shaaw

ضغطة واحدة للدخول الى عالم آبل

12 ردود في هذا الموضوع

ده مقال كتبته لواحد صاحبى عشان مش عارف يشتغل ايه بويندوز وبرامجه ولا ايه، نفسه يغير بس مش عارف يغير لإيه، احنا الاتنين خريجين حاسبات ومعلومات قسم علوم حاسب

بسم الله الرحمن الرحيم

آبل ماكنتوش

ws-space-apple-logo-1440x9001.jpg

أولا: كمستخدم

أى حد يحب يبقى متميز فى مجال الكمبيوتر ، وأنا بصراحه مش عارف مش لاقى نفسى مع مايكروسوفت،كورساتها كترت و أى واحد فى أولى جامعة ممكن مايكونش حاسبات اصلا يروح ياخد كورس إيه إس بى أو إم كاد ممكن يبقى أحسن منك خمسين مرة ،، طب وليه ، مانا طالما تعليم بتعليم وكده كده هاتعلم ، أتعلم حاجه جديده آخر تكنولوجيا ماحدش يعرف عنها حاجه، فرصتها تبقى أحسن

و خللى بالك من حاجه أساسيات الكمبيوتر خلاص انا عرفتها ، عرفت يعنى ايه براوزر،فلاش فايل،تكست فايل،فايروول، آنتى فيروس، كودك، ماسنجر

انا عارف كل ده و اللى ماتنكرش ان الويندوز ساعدنى فى تعلمه ، بس خلاص اتعلملته فأصبح دلوقتى هاشتغل على اى نظام تشغيل كأنه مجرد برنامج جديد نزلته من على النت و بشغله لأول مرة عشان اكتشفه، تقدر تقول حبيت أطلع من القمقم.

أنا جربت مرة أطلع و اتخنقت عشان جربت لينوكس وملاقيتش حاجات كتير بتشتغل وبما إنى مطور فأهم حاجه البرمجه و الآى دى إى و لاقيتهم فى لينوكس يرثى لهم .. ماحبيتوش.حسيت إن لازم أجمع من الشرق و الغرب و كل مايجى يحصل مشكلة أدوخ بقى فى النت انت بتستخدم انهو نظام لينكس ، وفى خمسين نسخه و كل واحده فيها كذا و مافيهش كذا،حاجات دوختنى، بس كان الاهم للتطوير وده اللى ماستلطفتوش فى اللينكس، ممكن يكون رائع لناس كتير بس مش ليا ، ده غير ان كل واحد نزلك لينكس عنده لام يجى يوريهولك امال ايه عشان يعرفك ان هو عبقرى و شغال بلينكس ، هههه، و انت سيادتك تشوفه و تتعقد و ما ينوبك الا الخديعه !!!

وفى نفس الوقت اغلب المبرجين اللى بشفهم فى مصر اما بيخافوا يجربوا حاجه جديده أو بيسلموا أمرهم للى اتعلموه واللى الظروف حكمت عليهم ان هما يتعلموه ، فحبسوا نفسهم فى قمقم يحتوى مايكروسوفت ومنتجاتها انا مش ضد مايكروسوفت محدش يفهمنى غلط

انا كل شغلى تقريبا بويندوز ومنتجات مايكروسوفت وعملت مشاريع انا فخور انى عملتها منها مشروع تخرجى وحوالى 70 بالمئة من المشروع كان بأدوات مايكروسوفت من نظام التشغيل لبيئة التطوير ولغة البرمجة بس أنا اتعلمت ويندوز عشان ماحدش علمنى غير كده أو وانا صغير هو ده اللى كان فى البيت فلم يتم اتاحة الفرصه انى اختار لكن دلوقتى الواحد المفروش بتاع حاسبات يعنى مش بتاع ويندوز فالزامان لازم تعرف على الاقل كمان نظام تشغيل معاه حاجه تانيه سواء برمجة أو نظام تشغيل الحاجات دى علم ـ وعلم ده كلمة شاملة فأنا مش عايز اتعلم برمجة عشان ابقى مطور بس لمايكروسوفت

عايز أختار انا اشتغل بإيه وانا فعلا حابب ايه، مفيش مانع لو جربت انظمة تشغيل تانية ولاقيت الويندوز أكفأهم واحلاهم فى وجهة نظرى ارجعلة بس يبقى انا اللى رجعتله مقتنع بيه و بحبه مش مضطر اشتغل بيه عشان ببساطه مالاقيتش غيره !

نفس الكلام فى السى بلس بلس او السى شارب لازم اكتب بيها عشان انا بحبها ومقتنع بيها مش عشان السكشن كان لازم البرنامج بتاعه يتكتب بسى بلسبلس او التدريب الصيفى كنت مضطر أخده بالسى شارب، طيب عايز الواحد يعرف حاجه تانيه و باين كده مش لينكس طب إيه؟

هنا بقى فى آبل ماكينتوش حست أنهم بيوفرولك كل حاجه إنت محتاجها فى واحد، و أجل تفكيرك فى حاجات مايكروسوفت خالص دلوقتى

لاب توب آبل ماكنتوش و عليه النظام الخاص بآبل و دى حاجه عجبانى جدا بشكل شخصى، تحس انك معاك حاجه اوريجنال ، ده مش موجود فى مايكروسوفت ، آبل تيجى تعمل جهاز تعلمللة السوفت وير و نظام التشغيل بتاعه زى الآى ماك وده جهاز كمبيوتر مكتبى و المالك بوك و ده لاب توب و آىبود ود مشغل موسيقى رائع و آى فون و ده تليفون محمول وآى باد ده تقدر تقول تابلت بى سى ، كل دول ليهم النظام التشغيل بيتاعهم مخصوص و اللى مطوراه آبل.

نظام ماك اختصار ماكينتوش (آخر إصدار) سنو ليوبارد لأجهزة ولاب توب آبل نزل فى ابريل 2010- و ممكن تعمل بعض التعديلات على النسخة وتنزل على الكمبيوتر الشخصى العادى ببروسيسور إنتل كور 2 ديو، أما بالنسبة للآى بود تاتش ولآى فون والآى باد فمعموللهم نظام تغيل إسمه آى آوو إس حاجه تحفه.

مش مثلا تشوف نوكيا تعمل جهاز و تحط عليه نظام تشغيل من شركة تانيه مطوراه اسمه سبيمبيان،تيجى ساسونج تعمل موبايل تاتش أومنيا الجديد تحطله ويندوز موبايل ، وغيرهم وغيرهم. لكن الناس دى (آبل)بحس إن عندهم تكامل و إكتفاء ذاتى

ده طبعا غير التهديدات الأمنية من الاختراقات و الفيروسات الكتير اللى موجودة فى الويندوز و غير إن الواحد شاف ناس تقريبا بصمجية و بيشتغلوا على ماك !!

هما أحسن من أى حد مطور ؟؟؟ أكيد لأ ، بس الماك كنظام تشغيل كل أجمع بسهولته و قالوا لو جربته مش هترجع للويندوز وقرفه تانى.

بالمناسبة جوجل وبشكل رسمى أقلعت عن الوينوز و بدأت تتحول للماك واللينكس

ولاقيت تقريبا كل البرامج اللى الواحد محتاجها فى منها نسخ بتشتغل هناك زى الفلاش و اكروبات و منتجات أدوبى عامة و سكايب و فايرفوكس وغيره وغيره ، ده انا حتى لاقيت برنامج اسمه

Parallells Desktop

زى الفيرشوال بى سى لو تعرفه ميزة البرنامج ده تسطب ويندوز اكس بى وهمى جوه الماك ، حاجه بهدله

البرنامج والشرح من هنا

ثانيا : كمطور

إعرف لغة واحدة و اعمل بيها برامج لكله ، كما هو الحال فى الجافا

دى اللغة معمول بيها نظام الماك و نظام الآى أوو إس اللى هو نظام تشغيل الآى بود تتش و الآى فون و الآى بادObjective C

انا كنت فاكر انها صعبه بس بعد كمية الشروحات الرهيبه الموجودة على النت بتخللى للبرمجه معنى تانى سهل و بسيط وهايف

تخللى فعلا طفل عنده 9 سنين يعمل برنامج للاى فون و يتعملله داونلود 4000 مره فى اسبوعين ،إقرأ الخبر فى رويترز!!!

الموضوع مش صعب خالص بس عايز الواحد يعرف يبدأ منين و ايه الادوات اللى يشتغل بيها.

حاجه تانية آبل بتعمل مؤتمر للمطورين كل سنه بتقول وبتعرض فيه الحاجات الجديده، مؤتمر بجد مش زى التعبان المهرتل بتاع مايكروسوفت اللى كنت باحضره ،

المؤتمر ده كان فى منتصف 6 على ما اعتقد بتذكرة قيمتها ألف و سبعمائة دولار

وكل اللى راحوه بيأكدوا انه يستاهل الفلوس و آبل بتقوللك لو مش فاضى تحضر ممكن تنزله من برنامج آى تونز بلاش ، كل جلسات المؤتمر من هنا، حاجه فعلا رهيبه ، السيشنات دى كنووووز على النت

لو فرضا فرررررررضا يعنى لاقيت مركز تدريب بيدرب على الحاجات دى هتلاقى الكورس مش اقل من عشر ألاف دولار

و اصلا على ماتنزل هنا فى مصر وتحس بيها قدامك عشر ألاف سنه، طبعا هانكون متنا عشان كده هاغير قريب ان شاء الله

World Wide Developer Conference

wwdc-2010-apple.jpg

ملخص أحداث وجولات المؤتمر واللى ستيف (المدير التنفيذى لأبل) قال فيه ان لعاب المطورين يسيل دولارات

بيئة التطوير ولغة البرمجه IDE

برنامج إسمه Xcode IDE آبل هيه اللى عاملاه عشان تقدر تعمل اى تطبيقات تحبها ببساطه زى الفيجوال ستوديو، و اللى الاسطوانات التعليميه هاتعرفك تشتغل عليه ازاى

اعمللك حساب فى موقع مطورى آبل عشان تقدر تتعامل مع منتجاتهم من هنا اعمل الحساب المجانى ، و على فكره ممكن تكون Certified Apple Developer

بعد ما تعمل حساب و تتدفع 99 دولار ساعتها تقدر تبيع برامج فى موقع آبل بشكل رسمى و قانونى بنفسك.

آبل فيها ميزة كمان عجبانى جدا متقدرش تشترى برنامج لماك أو لأى فون من على أى موقع على الانترنت كده عشوائى لازم من متجر آبل وبكده تتضمن ان البرنامج اللى تنزله مش برنامج فيه مشاكل و اى واحد مش لاقيله شغلانه عمله كهاو.

بمجرد ماتعمل الحساب وتتدفع الاشتراك السنوى تقدر تعمل برامج وتحطها عندهم ، بيبجربوها و لو تمام بيبلغك بعدها باسبوع وبتلاقى البرنامج بتاعك فى المتجر و دة اللى عمله الواد البليه ابو 9 سنين، ولو فرضا فى مشكله فى البرنامج بتاعك بيبلغوك بالمشكله هههههههه تخيل !!! آبل هيه اللى بتجرب برنامجك ببلاش - اى بمعنى اصح 99 دولا فى السنه - و بعد ما تتصلح المشكله تقدر تبعتهلهم تانى و تالت ورابع.

حمل من هنا آخر إصدار للـ Xcode 3.2.3 بتاريخ 21 يونيو 2010 + الـiphone SDK version 4

* Download Xcode 3.2.3 and iPhone SDK 4

لو معملش داونلود معاك علطول يبقى عشان انت مش داخل بيوزر نيم وباسورد

Register From Here

Login From Here

Download From Here

tools_xcode_ide20100208.jpg

المكتبات Software Development Kit - SDK

دى الـlibraries اللى هاستخدمها عشان اعمل أى برنامج و هو عامل زى الـDot net framework

الـXcode 3.2 نازل معاه الـSDK بتاع الـiphone والـSDK بتاع الـMac

بالمناسبة نظام التشغيل اللى على الآى فون 3.2 عشان كده اسم الآى فون 3.2 و الـSDK بتاعه إصدار3.2

نزل النهاره 24 يونيو 2010 الآى فون 4 يعنى اللى بيستخدم iOS v4 يعنى الـSDK آخر إصدار دلوقتى 4 اللى هو بتاع الـiPhone 4

و طبعا البرامج اللى هاتعملها للآى فون تشتغل على الآى باد لانهم نفس نظام التشغيل

الاسطوانات التعليميه والشرح بالفيديو من أكبر الشركات

الاسطوانات دى منها اللى موجود فى شركاتها المنتجة واللى طبعا غالية جدا ومنها اللى مبقاش موجود خالص فأنا بذلت مجهود خرافى عشان اقدر اجيب لينكات تحميل شغاله لده كله

إضغط على اسم الاسطوانة عشان يفتحلك الإسطوانة فى موقع شركتها

أضغط على mirror عشان تفتحلك صفحه بلينكات التحميل

فيهم اسطوانات نازلة السوق مبقالهاش شهر

Ultimate Mac - iPhone - Cocoa - Objective C Collection

mac14.jpg

Ultimate Mac - iPhone - Cocoa - Objective C Collection | 11.71 GB

Mirror 1

Mirror 2

2uhwpk0.jpg

VTC - Objective C and XCode Essential Training

HF |228mb

291MB | Release Date: 22-02-2010

Mirror 1

Mirror 2

2iaq2jc.jpg

VTC.com Game Development For iPhone iPad Using Unity iPhone

Author: Efraim Meulenberg | Duration: 5.5 hrs / 79 tutorials

Release Date: 2010-04-29

Genre: Video Training | Size: 317 MB

Mirror 1

4lp150.jpg

Lynda.com iPhone and iPod Touch Essential Training

Size 1.10 GB l HF + FS Links(1,182,270,498 bytes )

Mirror 1

Mirror 2

Mirror 3

femjoo.jpg

Video2brain: Objective-C 2.0 (GER/2010)| RAR 1.7 Gb

Mirror 1

Mirror 2

Programming in Objective-C 2.0 LiveLessons, Part I: Language Fundamentals and Part II: iPhone Programming and the Foundation Framework

Programming in Objective-C 2.0 LiveLessons Part I: Language Fundamentals

Part II: iPhone Programming and the Foundation Framework

Part I is included in first download

Additional Part I download Links

Mirror 1

MyCodeTeacher.com iPhone SDK Tutorials Basic Apps & Fundamentals | 4.09 GB

Included in first download

Additional seperate download links

Mirror 1

Mirror 2

Mirror 3_2.6GB

Mirror 4_1.6 GB

Mirror 5_176_MB

Mirror 6_176_MB

Mirror 7_176_MB

iPhone View Controllers Part I

Included in first download

iPhone View Controllers Part II

Included in first download

Coding in Objective-C 2.0

Included in first download

Becoming Productive in Xcode

Included in first download

Creating a Compelling User Interface with Core Animation

Included in first download

Writing Your First iPhone Application

Included in first download

============================================================

وبمناسبة الحديث عن الـIDE والتطوير تحت أنظمة آبل

عندى2 بيئة تطوير عايز اعرفك عليهم

دلفاى بريزم Delphi Prism

بخصوص بورلاند دلفاى

Embarcadero بعد مانفصلت مجموعة كود جير عن بورلاند إتباعت كود جير لشركة

وحلفت لتنزل بيئة تطوير حكاية وحصل من 3 أسابيع

فى 3 يونيو 2010 أعلنت إمباركادرو عن إصدار بيئة التطوير المتكاملة بريزم 2011

و من أحلى الحاجات اللى عجبتنى فيه إن سعتك ممكن تكتب البرنامج ويشتغل على لينكس وويندوز و ماك .... حاجه مجرمة

دى صوره من النسخة البيتا بتاعة الإمباركادرو ستوديو مش النهائيه البريزم بتبين مختلف انظمة التشغيل اللى يشتغل عليها التطبيق

delphi2011mult.jpg

له مميزات كتير جامده جدا منها

-بيدعم الدوت نت 4

-إتنين آى دى إى فى واحد فيه الفيجوال ستوديو و المونو ديفيلوب

-واخد الشيل بتاعة الفيجوال استوديو ،،،، تخيل يعنى شكلة شكل الفيجوال ستوديو

-بيحول كود السى شارب لدلفاى

بيعمل برامج للآىفون والآى بااااااااااااااااااااااااااااد .. رحمتك يا رب-

اكتشف انت الباقى هنا

تحميل الآى دى إى

DelphiPrism2011_high.jpg

لو انت اصلا معاك آى فون أو آى باد هتفرق أوى

مونو ديفيلوب

md-subheader1.png

و دة بيئة تطوير متكاملة ببلاش مفتوحة المصدر من شركة نوفيل ، و هو صمم خصيصا للبرمجة بالسى شارب و جميغ لغات الدوت نت على اى نظام تشغيل تحب تشتغل عليه. مونو ديفيلوب بيمكن الموطورين من انهم بسرعه يعملوا تطبيقات مكتبية و مواقع بالإيه إس بى على اللينكس او الويندوز أو حتى ماك

فبيسهل للمطورين انهم بينقلوا تطبيقات دوت نت اتعملت بفيجوال ستوديو لللينكس ويعدل اللى هو عايزة تحت أى منصة تشغيل ، ادخل على موقع مونو ديفيلوب

تم بحمد الله اصدار النسخة الثابته وليس البيتا من النظام فى 17 يونيو الحالى 2010 و التصريح الرسمىهنــا

الشهر دة ملئ بالأحداث البرمجية مش كده ؟ هههه بس مين يعرف !!!

طبعا هو نازل بإمكانيات كتير برده منها

-إيه إس بى دوت نت

زى الفيجوال ستوديو Debugger

مونو تاتش _ اللى بيعمل تطبيقات الاى فون

لمشاهدة مساعدات تعليمية و كيفية عمل برنامجك الاول على الاى فون بالمونو ديفيلوب _هاللو وورلد_من هنـــا

ماك أو إس اللى بيعمل تطبيقات ماك

ومميزات غيرهم كتير شوفهم من هــنــا

=ss-debug-session.png?size=webview

زى ما قولت هو بيئة تطوير مجانية فلو عايز تنزل هو مساحته مش كبيرة خالص يمكن بالكبير 40 أو 50 ميجا

اختر نظام التشغيل و إبدا تحميل من هنا ولو عايز تشوفلهصور أكتر من هــنا

بخصوص المواد التعليمية واى تحميلات فى الايميل ده فى حاجات كتير نزلت بواسطة اصدقائى كل الحاجات اللى فى الايميل ان شاء الله تكون عندى

واللى شايف نفسه فيه المؤهلات الكافية عشان يطور تحت أنظمة آبل ممكن ينضم على الفيس بوك جروب

برجاء التثبيت ولا تنسونا من صالح دعائكم

مهندس/ محمد حمدى

تم تعديل بواسطه shaaw
5

شارك هذا الرد


رابط المشاركة
شارك الرد من خلال المواقع ادناه

الموضوع جامد جدا علي فكرا انا نفسي اغير بس حاسس اني هارجع ابدأمن االاول

0

شارك هذا الرد


رابط المشاركة
شارك الرد من خلال المواقع ادناه

موضوع رااااائع, جزاك الله كل الخيرا يا أخي....

لكن لى رجاء واحد, الرجاء الإلتزام باللغه العربيه الفصحى عند الكتابه...

نرجع ثانية للموضوع:

أتفق معك يا أخي أننا يجب علينا أن ننفتح على العالم البرمجي...

و ثانية, شكرا على الموضوع الأكثر من رائع....... جزاك الله كل الخير...

0

شارك هذا الرد


رابط المشاركة
شارك الرد من خلال المواقع ادناه

موضوع رااااائع, جزاك الله كل الخيرا يا أخي....

لكن لى رجاء واحد, الرجاء الإلتزام باللغه العربيه الفصحى عند الكتابه...

نرجع ثانية للموضوع:

أتفق معك يا أخي أننا يجب علينا أن ننفتح على العالم البرمجي...

و ثانية, شكرا على الموضوع الأكثر من رائع....... جزاك الله كل الخير...

أشكركم جميعا على الردود القليلة نسبيا :lol:

و آسف على عدم استخدام اللغة العربية حيث كما قلت إنها كانت رساله الى صديقى

أن شاء الله سأقوم بإعادة الصياغة للعربية فى أوقات الفراغ

تم تعديل بواسطه shaaw
0

شارك هذا الرد


رابط المشاركة
شارك الرد من خلال المواقع ادناه

إعرف لغة واحدة و اعمل بيها برامج لكله ، كما هو الحال فى الجافا

دى اللغة معمول بيها نظام الماك

نظام تشغيل الماك مبني على Unix والذي بدوره مكتوب بلغة C

من النادر جداً جداً أن تتم كتابة نظام تشغيل بلغة Java وذلك بسبب بطء الأداء فيها إضافة إلى بعدها عن الـ Low level components

تم تعديل بواسطه سيد الرقميات
0

شارك هذا الرد


رابط المشاركة
شارك الرد من خلال المواقع ادناه

نظام تشغيل الماك مبني على Unix والذي بدوره مكتوب بلغة C

من النادر جداً جداً أن تتم كتابة نظام تشغيل بلغة Java وذلك بسبب بطء الأداء فيها إضافة إلى بعدها عن الـ Low level components

لم أقصد ان الماك مكتوب بالجافا

هذا هو المكتوب

إعرف لغة واحدة و اعمل بيها برامج لكله ، كما هو الحال فى الجافا

دى اللغة معمول بيها نظام الماك و نظام الآى أوو إس اللى هو نظام تشغيل الآى بود تتش و الآى فون و الآى بادObjective C

قصدت ال objective C ولكنها بالخطأ جاءت فى آخر السطر بدلا من أوله

شكرا

0

شارك هذا الرد


رابط المشاركة
شارك الرد من خلال المواقع ادناه

لم أقصد ان الماك مكتوب بالجافا

هذا هو المكتوب

إعرف لغة واحدة و اعمل بيها برامج لكله ، كما هو الحال فى الجافا

دى اللغة معمول بيها نظام الماك و نظام الآى أوو إس اللى هو نظام تشغيل الآى بود تتش و الآى فون و الآى بادObjective C

قصدت ال objective C ولكنها بالخطأ جاءت فى آخر السطر بدلا من أوله

شكرا

نظام الماك مكتوب بلغة C وليس Objective-c .. هنا فرق كبير بينهما

0

شارك هذا الرد


رابط المشاركة
شارك الرد من خلال المواقع ادناه

نظام الماك مكتوب بلغة C وليس Objective-c .. هنا فرق كبير بينهما

القالب مكتوب بـ Objective C

فى حين أن النواه كتبت بـ C

والأنظمة المتفرعه للمدخلات والمخرجات بـ ++Embedded C

كأى نظام آخر من الصعب أن تجد نظام كتب بلغة واحده

فمثلا

Windows: C++, kernel is in C

Mac: Objective C, kernel is in C (IO PnP subsystem is Embedded C++)

Linux: Most things are in C, many userland apps are in Python, KDE is all C++ ...I

للتأكد من أن الماك كتب بتلك الثلاث اضغط هنا والقى نظرة على الجزء الايمن

0

شارك هذا الرد


رابط المشاركة
شارك الرد من خلال المواقع ادناه

القالب مكتوب بـ Objective C

فى حين أن النواه كتبت بـ C

والأنظمة المتفرعه للمدخلات والمخرجات بـ ++Embedded C

كأى نظام آخر من الصعب أن تجد نظام كتب بلغة واحده

فمثلا

Windows: C++, kernel is in C

Mac: Objective C, kernel is in C (IO PnP subsystem is Embedded C++)

Linux: Most things are in C, many userland apps are in Python, KDE is all C++ ...I

للتأكد من أن الماك كتب بتلك الثلاث اضغط هنا والقى نظرة على الجزء الايمن

كلامك صحيح ولكن أغلب النظام لم يكتب بـ Objectove-C

Objective-C على الأغلب تم استخدامها لكتابة المكونات عالية المستوى والمساعدة لنظام التشغيل كالتطبيقات التي تعمل على نظام التشغيل وليس النظام بحد ذاته

0

شارك هذا الرد


رابط المشاركة
شارك الرد من خلال المواقع ادناه

لم أقصد ان النظام كله كتب بها ، كما قلت من قبل صعب ان تجد نظام مبنى على لغة واحده

كلامك صحيح

شكرا لمرورك واثارة هذا النقاش

0

شارك هذا الرد


رابط المشاركة
شارك الرد من خلال المواقع ادناه

السلام عليكم.

شكرا اخي علي هذا المجهود الجبار ولكن لدي تعقيب بسيط ان اللينكات الخاصه بال sdk لم تعمل لدي يمكن تنزيل كافه اللينكات من هنا http://forums.macrumors.com/showthread.php?t=898518

0

شارك هذا الرد


رابط المشاركة
شارك الرد من خلال المواقع ادناه

من فضلك سجل دخول لتتمكن من التعليق

ستتمكن من اضافه تعليقات بعد التسجيل



سجل دخولك الان

  • يستعرض القسم حالياً   0 members

    لا يوجد أعضاء مسجلين يشاهدون هذه الصفحة .