما .. اهي فكرة ..

------------------------------------------------------------

مش ظريف يا سيد نيو انك تصف فئة معينة او شريحة معينه بانهم منتفخين او بيتعلمو ازاي يتنفخو على الناس في كلياتهم ...

كان من الاولى تصف الأطباء .. اذا كان الوضع بيتقاس بالشكل ده .. او دكاترة الجامعة .. او تصف طلاب تجارة انهم بيتعلمو الهيافة عمال على بطال .. .. او ..

شخصيا لا عمري اتنفخت على حد ولا حتى زملائي ولا لاحظت كده ابدا لا من ناحيتي و لا من ناحية غيري ..

يمكن سعادتك بس بتدخل معاهم في مشادات فبتحس بالنقطة دي شوية .. وده طبيعي انك لما تدخل في نقاش مع اي حد في مجال تخصصه هتحس انك اقل منه - علما - و اذا بقى عندك الشعو ده من قبل كده اكيد هيتنامى و يتنامى .. وده بيحصل بالنسبة لي و بالنسبالك طبعا لو وقفنا قدام واحد متخصص في اي مجال منفهمش احنا فيه ..

لكن ده عمره ما كان داعي اننا نقول عليه ده بيتنفخ او بيتعلم في الكلية ازاي يتنفخ على خلق الله ..

و فى الأخر أنا أسف لو كان كلامى بايخ أو ثقيل حبتين

صراحة تقيل حبتين و تلاته كمان .. وخصوصا انه يتقال في موضوع زي ده ... لانه بيبوظ الموضوع و يقلب مسار النقاش خالص ..

----------------------------------------

تم تعديل بواسطه محمد رمضان
0

شارك هذا الرد


رابط المشاركة
شارك الرد من خلال المواقع ادناه

سلام عليكم

انا أسف جدا

صراحة تقيل حبتين و تلاته كمان .. وخصوصا انه يتقال في موضوع زي ده ... لانه بيبوظ الموضوع و يقلب مسار النقاش خالص ..

و الله أنا ما أقصد شئ, أنا كان كلامي على بعض الناس مش كلهم و بعدين أنا معظم زملائي و أصدقائي مهندسين

و علاقتي بيهم كويسه جدا الحمد لله , حضرتك فهمتني غلط

أنا أسف لكل أخواني , لو كان فى حاجه أنا قلتها تضايق,فأنا بكرر أسفي ليكم :) أحنا كلنا بنتعلم و كلنا أخوه

0

شارك هذا الرد


رابط المشاركة
شارك الرد من خلال المواقع ادناه

في جمعيه منهدسي البرمجيات في مصر

انا عضو فيها المفروض هاتتقلب نقابه

0

شارك هذا الرد


رابط المشاركة
شارك الرد من خلال المواقع ادناه

السلام عليكم

الى الاستاذ محمد النحراوى

انا اعرف مجموعه من الا شخاص بالاسكندريه يقومون حاليا باعداد نقابه للمبرمجين ولكن الموضوع مش سهل فالدوله تشرع قوانين محدده للقيام بهذا العمل ولكن هؤلاء الاشخاص فى الطريق لهذا العمل ;)

فهم حتى هه اللحظه اقاموا رابطه المبرمجين مشهره من الشؤن الاجتماعيه وليهم جروب على الياهوا لو عايزه ممكن ابعتهولك وانا فى الخدمه يامحمد بيه

0

شارك هذا الرد


رابط المشاركة
شارك الرد من خلال المواقع ادناه

والله لازم يكون في نقابة للمبرمجين

0

شارك هذا الرد


رابط المشاركة
شارك الرد من خلال المواقع ادناه

السلام عليكم ورحمة الله وبركاته

يا اخواني

سبق وان تحدثنا كثيرا عن انشاء رابطة للمبرمجين المصريين والعرب

ولم يحدث اي تقدم في الموضوع وكان ذلك في العام الماضي

نحن هنا كلنا متفقون علي ذلك ولكن لا توجد خطوة واحدة في ذلك

ارجو المتابعه

وشكرا

اخوكم م/ منصور محمد حسن

مصر - الغربية

0

شارك هذا الرد


رابط المشاركة
شارك الرد من خلال المواقع ادناه
زوار
This topic is now closed to further replies.

  • يستعرض القسم حالياً   0 members

    لا يوجد أعضاء مسجلين يشاهدون هذه الصفحة .