eng.omar1987

شرح Opamp مكبر العمليات بالكامل مع دوائر تطبيقيه عليه

14 ردود في هذا الموضوع

ال opamp 741 او اسمه بالعربى مكبر العمليات

هو اى سى لها 8 ارجل لها لأستخدمات متعدده

فى شرحنا هنا نحن لن نتطرق الى ما بداخل هذه الأى سى ولكن سنشرح ارجلها واسكيفيه أستخدم هذه الأى سى فى التطبيقات المختلفه

هذه هى الأى سى

795943-79.gif

الرجل رقم 1 , 5 ,8 لا يتم توصيلهم باى شى

الرجل رقم 6 هى ال output او الخرج

الرجل رقم 4 يتم توصيلها بما بال ground أو -vcc

الرجل رقم 2 هى inverting input

الرجل رقم 3 هى ال non inverting input

فعندنا هنا مدخلان ومخرج واحد لهذه الأى سى

معنى inverting يعنى عندما يدخل على هذه الرجل اشاره موجبه سيكون الخرج بالسالب

هنوضحها أكتر فى الكلام تحت

سننتقل ألى كيفيه أستخدام هذه الأى سى والتطبيقات عليها :

inverting amplifer

795943-80.gif

يتم فيه توصيل ال non inverting input بالأرضى

بينما يكون دخل الأشاره على الرجل ال inverting

كما بالرسم

طيب على أى اساس انا هعرف قد أيه انا هكبر أشارتى وايه هوه معامل التكبير وازاى هختار قيم المقوامات ديه ؟؟؟

انا أقولك يا حج

بص معايه وركز وصلى على النبي

معامل التكبير فى الدايره ديه هوه G= - R2/R1

او نقدر نقول هو ناتج قسمه المقاومة التى تصل بين الدخل والخرج وهى R3 مقسوم على مقاومه الدخل R2

ملحوظه : المقاومه التي تصل بين الدخل والخرج تسمى feed back resistance

يعنى انت بتختار ال gain على حسب قيم ال R2 , R1

وبتحدد قيمه R3 بناء عليهم زى القانون الى على الرسم

لكن خلى بالك اننا مش بنحصل على تكبير كده وخلاص

انت محكوم بال VCC

ازاى محكوم بال VCC و – VCC

يعنى مثلا أنت عامل Gain يساوى 20

وقيمه ال VCC عندك هيه 10 و -10 فولت

وانت مدخل لنفرض مثلا أبسط حاجه انك مدخل DC 5 فولت

هيكون ناتج التكبير 100

هل معنى كده انك هتلاقى فى الخرج 100 فولت ؟؟

مستحيييييييييييييييييل

حطها فى دماغك قاعده

مفيش amplifier هيديك خرج أكبر من ال Vcc الموجود عليه

يعنى فى حالتنا هنا هيكون الخرج هو اقصى حاجه ممكن يخرجها ال opamp وهى 10 فولت لاننا حاطين عليه 10 فولت VCC

بصو على الرسمه ديه وشكل الأشره فى الدخل وشكلها فى الخرج واتكبيرت قد أيه هتلاقوها تطبيق على ألى قولنا فوق

795943-81.gif

Non inverting amplifier

تخيل شكل الدايه هيكون أيه ؟؟؟

احنا فوق كنا بندخل الأشاره على الرجل inverting وكان الخرج بيطلع لنا سالب

انما هنا هندخل الأشاره على الرجل الموجبه non invering

وبالتالى الخرج هيكون موجب دائما ودائما أكبر من واحد فولت

لان قانون معامل التكبير زى ما أنتم شايفين فى الصوره

795943-82.gif

G = 1+R1/R2

OPamp as comparator

795943-83.gif

فى التطبيق ده هنستخدم ال opamp يقارن بين جهدين الى على الرجل ال inverting بنسميه Vref والى هيدخل على الجل التانيه هيكون Vin

زى ما واضح فى الرسمه ألى فول الخرج هيفضل بيساوى – Vcc او بيساوى صفر على حسب أنت حاطط أيه على الرجل رقم أربعه لو انت حاطط عليها Ground وكان ال Vref أكبر من اشاره الدخل هيكون الخرج هو Ground يعنى صفر

ولو كنت حاطط بدل ال Ground حاطط –Vcc هيكون الخرج هو ال –vcc

طيب هيحصل أيه لو Vin جهده أكبر من Vref

فى الحاله ديه هيكون الخرج مساوى لل Vcc +

أيه رايكم نلعب حبه بدايره صغيره كده تطبيق على ألى قولناه دلوقتى

بصوا معايه على الدايره ديه احنا شرحنا واحده أختها فى موضوع الترانزيستورات وشرح ال LDR موجود فى المقاومات

795943-84.gif

ايه ألى حصل هنا فى الدايره عاوزين نحللها ونعرف لى ألى بيحصل ؟؟

نبص على الدايره من الشمال لليمين أيه رأيكم ؟؟

او خط على الشمال مقوامه ضوئيه متوصله مع مقوامه على الأرضى وواخد هوه من بينهم وصله على دخل الموجب فى ال OPAMP

يعنى معنى كده ان الجهد ألى هينتج هنا هيكون هو Vin

طيب هوه مستخدم مقاومه متغيره لكن هوه أستخدمها ك voltage divider

يعمى هوه موصلها كانها مقاومه موصله بال Vcc ومقاومه تانيه موصله بالأرضى وواخد من النصف بينهم وصله على الرجل رقم أتنين

يعنى هوه لو موقف المؤشر بتاع المقوامه المتغير فى النصف بالظبط هيبقى كده قسم الجهد بين مقاوميتن متساويتين وهيكون موجود على الرجل رقم أتنين جهد قيمته 4.5 فولت

فى الخرج هوه موصله على مقاومه متصله على base ترنزيستور Npn شغال معانا كمفتاح أول لما يجى عليه جهد هيوصل جهد على السماعه وتطلع صوت

والمقوامه الى وصلها بالأرضى ديه voltage divider

كده حلننا الدايره وفصصنها حته حته

ايه هيحصل أول لما كشاف النور يجى على ال LDR

هيعمل هتقل قيمه المقاومه الضوئيه فهيعمل فولت على الرجل رقم تلاته

لو هيه أكبر من الجهد ألى على 2 هيكون الخرج هوه 9 فولت هيدخل على قاعده الترنزيستور هيشتغل ON ويوصل السماعه وتطلع صوووووووووت

زووووووووو

مثال تانى عكس المثال السابق انا مش هشرحه فكر أنت فيه

795943-85.gif

استخدامه فى عمل Inetgrator

دائر المكامل هيه تقوم بعمل تكامل للأشاره التى تدخل لل opamp

795943-86.gif

795943-87.gif

795943-88.png

كمثال لو عندك اشاره square wave

لما هتتكامل هتبقى triangle wave

لو كملتها تانى هتلاقيها قلبت sine wave

اسخدامه فى عمليه التفاضل differentiator

يعنى الخرج هيكون هو تفاضل الدخل

795943-89.gif

795943-90.png

Buffer أستخدامه فى عمل

795943-91.png

له الواصفات

High input impedance;

Low output impedance;

Voltage gain = 1.

طيب ده لزمته أيه ؟؟

فى حاله وجود loads ممكن تحتاج تيار كبير اكبر من الذى تخرجه دائره تحكم مثلا نستخدم فيها buffer كما نستخدمها فى العزل بين الأحمال و مصدر الأشاره

استخدام ال opamp فى جمع اشارات

795943-92.png

استخدامه فى عمل فلتر low pass filter second order

795943-93.png

موضوع الفلتر ده فيه كلام كبير أوى انا بصراحه متكلمتش عنه كويس دلوقتى بس بإذن الله فيه درس كامل عن كل أنواع الفلاتر

وباللنسبه لباقى تطبيقات ال opamp احب أنكم تقرا أكتر فيها لان فيه تطبيقات انا متكلمتش عنها كتير لكن انا أتكلمت عن أشهر الحاجات والتى تستخدم بكثره فى أى تصميم

كل التطبيقات بشرح جميل جدا

تم تعديل بواسطه eng.omar1987
0

شارك هذا الرد


رابط المشاركة
شارك الرد من خلال المواقع ادناه

السلام عليكم

ما شاء الله على المجهود

و الله تستحق أكثر من الشكر و لكن لست أدرى كيف أفعل هذا

هذا الأمر شجعنى أن اطلب منك أن نتعاون بعد ما تنتهى من الإمتحانات فى تصميم و صناعة مبرمجة للat89c51/2

فما رايك؟؟

أنا كنت وضعت التصمص و لكن لم أختبره بعد حيث أنه ناقص عده اشياء

تم تعديل بواسطه نــور
0

شارك هذا الرد


رابط المشاركة
شارك الرد من خلال المواقع ادناه

بإذن الله يا ابو نور

انا فى دماغى كام حاجه كده ناوى بأذن الله اعملهم فى اأجازه بغرض التسويق ومش موجودين فى السوق خالص بس مش هينفع أتكلم عنهم هنا فى المنتدى B)

انا معاك فى المبرمجه ألى بتعملها وحريف برمجه هوه الى هيعمل برنامج ال interfacing مع الكمبيوتر علشان نعمل مبرمجه كامله من الأبره للصاروخ

0

شارك هذا الرد


رابط المشاركة
شارك الرد من خلال المواقع ادناه
انا معاك فى المبرمجه ألى بتعملها وحريف برمجه هوه الى هيعمل برنامج ال interfacing مع الكمبيوتر علشان نعمل مبرمجه كامله من الأبره للصاروخ

تمام

إذن لو كان الأخ حريف برمجة معنا سوف نشكل فريق قوى

و طبعا من أراد أن ينضم الينا فالباب مفتوح على مصرعيه :D

و خصوصا أن موضوع صناعة البرنامج أمر ليس بالعسير بالنسبة لأى شخص يعلم سى جيدا

0

شارك هذا الرد


رابط المشاركة
شارك الرد من خلال المواقع ادناه

حريف برمجة is here :D

بالمناسبة للاخوان الى بيقرءوا الموضوع ال opamp اول لما اتعمل احدث ثورة فى صناعة الالكترونيات وكان بيستخدم قديقة فى الحاسب التناظرى قبل تطور الحاسب الرقمى

انا معاك فى المبرمجه ألى بتعملها وحريف برمجه هوه الى هيعمل برنامج ال interfacing مع الكمبيوتر علشان نعمل مبرمجه كامله من الأبره للصاروخ

ان شاء الله انا هبتدى امتحانات يوم 17/5 يعنى هخلص بعدها قول 15 يوم

لكن بالمناسبة انت ساكن فين عشان بقى نتقابل

تمام

إذن لو كان الأخ حريف برمجة معنا سوف نشكل فريق قوى

و طبعا من أراد أن ينضم الينا فالباب مفتوح على مصرعيه :D

و خصوصا أن موضوع صناعة البرنامج أمر ليس بالعسير بالنسبة لأى شخص يعلم سى جي

د

ياعم مشمستاهلة البرنامج سهل جدا ومش محتاج سى

المهم انت الى هيبقى صعب عليك تيجى القاهرة

بالمناسبة حد يعرف فترة التزامن بين كل بت والثانية فى ال pic

انا اصمم الان مبرمجة له وهعملها ان شاء الله برنامج خاص بيها لكن المشكلة الفترة الفاصلة بين كل بت والثانية انا سمعت انه يتعمل مع التزامن للارسال المتتالى

standard serial senchronization

0

شارك هذا الرد


رابط المشاركة
شارك الرد من خلال المواقع ادناه

ياريت يا اخ عمر ترفع الصور على المنتدى

بالمناسبة انا لسة شارى اتنين opamp من محل رام انهاردة مع ميكرو وقواعد paralel port وكام حاجة كدة اغلى من النخيلى بكتير

سبب التعديل اخطاء املائية

تم تعديل بواسطه حريف برمجة
0

شارك هذا الرد


رابط المشاركة
شارك الرد من خلال المواقع ادناه
المهم انت الى هيبقى صعب عليك تيجى القاهرة

أمال النت و الشات أخترعوه ليه :D

بالمناسبة حد يعرف فترة التزامن بين كل بت والثانية فى ال pic

انا اصمم الان مبرمجة له وهعملها ان شاء الله برنامج خاص بيها لكن المشكلة الفترة الفاصلة بين كل بت والثانية انا سمعت انه يتعمل مع التزامن للارسال المتتالى

standard serial senchronization

لابد و أن يكون هذا الكلام مذكور فى الداتا شيت حتما

المهم

الموضوع عن at89c51/2 يعنى أتمل atmel و ليس بيك pic من microchip

0

شارك هذا الرد


رابط المشاركة
شارك الرد من خلال المواقع ادناه

الرفع على سيرفر هنا فى المنتدى من أثقل الأشياء عليه

جرب كده تكتب موضوع فيه صور كتييييييير وجرب ترفعهم فى موضوعك

صدقنى هتلاقى دماغك ضربت

وده الى حصل معايه انا جربت أرفع كل الصور فى موضوع المكثفات على السيرفر هنا لكن بامانه أتخنقت جدا جدا

ولو خايف ان فيه صور تضيع

عادى انا ممكن أرفعهم تانى او اى حد يرفعهم

لان كل صوره مشروحه فمن خلال الشرح ممكن تحط أى صوره من النت

وكمان انا مش الى عامل الصور ديه انا بدور على جوجل على أى صور وبحطها فى الموضوع

0

شارك هذا الرد


رابط المشاركة
شارك الرد من خلال المواقع ادناه
أمال النت و الشات أخترعوه ليه :D

وانت طبعا هتجرب البرنامج من خلال send file وانا هحرب الدائرة من خلال send hard ware :angry:

لابد و أن يكون هذا الكلام مذكور فى الداتا شيت حتما

المهم

اه ما انا جبته ولاقيته 1 ميكرو ثانية

الموضوع عن at89c51/2 يعنى أتمل atmel و ليس بيك pic من microchip

ياعم انا عارف انا بجرب حتجة تانية خالص

الرفع على سيرفر هنا فى المنتدى من أثقل الأشياء عليه

جرب كده تكتب موضوع فيه صور كتييييييير وجرب ترفعهم فى موضوعك

صدقنى هتلاقى دماغك ضربت

وده الى حصل معايه انا جربت أرفع كل الصور فى موضوع المكثفات على السيرفر هنا لكن بامانه أتخنقت جدا جدا

ولو خايف ان فيه صور تضيع

عادى انا ممكن أرفعهم تانى او اى حد يرفعهم

لان كل صوره مشروحه فمن خلال الشرح ممكن تحط أى صوره من النت

وكمان انا مش الى عامل الصور ديه انا بدور على جوجل على أى صور وبحطها فى الموضوع

يا عم حلمك شوية

جرب تبص على الموضوع بعد كام يوم لما الصور تحذف هيبقى مشوة تماما

لكن انت دلوقتى عضو شرف يعنى عندك مساحة اكبر جرب تانى

او ممكن الاخ نور يعملهم ( من عير مينزل القاهرة امال المنتدى عملوه ليه ) :P :lol:

سبب التحرير اسباب قانونية متفهمش انت فيها

تم تعديل بواسطه حريف برمجة
0

شارك هذا الرد


رابط المشاركة
شارك الرد من خلال المواقع ادناه

شرح رائع عزيزي لكن نتمنى منك المواصله ودعم اللغه العربية في كافة مواضيعك وشاكر لكم قوة شرحك

إذا ماعندك مانع أتمنى شروحات بسيطه عن استعمال الـ Op-amp في دوائر الصوت

تم تعديل بواسطه السـاحر
0

شارك هذا الرد


رابط المشاركة
شارك الرد من خلال المواقع ادناه

هل عندك حل لموضوع الـ distribuation الناتج عن تضخم الموجه اكبر من الدخل فتصبح كانها Puls

0

شارك هذا الرد


رابط المشاركة
شارك الرد من خلال المواقع ادناه

هوه أبسط حل ليها أنك تحط Vcc يكون قيمته باعلى قيمه ممكنه يعنى مثلا 19 فولت

ومتدخلش اشاره Vpp ليها أكبر من 19 فولت

غير كده هيحصل تشوه للأشاره وهيكون الخرج زى ال Pulsese

0

شارك هذا الرد


رابط المشاركة
شارك الرد من خلال المواقع ادناه

مشكور يالغالي لكن من الصعب غني أجيب أكبر من 12

على العموم أنا غيرت الـ gain وانحلت المشكله

0

شارك هذا الرد


رابط المشاركة
شارك الرد من خلال المواقع ادناه

من فضلك سجل دخول لتتمكن من التعليق

ستتمكن من اضافه تعليقات بعد التسجيل



سجل دخولك الان

  • يستعرض القسم حالياً   0 members

    لا يوجد أعضاء مسجلين يشاهدون هذه الصفحة .