Ala2 VB

كيف أحصل على شهادة Mvp ؟ وما فائدتها ؟؟؟

4 ردود في هذا الموضوع

بسم الله الرحمن الرحيم

السلام عليكم ورحمة الله تعالى وبركاته...

كيف يمكنني الحصول على شهادة MVP من Microsoft ؟؟؟

وجزاكم الله خيرا

0

شارك هذا الرد


رابط المشاركة
شارك الرد من خلال المواقع ادناه

السلام عليكم

يا اخواننا ممن حد يقولنا ازاى نسجل معاهم وشكرا

0

شارك هذا الرد


رابط المشاركة
شارك الرد من خلال المواقع ادناه

السلام عليكم ورحمة الله وبركاته

الكثير من الاخوة الاعضاع بالمنتدي تسألو عن مفهوم ال MSPs ومفهوم ال MVPs وهناك من تداخل عليه الامر وأظن أن ال MSP هو هو ال MVP وهذا ليس صحيح.

ان شاء الله في هذه المقاله سأبذل قصاري جهدي لكي اشرح من هو هذا و من هو ذاك ...

نبدأ بالاكثر اهميه .. وهم ال MVPs

MVP هي اختصار لكلمة Microsoft Most valuable Professional

وهي شهاده أو لقب تعطيه ميكروسوفت لمن تراه خبير في اي منتج أو تكنولوجي من إنتاج ميكروسوف .. ليس هذا فقط بل و الاهم ان يكون محب للمساعده .. أي يتبادل الخبرات ويرد علي من يتسأل في اي شئ يتعلق بالمنتج الذي هو خبير فيه ... علي سبيل المثال

لو فرضنا ان الاستاذ سمسم MVP في ال #C اذا فهذا يعني ان الاستاذ سمسم يشارك معلوماته مع جميع الناس , يرد علي اي تساؤلات لو امكن له الاجابه.

هل يجب ان تكون المساعده عن طريق النت او عن طريق اي شئ اونلاين ؟

لا .. ليست شرط .. ولكن الاهم ان يكون محب للمساعده .. سواء اونلاين .. أو اوفلاين

طيب مثال علي المساعده التي يقدمها ال MVPs اونلاين و اوفلاين

أونلاين ... الرد علي التساؤلات ... الكتايه عن اخر اخبار هذا المنتج ... وما شابه ذلك

أوفلاين .... الذهاب اللي الجامعات ومساعدة الطلبه علي فهم هذا المنتج ... عقد دورات مجانيه لمساعدة الطلبه ... وما شابه ذلك

طيب سؤال يحيرني حتي الان .. إذاي ميكروسوفت هتاخد بالها مني .. اذاي هتعرف اني بساعد الناس .. سواء اونلاين او اوفلاين ... ؟

جواب هذا السؤال ... ليس عندنا .. ولكن عند ميكروسوفت ... انظرو بانفسكم ... كل من هو محب للمساعده اصبح MVP واشهر واحد لدينا هنا في المنتدي الاخ تركي العسيري فهو MVP

نظرا لكثره تقديمه للمساعده ... وهناك الكثير من يشهد بذلك.

ممممم , جميل جدا الكلام ده ... طيب قولي .. هو لما انا ابقي MVP هستفاد ايه ؟؟؟؟؟

أولاً ... انت تقوم بمساعدة الناس فقط لانك تحب المساعده يس لانك تريد اللقب ... ولكن تخيل نفسك من ابطال حروب مثلا ... واخذت لقب الاسد الشجاع مثلا ... فكيف يفيدك هذا اللقب ... بالطبع هناك مكاسبكثيره .. ولكن يجب ان تعلم يا اخي انه المكسب الاساسي هو الحسنات .. حيث ان النيه الاساسيه هي انك تساعد لوجه الله فقط ... اما اللقب فهو ليس الا تقديراً لمجهودك

المزايا من كوني MVP

الميزه الكبري في وجهة نظري هي انه يمكنك مشاهدة ال سورس كود بتاع الويندوز ... ودي هديه لا يمكن تقيمها بالمال

الميزه الثانيه .. تساعد ميكروسوفت بارائك في الاصدارات الجديده دائما .. يعني مثلا .. ميكروسوفت قبل ما تنزل الفيجوال استديو 2008 بتطلب من ال MVPs ان كل واحد يقول كان نفسو في ايه مكنش موجود في فيجوال استديو 2005 , طيب كان في ايه وحش وعاوزينو يتشال .. وما شابه ذلك ... ويقوم ال MVPs بعمل اجتماع سنوي علي مستوي العالم في MS Redmond وهي المقر الرئيسي لميكروسوفت في أمريكا

من المزايا ايضا هناك هديه ماليه .. ولكنها رمزيه

يحصل ال MVPs علي بعض الدعاوي لحضور المؤتمرات الدوليه لميكروسوفت في مختلف انحاء العالم . ولعل اقربها منذ يومين كان هناك تجمع لكل ال MEA MVPs

MEA = Middle East and Africa هنا في مصر , وكان من حسن حظي انني قد حضرت هذا المؤتمر .. وكان لمده يومين وكانو من اجميل ايم حياتي , ولكن للاسف الاخ تركي العسيري لم يحضر المؤتمر.

طيب انا في حاجه جت في بالي دلوقتي .. مانا ممكن اساعد الناس شويه .. وأبقي MVP وبعدها اكبر دماغي أنا ناااااصح , وهدحك عي ميكروسوفت

الرد .. لا انت مش ناصح .. لان ال MVP بتبقي لمده سنه واحده فقط .. تقريبا من إبريل الي إبريل

وبهذا اذا حصلت علي اللقب ... ستبذل قصاري جهدك للحفاظ عليه .. فدائما الوصول اللي القمة سهل ... ولكن الحفاظ عليها صغب

هذه كانت نبذه عن ال MVPs وإن شاء الله سأتكلم عن ال MSPs في وقت لاحق ...

لا تنسونا بصالح الدعاء

منقول من منتدى فيجوال بيسك العرب

http://www.vb4arab.com/vb/showthread.php?t=5274

تم تعديل بواسطه objectOrienteD
1

شارك هذا الرد


رابط المشاركة
شارك الرد من خلال المواقع ادناه

هذا هو الجزء الثاني والاخير عن الفرق بين ال MVPs و ال MSPs وقد تم شرح من هم ال MVPs في الجزء الاول

ألان حان دور ال MSPs

ال MSP اختصار ل Microsoft Student Partners وهو عباره عن برنامج جديد تقوم به ميكروسوفت من أجل مساعدة الطلبة في الجامعات.

طيب أزااااي ؟؟؟

بص بقي الموضوع ازاي .... أولا ميكروسوفت فكرت ان احسن طريقه تقدر تفيد بها الطلبه في الجامعات هي ان تكون المعلومات و الشرح من الطلبه الي الطلبه ... يعني بدل ما تروح مؤتمر وتسمع كلام كتييير ومتفهمش منه كلام كتر وتتحرج انك تسال .. لا هتلاقي عندك زمايلك ال MSPs هما اللي بيساعدوك في الكلام ده ... وطبعا مفيش كسوف بين الواحد وصحبه طبعا مش كل الناس بتتكسف , بس في البعض مش بيتحدث الانجليزيه بطلاقه ... مما يجبره هذا اللي الصمت وعدم التساؤل خصوصا ان كل المؤتمرات تكون بالانجليزيه.

طيب جميل كده عرفنا ليه في حاجه اسمها MSP طيب إزاي بيختارو ال MSPs دول من وسط الطلبه ؟؟؟ وهل ضروري انه يكون جامد مووووت في البرمجه وملوش زي ؟

طبعا ال MSP Program يعتر تبع ال MS Academic Program اي تبع قسم ميكروسوفت الخاص بالتعليم للجامعات ... اذا يقوم واحد من فرح ميكروسوفت اللي في دولتك بالذهاب اللي الجامعه .. وعمل مقابله شخصيه مع مجموعه من الطلبه التي تود في الحصول علي هذا اللقب . وبناء علي الممقابله يتم تحديد من هم ال MVPs

طيب هو المفروض تبقي المقابله دي اسئله عن البرمجه والكلام ده ؟

الاسئله بتكون سهله جدا .. منها اللي بيكون عادي .. تساؤلات عن الانشطه لك داخل الكليه .. مثل انا عضو في اتحاد الطلاب ... انا مشؤال عن ... كنت مشارك في .... وما شابه ذلك

والقسم الثاني تساؤلات عن معرفتك باستخدام ادوات و تكونولوجي ميكروسوفت ... يعني عملت مشاريع قبل كده بالفيجوال استديو قبل كده ؟ طيب اشتغلت بكذا ... وما شابه ذلك ...

إيه ده ياعم ... دول عاوزين ناس جامده علشان يشرحو للطلبه كل حاجه ... يعني لازم اكون جامد في البرمجه

الاجابه .. لالالالا ... ليس من الضروري ان تكون من المتميزين .. لانك سوف تحصل عي كورسات من ميكروسوفت عن ال New Technologies and Tools التي صنعتها ميكروسوفت

مثال ... عند اصدار ميكروسوفت ال Silver Light , تقوم ميكروسوفت بعمل اجتماع مع ال MSPs وإعطائهم دوره سريعه لمده يوم او أثنين عن ال Silver Light وتطلب منهم ان يتبادلو المعلومات مع زمايلهم الطلبه في الجامعات .. هذا هو كل شئ

طيب كده الدنيا حلوه جدا ... بس انا عاوز اعرف باختصار .. لو انا MSP ايه اللي عليا .. وايه اللي ليا ؟؟؟؟؟ علشانانا كده تااااايه .....

أوك تعالي نعملهم بترتيب جميل

أيه اللي ليك ؟؟

- كورسات تدريبيه عن اخر تكنولوجي او ادوات ميكروسوفت

- خصم علي ثمن امتحانات ميكروسوفت

- حضور المؤتمرات كلها بدعاوي من ميكروسوفت ( حتي لو كان المؤتمر له رسم دخول ... الدخول ببلاش )

- اللقاء مع كبار المبرمجين للسؤال عن اي شي .. وتبادل الخبرات معهم ( وكان اقربها لقاء منذ ثلاث ايام .. لقاء ال MSPs مع ال MVPs الموجودين علي مستوي الشرق الاوسط و افريقيا )

- هذه هي الاهم في وجهة نظري ... أنه يتم تحديد موعد لل Interview بعد التخرج من غير ما ابعت ال CV واستني دوري في الطابور >>> لا .. فالاولاويه لل MSPs في ال Interview

ولكن هذا لايعني انه اذا كان مستواي البرمجي ضعيف انني سوف اعمل في ميكروسوفت لانني كنت MSP لا لال لا هذا خطأ ... هنا الاولويه في ال Interview فقط لا غير .. وعل ياساس ال Interview اذا كان مستواك جيد ... فمبروك عليك العمل في ميكروسوفت

- أخيرا ... مجموعه اشياء صغيه مثل تي-شيرت و كاب مكتوب عليهم Microsoft Student Partners ومجموعة كروت شخصيه بالاسم و الايميل مكتوب عليها MSP

إيه اللي عليا ..... ساعد زمايلك هذا هو اهم شئ .. عدم البخل بالمعلومات

وطبعا تقوم باسال التقارير للمسؤل عنك في ميكروسوفت كل فتره صغيره

ومن امثلة ال MSPs هنا في المنتدي .. الاخ محمد جمال الدين

ألحمد لله ... النهايه

http://www.vb4arab.com/vb/showthread.php?t=5311

1

شارك هذا الرد


رابط المشاركة
شارك الرد من خلال المواقع ادناه

من فضلك سجل دخول لتتمكن من التعليق

ستتمكن من اضافه تعليقات بعد التسجيل



سجل دخولك الان

  • يستعرض القسم حالياً   0 members

    لا يوجد أعضاء مسجلين يشاهدون هذه الصفحة .