eng.omar1987

شرح استخدام ال Digital Avometer بالكامل

8 ردود في هذا الموضوع

ده الأفوميتر بتاعى

حاجه صغيره على قد الحال :rolleyes:

768612-1381.jpg

فوق على الشمال زورار on \ off

بعد كده احنا عندنا هنا فى الأفو( ألأفوميتر)

السلك الأحمر ده الموجب والسلك الأسود ده السالب

الأفو ده جواه أكتر من جهاز فى بعض وبختار بينهم بواسطه المؤشر ألى فى النصف

بصوا معايه على الصوره ديه

768612-1382.gif

عندنا جواه ohmeter ده لقياس المقاومه وله تدريج هتلاقيه كاتب لك عن كل حته على التدريج أقصى قيمه مقاومه يمكن قياسها لما توقف الذراع عليها هتلاقى زى الصوره ألى فوق ديه التدريج الخاص بقياس المقاومات هتلاقيه راسم عليه رمز ohm

يعنى معنى الكلام ده انى ممكن مستخدمش الألوان واقيس المقاومه بالجهاز ده

بالظبط كده

طريقه توصيله مع المقاومه المراد قياسها

768612-1383.gif

مره جالنا سؤال معرفتش اجاوبه بيقولك أزى تعرف اقيمه مقاومه بأستخدام الأفوميتر بدون خلعها من الدائره

الأجابه

ألى هتيجى فى دماغ البعض اننا نوصل الأفو عليها على طول ونشوف قيمتها

لكن الكلام ده غلط طبعاً لان المقاومه ممكن تكون متصله مع مقاومات تانيه توازى او متصله مع اى حاجه تانيه ليه مقاومه على التوازى فبالتالى لما أنا اوصل الأفو علشان أقيس المقاومه هبقى انا كده بأقيس القميه المكافئه ليهم توازى ومش ده المطلوب

المطلوب أنى أقيس المقاومه المطلوبه فقط

طيب نعمل أيه ؟؟؟؟؟؟

نخلع رجل واحده لهذه المقاومه ونصلها مع الأفو والرجل التانيه زى ماهيه نوصلها مع الطرف التانى للأفو

بكده هيه مش هتبقى متصله بمع حاجه تانيه غير الأفو

2- DC voltmeter :-

ده هتلاقيه كاتب لك عليه

وبيقيس الجهد ال DC طيب انا لو عندى دائره وعاوز أقيس فرق الجهد على مقاومه نوصل الفولت ميتر أزى ؟؟

بيتوصل توازى مع الحته المراد قياس فرق الجهد عندها

768612-1384.gif

3- AC voltmeter :-

رمزه على التدريج بتاعه 768612-1385.gif

لقياس الجهد المتردد يعنى ممكن يقيس فرق الجهد ألى فى بيوتنا بس خلى بالك انت واقف عند أنى تدريج لان انا أعرف ناس كتير عملوا فيه ناصحيين وكانوا واقفين على تدريج ال DC voltmeter وحطوا طرفين الأفو فى الكهرباء وطبعاً حصلت فى الشقه عندهم BOMB

فحته انك تقف على التدريج الصح ديه مهمه جداً وعلى كام بالظبط على هذا التدريج يعنى مثلا متقفش على التدريج مكتوب عليه 100 فولت AC وتروح تقيس بيه 220 فولت AC

يفضل عدم اللعب مع الكهرباء بتاعه البيت باستخدام الأفو ألى معاك

انت عارف ان الكهرباء عندنا 220خلاص يا عم مش لازم تقيسها خلينا فى السليم أحسن

انت أول لما تشتريه خلى الراجل يجربه ليك فى الكهرباء عنده

4 - DC Ammeter :-

يستخدم لقياس التيار الثابت ويوصل فى الدائره على التوالى

768612-1386.gif

5- AC ammeter

مبنستخدمهوش لكن اعرف بس انه بيقيس التيار المتردد ومنصحش حد يستخدمه خالص

6 - لمعرفه open and short circuit ؟؟؟

أحياناً بعد اللحام بتكون فى اماكن متلحمتش كويس او مش ملحومه خالص طيب لو مش ملحومه تبقى open circuit يعنى دائره مفتوحه طيب ازاى نعرف الاماكن غير جيده التوصيل او الغير موصله أصلا

عن طريق الأفوميتر برضو هتلاقى عندك خانه على الأفو مرسوم عليها علامه موسيقيه او مرسوم عليها بوق خارج منه كام شرطه

انت وقف المؤشر عنده ووصل طرفى الأفو مع بعض هتسع صوت صفاره

ده بيدل انه تم عمل short circuit على طرفى الأفو

طيب عندنا خط توصيل نقطتين ملحومين عليه والمفروض أنهم متصلين مع بعض يبقى نحط عند كل نقطه منهم طرف من طرفى الأفو ولو همه ملحومين ومتوصلين كويس يبقى الأفوميتر هيطلع صوت ولو مش ملحومين كويس او مش ملحومين يبقى الأفو مش هيطلع صوت يبقى تعيد اللحام تانى

وده برضوا بنستخدمه بعد ما بنخلص اى دائره ونخلص لحامها لازم نختبر نقاط التوصيل واللحام بتعنا بالطريقه ديه

ولو انت عملت دائره ومشتغلتش ده بيكون او حاجه تختبرها تشوف الأول توصيلاتك مظبوطه وبعد كده تجرب التوصيلات بالأفوميتر

ده شرح لكل حته فى الأفو وانت أى بتوصل كل حاجه على الفلاشايه ديه

http://www.umd.umich.edu/casl/natsci.....;/DigiMeter.htm

خلاص انت فهمت كل حاجه فى الأفوميتر كده وبقيت أستاذ الحمد لله

نخش بقى نشتريه منين الأفوميتر ده ؟ وهل فيه أنوع منه ؟

بص يا سيدى انت تنزل فى باب اللوق تسال عن محل اسمه النخيلى هتلاقى ألف من يدلك عليه

قله عاوز digital avometer هتلاقى نوعين واحد صغير وواحد كبير زى ألى معايه

انا بصراحه معرفش الصغير أوى بس شوفه فيه كام تدريج وبيقيس أيه لو لاقيته يناسبك هاته

انما لو معاك فلوس والعمليه ماشيه هات الكبير وخلاص هوه ثمنه حوالى 40 جنيه

على فكره معلومه صغيره :

النخيلى بيزود فى الاسعار شويه عن الناس ألى حواليه فلو تعرف تسأل كده وتشوف ألى حواليه وتجيبوه أرخص تبقى تمام

وهتلاقى قدامه محل أسمه رام الشاب ألى جوه ده زى العسل و احسن حاجه انه بيفهم واسعاره كويسه ممكن تجيبوا من عنده برضوا

ازاى تختبر الأفو وانت واقف عنده ؟؟؟؟

اول حاجه خليه يجربه هولك فى الكهرباء الأول ومتشتريهوش منغير لما يجربه هولك

بس لو اشتريت الصغير ده مبيتجربش فى AC voltage

تانى حاجه خلى المؤشر على رمز علامه موسيقيه او هتلاقيها علامه بوق خارج منه صوت

ووصل السلكين بتوع الأفو على بعض

لو طلع صوت صفاره يبقى تمام خده وعلى البركه تمام لو كانت الصفاره مايعه كده روح أشترى بطاريه 9 فولت وغير البطاريه بتاعه الأفو

0

شارك هذا الرد


رابط المشاركة
شارك الرد من خلال المواقع ادناه
نخش بقى نشتريه منين الأفوميتر ده ؟ وهل فيه أنوع منه ؟

بص يا سيدى انت تنزل فى باب اللوق تسال عن محل اسمه النخيلى هتلاقى ألف من يدلك عليه

قله عاوز digital avometer هتلاقى نوعين واحد صغير وواحد كبير زى ألى معايه

انا بصراحه معرفش الصغير أوى بس شوفه فيه كام تدريج وبيقيس أيه لو لاقيته يناسبك هاته

انما لو معاك فلوس والعمليه ماشيه هات الكبير وخلاص هوه ثمنه حوالى 40 جنيه

لا لا لا لا لا لا

إلا النخيلى يا أستاذ

النخيلى ليس عنده هذه الأنواع الرخيصة أقل شئ عنده ب400 جنية يا حلو

و على فكرة أنا عندى الأفوميتر الذى فى الصورة و ده كويس جدا للتجارب الصغيرة

و موجود مثله حولين النخيلى فى محلات كثيرة

النخيلى أخر محل تدخله على الإطلاق

0

شارك هذا الرد


رابط المشاركة
شارك الرد من خلال المواقع ادناه

هوه الى فى الصوره ده انا جايبه من عنده وكان بأربعين جنيه

لكن كلامك صحيح ان المحل ده بيغلى جداً فى كل حاجه انا فى الاول كنت كل حاجه بأجيبها من عنده لكن دلوقتى مبجبش من عنده غير الحاجات الضروريه فقط الى مش موجوده غير عنده لان الناس ألى حواليه أرخص منه كتييييييييييير

0

شارك هذا الرد


رابط المشاركة
شارك الرد من خلال المواقع ادناه

الله ينور عليك يا باش مهندس عمر

0

شارك هذا الرد


رابط المشاركة
شارك الرد من خلال المواقع ادناه

مشكورررررررررررررررر كتير لكم

0

شارك هذا الرد


رابط المشاركة
شارك الرد من خلال المواقع ادناه

شكرا جزيلا على الموضوع

0

شارك هذا الرد


رابط المشاركة
شارك الرد من خلال المواقع ادناه

شكرا قوي جدا خالص ع الموضوع التمام

0

شارك هذا الرد


رابط المشاركة
شارك الرد من خلال المواقع ادناه

شكرا لك اخي العزيز ربنا يوفقك على مجهودك

0

شارك هذا الرد


رابط المشاركة
شارك الرد من خلال المواقع ادناه

من فضلك سجل دخول لتتمكن من التعليق

ستتمكن من اضافه تعليقات بعد التسجيل



سجل دخولك الان

  • يستعرض القسم حالياً   0 members

    لا يوجد أعضاء مسجلين يشاهدون هذه الصفحة .