• 0
Hisham_wz

بالفيديو: تشغيل قاعدة بيانات مايكروسوفت اكسيس عن بعد باستخدام RemoteApp مع ويندوز سيرفر 2008

سؤال

في 2008 مايكروسوفت أعلنت عن خدمة الـ RemoteApp وخدمة الـ RemoteApp عبارة عن مشاركة للبرامج بمعناها الحرفي.

يعني ايه الكلام ده؟

المتعارف عليه في المشاركة هو مشاركة مجلد؛ مشاركة ملف؛ مشاركة خدمة "زي الأنترنت"؛ مشاركة هاردوير "زي الطابعة"؛ ده كان المعروف أو المتاح؛ لحد ما مايكروسوفت قالت طيب أيه المشكلة لو عملنا مشاركة لبرنامج؟
مثلا: نعمل مشاركة لبرنامج زي الفوتوشوب؛ بحيث أنه ينزل علي جهاز واحد في الشبكة وأي جهاز تاني يقدر يفتحه ويشتغل عليه من غير ما يحتاج انه يحمل الفوتوشوب على جهازه.

الفكرة ممتازة وليها مكاسب؛ أهمها توفير المال والمجهود. لأنك بالطريقة دي تقدر تشارك برنامج مع اكتر من مستخدم بتصريح واحد. مش بس كده؛ ده أنت كمان حتدير الشبكة بشكل احترافي؛ لأنك حتحدد مين حيستخدم ايه بطريقة أسهل؛ كمان عمليات الصيانة والنسخ الاحتياطي حتبقي أسهل؛ لأنها بتم على جهاز واحد بس "اللي هو السيرفر".

طيب؛ هل الكلام ده ممكن ينطبق على قاعدة بيانات مايكروسوفت أكسيس؟ بشكل تاني هل ممكن مشاركة قاعدة بيانات مايكروسوفت أكسيس باستخدام خدمة الـ RemoteApp؟

الإجابة: نــــعـــم ممكن مشاركة قاعدة بيانات مايكروسوفت أكسيس باستخدام خدمة RemoteApp

مش بس كده؛ ده أنا أوعدك أن أكبر مشكلة في مايكروسوفت أكسيس مع الشبكات حتنتهي!

أكبر مشكلة بتقابل اللي شاغلين على مايكروسوفت أكسيس هي بطيء قاعدة البيانات لما تيجي تعمل لها مشاركة على الشبكة؛ وكان الحل أنك بترفع قاعدة البيانات من مايكروسوفت أكسيس إلى مايكروسوفت SQL؛ وفي الحقيقة ده كان مرهق للبعض؛ رغم أنه حل ممتاز.

تعالي بقا باستخدام خدمة RemoteApp أنت مش حتشوف أي بطيء في الموضوع نهائـــــي. وده سببه أن العمليات كلها بتم في الـ Server Site مش عندك؛ يعني اللي بيظهر عندك هو مجرد صورة من اللي بيتم في جانب السيرفر:D  حاجة كده أشبه بالاتصال بسطح المكتب البعيد "أن مكنش فعلا هو اتصال بسطح المكتب البعيد" ولكن بشكل محترف جدا.

باختصار شديد خدمة الـ RemoteApp هو فتح البرنامج أو الملف على السيرفر وإظهاره ليك بشكل كأنه شغال على جهازك أنت.

طيب الطريقة دي محتاجة أيه علشان تتم؟ في الواقع مش محتاجة أي متطلبات خاصة؛ وان كانت محتاجة هاردوير محترم؛ علشان السيرفر يقدر يقدم الخدمة بشكل محترم؛ لان خالي بالك من حاجة؛ كل مستخدم حيتصل بالسيرفر علشان يشغل البرنامج أو قاعدة البيانات هو في الحقيقة بيحجز جلسة على السيرفر؛ وده معناه انه واخد حته من الهاردوير الخاص بالسيرفر.

المتطلبات والخطوات اللي حنعملها:

1-      جهاز عادي "أو جهاز وهمي مثلا VMware" وحنزل عليها Windows Server 2008 R2 SP1

2-      بعد ماننزل نسخة الويندوز سيرفر حنفعل الـ Terminal Services

3-      بعد كده حنعمل إعدادات RemoteApp وحنبدأ نعمل مشاركة لقاعدة بيانات

4-      حنجرب الاتصال بقاعدة البيانات من جهاز تاني على الشبكة

5-      وفي الاخر حشرح طريقة فتح قاعدة البيانات من خلال الموبيل أو من خلال الايباد؛ مع العلم أننا حنجرب على نظام IOS نظام Apple؛ بس متقلقش تقدر تعملها على نظام اندرويد.

 

 

بالفيديو: تشغيل قاعدة بيانات مايكروسوفت اكسيس عن بعد باستخدام RemoteApp مع ويندوز سيرفر 2008

 

أضغط هنا لمشاهدة الفيديو علي اليوتيوب:

 

 

 

 

اتمني التوفيق للجميع

 

 

6

شارك هذا الرد


رابط المشاركة
شارك الرد من خلال المواقع ادناه

9 إجابة على هذا السؤال .

  • 0

جيد موضوع متقدم

 

0

شارك هذا الرد


رابط المشاركة
شارك الرد من خلال المواقع ادناه
  • 0

موضوع مميز جدا ومجهود كبير 

شكرا جزيلا

نتمني المزيد

 

0

شارك هذا الرد


رابط المشاركة
شارك الرد من خلال المواقع ادناه
  • 0

جزاك الله خير

عاوزين طريقة الاتصال لجهازين مش على نفس الشبكه

يعنى مثلا جهاز فى القاهره  والتانى فى الاسكندريه

 

وحابب ابلغك ان الملف rdp الموبايل مش متعرف عليه مع انى نزلت الابليكيشن RD CLINT  واستخدم اندرويد على جهاز سامسونج نوت 5

0

شارك هذا الرد


رابط المشاركة
شارك الرد من خلال المواقع ادناه
  • 0

السلام عليكم ورحمة الله وبركاته

شرح اكثر من رائع بارك الله فيك

اضم صوتي لصوت الاخ كارم محمود,,,هو طريقة الاتصال بالجهاز (السيرفر) اذا كان من شبكة اخرى او عن طريق موبايل نتورك كونيكشن

 

ولك الشكر

0

شارك هذا الرد


رابط المشاركة
شارك الرد من خلال المواقع ادناه
  • 0

للرفع

مع الشكر الجزيل 

0

شارك هذا الرد


رابط المشاركة
شارك الرد من خلال المواقع ادناه
  • 0

بارك الله فيك اخي هشام

هل هناك شرح لفتح قاعدة البيانات عن طريق الويب

 

0

شارك هذا الرد


رابط المشاركة
شارك الرد من خلال المواقع ادناه

من فضلك سجل دخول لتتمكن من التعليق

ستتمكن من اضافه تعليقات بعد التسجيل



سجل دخولك الان

  • يستعرض القسم حالياً   0 members

    لا يوجد أعضاء مسجلين يشاهدون هذه الصفحة .